Working Plan

老闆 A 上個星期五同我傾完之後，
叫我下星期二（即今日）交個 Working Plan 畀佢，
但係昨日又追我交。
其實一早打起左，
不過我公司電腦冇 e-mail account，
唯有返到屋企先 Send。
今朝八點一起身就 Send，
Send 完先整早餐食。

點知下午，
老闆 B 就問我幾時有功課交，
咪 Send Working Plan 出黎 Lor，
冇 Direct Send 畀你之嘛，
駛唔駛追得咁緊。

事後想返，
可能係佢下午見到我講私人電話，
我呢頭一收線，
個頭內線就響喇。

---

夜晚日文班，
仲有三堂就校內試，
仲有一個月就公開試。
話就話要溫書，
不過無從入手。

唔知係因為去完旅行返黎，
日文放底左三個月；
定係升左班，
個 Gap 大左好多，
好似落後左好多咁。

好似今日做 Listening 練習咁，
有一半聽唔到佢講乜。


不過要抽時間溫書，
又談可容易？
星期一、三上 First Aid，
星期二上日文，
星期五上普通話，
星期六、日要攪定向。

就算星期四好似冇乜野做，
但係要 OT……

話一就一

有樣野唔記得講，
發生係上星期六晚。
話說我將地圖交既賽事 Controller，
（簡單 d 講就當係我上司啦）

佢問我 d 野畀左佢，
有冇留底。
我話冇所謂，
必要時咪係公司 Print 過 lor。
跟住佢就話：
「乜你咁大年紀架喇？」

要返工姐，
有幾大年紀呀？
又唔係退休……

---

夜晚去上 First Aid，
一個星期上兩晚。
七點係奧運大樓上，
但係我今晚七點先係觀塘上到車，
去到已經七點四了……

同幾年前上紅十字會個 Course 一樣（今次係聖約翰攪既），
三個鐘既 Couse，
同半係講理論，
後半係教包紮。

包紮都講得幾快，
以往第一堂都係教兩個：
大手掛同三角手掛。
今堂就教埋包頭。

其實我考左牌，
不過夠期 Review。
上一個 Full Day Review Course 加考試就得，
不過今次個 Full Course 仲便宜過 Review Course。
上完一堂個感覺係：
上次 d 野仲未忘記晒。


上完堂，
坐車去到西隧口就落車，
然後步行返屋企。

我份人話一就一，
縱然明知佢地三個唔會真係係西隧口等我，
我講得出就做得到。

有冇地址？

相比於昨日，
今日比較悶，
而且好激氣。

原本夜晚打算出去買耳筒和睇戲，
叫埋媽媽。
咁佢話佢探完 Uncle 先，
跟住坐車落去睇戲。
問我幾點開場，
我答佢七點二十分。

但探到咁上下，
Uncle 有其他親戚到，
沒有咁快走得住。
唔睇咪唔睇 lor，
冇乜所謂。
咁媽媽話落去買飛先。
落到去剛剛七點二十分，
媽媽話睇下幾點開場先。
（咪一早話左開七點二十分 lor）

之後仲攪笑，
打電話畀 Auntie，
話套戲開七點二十分，
問佢趕唔趕到落黎。
（嘩！龍珠既瞬間轉移咩？
話到就到）

之後我話過朗豪坊睇睇會唔會八點有啦。
行到去，
收到媽媽電話。
話 Auntie 個親戚想同我地一齊食飯 Wor。

「邊度食？」

「XXX 大酒樓。」（留意係叫唔出個名架）

「係邊？」

「附近。」

「地址呢？」

「彌敦道。」

「彌敦道好長 wor，畀個地址黎。」

「都話附近 lor。」

「……」

食完飯，
結果都有睇戲。
睇黑俠梭羅。
唔知係咪要求高左呢，
我就覺得唔係幾好睇喇。

新機落地

相比昨日，
昨日係沉悶既一日，
今日係多采多姿既 Weekend。

---

七點幾就出發上寶馬山，
打算改返 d Tape 既 No，
不過去到先發覺：
一、冇帶剪刀；
二、冇帶新舊 No 對照表。

結果係咁易遊一個圈就落山。

---

中午約左舊同事食飯，
生還者（轉左同老闆另一公司）似乎有很多怨言，
做得好唔開心咁。
我係咪應該慶幸沉船沉得快？

---

之後遊旺角買 MP3 機。
原本睇左 iRiver 既 T10 同 T30，
我仲找到一間買 T30 比較便直。
可惜兩隻都冇 1GB 既存貨。
結果買左 Samsung YP-T6Z


十八個月分期，
每個月都只係八十三個二毫二。
而且滿足晒我三個要求：
1. 用筆芯電
2. 1 GB
3. 有 FM

返到屋企，
拿拿聲執好 d MP3 Files，
總共過左二百首落去。
有人問我聽唔聽得晒，
我一日聽唔晒，
但唔駛愁就新碟時洗邊隻碟。
以往要過歌，
就要煩唔要邊首歌黎空返 d 位，
「呢首好似係新既，
個首都好似剛剛抄落去冇耐。」

---

夜晚 PSP Group 有聚會，
有版友生日。
去旺角一間 Cafe 玩，
十點半玩到三點。

新挑戰

下午同老闆開會，
有三個 Tasks 安排我做。
好似很難的，
但愈難的野我愈有興趣去排戰。
當然，
幾時放棄係另一個話題。

老闆話現在既工作風氣唔係好好，
佢想改革。
我係一個開始，
佢仍然會 Keep 住請人。
Anyway，
佢好似好睇重我，
有 D 壓力 Tim。

這邊廂我工作好似好順利，
那邊廂艾文都找到新工。
恭喜恭喜。
雖然我唔係做左好多野，
但總算有份鋪橋搭路。

---

夜晚上普通話，
今堂教變調，
其實都唔係好難既，
不過要記 lor。
聽歌填歌詞就係王菲的紅豆，
一如以往，
都係對唔晒既。
係人地勁？
定係我弱呢？
我相信係後者。

---

細牛買左盒大富翁，
今日相約四虎玩。
可惜我要上堂，
未刻出席。

原本尋求上完堂出席既可能性，
不過一黎我聽朝要早起，
二黎艾文有下場會早走。
睇黎要下次先有得玩喇。

鎖匙

昨日被老闆罵我返得遲，
佢話十點係最後返工時間，
唔係十點係正常返工時間，
然後再正負半個鐘。
即係以後要早返少少返，
不過對我起身時間冇影響，
因為我都係七點起身。

---

原本今日去做 Gym，
不過大頭蝦唔記得帶鎖匙，
要返左屋企先。
咁返到屋企食完飯，
Alex 又冇打畀我 wor，
咁就直情偷懶唔去。

講返鎖匙，
其實都唔係完全唔記得既，
只係我拿唔到鎖匙咁解。
當我關了木門，
想拿鎖匙出黎鎖鐵閘既時候，
我先發覺我條鎖匙仲係廳。
不過，
木門已經鎖埋了。

我成日都話，
如果放條木門鎖匙係鞋櫃，
咁就唔會有咁既情況發生。
次次我都係關了木門，
準備鎖鐵閘時就會發現冇帶鎖匙，
如果有條木門鎖匙係鞋櫃，
咁我就可以開返木門入去會鎖匙，
係咪好提議呢？

---

終左新工第一份糧，
不過點解係支票黎既？
好麻煩喔。

不思議

有時 d 不思議事件，
只係 d 人未找到原因，
有時知道左原因，
就會覺得好攪笑。

例如我有個 Friend，
屋企部電視成日無端端開左，
有時又會睇睇下自己轉台。
你地估下咩原因？

原來係隔離屋用同一個牌子電視機，
兩個單位又好近，
窗口對窗口，
電視放係窗口隔離。
咁遙控器 d signal……

---

有件事好奇怪。
咁你 Login 一個 Ftp，
一個 Login 一個 Connection，
一 Logout 減返一個 Connection 好正常丫。
奇就奇在唔係咁樣。

我部電腦唔係長開，
有 d 有人要 Upload d files 上黎，
我會開住部機。
係公司 Remote 睇下 Connection 完未。
有一次，
開左部機三日，
都未 Upload 完。
Upload 咩 Upload 咁耐呀？
問佢啦，
佢又話第一日已經 Upload 完。
但係我電腦睇，
仍然係見到兩個 Connection 冇走。

以後我發現，
每一次佢 Login，
係會 Create 三個 Connections，
而 Logout，
只會減返一個 Connection。

但係，
如果佢 Login -> Logout -> 再 Login -> 又 Logout，
咁會有幾多個 Connections 呢？
係「兩個」。
條數點計？
我未想到。

入局 -- 上力

終於唔係只睇 Documents 了，
有 d 實物玩下。
不過呢度講緊既唔係真正一部相機，
而係一 d Circuit Board。
可以畀我打下 Command，
改下 White Balance，
幾好玩丫。

---

夜晚上日文，
雖然入課室之前好眼訓，
但係出奇地，
入到去又自我感覺良好。
唔通呢 d 就係因為興趣？

唔能夠完全聽明晒老師講乜，
但都唔會好似早幾堂咁一句都收唔到。
係咪叫有進步呢？
定係今日 d 內容其實係淺 d 呢？

22 號就考校內試，
12 月 4 號就論到能力試，
希望兩者都及格啦。
不過以現在既狀態，
仲有 d 難度。

---

落堂後同毛理去食雲吞麵，
傾開中學同學。
又講埋中學，
又講埋以前讀書 d 野。

學校個童軍山；
小學既運動會；
跑沙圈；
有圍板既足球場；
體育堂踢踢下波要停低等過馬路（打籃球既同學）等等。

---

昨晚做完 Gym，
今朝胸肌同三頭肌都有 d 酸，
唔錯唔錯，
有效用。

做返 Gym

夜晚同 Alex 去左做 Gym，
因為呢份工收工收得晚，
我費時要 Alex 等咁耐，
所以都有要出街食既覺悟。
不過言談間，
Alex 好似好唔想我去咁，
咁我唯有扮到屋企有晒飯咁。
咁又係既，
冇理由做電燈膽嘛。
八點幾先返到屋企，
煮得飯食完黎都九點，
但係我約左九點 wor。
Anyway，
最後遲左十五分鐘。
都好耐冇做 Gym，
要重拾個種感覺。
今日主要做 Chest 同 Triceps，
做左大約五個動作左右啦。
做既重量比以前輕左好多，
不過做 Gym 唔係求下數多，
亦都唔係求舉到好鬼重，
而係重質。
每一下都係用到你想 Train 個舊肌肉，
做對個動作，
下下做到應就 OK 喇。

沖完涼之後，
我坐係出便等 Alex。
碰到以前個教練 Dicky，
佢話我瘦左 wor。
我覺得佢講得不對，
我充其量係殘左，
肚朒都仲係大大舊，
早上個星期睇醫生時磅重，
我仲重左好多 tim。

之後去左飲野，
不過因為太倦，
心不在焉，
冇乜點講野……

青衣又教班

今日又要上山教班，
地點係熱門既青衣，
上午九點開始。
三個教練，
一人教四個學員。
個半鐘既 Map Walk，
今次試左新野，
其實上次都有用，
不過今次再改良下。
其實就係畀多 d 練習佢地，
例如去到空曠地，
叫佢地找下個山窩係邊。
頭個段其實齋行十分鐘就得，
我可以同佢地玩成九個字。
之後去到 Base，
同佢地玩完圖例接力卡，
就模擬跑。
我今次站崗係山頂，
感覺上呢班好過上次教個班，
起碼黎到我個度時，
大部份都識轉彎，
我要指正既唔多。

今日好順利，
十二點零鐘就可以收隊。
收到難既車馬費，
其實原本冇諗過有，
（一般童軍班都不設車馬費）
現在當係一個幫補啦。

今完飯就返屋企，
等睇波（場波打夜晚十二點 =_=;）

---

睇 Newsgroup，
見到個溝通方法，
攪到我心思思，
又想試下。
不過呢樣野我未試過，
雖則大約相似既都做過，
以我既漏氣情度，
唔知又要攪幾耐呢？

一球成名

今日又黎香港一日遊。
同媽食完午餐後，
就坐巴士入機場。
會合袁生之後，
就坐巴士去東涌碼頭，
再轉船過屯門。
去到屯門，
坐的士過大興村。
其實入屯門做乜呢？
咪就係袁生去睇鐵打 Lor，
找埋我陪佢去。

四點半入到去，
攪左半個鐘，
又拔罐、又火燒、
又用鐵打酒。

之後坐巴士出返旺角，
去左朗豪坊睇戲。
現在好抵睇呀，
$30 加一個麥提莎吉包就可以買到一張戲飛。
七仔現在 $11 兩包，
總支出就係 $71，
買到總值 $120 既兩張戲飛。

講返睇咩戲，
就係 Goal!。
唔知係咪興三部曲？
繼無間道、魔戒、星戰前傳後，
呢套都係三部曲。
第一集係講主角係紐卡素發跡，
第二集講佢轉投皇馬打歐聯，
第三集就係講世界杯喇。

呢套戲有唔少球星客串，
比賽場面有部份係真實比賽剪接落去，
有部份就係補拍。
世事唔會完美既，
係拍得好睇，
不過劇情都有犯駁位。

一路都講主角係右腳既，
最後一球罰球，
卻係用左腳射入既。
冇計啦，
要找射世界波罰球既片段，
紐卡素得左腳仔羅拔姐。

出外靠朋友

今朝一早就返培正，
唔知現在 d 人係咪唔鍾意覆電郵，
Send 左咁多次野畀佢，
一次都冇覆。
大佬，
得同唔得都出句聲丫。
結果今日上堂之前返去找佢，
總算夾左 d，
不過睇個勢，
今次都係燙手山芋多架喇。


夜晚上普通話，
今日都係教輕聲，
唔知係咪因為唔夠訓呢？
今日冇乜狀態。
拼音轉中文字拼到一句，
但聽歌詞就錯到七彩。
希望好快可以上返力。

---

今乎成日都有貴人相助，
打過咁多份工，
連埋暑期工，
除左一份機電工程署係自己找既之外，
其他都係人地介紹，
攀關係找返黎。

升中五第一份暑期工，
係一間專賣教科書既書店做，
店長係街坊黎。
會考後 PizzaHut 份暑期工，
係馬神做緊介紹既。
Year 1 份暑期工，
係阿力媽介紹既。
Year 2 份係自己找既。
Year 3 畢業後做三年個份，
係以前個 Tutor 入左去做之後找我既。
最新呢份，
都係大同介紹既。

係咪我既能力到於此呢？
但換個角度想，
冇料既，
又點會有人賞識，
肯介紹呢？

931

今日老闆 Assign 左第一個 Task 畀我，
而 931 係我黎緊個 Project 既代號。
叫做 931 係因為個 Product 既 Model Number 係 931，
而我既 Task 就係 Tune 個 5M CCD，
即係調較佢 ae 同 awb 既 Parameters。
AE 即係 Auto Exposure，
講緊既係部相機既暴光，
盡量用盡個 Dynamic Range，
影出黎既相唔會太光或者太暗，
太光或者太暗就會損失光部或者暗部既 Details。

AWB 即係 Auto White Balance，
其實就係講緊白色係唔同既光源下，
Sensor 會睇到唔同既顏色，
White Balabce 就係將佢變返白色。
人眼既構造其實好厲害，
由自動變焦，
自動爆光，
仲有自動白平衡。

即係話一件白色既物件，
例如係太陽光下，
會被「睇」到藍左，
係室內，
會被「睇」到紅左。
人眼識自動補正，
但係機器就唔識喇。
最慘就係唔同 model 既 sensor，
佢既 Characteristic 都唔同，
所以就要 Tune 喇。

我未想到點用機器 Tune，
可以做既就係用人眼 Tune。
即係以唔同 Setting 影好多幅相，
再比較邊幅好 d。
佢地以前既做法係，
用一個 Setting 影一張相，
睇過唔好，
就轉 Setting 再 Compile 過。
我現在想一次過用唔同 Setting 影幾張相，
咁應該會有效左。

咁做呢樣之前，
我想我會寫 d tools 幫手，
不過現在未有頭緒。

睇佢地 d code，
有時好攪笑。

例如佢地會：

for (i 由 1 至 3)
如果 i = 1 就咁咁咁
如果 i = 2 就咁咁咁
如果 i = 3 就咁咁咁

笑死

熱愛超頻

個 icq nickname 又過左期，
都係時候換過第二個名。

我記得我第一個 ICQ 用既 Nickname，
係在 AD&D 本 Monster Manual 找既，
叫 Sylph，
即係風之精靈西爾芙。
後來改左做文仙尼亞，
即係 Manslayer，
又係 AD&D 既 Monster 名。
再之後就用炒炒，
之後係唔大改既情況之下，
係前面加個四字詞語，
即係「XXXX的炒炒」。
剛剛用緊那個，
係「又要倒數的炒炒」，
咁倒數完，
自然要改啦。

我改既方針，
係含蓄得黎又表達到意思，
應該明既人會明，
唔應該明既人最好唔好明。

最近講開「超頻」，
本來想用「最愛超頻的炒炒」，
不過好似誇張左，
所以最後都係用「熱愛超頻的炒炒」。
呢個 ICQ Nickname 都會用一排。

係一個 Computer Dictiony 既網頁咁樣解釋超頻（Overclock）：
To run a microprocessor faster than the speed for which it has been tested and approved. Overclocking is a popular technique for eking out a little more performance from a system. Overclocking does come with some risks, however, such as over-heating, so you should become familiar with all the pros and cons before you attempt it.
Overclocking is sometimes called speed margining.

換而言之，
係增加左 Performance，
但損失左 Stability。
或者可以咁講：
水能載舟，亦能覆舟。

Master of ........

今日繼續睇 Documents 同 Codes，
中午時份，
我見隔離房同事冇過黎叫我食飯，
就打畀 Edmond，
點知佢已經訂左飯。
咁我就自己去搵飯食，
結果畀我找到燒臘鋪十二蚊單拼十四蚊雙拼。
雖然行就行遠 d，
不過省成半飯錢 Wor。

六點幾，
老闆捉左我開會，
解釋下一部相機 Hardware 睇有邊幾 Part，
Software 又有 d 乜，
行緊既 OS 係乜，
Chips 係乜，
有咩 API 咁。

畀左幾個範疇叫我睇通佢，
包括 Memory/IO map、
File System、
Built-in Test Routine、
I43 API 和 Driver。

佢話呢幾 Parts 都係現在公司 d Engineers 弱的地方，
睇黎我都幾有發展既機會。

七點八離開公司，
趕返佐敦上堂。

---

上個星期走堂，
再上個星期放紅日
三個星期沒有掂日文，
結果就係更加唔知佢做乜。
唔知係咪老師佢攪亂左，
以為我走左兩堂，
問我做咩事唔返。
本來我想答「約束」，
最後都係話有「仕事」算數。

落堂之後，
佢驚我跟唔上，
問我係咪「大丈夫」，
有問題既話就問。
不過我差係失放得少時間姐，
其實冇付出，
收獲又點會豐富丫？

我立志要放返多 d 時間落去日文同普通話到。

新開始

終於返新工了，
新工有樣好，
就係彈性上班時間，
十點前返到就得。
不過同樣相對的，
放工亦都係自由放工，
自由者，
你做得晒野就可隨時放工。
不過，
做 R&D 又點會有做晒野既一日？

應該十點返到去，
不過遲左出門口，
一出到上海街見到小巴就上。
去到觀塘小巴總站都已經十點，
行到過去就遲十五分鐘。

返到去，
老闆（亦即係我直屬上司）已經返左。
我睇完份約，
簽完名之後，
就開始要睇 Documents 喇。

係我睇 Documents 既同時，
老闆係會議室見客，
而呢個客就係我大同 d 人。

講返新公司先。
兩間 Rooms，
我工作個間有老闆同一個負責畫 PCB 既人，
其他 Engineers 同老闆 B 就係另一間 Room。
同十二點半，
有個 Engineer 過黎叫埋我一齊去食飯。
不過我返黎之後，
先知道原來老闆本來想找埋我同大同 Fai 去食飯……

今日有同事請飲既關係，
大部份人六點幾就走晒。
我七點半都撒退，
係商場逛左一陣。
八點左右會合剛放工既 Edmond，
一齊去食飯。

食完飯，
我就冇事返屋企，
Edmond 就又呵又嘔。
係因為我健壯，佢身子弱丫，
定係佢之前之後亂食其他野，
我就唔知喇。

青衣教班

今朝返崇拜，
返完崇拜就趕落青衣喇。
原本個 Plan 好完美：
先坐 42A 去長亨村，
係大快活食過午飯，
之後再行上長宏村。

不過世事又點會咁完美？
係巴士站等左半個鐘都冇車，
之後就算即刻有車黎都冇時間食野。
唯有即刻轉坐地鐵去青衣城，
係 KFC 買過餐，
再坐巴士直上長宏村，
係十數分鐘車程內食晒個餐。
兩點準時到達。

佢地有打畀我問我到未，
不過我個時左手拿住個包，
右手拿住杯汽水，
仲邊有手聽電話？

今日青衣都幾多人，
有我們童軍個班差唔多三十人，
又有總會個國泰班三十人。

一路帶 Map Walk，
我叫佢地找某個特徵，
去到見到第二組已經介左係到，
咁仲點找？
實見到啦。

之後模擬賽，
我負責站崗。
叫住 d 學員睇清楚地圖先好行，
但係都冇人理我……><
個個都係咁衝落山，
明明係上山架麻。

返到屋企成六點幾，
原本約左 OMUser 班人慶祝其中一個友生日，
去打邊鑪。
不過一黎好累，
二黎媽媽煎左牛扒，
三黎有紐卡素直播，
所以結果都冇去。

日本祭

就黎要返工既星期六同平時有咩唔同呢？
其實係冇既。

今年係香港和日本既文化交流年，
今個 Weekend 維園有個日本祭，
我當然想去趁熱鬧啦。
OMUser 個邊又有人話去，
結果我就帶埋我部就黎封塵既 E-300 出去曬曬陽光。

臨到天后，
發覺自己相機帶左，
鏡頭帶左，
清潔用品帶左，
但係就唔記得帶 Memory Card。
好彩有人有多一張可以借畀我，
如果唔係就慘了。

中午去天后一間茶餐廳到死，
原來兩點至三點係騙財時段。
去到睇餐牌，
問佢有冇套餐，
「冇 wor，下午茶三點先有。」
問佢有冇午餐，
「午餐兩點收左。」
死未？

食完個 Lunch，
坐到三點半都入維園。
場地幾大，
通道闊落。
不過我唔係咁有興趣，
唔係賣食野就係派旅遊資料。
我知日本個 d 都係咁，
不過人地個灘位個個都好有特色好美麗，
佢個 d 就係帆布。

表演個台又起得低，
莫講話影相難影，
下半個畫面都係人頭；
小朋友要睇都難啦。

六點幾我就撒退了。

夜晚去買左個背囊，
因為買兩個有八折，
媽媽選了個證件袋。
叫佢選色個時又唔肯選，
真係麻煩。

這是香港人

下午返左培正教班，
其實都唔係教既，
只係返去講返今次 PCOI d 題目點做。
之前冇乜準備功夫做過，
只係翻睇佢地交個 d code，
唔睇尤自可，
一睇就覺得……
都係無謂提，
佢地想拿返我畢業之後就失去既學校冠軍，
我睇條路就好長喇。

早幾年人腳較佳，
加上我有系統既訓練，
最盡都係第三。
以呢年既人腳，
我又冇乜幫忙，
是王是寇，
就要睇佢地自我推動力有幾大了。

夜晚返普通話，
開始似返 d 香港人既班了。
第一就係多人走堂，
第一堂差 d 冇位坐，
今堂平均每人可以佔兩個座位；
就算有返學，
都係遲到既人佔大多數。
夠晒鐘上堂，
準時到既學生只有個位數。
最後就係電話響，
唔知係咪淨係香港人係咁呢，
睇戲、上堂、醫院等永遠唔會熄電話，
你唔熄電話，
都起碼轉做震機丫。
冇 d 公德心，
都唔知佢知唔知會阻到人。
響都不特止，
仲要傾埋電話。
掩耳盜鈴盤同對方講：
「我上緊堂，遲點覆你。」
聲浪大約係電話聽得唔清楚，
現場聽得好清楚個隻。
結果重複講幾次……


落堂前繼續聽歌詞，
一如以往，
都係錯一個 ><

Election

八日睇第三部戲。
香港多數係星期四上新戲，
我記得以前睇過點解星期四，
不過已經唔係好記得點解。

今日睇戲，
我預計兩點場應該好少人，
因為在學既未放學，
返工既未放工。
而且又係三級片，
十八歲以下既唔入得。
不過今次出奇地多人，
坐滿半間戲院左右啦。

開場前有段小插曲，
我係戲院門口見到一個舊同學，
我放左佢好耐，
佢都知我望佢，
不過佢冇同我打招呼，
我又唔係咁肯定，
因為佢係隔離班既，
雖然預科一齊上電腦，
不過同佢唔係太熟。

講返套戲，
杜琪峰既「黑社會」，
英文名係 Election。
故事講既係黑社會選話事人，
身為香港人，
我覺得故事中既社團好有香港既影子，
套電影好似講緊香港選特首咁，
好有共鳴。

呢套戲好多演員，
難得既係可以描繪出大部份角色既性格。
有忠於規條既、
有忠於領袖既、
有火爆衝動既、
有冷靜陰險既等等。

完場時，
我照舊安坐位中睇埋字出 Credit，
咁樣做既原來唔止我一個，
都有成五、六人。

下一套想睇既，
應該輪到係紐卡素取景既「Goal!」了。

扮豬食老虎？

艾文逢星期三休息，
中午同艾文去左黃金，
去睇 NDS d 翻版料。
行左一個圈既結果係：
佢部機係玩唔到翻版既。
之後同去佢鴨寮街找豆腐花食，
佢鋪頭名又唔記得，
街名又唔記得，
自自然然找唔到啦。

鏡頭一轉，
我地已經落左旺角。
去買 NDS Games，
結果兩個人買左兩個 Games，
玩完交換玩。
艾文既係 Jump Super Star，
一個 Design Fir 漫畫 Fans 既 Game。
我玩先既係「公主救孖寶」，
好似以前 Mario 既 Game。

自紅白機以來，
大部份既孖寶 Game，
都係公主被捉，
Mario 同 Lucio 去救佢。
今次就黎個反客為主，
被捉既係 Mario 兄弟，
去救佢地既係公主。

唔好睇公主好似好文弱咁，
佢仲好打過 Mario 兄弟。
Mario 兄弟最多都係踩敵人，
食花時可以放波，
食星時無敵狀態。

公主就不假外求，
唔需要食菇、食花、食星，
一把傘已經可以擘、浮係水上、
出埋氣功斬同「食」怪物。
仲有喜怒哀樂四種狀態，
可以飛、可以全身著火、
可以淋花、同埋補 HP。

玩呢個 Game 就會想，
點解公主咁打得都仲需要人救？
扮豬食老虎？

之後去睇世紀大騙兔，
一套冇真人，
全部係呢膠既卡通，
唔錯。
不過我鍾意放映之前個套短片多 d，
荒失失奇兵既「外傳」？

呼吸

老友感情有困擾，
出召集令。
結果四虎，
一個因為未放工黎唔到，
一個走中文堂，
一個走日文堂，
一個走德文堂，
齊集 Full Cup （艾文浦點）吹水。

佢話感情有 d 淡，
一個星期見零至一次（多過我啦），
唔需要日日電話（多過我啦），
同 Friend 出街唔駛拿行街紙（好正常姐）。
係美國 LD 完返黎唔夠半個月，
好似同未 LD 之前有 D 分別，
好正常姐。
始終需要時間習慣吓。
不過問完佢個問題先激死我，
「你有冇同佢傾過？」
「未」
咁擔心 D 乜鬼野姐？

吹完水，
無無聊聊拿起副象棋黎捉。
我雖然係做過棋藝會會長，
但係一棋藝會唔係象棋藝會，
二我一路都唔識捉象棋。
被細牛夾艾文殺過我滿地屍骸。

之後轉玩台灣盲棋，
玩細牛既規則，
自然又係我輸了。

再轉玩新遊戲，
一種好考智慧既 Game，
好難玩，
不過好好玩。

之後由油麻地行到返佐敦，
艾文仲跟埋我返屋企，
劫去左我三十三本 One Piece 漫畫。
其實我一早話借畀佢既，
不過估唔到佢一次過拿晒三十本姐。

Good Take

今日又有工見，
失業之後見既第二份工。
份工係 FaiFai 介紹既，
一間造數碼相機既公司。
地址係觀塘，
我準時三點去到，
係會議室坐左十五分鐘見我個人先到。
同以前見工唔同，
唔係我自我介紹先，
而係佢先介紹佢公司。
跟住都有問我 d Technical 既野，
例如部相機既構造呀咁。
佢講到明，
現家聘用既可能唔係識好多，
但係佢希望遲 D 會變 Expert，
唔係樣樣精，
但起碼要精一樣。
佢唔想請 d 騙飯食既，
份工好辛苦，
現在做緊個班有 d 都頂唔順。
最緊要捱得，
同埋有持久力。

呢份工福利冇前個份咁好，
工作時數亦都較以前長。
佢地行彈性上班時間，
但係要十點前返到。
收工時間唔記得問，
但就話預左要 OT。
星期六駛唔駛返，
同埋係咪長短週都唔知。

唯一知既就係，
下星期一要返工……

見工見左成個幾鐘，
原本佢都係話未決定。
話要同 Partner 商量下先。
同我講叫我如果下次黎帶埋 Cert 黎畀佢影印。
咁我同佢講話我現在有，
咁佢就拿去影印。
影完返黎就話介紹埋佢 Partner 我識，
之後就約幾時返工喇。

---

勁攪笑，
六月遠遊時，
係美國買左對波鞋畀媽鎷。
點知返到黎發覺唔合穿。
好彩美國物好有保障，
唔知幾多日之內可以拿返去換。
咁我就 Through HK Post 寄返去，
但係成個星期都未收到，
咁就 Send E-mail 去問啦，
但一直都冇消息。


上個星期一，
我收到封 HK Post 既信，
話仲未有 Conclusive answer yet。
佢叫我 Check 清楚地址有冇錯，
佢地再聯絡美國有關方面。

不過個郵包係我 Send enquiry 之後個日已經收到，
對鞋亦都換埋寄到返黎，
HK Post d 工作效率真係高喇。

十月練習賽

打完篇日記，
未 Save 就 Hang 機，
激死。

---

終於都到了練習賽的日子，
原本約七點十五分，
不過我七點十分先到茶餐廳。

本來得我一個人食，
不過有一個 Helper（Fanny）找唔到路上去，
因為仲早既關係，
客 Lift 鎖晒，
就黎埋茶餐廳找我。
狼吞虎嚥食完個早餐之後，
就返總會喇。
我地要坐貨 Lift 上去。
將 d 物資運落停車場，
坐貨 Van 過寶馬山。

有個簡單既簡報之後，
就開始做野喇。
今日既難道深左少少，
完成率比較低。
有唔少人放棄，
有 d 仲迷路去左大潭郊野公園，
我要找人去接佢地返黎。

個比賽唔算好成功，
仲有唔少蝦碌 Tim，
不過總算冇咩意外，
安安全全完作所有野。

---

今朝 Fanny 話佢公司請人，
問我有冇興趣。
佢公司係上司公司，
做幼兒教育既野，
要請識電腦既人人做 cs，
解答客戶使用上既疑難。
不過人工得八千，
要考慮下。

萬事俱備

中午被媽媽叫左出去飲茶。
其實一早起左身，
行出廳都幾次，
不過媽媽見我唔到。
仲以為我未起身，
所以出門口個時冇叫我，
咁都得……

不過同親佢去食野都

飲完茶又返左總會，
飲埋餘下既圖。
我亦順手攪埋明天試跑既圖。
攪到六點幾，
阿健話要影引 Master Map，
同佢一齊落去，
打算影完印我返屋企睇波。
落到去，
點知間野 Close左。

好彩旺角應該冇咁早 Close，
阿健話返會執埋 d 手尾先去影印。
明日比賽 d 野都攪到八八九九。
入好晒一箱箱，
等待比賽既來臨。

---

昨晚返完普通話，
又 E-mail 左份求職信出去。
呢份係 Faifai 上個星期食飯介紹既。
估唔到個邊咁夜都覆 E-mail，
仲約好左星期一 15:00 見工。
又係 15:00，
點解兩份都係約 15:00 呢？
15:00 有咩特別呢？
真係唔明。

希望呢份見得成啦，
因為間公司做既野我都好有興趣架。

造 MP3 機既工程師 -- 失敗

今日下午又有 Interview，
係星期三朝約既。
地點係清水灣，
舊電視城 Shaw House。
簡單 d 講，
即係科大隔離。

間公司同科大都有 d 關係，
係幾個 Prof. 開既。
設計 MP3 機既，
現家請 Firmware Engineer。
由佐敦入去，
最快亦係最貴既方法係地鐵入彩虹，
再轉小巴。

不過去到彩虹，
小巴站咁多人既？
仲要冇小巴係度，
遠遠望到架巴走埋，
灰……

結果都係坐 91 號入去。
約三點，
但我兩點半已經入到去。
上到去見工，
坐左一陣，
入會議室。

十五分鐘後……

走得，
睇黎都係唔成事多架喇。

坐小巴出觀塘，
再轉小巴返屋企。
全個見工用左廿六蚊，
三個幾四個鐘，
但 Interview 既時間只有十五分鐘……

夜晚上普通話，
臨下課又有聽歌詞遊戲玩。
今次係梁靜茹既勇氣：

＊終於作了這個決定　別人怎麼說我不理
只要你也一樣的肯定
我願意天涯海角都隨你去
我知道一切不容易
我的心一直溫習說服自己
最怕你忽然說要放棄

＃愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡
你的真心

重唱　＊,＃

如果我的堅強任性　會不小心傷害了你
你能不能溫柔提醒　我雖然心太急
更害怕錯過你

重唱　＃


都係錯一個…… ><

好多野做

失了業接近兩個星期，
同時亦都懶了打日記。
以前最多落後一兩日，
現在就落後一兩個星期。
昨日先被人「埋怨」做乜 Update 得咁慢。
哈哈，
其實唔應該用「埋怨」，
不過我中文底子差，
想唔到用咩動詞，
是旦啦。


中午返左培正一趟。
返去主要有三個目的，
第一係找 Poon Sir ，
下可唔可以傾下 d courses；
第二係找朱東，
睇下佢係 Fourm 所講既重排戰力係咩意思；
最後係找 MK，
問佢拿星期日會黎 Service 既童軍名單。
結果第一項，
返到去找唔到 Poon Sir；
第二項，
同朱東溝通完畢；
第三項，
CMB 畀左六個人名我，
不過 MK 話有十二張回條。

去中旅社那邊，
取回訂左既獎牌。
之後下午返左總會。
星期日比賽 d 圖預備好，
不過要等阿健 Double Check 一次，
之後我就幫佢入膠袋。

d 圖我望過一次，
其實唔係好得，
好多地方都偏移了。
我原本找了人手圈圖，
不過有人話用機整好 d wor，
結果………

電車男

今日原本冇野做，
不過艾文出開黎尖咀，
賣二手漫畫。
約我下午去睇戲，
一套日本片，
叫電車男。

電車係日文係解火車，
故事係根據一個御宅族既青年，
係 BBS post 既上的一大堆文章和他網友們的回答而成。

可能我有學日文，
睇呢套戲我好入神，
嘗試去聽佢 d 日文對白，
雖然唔係 100% 聽得明，
但都有 d 明架。
尤其是當中既敬語，
呢 d 係中文翻譯表達唔到既。

不過呢，
艾文好似唔係咁欣賞呢套戲。
艾力斯係佢日記都係話唔好睇，
唔知係咪經歷唔同呢，
我覺得好好睇。

---

睇戲之前，
同艾文去左美都 Tea。
「美都」即係劇集「廟街孖兄弟」中既「麗都」，
都好耐歷史喇。

艾文同我講左佢既創業大計，
係 Yahoo 攪拍賣，
賣 d 人地冇既野，
意念雖好，
不過………

隨左傾生意經，
亦都玩「應援」 Link Play，
結果當然我大勝啦，
出返昨日啖氣，
哼！

慘敗

今日係重陽節，
原本以為唔駛拜山，
約左四虎下午，
昨晚可以玩夜 d，
訓飽個上午。
點知昨晚媽媽話要拜山 wor，
遷就媽媽返通宵間放工時間，
約八點幾荃灣等。

結果就又幾乎冇訓。
原本都可以拜完山返黎訓返幾粒鐘既，
不過返生左 d 事，
結果訓唔晒。

話說媽媽上樓梯，
突然跌到，
撞到眼蓋。
好彩冇咩出血。

但係唔放心，
點都同佢睇醫生先。
睇完食埋早餐，
返到屋企成十二點。
艾文又打黎話食午餐，
結果訓都冇訓又出返去。


中午買左張 Memory Stick，
一盒熱血躲避球 / 熱血籃球既 GBA 帶。
之後上左阿力到。
艾文今日發左神經，
由頭贏到尾，
仲贏到開巷。

頭四圈贏，
我做左六十幾下。
食完飯再戰四圈，
又係佢贏。
又輸左六十幾下。
鋪鋪都正花趕糊，
邊有得打……

奮戰勝利十一人

夜晚約左 OMUser 班人去 Cafe 打機，
今次地點係好景一間叫「水瓶座」既 Cafe。
約九點半，
我九點就到左，
係好景行左一陣。
九點半上到去，
原來有人己經黎左，
仲要係七點黎到食埋晚飯 Tim，
早知就早 d 上去啦。

唔過 Cafe 個邊都要十點先畀到房我地。
有人帶左 PS2，
可以駁投影機。
不過唔夠拖板，
好彩我有帶。
冇分插同唔夠手制，
即刻落樓下買。

佢地打 Winning，
仲話打 1 on 1 杯賽。
我又參加，
用 AC 米蘭。

打第三場。
十二點左右，
有人話要買 Memory Card，
咁我就陪佢一齊去買，
幾乎行晒成個旺角，
原來有 d 鋪頭係未 Close 既，
不過個價好貴。
最攪笑係佢話見過便利店有，
結果我地係行埋便利店找。

返到去，
剛剛到我打。
對巴塞，
我大勝 4:0，
四虎既特訓唔係白費既。
之後四強對皇馬，
打成零比零，
射十二碼贏。
最後決賽對車仔，
又係零比零，
不過今次射十二碼輸……

打完呢場，
都成兩點幾，
Cafe 都夠鐘打烊了。
我地成晚都好嘈，
唔知會唔會嘈到其他顧客呢？

幫比賽

昨晚本來想玩夜 d 既，
不過呢今朝應9左阿立幫手攪荃灣區定向練習賽，
所以昨晚要早走。
早極都係講緊十二點幾，
行到返屋企成一點。
執埋背囊，
上得床訓覺都三點幾四點。
今朝七點半入到西頁，
六點幾就起身。
之後飛小巴入西貢。
我係西貢買左個麥記，
會合佢地。

點知佢地食緊早餐，
仲係開公數 Tim……

入到西貢，
我同阿健首先放 Points，
之後做賽道，
比賽完左之後，
阿立叫我地唔好收 Points人住。
話有可能做死因研究，
點知冇一個小朋友想上返去。

之後我、阿高同阿健就拿拿聲用極速收晒 d Points，
之後返西貢市享受一頓豐富發財宴。

---

夜晚約左 Alex 睇戲，
套戲叫 Transporter 2。
話明第二集，
即係有第一集啦。
但係第一集講咩，
我完全冇印像，
事後上網查返，
知道係 2002 年上，
仲有舒琪做既 Tim。
唔好講第一集喇，
不如講返第二集，
其實都冇乜好講，
因為唔覺得好睇。
隨左有 d 動作場面，
有飛車，
有武打（中國人做武指）外，
故事內容……都係放棄知吧啦……

大難不死

今朝又要上山喇，
同時為兩個比賽睇 Site。
上午九點幾，
我先上總會交 First Aid Course 既 Form。
（佢地未開工，我入落信箱）
之後我就落返天后，
會合阿健上寶馬山。

今次個入山地點同上次唔同，
上次係東面入山，
今次係西面人山。
先去比賽 2 個起點睇吓，
敝！浸晒，
即係做唔到起點啦。
唯有將個起點改。
不過一改就麻煩喇，
d Course 有 d 都要大改。

結果只係行左半張圖，
就已經三點幾要落山喇。
仲有幾個 Points，
留返下星期日先睇。

---

夜晚約左 i.2000 食飯，
今次出席既有 Roger、Dada、Alex、
Manman、C、Lapson、蕃薯、煇、Calvin。
係尖沙咀美麗華食泰國菜。

走既時候，
被 Dada 發現左 Alex 個女朋友都係同一地點食。
其實冇人認得 Maggie，
（我認得既，不過我行前面，又冇周圍望）
有人以為掩飾得好好，
點知就被 Dada 發現左那個不自然既眼神。

之後就去左尖東 Pub，
賴米加入。
除左大話骰，Big 2 之外，
仲話左 d 好益智既遊戲，
例如「日落西山」同「預備起機」，
玩到十二點我就走喇。
佢地繼續。

---

今日經歷過兩次死亡威脅，
第一次係山，
滑腳跌倒，
一條樹枝插向頸，
好彩枝樹枝斷左。
如果粗 d 既話……

第二次係行去尖東個時，
差 d 被車撞到。
好彩我彈後避開左，
但講緊個距離係幾厘米……

亂入

比賽個度，
要寄 d 信比賽員，
信封入面包括賽員須知、
號碼布和 Control Card。
昨日已經入左大半，
今日返去繼續入。

有幾樣野要首先處理，
昨日入入吓發覺多左一張號碼布，
又有一封係欠一張號碼布，
咁好大機會係入錯左啦！
拆開幾封信之後，
終於攪掂。

之後阿健同阿高入埋最後個組，
我就攪第二個比賽 d 野。
入入吓，
又出問題喇。
原來佢地號碼布還號碼布 Sort，
信封有信封貼地址，
Control Card 又有 Control Card一叠。
但係三樣野 d order 係唔同既，
入個陣又冇核對 Wor，
咁咪錯晒 Lor。

---

今日有工見，
Agent 介紹既，
四點半係尖沙咀。
個 Title 係 Sales Consultant，
地點係保誠大樓。
說穿了咪又係賣保險。

艾文知道之後第一句就係話我唔適合做，
想想下，
又好似幾有道理 wor。

Anyeay，
我都換晒衫，
四點已經去到尖沙咀。
但結果都係有見到。
我都仲係想做 Programmer 多過做保險，
我仲未想轉行住。

感恩

有 d 野，
有人睇會覺得只係巧合，
但係一個基督徒既眼中，
就會覺得要感恩。

話說部電視昨日睇睇下突然熄左，
咁就打去叫人黎整啦，
約左今日下午二至四。
但原本今日 Plan 左係上山睇 Site 既，
不過因為阿健一黎未攪掂 d Courses，
二黎佢又要見工，
結果臨時取消左。

中午同媽媽同兩個 Aunties 去旺角小肥羊飲茶。
飲完之後，
我去左買 NDS Game，
隻 Game 叫 「應援團」，
係玩打拍子既，
我估船長會鍾意玩。
原本仲想買多隻，
結果都係玩完一隻先買第二隻。

之後一路行返屋企，
途經上海街。
又心思思想買埋個手力磨石機，
結果又係冇買。

返到屋企冇耐，
修理師父就黎喇。
幫佢手幫部電腦上飯枱，
之後就等佢整呀整。
最後換左一個零件，
睇編號我估係一粒電容。
零件費 $15，
檢查費 $200，
修理費 $200，
總數 $415。
銀包剛剛夠，
如果唔係唔駛上山，
我唔會 ATM 提款；
如果買多左野，
我又唔夠錢畀。

凡事感恩。

NDS 入手

繼 PSP 之後，
又一部手提遊戲機入手。
今次係 Nintendo 既 NDS，
全寫好似係 Nintendo Dual Screen。
顧名思義，
佢有兩個 Screen。
上 Screen 係普通 Screen，
下 Screen 係 Touch Screen，
再加埋平時 d buttons，
仲有 Mic 咁，
變化就會好大。


講返部機點黎先，
其實己經有一部機，
本來都唔想買第二部。
不過之前 No.1 Club 個邊寄張 Form 叫我申請信用卡，
仲可以八折兼分期買 NDS，
好似幾抵咁，
咪買埋 Lor。


收到封換領信都成半個月，
都未去拿機。
原因係之前有個 Friend 又係去拿機，
不過冇晒貨，
話有再通知佢。

前排艾文買左部 NDS，
問我幾時買，
咁今日就心血來潮打去問下，
有 wor，
咁咪即刻去換 lor。

六點幾去到換領中心，
幾多人呀。
好彩個 Friend 上次黎過換唔到，
職員叫佢下次黎可以唔駛排隊，
所以我可以拉車邊合理打尖。
換完過旺電貼保護貼，
間野好好生意，
攪左我成個幾鐘。
返到九龍公園成八點半，
淨係玩到個超短途定向。

講返係旺電，
等緊貼保護貼時，
有兩個人入黎買電腦。
吹開水，
佢話想買部 PSP，
問佢想玩咩 Game 啦，
佢話冇。
咁買黎做乜呢？
佢話：
「你唔覺得好型既咩？」

………

搶手貨？

我咁大個仔都咪試過成為搶手貨架，
Jobsdb 個度勁多公司 Request 我 resume。
不過睇真 d，
全部都係保險公司……
有冇機會真係成為搶手貨呢？

---

計計埋埋，
申請左既信用卡都有成三張。
今日又偷到一封邀請信，
係 Asia Miles 寄黎，
又係叫我申請信用卡，
仲要係金卡 Tim。

不過咁，
莫講話我有份工既時候，
年薪都未必附合金卡既要求。
更何況我現家冇工做？

想我申請？
咪玩啦！

---

夜晚上堂。
冇乜點溫書，
只係臨上堂之前溫左陣，
默既時候都係唔識既多。
加上有少少唔舒服，
所以都係冇乜狀態。

兩個星期冇返既 Moly 今日上返堂，
點解兩個星期缺課呢？
原來就係去左考試。
Moly 呢行，
又係要考 N 咁多個試先拿到牌，
真係辛苦晒 Lor。

損手爛腳

因為 16 號有個比要攪
地點係港島個邊既寶馬山。
所以今日一早要上山落 TAPE，
即係做定一 D 既記號。
之前應承左阿邦幫佢上總會拿 Cert，
所以早少少上左奧運大樓（即係以前體育大樓）。
我九點半上到去，
有職員係到，
後來先發覺……原來辦工時間係十點開始！
真係唔好意思。


之後上山，
係天后坐小巴上去。
我以為 d 路好簡單，
所以短褲冇袖上陣。
點知見阿健換晒 Full Gear，
咁我都知敝家伙架喇。
果然，
唔密既林都唔入，
結果週身掛彩。
三點幾落山既時候，
已經左手一條 15 cm 既血痕，
右小腿又有一條 15 cm 左右既血痕。

---

之後係銅鑼灣仙跡岩食 Lunch，
再出旺角做比賽獎獎牌。
勁攪笑，
我都佢講個牌既比賽日期寫 10 月 16 日。
之後我問佢幾時有得拿，
佢話係 10 月17 日！

---

之後返培正拿 PCOI 既碟返屋企改，
見到 Poon Sir，
自然問我拿 Courses。

見到修修，
佢同個男學生傾緊計。
個學生一見到我，
就叫我幫手勸阿 Sir，
唔好迫佢。
迫 d 咩，
就係修修叫個學生參加啦啦隊。
我就答，
應該參加啦，
唔知會唔會激死個學生呢？

衝擊第三

今日係一年一度白理義錦標賽的日子，
因為只有會際獎項，
所以亦係各屬會既牙較戰。
比賽以兩個人為一隊，
玩奪分式定向，
每個會計最高分個五隊。
今年我地既目標係第三，
雖然仲未算 Full Team，
但總算精銳盡出。


結果雖然有幾隊失手，
但都得了個第三。
我既拍擋係久休復出既曾 Sir，
兩個穩陣派組成既一隊，
自自然然唔會搏分，
唔會超時。
個別名次方面，
我個隊排第十六，
同屬會中的第二高分。
算係不過不失啦。

---

去完中興買完野之後，
約左 Alex 去睇戲。
其實呢排都冇咩戲好睇，
結果去睇左套最唔想睇既戲，
咪就係個套神話 LOR。
其實套戲就冇乜野既，
不過係個主角衰 d，
尤其是佢 d 言論。
上個星期講話咩香港人唔團結，
唔去睇佢套戲，
我登時火都黎埋。

不過 Alex 話睇呢套。
（其實係其他戲佢可以搵第二個去睇）
Well，都可以去睇下既。

睇完之後既結論係，
又係一貫公式，
唔知打黎做乜，
係都要拳來腳往，
無聊！

短毛

十月一日，
新的一個月，
新的開始。

下午過了 SOC，
會合 Dicky 同阿棟入十月練習賽的資料。
賽員 d 名真係奇奇怪怪，
我唔係取笑佢地個名，
只係佢地寫落張 Form 寫到奇奇怪怪。
結果入到五點左右就入晒 d 資料喇。

之後返到屋企，
見到媽媽正想出街。
原來佢想去探 Uncle，
叫埋我去，
我梗係一齊去啦。
一行三人（仲有 Auntie）一齊上 QE。
探完 Uncle，
就落返佐敦意粉屋食 Dinna。

食完之後，
就過左隔離剪頭髮。
由長毛炒變成短毛炒，
幫我洗頭同剪後衝走頭髮那兩個人既服務態度相差好遠。

第一個好有禮貌，
會問水溫適合與否，
力度適合與否等

第二個就一於好少理，
拿拿臨攪掂收工。

再之後落左廟街，
買左個袋仔畀個電話。

本來今晚 Omuser 又約出去打 PSP，
不過因為我聽朝要跑比賽，
所以都冇去到。
十點左右返到屋企，
執完行裝就訓了。

Last Day

經過左三年零四個月，
終於要走了。
今日中午同幾個較傾得埋既同事
去左飲茶。
係放 Lunch 之前，
交還左張開門卡。
被做了 E-mail Forwarding，
以後寄去我公司 Acount 既 E-mail，
就會全部 Forward 晒去畀老闆，
包括大量 Junk mail，
同各大網上 Forum 既 Digest E-mail。
同一時間亦收到一張支票，
包括最後一個月既薪金，
年假補水，
和遺散費。
不過遺散費會係 MPF 僱主供款中扣返。

兩年前公司轉過一次名，
當時係不帶年資轉職既，
所以今次計遺散費，
只係計我 2.08 年既年資。
但係佢扣 MPF，
竟然想扣三年！
呢樣野我梗係唔肯過佢啦！

---

夜晚上普通話，
老師又病，
結果又換一個代課老師。
上三堂，
三堂個老師都唔同。
今次呢個阿 Sir，
講好多廣東話，
d 聲母韻母佢都會畀 d 廣東音，英文幫我地記。
例如 ia「吔」、ie「yeah」、iao「yao」等。
有個坐最前既阿叔好攪笑，
成日讀錯。
咁識就唔駛學啦，
讀錯有咩奇？
但係佢就呢頭講完個頭即錯。

（以下對話全部用廣東音寫）
「"消" 既廣東音點讀？」
「消」
「"休" 既普通話音點讀？」
「筲」
「"消" 既廣東音 = "休" 既普通話音。"休" 既普通話音點讀？」
「筲」
「"消" 既廣東音點讀？」
「消」
「"消" 既廣東音 = "休" 既普通話音。"休" 既普通話音點讀？」
「筲」

你話係笑死丫？

---

上完堂，
去左 Join Omuser 班人。
電話中佢地叫我先上太子一間 Cafe，
上到去，
佢地一個都唔見。
見到 Sandy，
佢又係被佢地點左上黎。
之後同佢兩個就係太子找佢地落腳間茶餐廳。
等佢地食完野，
再轉地方去菜街一間 Cafe，
最後玩到點幾兩點。
我地去玩咩呢？
就係 PSP 喇。
下半場十個人有成八部 PSP。
（上半場仲多呀！）

和民

公司有好多野要拿返屋企，
今日拿個箱運了一半返屋企。
成個箱都係書，
好貴重。
夜晚約左人係九龍地鐵站交收一條二手 Ram，
抬住個重箱，
由炮台街行到去九龍站。

十一點幾試條 Ram，
攪極都攪唔掂。
原本用緊 samung chips 512mb ddr 333
買左條 samung chips 512mb ddr 400
單插 either one 都冇問題
一齊插就入唔到 window
數 ram 數對
之後就 hang 左機喇……

---

今晚約左兩個大同食飯，
其怪既人數（3），
其怪既組合（嬲）。
問極發起人（輝），
佢都唔講點解。

Anyway，
去左尖咀和民食。
d 野幾好食，
埋單每人 $65，
都唔算貴。
起碼抵過上次係沙田食，
上次直情食唔飽。

之後去食雪樣，
點解唔係和民食呢？
當我地走左先發覺有得食。
去到星巴克，
發覺冇雪榚，
結果去左……麥當當。

地圖記憶

今晚放左工之後，
坐小巴出佐敦。
返到會，
首先同輝哥傾傾練習賽 d 事項，
之後再數下有幾多人參加。
單人組好似得三十人左右，
唔係好多。
攪掂晒攪比賽 d 野，
就落九公園 Join 返習訓隊班人。

今日係 5.4km 測試，
我落到去既時候，
佢地已經熱晒身。
既然我未熱身，
負責計時那個助教又準備緊之後既訓練，
唯有由我計時啦。

之後 Train Map Memory，
其實 Map Memory 唔係練記憶力，
而係練圖對地。
即係先讀圖，
然後幻想返實景應該係點樣。

12 個 Points，
每三個 Points 有一張圖睇。
即係話，
在起點個張圖，
只係 Show 左頭三個 Points 係邊，
去到三號 Point，
就有另一張地圖 Show 之後三個 Points 係邊，
六號 Point 同九號 Point 有另外兩張圖。

我係最後一個出，
第二個 Point 就過左阿健，
不過之後拉唔開距離，
結果只係早佢半分鐘到返終點，
佢早我一分鐘出發，
即係我贏分半鐘啦。
成條 Course 跑左十三分幾，
有 d 慢 tim，
狀態應該十分鐘以內。
而且有到去到實地同腦海既幻想有 d 唔同，
結果有 d 猶疑。

---

Sudoku 係一個訓練邏輯思維既遊遊，
玩左個多兩個星期，
最快都只係 4 分 36 秒，
有 d 慢 tim。
想推戰下既，
可以去呢度：
Sudoku

出題目

昨日個 ToDo List，
成功 KO 左 7 樣，
都算係咁啦。

夜晚返日文，
繼續不在狀態，
完全唔知做乜。
教到第二課，
今課講敬語。
老師叫我讀句子，
我竟然聽唔到「讀」呢個動詞，
以為問我「點解呢句不對」，
勁瘀皮……

---

十月個比賽 d 野都做得七七八八，
但總係覺得有 d 野漏左，
希望可以盡快找到出黎啦。

---

出題目真係唔係人人可以，
如果唔熟既話，
可能出得太深或者太淺。
星期五 PCOI d 題目已經 Ready，
不過 d 深淺程度好要再調較下。
望住 d 題目，
好似一年淺過一年，
但係佢地好似仍然做唔掂。

早一兩年我覺得 d 題目好淺，
就算拿到滿分，
出到 HKOI 都唔擔保可以有金獎。
但係大部份人都好似好低分，
真係出得太深？
今年出得更加淺，
不過都係驚佢地做唔掂……

被狠狠地耍了

星期日返崇拜個禮拜堂，
同屋企相距話近唔近，
話遠又唔係好遠。
齋行就廿零三十分鐘左右，
地鐵就兩個站加十數分鐘步行。
坐巴士呢？
五、六個站左右，
但就幾乎到門口。
一般我都係步行多，
但有時都會坐巴士。
昨日朝係茶餐廳食完早餐，
見橫風橫雨，
我就等巴士啦。
崇拜十點半開始，
我十點開始等車，
點都到喇掛。
8 號車班次都係二十分鐘一班姐，
點知……
一等就等左半個幾鐘都未有車。

我就行出彌敦道，
出到彌敦道，
就多架 7 號車坐。
亦都一如以往，
我一行到出彌敦道，
8 號車就黎喇，
擺明玩我。

---

今年定向比賽比較疏，
睇黎我可以玩吓 d 長跑比賽，
以往撞晒 d 定向比賽，
今年冇藉口了……

---

今日既 To Do List
1. 背 25 個日文漢字和假名
2. 做日文功課
3. 問獎牌價錢，仲要貨比三家
4. 改寫賽員通知書
5. 為定向比賽 Set Courses
6. 寄求職信
7. 出 PCOI 題目
8. 出 HKOI 題目
9. 打呢篇日記

真係一日四十八個鐘都唔夠用啦陰公。

唔怕生壞命，最怕改壞名

今日原來要上山跑比賽，
結果三號風球掛左成日，
比賽自然要延期。

咁朝早有咩做呢？
梗係返崇拜啦！

崇拜之後，
行左陣電腦商場，
我買左個 Gel Wrist Pad 畀自己。
不過最重要既係幫阿 B 套系統打打價。
Pansonic 個隻要成 1680 一隻，
仲要唔係最新形號。
找到另外一隻，
叫 Seteye IP Control Cam 2，
連 Homeplug 3 個，
Router 1 個，
佢報價 $3000 有找。

不過我掛住攪阿 B d 野，
竟然唔記得問獎牌價，
真失敗。

---

中國人話：
「唔怕生壞命，最怕改壞名」
古人真係有智慧

在英國《泰晤士報教育專刊》網站的教師聊天室，
老師們羅列了一連串會令他們聯想到「搗蛋鬼」或「令人高興」等感覺的學生名字
叫 Poppys 的學生予人過度活躍的感覺；
Kayleighs 是討厭鬼；
至於 Kyle、Liam、Wayne、Charmaine 和 Charlie 都像是會給老師找麻煩的名字。
有老師寫道：
「我看一遍新生名單，
會自然地勾出我認為會難應付的那些學生名字。
我的命中率高達75％……。」
網站指出，
讓老師產生負面印象的名字，
包括那些帶有連接號的名字，
像 Bobbi-Jo；
另有串法異常的名字，
如 Kloe 或 K'tee。
使老師聯想到愉快開朗孩子的名字，
有 Kate、Gregory、Alice 和 Joseph等。

三號風球

培正定向會十一月攪比賽，
我幫佢地 Set Course。
因為個比賽就黎到，
所以今日原本上山睇地形。
（十月十六日我就 Event Organizer 都仲有好多野未攪呀陰公）

因為我仲要去總會幫人拿 Cert，
所以約左阿棟同 Julie 十點天后等。
阿棟就話個日係幫手姐，
Julie 上去又仲乜呢？
難解。

本來今日要返培正教班，
結果都返唔到。
尋晚講左成晚將會掛三號風球，
結果到今朝都冇掛。
尋晚同阿棟約定，
如果八點都冇掛就照上。
結果八點冇掛，
但阿棟都打黎話擔心將會掛。
佢話打個電話畀 Julie 問吓佢點，
點知 Julie 佢仲未起身。

結果都係決定唔上住。
呢頭收線，
個頭天文台就掛三號風球喇。
不過成朝都好似冇打風咁，
又冇落雨又冇唔大風，
係天氣涼返少少姐。

十一月個比賽，
既要 Set Course，
又要睇 Site，
又要上山落 Tape。
十月個比賽仲多野做，
又要造獎牌，
又要寫賽員通知書，
仲有好多濕碎野做，
十月唔使做，
都唔知好事定壞事。

---

呢個世界真係細，
原來我中學同學今年入職教個間學校，
同我大同個男朋友係同一間！

普通話

夜晚上普通話，
上次個先生病左，
有個代課先生，
今日佢返黎教，
係個女既。
因為有 d 同學仔唔知上次那個是代課先生，
入到黎以為去錯地方。

工聯會既 Course 平就係平，
不過就人太多。
成四十個人一班，
一人個兩句都落堂咁淨。

你姓咩呀？
屋企有咩人？
鍾意飲咩？

咁就輪左三個圈喇。

教多幾個聲母 g k h、
幾個韻母 ai ei ao ou an ang en eng ong。
之後就播 CD，
聽住 CD 跟住讀。
（CD 我地都有……）

最後都算就 d 新意，
播歌做聽解，
佢派左歌詞畀我地，
但係有 d 詞語係抽起左，
我地要填返 d 詞落去。

九個空格，
我既命中率係近乎 100%。
而係有一個答案係「藍天」，
但我明明聽到三個音，
結果格梗填「藍天空」。
之後我上網 Check 返歌詞，
真係就咁「藍天」。
我反覆聽多幾次，
第三個音係好似「呀~~」咁。
唔記得講首歌 tim，
係林曉培的「心動」。

新任務

新人物係咪有名字之前，
暫且叫叫阿 B 先。
阿 B 阿媽想隨時見到阿 B，
但冇理由帶埋佢返工架嘛，
事實上亦唔容許佢咁做。
所以佢就交左一個任務畀我，
就係係阿 B 間房裝支 Cam。
但係阿 B 間房同我間房中間隔了條大走廊，
如果用 USB Cam，
似乎條 USB 線拉唔到咁遠。

而且用 USB Cam，
我部腦又要裝 Software，
又要長開唔熄。
咁唯有用 IP Cam 啦，
IP Cam 內置伺服器，
咁用電腦 Connect 佢，
就可以睇到畫面，
甚至可以 Control 到支 Cam Zoom in/Zoom out，
做埋 panning 都得 tim。

要將部 IP Cam 駁上網，
又有兩個方法，
一係就買支 Wireless IP Cam，
我房就裝個 Wireless Router；
一係就買支 Wire IP Cam，
都係我房裝個 Router。
唔想拉線既，
可以用 Homeplug，
即係經電線傳訊號。
佢阿 B 房牆角個電制度裝個 Converter，
將 IP Cam 經 Network Cable 駁過去‧
係我房裝另一個 Converter，
經 Network Cable 駁過去 Router。
不過唔知造價幾多呢。
阿 B 阿媽明晚返黎食飯，
問吓佢想點先。

---

屋企有「哈根載斯」既雪榚月餅，
所謂既月餅，
只係月餅形狀既大大舊朱古力雪榚而已。

真人 Show

大學同學套畫劇好戲連場，
自從佢轉了地步放片之後，
總算每日都有新劇情。
最新劇情講到：

奸角再次出場，
一段三角關係，
演變成四角關係，
男女主角更一度懷疑兩名奸角已經聯手。

自己一個追劇集睇，
茶餘飯後冇得討論係好辛苦既。
既然係咁，
我梗係要找返個人傾下啦。
環顧我身邊既人，
會追呢套劇集，
而又同我一樣更八既就只有船長喇。
佢既結論好精彩，
大約意思如下：

「多角關係係當佢地得閒先至會有，
如果佢地有船長咁忙，
再多幾隻角都未必發現到，
因為訓都唔夠時間訓。」

補充一下船長既狀況，
現在佢係日頭做野，
夜晚讀書。
再加埋做功課同溫書，
有幾多得閒時間可想而知。

Anyway，
希望大同呢套電視劇快 d 大結局啦，
最好就 Happy Ending。

---

今晚 SOC 練跑，
頭盤係衝山跑。
最快個轉係 8 秒 8，
最慢係十秒幾。
Recover 得好慢，
個頭幾次因缺氧而頭痛。

之後係奪分式，
跟返星期日比賽咁分組，
我同曾 Sir 450 分中拿了 340 分，
五隊中排第三。

最後係搶分式收 Point，
十個人三十個 Points，
鬥快收三個返黎。
跑得最快那個，
尾二才返，
因為有好幾個 Points 都被人截糊。
結果我最快，
兩分半就收了三個返黎。

「通」唔起

老了，
真的老了。
細牛都黎到過 334，
我因為星期六朝要返工，
只係黎左個 34，
今朝返工都吃不消，
又開始作病。

以前讀 U，
點通都冇問題。
記得趕 FYP 個排，
連續廿個 10 （通到第二朝 10 點）都冇問題。
現在？
肯定唔得啦！
係年紀大左？
定係習慣左灰姑娘既時間呢？

---

今日中午老闆請食自助餐，
返去 HITEC 食。
HITEC 即係九龍灣展貿，
公司舊址。
自助午餐，
都好耐冇試過，
對上一次，
講緊既應該係 99 年係土耳其比賽個時。

呢度自助餐都幾豐富，
有沙津、有冷盤、有湯、有熱食、有點心、
有淥麵、仲有廚師切羊脾！
甜品又豐富 wor，
仲之就又好味，
食得又滿足啦。
結果食到三點，
之後坐老闆車返公司，
呵呵呵。

---

夜晚上日文，
完全不在狀態。

体の気分が悪いので、精神を集中して授業を受けることができない。

盡興

今日又見到四虎喇。
訓到十二點幾起身，
一開電腦就收到艾文 ICQ Message 招集，
話兩點出到黎 wor。

點半同細牛食完午飯，
趁佢地未到，
踢住 Winning 先。
AC 米蘭（我）對巴塞（細牛），
先入一球既情況之下，
被細牛追平，
結果射十二碼輸。

踢到半場，
力王都到，
第二場就對力王。
國米（我）對唔記得（力王），
又係先入一球之後被人追返。
「兩點幾」到既艾文代阿力射十二碼，
結果我又輸多次。

艾文唔敢同我單挑多場，
話要打牌。
結果我呢啖冤氣就發洩晒落佢身上。
原本佢地三個都要做成百下，
不過最後兩鋪，
細牛一鋪乘五既自摸，
力王一鋪乘三既自摸，
結果就，
哈哈哈！

之後合作打 Winning，
細牛做左新一代國（角）王，
三次中角，
反而艾文零角度射門就中內柱入，
激死細牛。

之後去力王屋企食飯，
食完打牌，
今次有新玩法，
不過呢個玩法隨機指數太高了，
冇咁好玩。
結果我要做 56 下掌上壓。

導航

下午紐版約左人鬥波，
約點半係地鐵站等，
我準時到，
等到四十五分都唔見人。
結果自己去球場。
等到兩點幾，
終於開到波。

我地先開紀錄，
之後被人返超前。
之後我休息夠再落場，
打前鋒入兩粒。
最後比數係贏 8 比 4 。

對面 d 龍門好矛。
一球佢成個人撞埋黎，
波佢又掂唔到，
我就硬食佢一野。

又有一球另一個龍門訓落黎，
又係波都掂唔到，
我就收晒步，
但係都被佢撞底，
膝頭瘀晒，
勁痛。

---

夜晚去艾文家打邊爐，
第一次見艾文女友阿 Mo。
食完之後，
細牛車阿 Mo 返屋企，
我同康哥又趁熱鬧一齊去。
細牛唔熟火炭 d 路，
導航既責任當然落在我呢個專業人士身上。
順利完成任務。

去到火炭，
本來應該直行，
艾文就口快快話要轉左。
本來只要轉一次彎，
結果就要轉三次……

之後打牌，
輸左 126 下掌上壓。
佢地猛話叫我放棄，
哼！
我一定做晒先走。

結果又三點幾先返屋企。

BBQ

今日放左工去洗牙，
洗返牙之後，
今次係第一次冇蛀牙。
半個鐘就攪掂晒，
雖然仲有少少出血，
但都已經好左好多。

之後出左旺角 Cafe，
人地玩大富翁、UNO、撲克牌，
我地就 Link Play PSP，
打 Winning、打 Tennis。
我打 Winning 個時，
仲引左老闆過黎睇。

見到 d 後生仔（？！）玩大富翁玩得好開心，
我驚覺我好似好耐冇玩呢 d，
係我冇左童真？
定係我真係老左呢？


夜晚入左天水圍燒野食。
八個人去，
人頭費 $50 。
食物有雞翼、丸、腸、牛扒、金沙骨和尤魚等，
仲有兩支汽水同三支水。
野食就食唔晒，
（佢地就拿左返去煮宵夜）
野飲就要再加。

燒完野食之後，
我地去左其中個屋企繼續玩。
佢地劈酒，
我就同另外一個打 PSP。
同點零鐘，
我同打 PSP 那個坐 N 車走先，
劈酒個班就玩通頂。

上到巴士，
我部 PSP 已經玩到冇電，
但好彩我有帶電箱，
繼續打。

去到美孚總站落車，
再轉小巴返屋企。
返到去，
三點幾了。

找工

終於開學喇，
今晚又要上堂，
今次輪到學普通話。
八點半係工聯會上堂，
上到十點。
有冇用呢？
見仁見智啦。
我起碼學左我個名點讀、
八個聲母、
七個韻母，
同埋四聲。
咁就一堂喇。

---

原來見工係好快既，
一封自薦信，
換黎一個 Interview。
個 Interview 歷時七分鐘，
咁就見成返工喇。
三個月試用期，
六千人工，
試用期後人工 Double。

不過，
見工那個唔係我。

---

同事又有 Interview，
今次係科技園，
仲要做 15 min 既英文測驗。
間公司都有請唔少人，
有兩個 Post 我都有興趣。
一份係 System Design Engineer，
一份係 Software Engineer。

前者係
Design system software / firmware / driver for development platforms, products and applications
Develop multimedia systems for mobile communication and consumer electronics, including embedded systems
Perform system (digital / logic / analog) design simulation, verification, and documentation Shift duty may be required
Write necessary programs or scripts to enhance work efficiency
Conduct research on multimedia technology and system integration
Provide application and system support

後者係
Define, implement and maintain device drivers for new hardware
Test programs and develop application software

聽講幾好 Pay。

浪費

又到中秋，
又係做節既時候，
今年中秋做節就係今日食飯，
地點係長沙灣廣場。

今朝我問媽拿地址既時候……

「地址呢？」

「你係荔枝角地鐵站 A 出口咁樣咁樣行…」

「地址呢？」

「你係荔枝角地鐵站 A 出口咁樣咁樣行…」

「………」

夜晚去到酒樓仲攪笑，
話說媽之前去過食，
叫左一碟雞、一碟鵝。
食食吓有個侍應走埋黎，
話唔可以用兩個優惠，
又要雞又要鵝，
拿走了佢地碟鵝。

咁呢件事呢，
我係酒樓由坐低到點菜半個鐘左右唔夠既時間中，
聽左十次有多。

結局佢地點菜繼續保持叫到食唔晒既傳統。
淨返 d 餸拿盒裝返屋企好正常。
媽媽話唔好浪費嘛。
但係，
唔叫咁多咪得 lor。
媽媽話請人食飯點可以唔夠食呢？
（有三個 Aunties 一齊食）

之但係，
唔係淨少少 wor，
打包返屋企都有三大盒，
係三大盒！
成隻鵝冇乜點食過咁淨，
驚唔夠食，
都唔係咁點菜架。

---

當係大人忙既時候，
我唯一可以做既，
就係肅靜。

接力奪分式定向訓練訓

今晚個訓練係我負責，
但我竟然成袋圖漏了係屋企。
原本打算中午 Lunch Break 時圈圖，
結果都圈唔到。
好彩 SOC 個網上有 Low Resolution 既圖，
咁我都可以 Set 左 Points 先，
最多夜晚返到去先圈圖。

七點左右返到去，
以為會有十二三人啦，
點知計埋我先得八個人。
原本打算三個人一隊可以分幾隊，
結果四個人一隊分兩隊。


係佢地落左去做體能訓練既同時，
我係咁圈圖，
之後即刻衝落去放 Points。
總共 Set 左二十個 Points，
用左大約十八分鐘放晒，
剛剛趕得切係佢地跑完之前放晒 Points。

四個人一隊跑四條 Legs。
四條 Legs 分別是：
短（拿十四個 Points）；
中（拿十五個 Points）；
長（拿十九個 Points）；
好長（拿晒二十個 Points）；

我跑中 Legs，
第三個出，
去到八點五十五分，
我知道玩大左喇，
因為我地第二個都未返，
個 Training Overtime。
結果趕收工，
要 Mass Start。
我用左八分鐘打左十五個 Points，
原本可以快 d 既，
因為有度太夜鎖左門，
有兩個 Points 我打唔到，
要繞路打另外兩個 Points 補返。

勝利十一

失驚無神個同事同我講話個 Program 有 Bug，
嚇得我丫，
嗱嗱聲去 Debug，
結果發現又錯 d 低 B 野。
話說為左 Safty d，
我加左句 「如果真係乜乜乜，就……」，
點之我打左 「如果真係唔係乜乜乜，就……」，
結果當然大炒啦。
不過奇怪係點解之前個幾兩個月都冇人發覺既？

---

萬眾期待（好似誇張左）
PSP 既 Winning 終於出左。
不過我今日要上堂，
唔可以放工即時去買。
但係聽日要練跑，
後日要做節，
星期五要上普通話。
即係唔駛買姐。

結果上完日文都係忍唔住，
十點幾都要衝落旺角。
首先去信和，
敝，
唔記得拿錢。
上返上面 ATM，
拿完再過先達。
一間已經由 $319 加到 $350，
好彩都仲有一間賣 $319，
拿拿聲畀錢就走喇。
（原來最平係 $299 tim）

返到屋企試玩，
好正。
要同家用機比，
機能本身已經冇得比，
但作為一個手提 Game，
已經好高分。
不過始終同我 Expect 有段距離。

二手版亦有人即刻放，
最低去到 $250，
早知忍忍手啦。

---

係旺角行返屋企既途中，
整程都同大虎係電話吹水。
佢自薦去做獸醫助理，
今日打黎叫佢星期五 In，
希望佢成功啦。

星巴克

四虎有其中三隻都找緊工，
艾文今日去見星巴克，
咁橋我今日都上過星巴克網頁。
原本我唔係睇請唔請人，
只係搵咖啡豆資料時去到。
不過既然瀏覽開，
順手睇埋請唔請人。
艾文話佢好似要請好多人，
問我會唔會去 In。

其實做沖咖啡我都好有興趣，
不過有兩個心理關口要過。
第一係要忍受人工扣近半，
雖則佢話升得快，
不過唔知要幾耐。

第二係可能你阿 Head 會細你好多。
佢入職要求好簡單，
會考英文及格。
試想想，
中五畢業入去做，
做五、六年自然點都升下，
而你現在先入去做 Junior，
所以你阿 Head 隨時細你好多。

Anyway，
再想想啦。

---

細牛日記話，
被人話佢冇心裝載，
因為佢答唔出幾時返黎。

敝，
我都答唔出 Tim，
莫講話幾時畢業返黎，
幾時 可以/會 請假返黎我都唔知。
如果細牛叫冇心裝載，
咁我叫咩呢？

咩 wor，
唔知就答唔出架啦，
好出奇咩？

Level 2 定向班

今日要教班，
一個 Level 2 既定向班。
八點九集合，
我八點八先到青衣，
因為太肚餓既關係，
都要食埋個早餐先。
結果遲了少少。

今日個山好多人，
單單我地個班，
都有五個教練，
仲有三個見習一級教練做 Attachment，
十六個學員。

仲有 Tommy 佢地有個教導組班，
女童軍有個比賽，
下午仲有阿健、Julie 佢地班見習準一級教練既專章班。
總之就好多人啦。

首先帶 Map Walk，
我帶一組，
而有個見習既跟我，
係青衣行個半鐘。
其實係青衣教 Level 2 既 Course 係幾難既，
因為好似 Aiming Off 呀呢 d 冇乜地方做到。
Anyway，
總算將我想講既講晒，
甚至連少少 Level 3 既野都講埋。
唔知佢地吸收到幾多呢？

之後有三個小活動，
Control Description 接力卡、Star O 同埋指南針導向，
加深佢地既記憶。

之後食午飯，
大家落返長亨村商場快餐店。
下午有個 Line O，
有個模擬賽，
最後有檢討，
之後解散。

雖然唔係比賽，
但都好疲倦、好疲倦、好疲倦。

OI 班

今朝返左培正講 OI，
今日既題目係 Dynamic Programming。
開頭打算講七題，
後來發覺一個上午講七題好似太多，
結果打 Notes 個時只預備了四題。
到今朝講既時候，
只係講左一題。

足足一個上午，
Code 得起一題既都唔夠一半人，
點出去同人砌呢？

結果下午開多堂特別堂，
講多一題。
黎既得返四個，
其中兩個已經畢左業。
其他個 d，
已經跟唔上了。

兩點開始，
三點半我就要過圖書館開會。
好彩到夠時間我 Code 得起。

去圖書館開咩會呢？
咪就係 OI Meeting lor。
今年既老師換了培正既馬 Sir，
所以開會地點係培正個圖書館。

見返好多舊老友，
包括 96 年我既隊友 Henry，
99 年既隊友 Unu，
今年返來幫手，讀緊 Cert Ed. 既 YanOnSheung 等等。

一開就開到差不多六點。

---

因為有個特別堂和開會，
結果我帶晒衫都去唔到做 Gym。
開完會之後，
沿上海街行返屋企。
因為天開始黑，
唔少店鋪都已經關門。

幸好，
我都可以找到我想買既野，
一個手動磨豆器，
細既 $ 168，
大既 $ 255，
等我下次買佢返黎，
咁以後沖咖啡就可以直接買豆了。

咖啡

曾經以為咖啡係好傷身體的東西，
一度想完全戒晒。
不過睇完以下報道之後，
睇黎可以繼續飲。
呵呵呵

2005年9月8日蘋果日報
摘文者：樊浚賢（英國註冊營養師）

專家之言：咖啡有益有害富爭議

美國一項最新研究發現，
咖啡內含有的大量抗氧化物，
對預防某些癌症有一定幫助。
過去一直有許多科學家堅持飲咖啡有害健康，
甚至肯定其與心血管病變存有一定關連。
可是，近年有愈來愈多研究對這個推論提出質疑；
皆因過去這些研究當中，
一般飲咖啡的研究對象多數也是吸煙的，
而當扣除吸煙這因素後，
飲咖啡與心臟病有關的現象便不再明顯。

含抗氧化物稱可防癌
咖啡的抗氧化物主要是多酚類（Polyphenols）及阿魏酸（Ferulicacid），
能抗衰老及防止壞膽固醇被氧化。
日本國家癌症中心的一項長期研究更指出，
每天飲一至兩杯咖啡的人，
其肝癌罹患率竟然比不飲的人低一半。
話雖如此，這些存在於咖啡豆中的多酚類，
跟茶葉中的一樣，
經烘製後是會大量流失。
幸好現今科學家已研究出一種可避免多酚類流失的烘製咖啡豆方法，
惟有期望它日後能普及起來。
雖然咖啡因能引致血壓上升，
但對正常人的影響不大。
除此之外，由於咖啡因的利尿作用會增加鈣質從尿液排泄，
所以喜歡飲咖啡的你更要注意自己的鈣質攝取量，
以免對骨質造成負面影響。

影響鈣質攝取量要注意
這項研究同時指出，
要攝取這樣大量的抗氧化物，
便需要像美國人般每天平均飲一點六杯咖啡才可。
其實，只要平日多吃蔬果，
攝取足夠的維他命ACE，
亦能有同樣的抗氧化功效。

動態規劃

星期六的訓練將談及動態規劃（Dynamic Programming, DP），
因為要預備講義的關係，
所以今日比較懶，
用講議來當今天的日記。

所謂動態規劃，
並不是一種算法，
而是一種解決問題的技巧。
它可以明顯地降低一些算法（當然不是全部）的執行時間，
而代價就是使用多些記憶體。

動態規劃其實是以「空間換取時間」，
藉著記下曾運算的結果，
減少重覆運算的次數，
從而增加程式的效率。

一般來說，
要使用 DP，
要符合兩個條件。
1. Optimal sub-structure：
子問題的最佳答案一定是組成原問題最佳答案的原素。
2. Overlapping sub-problems
要有重複計算的子問題。

這兩個條件，
前者確保 DP 找出來的答案的真確性，
後者確保了有用 DP 的需要。

常見的 DP 題目包括：
1.矩陣乘法（Matrix Chain Multiplication, MCM）
2.最長公共子字串（Longest Common Subsequence, LCS）
3.編輯距離（Edit Distance）
4.最長遞增/減子數列（Longest Inc/Dec-reasing Subsequence, LIS/LDS）


矩陣乘法（Matrix Chain Multiplication, MCM）

跟據矩陣的乘法結合律（Associativity of Multiplication），
三個距陣 A(10*100)、B(100*5) 和 C(5*50)，
A(BC) = (AB)C
先算那個乘法，
雖然不影響答案，
卻會影響效率。

前者做的乘數運算為 100 * 5 * 50 + 10 * 100 * 50 = 75000 次，
後者做的乘數運算為 10 * 100 * 5 + 10 * 5 * 50 = 7500次。
可見後者比前者少 10 陪的運算。

現在給你一串的矩陣，
採取那種組合次取可做最少的乘數運算？

假設有 n 個矩陣，
A[i, j] (i <= j) 代表把第 i 個矩陣至第 j 個矩陣相乘後的矩陣。
A[i, j] 可以由 A[i, k] 和 A[k+1, j] (i <= k < j) 相乘而得到，
總共有 j-i 種分拆法。 (k = i, i + 1, ..., j - 1)

假設 R[i] 代表距陣 i 有多少行，
C[j] 代表距陣 i 有多少列，
A[i, k] 和 A[k+1, j] 相乘所需的乘數運算將會是：
R[i] * C[k] * C[j]。

設 O[i, j] 為組成 A[i, j] 所需的最少乘數運算，
O[1, n] 將會是我們要找的答案。

問題是：
如何找出 O[1, n]？

因為 A[i, j] 由 A[i, k] 和 A[k+1, j] 相乘得來，
所以

O[i, j] = 0, if i = j
        = min {O[i, k] + O[k+1, j] + R[i] * C[k] * C[j]} i <= k < j, if i < j

練習：
348 Optimal Array Multiplication Sequence


最長公共子字串（Longest Common Subsequence, LCS）

假設有兩個字串，
A G C T A T A C G A T G A C T
G T C A G T A T A G T C A T A T G
這兩個字串的最長公共部份是：
G C T A T A G A T A T

我們試試這樣排

A G   C     T A T A C G     A T G A C T
  G T C A G T A T A   G T C A T   A   T G

假設輸入的兩個字串為 X 和 Y。
檢查 X 和 Y 兩個字串的第一個字符，
有兩個可能性：
1. 若他們相同，
那最長公共部份必包含此字符，
由字串去取最頭的字符得 X' 和 Y'，
X 和 Y 的最長公共部份長度會是 X' 和 Y' 的最長公共部份長度 + 1；

2. 若不相同，
X 和 Y' 的最長公共部份長度，
或是 X' 和 Y 的最長公共部份長度將會是我們要找的答案。

練習：
10066 The Twin Towers


編輯距離（Edit Distance）

假設有有兩個字串 X 和 Y，
透過刪減字符、增加字符和/或轉換字符，
將 X 變成 Y。

假設 d(X, Y) 為字串 X 和 Y 的最短距離，
我們可得：

d("", "") = 0
d("", s) = d(s, "") = 字串 s 的長度
d(s1 + c1, s2 + c2)
= min{ d(s1, s2) + if (c1 == c2) then 0 else 1,
       d(s1 + c1, s2) + 1,
       d(s1, s2+c2) + 1
     }

首兩條式很明顯，
比較難理解的可能是最尾那條。
在最尾那條式，
兩個字串均不是空字串，
考慮這兩字串最尾的字符 c1 和 c2。
如 c1 = c2，
不需要做任何變化，
所以最短距離 = d(s1, s2)；
如他們不相同，
可以轉換 c1 變成 c2，
最短距離 = d(s1, s2) + 1；
或可以刪除 c1，
最短距離 = d(s1, s2 + c2) + 1；
增加 c2 在第一個字串的尾，
最短距離 = d(s1 + c1, s2) + 1；


練習：
164 String Computer


最長遞增/減子數列（Longest Inc/Dec-reasing Subsequence, LIS/LDS）

在一串數列中，
尋找一條最長上升/下降數列。

設 L[i] 為至數列第 i 個數為止，
最長上升/下降數列長度。
V[i] 為數列第 i 個數的值。
L[i] = max{1, L[j] + 1 if V[i] >/< V[j]}, 1 <= j < i

練習：
10131 Is Bigger Smarter

另外有一個較有效的算法（O(n log k)）。
參考資料
設有一個已排列的陣列 A
A[i] 代表如果有一長度為 i 的 遞增/減子數列時，
最後一個（即係第 i 個）的值。
每輸入一個數，
就用 binary search 尋找他的最後位置是甚麼。

Pseudocode：

A[0] := -1
A[1] := Inf
K := 0
While there are elements left
      Read in the next element X
      Find L such that A[L] <= X < A[L+1]
      A[L+1] := X
      If L+1 > K
         K := K + 1
         A[K+1] := Inf
Output K

練習：
481 What Goes Up

屬會訓練

今晚個 SOC Training，
我負責帶。
首先係一個 2.4Km 既測試，
中位數係 9 分頭，
算唔錯。
唔計兩個 Miss，
好耐冇跑最近先出返黎既曾 Sir，
同埋因為要做 Personal Coach 實習先出黎既東南，
大部份人都可以係十分鐘之內完成。

今次係今期最後一次 2.4Km 測試，
下期希望將合格線再推前，
希望大家都仍然達標啦。

之後做 Circuit Training，
3 * 3，
每轉有六個動作。
做完之後，
大家散晒咁滯。

下期開始，
會由兩個考緊 Level 2 既教練帶返，
咁我呢 d 蝦兵蟹將可以慢慢淡出，
專心做訓練。
（雖則我做教練個時都好似冇乜負出過。）

---

真係好熱，
我講部電腦。
雖則都仲行得走得，
但放隻手埋去係感覺到熱既。
純田為隻牛熱？
定因為冇係 CPU 落散熱膏？
好耐冇吸麈？
D IDE 線、電線冇執好？

嗯嗯，
找日執執佢先。

OT

判刑書出左之後，
唔少人問我打算點？
係 wor，
我想點呢？

嘗試去搵工，
瀏覽 JobsDB，
不過又冇心水。

係我要求高嗎？
係，我要求高。
我想要有咁上下 Pay，
但係又唔想咁多 OT。
工作辛苦、OT 我唔介意，
不過 OT 講緊既係間唔中一日半日。
如果 Offical Office Hour 係到六點，
但晚晚其實都要做到十點既，
代表 d 乜呢？
一係個員工冇盡力，
一係唔夠人手。

可惜既係，
好多老闆以為，
兩個人做十二個鐘，
可以頂得到三個人做八個鐘，
咁洗乜請多一個人呢？
用到 d 員工咁盡，
對公司、員工真的有益嗎？

---

真係激鬼死我，
話說十二月個考試有網上報名，
報左之後三日內要交錢。
點知 Moly 報左冇交錢。
上個星期問佢，
佢話親身去多一次報名。
五號係 Deadline，
咁我中午已經打電話畀佢，
點知佢又唔聽我電話。
頭先上堂問佢，
佢竟然冇報到，
激死我。

電腦椅

自從上次坐欄左個張跟左我好多年既電腦椅之後，
現在坐緊家姐個張。
其實想買新椅好耐，
不過舊個張未爛，
冇理由咁浪費買張新椅。
現在就梗係大條道理買啦。

既然買，
仲要係日日坐既，
當然買張好 d 架啦。
Pricerite 個 d 普普通通唔好坐既都要 $200，
Ikea 個 d 又要 $4~500。
咁我不如拿夠 $1000 出黎。
當我坐五年，
每日都係五毫子姐。
坐又坐得舒服 d，
又可以有其他用途，
例如做 Incline Press 練上胸，
又或者練吓背、膊頭咁，
抵用啦！

記得以前睇 Newsgroup，
有網友介紹過一張，
不過都年代久遠，
找唔返 d Info 了。
最近細牛買左張，
星期三送貨。
問佢拿左 Web Site，
今日上去睇一睇，
咁多張當中，
選左呢一張。



Koln (KX)
Koln (KX) is a mesh-back seating program with choice
of changeable elements to suit different styles and needs.
These elements include sizes of seat backs, bases, armrest
as well as seat upholstery.

之後睇睇下佢 d 相，
點解咁熟口面既？
返細牛個 Blog 睇睇，
原來係同一張……

又取消

兩個月前有 Orienteering Training，
但因為雷暴警告而取消。
今日補返個 Training，
一起身就體驗驟雨，
一時勁大雨，
一時一滴都冇。

我 Re-pack 過個囊，
先穿條 Orienteering 褲，
將一件冇袖同褲用膠袋封好先出門口。

講開個背囊，
今次我第一次用呢個囊。
Chair Rucksack 30 liter

30 Liter 既囊連椅，
用落都可以放好多野，
條背帶雖然薄，
但背上身都唔算好唔舒服。

入返正題。
八點四十分去到荃灣西，
見到 Dicky，
佢話有電暴。
唔係掛，
我八點出門口個時都冇架 Wor。
打上天文台，
真係有。

打畀係荃灣地鐵站既阿健，
佢話唔上去住，
叫我如果上左車就打畀佢。
點知轉頭佢就話帶住班學員上左車……

Anyway，
結果都係取消左。
因為山上面電話收得好唔好，
我唔知佢地想點，
結果我冇等佢地落山，
就趕返培正返崇拜。

結果遲左十分鐘先到。
原因係我坐巴士，
以為只有 30x 經旺角，
剛剛好送車尾。
等左一陣有架 238x，
我冇上到，
之後等左十五分鐘先有第二架 30x。
但原來 238x 都經既……

約「下午」

下次約人記住問埋約幾點。
話說今日約左四虎「下午」，
咁根據一般正常人既理解，
「下午」係指「中午」過後。
咁我就將個「下午」 Reserve 左，
Even 有人找我碌鈴我都推左，
半年冇見既袁生找我食晏我又推埋。

點知「下午」既定義係……
「佢地黃昏先到」
「你預五點啦」

當堂企左係到啦。

結果中午返到屋企食完飯之後，
出左奧海城 Join PSP Group 班人。
我兩點半去到既時候，
佢地落左去食野。
佢地張飛係 38 號，
而 Number 就叫到 55 號。
唔好以為係叫過左，
又或者係倒數緊。
其實個 Number 係 Mod 左 100 既，
即係話佢地個 Number 應該係 138 號。
到三點佢地食完返黎，
叫到 98 號喇。
係繼續等既時候，
大家都拿部 PSP 出黎打。
有人打太鼓，
有人打 Virtul Tennis。
打左個零鐘，
收到細牛電話話上得去喇。
呢個時候，
個 Number 仲係 98 號，
而佢地五點九要去到碼頭上遊輪，
亦即係話，
唔駛碌……


上到去先打機，
今次再贏兩鋪。
分別贏細牛既曼聯同艾文既車路士。
兩鋪都係 1:0。

之後打牌，
頭四圈勁輸。
埋單要輸 43 下，
仲要乘 2，
即係做 86 下掌上壓。

之後食 Pizza Hut（假期食 Pizza Hut 真係好唔抵！）
之後阿力加人再打四圈。
今次就由頭帶到尾，
最後個鋪阿力自摸，
剛剛追平我。
我同佢都唔駛做，
細牛同艾文就……
呵呵呵

解脫

近呢半個月未試過有一晚好訓，
尋日解脫左之後，
簡直係另一個世界。
尋晚本來想去買 PSP 隻 Virtual Tennis 慶祝，
不過賣到成 $350 就有 d 貴。
我唔理佢係炒到咁貴，
還是來貨已經係咁既價錢，
總之唔合預算就唔買。

Anyway，
尋晚好好訓，
十一點訓到今朝七點，
仲可以坐到巴士返工。
因為坐巴士返工要早好多出門口，
我差不多成年冇坐過，
仲好準時九點返到公司 Tim ，
呵呵呵。

---

每年呢個時候，
都會有 d 團體出黎派「平安米」。
但呢 d 「平安米」一 d 都唔平安，
年年都有鑊氣既，
今日係尖沙咀派米就有個婆婆死左。

中午食飯睇新聞，
d 公公婆婆好似打仗咁，
又推又擁。
有 d 就跌低係地上，
有 d 就攪到損手攔腳。
有時我都唔明，
咁急仲咩？
係唔係排遲一個半個會冇米拿？

主辦單位又係既，
年年都係咁，
點解唔曉想想解決辦法？
我寧願佢花 d 錢送上門，
派少 d 米，
好過攪咁多次「軍事演習」。

判決書

九月一日值得紀念的一日，
我亦為此 Update 左好耐冇 Update 既 ICQ Info。
今日之前，
就好似跑緊場唔知幾時完既馬拉松咁；
我今日終於跑到日運動場，
跑多一個圈就可以完成比賽。
比賽成績係唔係第一唔重要，
最重要係我曾經參與過，
亦都曾經盡力過。

不過跑完呢個馬拉松，
亦代表我要預備下一場既比賽。
究竟我應該再找一場馬拉松，
定還是跑場金一里，
甚或一場 400 米都跑呢？

係呢個時世，
又係咪輪到我選呢？

講返昨日跑入運動場個段。
下午我成日都係 Lab，
三點幾左右佢就返黎喇，
之後有個同事因工事入去找佢。
四點幾五點，
內線響喇。
唔係逐個召入去，
而係一次召晒兩個 Engineer 入去，
入去講既野，
基本上都預左，
結果係 Case 5，
唔係最好既 Case，
不過都算唔差。

之後既，
就要做埋 d 手尾，
整理埋 d Documents，
寫返 Assembly/Testing Procedures。
做定幾隻做 Stocks。
最攪笑係佢話如果日後有單，
會嘗試找我地返黎幫手……

仲未定生死

我工作上 Direct Report To 既那個老闆，
一般都係下午先返。
如果佢上午出現，
一般都係有事發生，
Either 見客，
又或者要開大會。

今日，
八月最後一個工作天，
他上午出現了。
我們猜想會開大會宣佈停業既事，
我將 Outlook Check E-Mail 既頻率改成十分鐘一次。
一路等到十二點半都冇消息。
到十二點四十五分，
都只係有一個同事入左去，
唔通佢打算逐個解決？
即係下午輪到我啦。

但係中午食完飯返黎，
佢已經走左喇，
咁即係點？

由見左佢既同事吹風返黎，
老闆親口承認 1/10 起會停業務，
亦都邀請那位同事留低繼續幫手拍賣資產既事。
至於我地點處理呢？
未知。
但係如果一個月通知既話，
最遲應該係明天。

---

夜晚 SOC 練跑，
曾 Sir 亦都回歸。
佢轉左新工，
唔駛長駐係大陸，
Even 間中上去，
但起碼星期三可以返到黎。

講返 Training，
今日係三個大圈（即係 5.4 Km）測試，
成績係 30 分 21 秒 9。
比上次雨中測試既 34 分幾快左三分鐘，
不過我都唔係好滿意，
應該可以做到 30 分內，
而目標係三個月內做到 28 分內。

Pascal，你得唔得架？

今日上完日文返到屋企，
收到有人 Pascal 求救既 ICQ Message，
從而展開以下對話：

「喂，你 Pascal 得唔得架？」

「你估下」

「不過問你都驚你唔識。」

「咁唔好問喇。」

「車，問吓都得掛。」

「叫你問，你又驚我唔識喇。」

「咁問 Lor。」

前前後後浪費左成半個鐘，
終於可以入正題。

個 Program 有個 Bug，
佢 Send 左好細部份畀我睇，
之後：

「Send 埋其他黎啦。」

「其他唔關事。」
（你分到邊 d 關事，
邊 d 唔關事，
就 debug 左啦，
駛鬼找我。）

結果當然個係佢未 Send 黎個段度啦，
最慘重要係被人怨我 Online On 得遲 ><

---

近排都唔係點訓得，
雖然已經係三四點，
不過都唔係好想訓。
好似好多野要思考，
定還是我想逃避新的一天呢？

---

有消息了，
新成員是個女來的，
不過未知個名係咩。

雞同鴨講

好怕教人整電腦，
尤其是遙距教授。
話說昨晚我第一次訓醒之後，
發覺有人 Send Messages 畀我，
話部機一開就好食 CPU Usage，
問我點算好。
（個情景因乜解究咁熟既？）

我教佢先 Close 左食晒 CPU Usage 個 Process 先，
然之後 Scan virus 同 spywares。
佢竟問我係邊度 Scan，
咁梗係係佢部電腦度 Scan 啦，
唔通係我部腦度 Scan 咩。
結果攪一大輪，
佢都係唔識攪，
雞同鴨講咁，
驚死。

---

上個星期二模擬既 Cases，
原來漏左一個。

Case 8：
30/8 （即係明天）或之前，
即時遣散。
咁就會補一個月代通知金，
之但係因為做唔夠兩年（還欠一日），
所以冇遣散費。
會唔會計到咁盡，
過埋呢兩日就知。

---

今日去左打籃球，
約得好急，
下午五六點先約。
我放左工先返屋企，
食完飯再坐返小巴出九龍灣，
係牛頭角下村打。
唔係好習慣個框既高度（謎之聲：賴得就賴啦）
所以打得好差。

打完波，
我將三個特登今日整既電池箱交畀佢地。
個電池箱既作用，
就係可以作為外攜式既差電裝置，
去旅行好有用。

版主一句：「我今日本來都係打算找 d 街坊打波。」
攪到我地幾將軍澳、深井、佐敦、何文田、深水埗出黎既波既人好 Hurt 呀。

崇拜

今朝返左崇拜，
數一數個簽到表，
原來我成五個星期冇返。

其實崇拜十點半先開始，
已經好舒服。
昨日大同聚個時，
有人問我今朝會唔會返崇拜，
我先知道佢原來崇拜有兩堂，
佢返早堂係朝早八點半開始。
我就真係返唔到咁早，
仲早過返工呀陰公。

不過今日我好叻呀，
幾年以來第一次冇遲到，
十點二十分就返到禮拜堂。
不過真係好累，
聽道既時候釣左幾次魚。

Anyway，
今日係資訊事工主日，
原來教會既資訊部只得三個部員，
而資訊部又分三個分部，
文字部、網頁部和圖書閣。

完左崇拜去做 Gym，
做左以下動作：
1. Iso-Lateral Bench Press (鍛練中胸) 10/30lbs 10/30lbs 10/30lbs
2. Iso-Lateral Incline Press (鍛練上胸) 10/20lbs 10/20lbs 10/20lbs
3. Knee Raise On Parallel Bars (鍛練下腹) 10 10 10
4. Cable Crossover (鍛練中胸) 10/50lbs 10/50lbs 10/50lbs
5. Lever Seated Crunch (鍛練上腹) 10/50lbs 10/50lbs 10/50lbs

---

下午好懶咁冇溫書，
亦都冇執相。
（Roger 問我拿旅行相黎睇）
去左訓午睡，
三點訓到八點。
後食飯，
睇波（紐卡素又輸 ><）
三點再訓。

連走三場

今日要走三場，
首先上午返左培正教 OI。
今次係訓練佢地快速寫 Programs，
兩個鐘做八題。
雖然 d 題目唔深，
但係都係一個好困難既 Task，
我期望佢地做得晒，
但都起碼做到一半，
可惜佢地既表現唔及格。
以下係個八條題目，
你地又睇吓識唔識做？
200 Rare Order
406 Prime Cuts
412 Pi
484 The Department of Redundancy Department
673 Parentheses Balance
694 The Collatz Sequence
700 Date Bugs
112 Tree Summing

---

下午上左細牛到，
康哥三點幾先得閒，
在這之前，
我地打 Winning。
第一場我（紐卡素） vs 細牛（曼聯），
雙方互有攻守，
大約係三七之比。
結果係加時既一個反擊，
右路底線傳中頂入，
以一比零險勝。

第二場細牛（曼聯） vs 艾文（利物浦），
悶戰一場。

第三場我（紐卡素） vs 艾文（車路士），
我先輸一球，
之後全力反撲，
但係中柱出界乜都有。
結果係補時階段連入兩球，
二比一反勝。

之後打麻雀，
係領先半場既情況之下，
康哥最後一鋪自摸兼乘五，
我要做十二下，
而之前係日記大言不慚既細牛輸最多，
要做四十下。

夜晚同大學同學食飯，
大家都冇乜點變，
一樣咁鍾意派高帽。
咁耐冇見，
自然講返往事。
不過每次都要做一大輪認人手續，
「阿邊個邊個，即係同邊班玩開那個，高高地似螳螂呢……」

亦都會講吓感情生活，
佢地竟然仲記得當年行花市事件，
記得得大約幾時開始拍拖，
真係始料不及。

傾吓傾吓，
原來仲有人記得我唔飲酒唔賭錢。
因乜解究佢地咁好記性呢？

係度解解話先，
飲同賭唔係完全唔會做，
不過免得過就免 lor。

收包裹

又到星期五，
個件包裹好早就送到喇。
當我仲坐緊車返工既時候，
媽媽打黎話已經送到。
都話星期四收左佢架啦，
媽媽又打去改左今日……

Anyway，
放工當係即係返去拆包裹啦。
個盒貼左張海關檢驗既 Label，
即係話海關開過黎睇。

一打開，
見到……

一對波鞋，
媽媽既；
d 維他命丸，
媽媽既；
蔘茶包，
都係媽媽既；
三件龍蝦 Soap，
都唔係我既……

講返盒蔘茶包，
又係貼左海關檢驗既 Label，
亦都見到個紙盒被佢界開過。
裡面係 d 就唔知喇，
因為我冇睇入面。

終於見到係我既野喇，
八達通一張，
上次我遺漏左係個邊，
不過係負錢既。
仲有支 Polo Sport 既噴噴，
不過我係唔識用既，
呵呵。

仲有一套動畫，
叫做「不思議遊戲」。
前排煲完鋼鍊，
現在煲緊死神，
仲有套 Monster 排緊隊，
加埋呢套，
真係有排睇喔！

打籃球

昨晚跑完步已經累，
今晚放工又去左打波，
未 Recover 完又黎過，
肯定累死。


去左摩士打波，
六點半係公司走，
七點去到麥記。
等埋艾力斯七點幾黎到，
食埋野就過球場喇。


分隊打波，
同埋個到 d 人打。
連贏三、四場，
之後其他人都到了，
我地總共九個人，
自己霸左半個場黎打。


打打下，
艾力斯抽左腳，
拉拉之後冇事，
繼續打。
打到十點八，
本來打算打多五分就走人，
點知艾力斯之前抽完左腳，
現在又抽右腳，
所以就散喇。

剛好趕得切入室內場個靚靚更衣室換衫，
所以話塞翁失馬，焉知非福。

---

勁慘，
去外國之前，
買左兩隻二手 PSP Games，
試過晒冇問題。
有一隻一路都唔得閒玩，
昨日拿出黎玩，
點知 Load 唔到，
淚死我……

---

艾力斯叫我一齊讀 MBA，
考慮緊讀唔讀好。
投資左八萬拿了個 Msc 返黎，
好唔好再投多十萬落去呢？
我冇 Econ 底，
又讀唔讀得掂呢？
會唔會收呢？

不過最快都係出年既事，
出年先算。

收件喇

落左好多日雨，
今朝返工，
終於見到太陽。

「終天晴喇！」
呢句只係維持到 Lunch Break 之前。
約左幾個同事去食 Lunch，
點知就又落大雨。
唔知點解，
次次我地四個一齊（有時仲有其他人）去食 Lunch，
都係會落雨既，
數數埋埋都差唔多五六次係咁。

---

下午收到 Fedex 既電話，
話收到個包裹寫住有維他命，
問我係咪 Personal Use。
係既話就要 Fax 返張 Form，
又或者 Send 個 E-mail 畀佢地，
話呢 d 只係 Health Supplement，
唔駛 Licence。
佢仲好好人咁串晒成封 E-mail 既英文畀我（=_=;）

不過好攪笑，
我問佢封 E-mail 要中文定英文，
佢話中英都得，
不過佢部機中文睇唔到。
（咁咩叫中英都得？）

我亦都打聽左幾點派件，
佢話星期四十二點前派，
Fit 晒，
剛剛有人。
（不過媽媽剛剛打去改星期五）

---

約左班大同星期六食飯，
原本有十二個，
不過一個唔係香港，
咁要做野都冇法。
另外一個就激死我，
成個月前約左佢，
佢話冇問題，
今晚就話個日唔得閒，
仲要唔係問佢都唔講，
咁算點呀？

---

夜晚練跑，
一個衝山跑，
加個 Star O。

出路

最近模擬了幾個 Cases，
包括 Best Case 與 Worst Case。

Case 1：
突然有人注資。
咩事都冇發生過咁，
繼續做落去。

Case 2:
有公司（街外 or 姊妹）收購，
畀左個一樣 or 更好既 Offer（發緊夢），
繼續做落去。

Case 3:
都係有公司（街外 or 姊妹）收購，
畀左個差既 Offer（發緊夢），
我拒絕左之後追遣散費。

Case 4:
結業 or 裁員。
補一個月代通知金，
即刻可以走，
仲可以袋多 20k 遣散費。

Case 5:
結業 or 裁員。
補一個月通知期，
袋 20k 遣散費。

Case 6:
我頂唔順走人，
賠一個月代通知金，
賠返 10k 讀書津貼。

Case 7:
我頂唔順走人，
坐多一個月，
賠返 10k 讀書津貼。


咁走左之後又點呢？
一樣有好多選擇。
1. 轉工
2. 轉行
3. 係香港讀多個 Degree （BBA）
4. 去外國讀 Courses （即係去 Boston）
5. 等人養（包）

齊齊打保齡

今晚約左人打保齡，
放工之後就坐巴士落美孚。
約七點半，
不過我七點九先到，
因為遲係公司走。
遲走既原因唔係公司多野做，
而係同 d 同事吹水吹耐左。

事實上，
自從公司暫停 R&D 之後，
我基本上係冇乜野做，
呢幾日做過既野只包括點倉同生產。

本來仲有一個 Project 攪緊，
不過我上次開會問得好清楚，
老闆係話停左個 Project 既 Development。
聽同事講話佢呢幾日問有冇 Demo 睇，
我同事真係冇乜點理佢。

其實一直都好似有被架空左既感覺，
因為就算係我負責既 Projects，
老闆都係搵我同事多過搵我，
唔係我走入佢房，
都未必拿到野做。

Anyway，
今日我同事同佢傾講，
佢話應該唔會發代通知金，
而係會要你坐多一個月。

講返打波，
今日四個人去打，
$280 一條球道任打兩個鐘，
再加 $9 租鞋。
今日打左四局，
除返開都幾抵丫。
不過就等左好耐先有得打，
八點半食完飯去到，
Number 叫到 91，
我地張飛係 92。
不過今日有比賽舉行，
得兩條球道係開放畀街客，
仲要熟客打左電話黎 Book 既優先。
結果等到十點幾，
比賽個 d 都完左先有得打。
好彩大家都有 PSP，
可以 Link Play 太鼓解悶，
如果唔係都唔知點等。

至於我四局既比分分別係：
83（打過四個全中）,
59（打過兩個補中）,
79（50% 落坑率） 同埋 65。

不過一齊打個 d，
打到 150~160 分………

似中學生攪既問答比賽

下午去睇昨日講那個比賽

決賽六隊參賽者，
鬥三個項目。
第一個係必答題，
第二個係動作題（除了夾線仲可以有咩？）
最後係搶答題。

不過攪比賽單位既水準……
仲弱過中學 d 問答比賽

最攪笑係搵個 model 黎做司儀（兩個司儀，另一個係港台電腦節目個主持）
問問題點選擇題 d 選擇都讀錯晒
叫 d 人點選？

d 題目重覆又重覆。
第一隊個其中一條必答題係問 GPS 個中文係乜，
第二隊個必答題係問：「GPS ，即係全班定位系統，最少需要多少個衛星定位？」
咁咪即係講左之前個題答案出黎？
D 題目係抽出黎，
如果轉調左個次序……
之後搶答題又問多次……

結果母校以十分飲恨。
賽後佢地分獎品，
攪左半個鐘都攪唔掂，
結果我睇唔過眼，
收購左佢地個無線 Keyboard & Mouse 套裝，
同埋 $50 書卷……

---

夜晚同媽媽出左旺角行，
佢結果入左部 w800i，
即係新力愛立信新出個部 Walkman 手機，
不過我懷疑佢用得著幾多 Functions。

我都唔執輸，
出左部一年前舊款既摩托羅拉 V3。
諾基亞同新力愛立信既機我都用過，
今次係第一次用摩托羅拉，
亦都係第一次用摺機，
仲要係薄機呢，
某人話部機好形 tim。

轉 System，
要花時間適應，
現在大部份功能都幾合心水，
係個 Phone Book 差少少。

早到廿四小時

今日既橫風棋雨，
比昨日更加厲害，
差不多成日未停過。

今日勁白痴，
話說母校有師弟組隊去參加其麼 IT 問答比賽，
入左決賽。
而決賽就係會展舉行，
咁今日我放工就即刻趕去。

佢地約一點係灣仔地鐵站等，
點半去到會展。
咁我趕到會展都已經點九，
打畀文傑老師。
點知就收到個消息，
個比賽係聽日舉行，
唔係今日，
攪到白行一趟，
呵呵呵。

---

終於忍唔住，
問大衛同學幾時 Updade 個 Blog，
我等佢個續集等左三個月喇。
而問完之後，
即刻 Update 左，
唔知咁算唔算做左一件好事呢？

---

關於生還者遊戲，
原來連其他節目既主持都察覺有問題，
咁呢間電視台都……

前景仍然唔光明，
可能我經驗唔夠啦，
又可能條路一直都好順，
唔識 Handle 逆景。

會 VS. 隊

今日好大雨，
用大雨影容都唔夠貼切，
應該話係橫風棋雨。
d 風吹到我把傘都不穩，
我今天用的已經不是縮骨傘，
而是大長傘，
但都濕左半個身，
可想而知 d 雨有幾勁。

---

母校班師弟想改革定向會，
係會既層面上再成立隊。
我覺得現階段成立隊係言之過早。
要選人組隊，
應該係當個 Pool 夠大夠強才有效。

現在一黎個 Pool 唔夠大，
二黎個 Pool 唔夠強，
組隊事宜只會事倍功半。

係我讀中學既事，
定向係學校仍然係小眾活動，
會員好似有好多，
但係去比賽既只係小貓三兩隻，
更莫講話出去最高水平既排名聯賽砌。

到左呢幾年，
打出個 May Law，
班幹事好似雄心壯志，
但咪又係走唔出個框架。
一兩個跑得既，
加幾個想做既。

結果將會面對既問題，
同我當年幾乎一樣。

佢地現在要做既，
應該係整體既興趣、基本技術既提升，
到有十零二十個比賽人養成既時候，
定向隊自自然然會形成。

佢地以為成立隊可以改善形像，
我形為係比賽有成績先可以改善形像。
成立隊只可以講係一個手段，
唔係一個方法 lor。

Disney

細牛同艾文吵得熱哄哄，
我又加入戰團先。

香港的迪士尼我想去，
不過想信唔會好快去。
返而會去迪欣湖先，
不過都應該係出年既事，
去迪欣湖參加定向比賽。

去旅行你可以參觀古蹟，
可以玩機動遊戲，
可以大飲大食。
點解睇一樣就唔可以做第二樣，
點解唔可以做晒咁多樣？

你讀書時難道今年讀經濟科，
就唔可以讀地理，
要下屆 AL 考試先讀得？

講返迪士尼，
難道它沒有背負著悠長的文化與歷史意義？
無知。
佢雖然沒有敦煌石窟二千年歷史，
但佢係美國動畫接近一百年歷史既活動博物館。

在無聲黑白電影的 20 年代，
卡通影片只是拿來放在電影正式開演前串場而已，
Walt Disney 係第一個製作完整長度既卡通短片。
佢並且當選 "The Time" 雜誌既 100 個本世紀最重要既人物之一。
佢係創作米奇老鼠之前，
還製作個一系列 Laugh-O-Grams、Alice Comedies、Little Red Riding Hood、Osward, the Lucky Rabbit 等黑白短片。

迪士尼係 1928 年創造了米奇老鼠，
頭兩部卡通係 Plane Crazy 和 Gallopin' Gaucho。
1928 年 11 月 18 日首映既第三部卡通 Steamboat Willie，
更是世界首部有聲卡通。
當年係紐約首映，
許多人入戲院並不是為了看電影，
而是看電影播出之前既米奇卡通。

Walt Disney 甚至因米奇而獲頒奧斯卡金像獎的特別榮譽獎。

1935 年 The Band Concert 是一部彩色卡通，
Fantasia 和 Fun and Fancy Free 更加係卡通經典中的經典。
米奇的名字係 1978 年被刻在星光大道上，
是第一位非人類明星。


加州 Disneyland 係 1955 年開幕，
係世界上第一座大規模的主題遊樂園。
開幕一年左右，
遊客人數已經突破一千萬人次。

樂園當中的城堡，
造型來自 1959 年的 Sleeping Beauty。
常規設施 It's a Small World 曾在 1964 年紐約世界博覽會上參展。
1971 開幕的佛羅里達州 Disney World，
和 1983 年東京的 Tokyo Disneyland，
城堡出自 Cinderella。
1982 建成 Epcot Center，
Epcot Center 分成 Future World 同 World Showcase 兩部份。
除了可以睇到高科技成就之外，
仲可以睇到世界唔同地方既風土民情。
1992 年巴黎既 Disneyland Paris，
充滿歐洲古典時代的風格，
其中一個園區以十九世紀古典科學時期的科學探索為主題，
園區的設計風格出自 Jules Verne 的文學作品，
Leonardo da Vinci 的畫作風格等等。
當中的機動遊戲 Space Mountain，
根據 Jules Verne 經典科幻小說 From Earth to the Moon 改成。


世界上唔同地方都有迪士尼遊園，
但唔係個個都相同，
因應當地文化、地形、建造年份上的不同而有差異。
去唔同既樂園，
肯定會有唔同既體會，
不單單是歷史，
還包括地理、文化等等。

悲慘結局

都好耐冇做生還者，
上一集好似係個幾月之前。
估唔到愈接近結果，
劇情愈峰迴路轉。
今集講到召開部族大會，
主持人公佈左一個令人震驚的消息，
就係電視台因為收視既問題，
決定腰斬呢個節目。


自從幾個主力落敗被 Foul 之後，
都有下一個到我既覺悟，
但係估唔到會係全個部族被 Foul。
不過 d Timing 就真係調較得好好，
係正二週目紀念之前。

---

剛剛交了申請信用卡的 Form，
剛剛交了申請外傭的申請表，
再遲少少都冇收入証明。

又剛剛去完旅行，
如果遲下先去可能冇假冇資金。

有個朋友找我做 Gym Partner，
但佢做 Gym 既時間撞正我返工，
現在……

不過日文剛剛開學，
普通話九月又開學。
最怕新人事新作風，
攪到我返唔到學、練唔到跑。
又驚去唔到畢業禮。

不過我相信主有合適既安排，
請代禱。

---

夜晚去左練跑，
5.4 km 測試。
因為天雨路滑，
所以未盡全力。
及格時間是 40 分鐘，
輕輕鬆鬆以 34 分幾完成。
當然距個人最佳時間 30 分半，
及目標時間 30 分正還有一段距離。

亦因為天雨關係，
改了起點，
大約移了半個圈。
原本圈尾衝線前既五連髮夾彎，
變了係圈中間跑，
唔知會唔會影響成績呢？

孤獨精

星期六艾文佢地夜晚約左中同食飯，
出席既據聞仲有家俊老師。
係喇，
我有幾耐冇見過我 d 中同呢？
冇兩年都有年半，
除左 Moly 個個星期上堂見到之外，
其他都好少見，
連波都少踢。

信班個邊據聞一個月都有一次，
不過我相信我個班都有，
不過冇叫我姐，
咁又係既，
我好似同佢地格格不入。
我又唔落 Bar，
唔打牌，
唔識踩單車，
唔唱 K ……

艾文戲稱我為眾叛親離，
都似架。

由細到大，
我都好似唔係好識埋堆，
都係獨處時間多，
其實我都幾 Enjoy 一個人既時間。

好似上左大學，
成百人既一個系，
好自然會有一個個小組。
我當年上到系會，
我覺得自己好叻架喇。
如果唔係，
我想我都係摺足三年。

有時好佩服八面玲瓏既人，
好似 Lapson 咁丫，
i.2000 聚會佢又得，
頹 Soc 聚會佢又得，
高材生個邊聚會佢又得。

---

收到 E-mail，
話有個人訂閱左我 xanga 個邊個日記，
不過 xanga 個邊我都唔寫既。

穿越木人巷

今日同班同事叫 Pizza 外賣，
七個人叫左一個四人餐，
加一個二人餐。
d 野食多到差 d 食唔晒，
其實加多一個人都仲得。
食到好飽，
夜晚返到屋企都冇乜點食，
只係食左一碗飯。

---

成日都約唔到 Alex 做 Gym，
就唔到時間。
佢有話我做 Gym 唔找佢，
但係我找親佢，
佢都唔得閒，
咁點找呀。
Anyway，今晚單拖去做 Gym。
本來有少少唔舒服，
想唔去，
不過係屋企坐坐下見好 d，
就換衫出門口喇。

由佐敦行去旺角，
過左窩打老道之後個段彌敦道尤如木人巷。
好多獵人等緊獵物經過，
一塊版伸出黎，
擋住你既去路，
「先生，可唔可以阻你一分鐘做份問卷，你食唔食煙……」
今日仲攪笑，
左右各一個獵人，
一齊伸手好似關閘架，
結果我要閃兩閃先越過佢地。

今晚本來想練胸，
不過推舉長期好多人，
結果拉左背。

1. Lat Pull Down (鍛練背闊肌 latissimus dors) 12/40lb, 12/50lb, 8/70lb, 8/70lb, 9/70lb
2. Cable Row (鍛練背闊肌 latissimus dors) 8/70lb, 8/70lb, 10/70lb
3. MTS High Row (鍛練背闊肌 latissimus dors) 8/15kg, 8/20kg, 10/20kg
4. EZ Bar Curl (鍛練二頭肌 Biceps) 8/25lb, 8/25lb, 8/25lb
5. Hyber Extension (鍛練下背) 10, 10, 10
6. Lever 45 Degree Side Bend (鍛練腹外斜肌 Obliques) 左右各 10, 10, 10

晨運

今日又黎運吉旅行團。
話說 Rice 話我知舊生會有波踢，
今朝十一點係跑馬地球場開波，
十點半集合。

昨晚風球先除，
上午同中午各下了一場大雨，
都有 d 擔心踢唔成。
但係今朝七八點起身又陽光普照，
地下仲要係乾既 Tim。
食埋早餐收拾行裝出發。

十點十五分到銅鑼灣，
行去跑馬地，
穿過馬場跑道下隧道。
繞左幾個圈，
行勻晒咁多個場，
一個舊生都見唔到。

係就係見到有隊穿黃衫，
（今日我地穿黃衫）
不過全部年紀都唔細。
連更衣衫都冇，
盡最後人事沿緩跑徑繞多次，
都係冇。

十點四十分離開馬場，
就係呢個時候，
我就收到 Rice 既電話，
話個場封左，
所以場波取消。

無奈既我由銅鑼灣一路行落灣仔，
坐小輪過尖沙咀。
係星巴克買左杯 Mocha Frappuccino Light（即係思樂冰）
再由尖沙咀行返屋企。
十二點四十五分返到屋企，
歷時三個小時既晨運結束。

---

睇完某中同既日記，
攪到我又想去旅行 Tim。

PCOI

每逢暑假，
我都有一個特別任務，
就係返培正 Train 返師弟既 OI。
不過近年愈黎愈少，
早兩年，
即係成然同周輝做主力，
阿包讀緊中七個時。
用晒教案，
做晒 Notes，
有功課要求佢地交，
最尾都有考試 Tim，
即係 PCOI 既前身。

個年係教得最認真既一年，
甚至比之前同金魚返去指導佢地更加認真。

之後個一兩年，
開始冇做晒全套服務。
一黎係自己開始忙，
又要返工，
又要讀 Master。
二黎係我識既都已經教晒佢地，
分分鐘佢地識既仲多過我。
其實唔單止 PC 個邊，
港隊個邊我都參與少左，
係初賽決賽幫手出下題目，
幫手改下卷咁。


今日，
我又要返培正教 OI。
形式亦由以往「教」，
改為指導。
畀條題目佢，
畀少少 Hints 佢，
等佢地自己做。
做到有困難，
我先再幫一幫佢地。

其實現在教佢地 d 咩深既算法，
話佢地知個 Solution 係沒有意思。
重要既係教佢地點樣找個答案出黎。

---

中午上左細牛到打麻雀，
注碼由 *5 改返做到喉唔到肺既主場 *3。
因為力王唔得閒既關係，
細牛同艾文要拆伙。

係打既時候，
陪打那個一直話自己唔係輸得最多既魚腩，
呢句說話係北圈之前都亦然係對的。

不過結果都冇人要做，
因為個大學畢業生艾文兄連小學簡單加數都計錯。
打完某一鋪之後，
一個加 1.5
一個加 0
一個加 2
一個加 2.5

唉………

打波先黎落雨

夜晚約左同事打籃球，
今次都係八個人。
不過整日都掛住一號風球，
但係又冇乜點落雨。

放左工落到球場，
分埋隊，
之後一開波，
就開始落雨……

結果籃球活動被迫取消。
將個波放返係公司之後，
過半數既人上左 APM。
本來話食糖水，
但去到 Food Court，
唔知點解變左食 Dinna。

Anyway，
食完 Dinna，
吹左陣水，
就返屋企喇。
今個星期做了好少運動，
原本如果今日打埋籃球都好 d，
結果只餘下星期三跑步。

---

經過一返既努力，
手頭上兩個 Projects 都略有小成。
出左街那個，
Device Setup 既 Program 寫好，
咁以後就可以 Batch Compile 一批 MCU，
然後透過 Program 選擇有甚麼 Function，
Assign S/N 同 P/N。

至於未出街那個，
寫左個 Calibration Mode，
雖然每個 Wavelength 都只係 Cal 一點，
但預期 Cali 左之後會準確一點。

做既野既怠覺真滿足。

老貓燒鬚

星期六要教班，
問佢地有咩題目想傾。
點知佢地 Post 出黎既題目，
十條有九條都唔識。
仲要畀師弟話做乜狀能咁差……

d Programming Technique 放底左幾年，
返工又唔會用到既。
寫 Application，
有幾何要搵 Shortest Path？
有幾何要用 Minimum Spaning Tree？
要用到 Dynamic Programming？

不過我其實想教佢地既，
唔係條題目點做，
而係點樣想條題目點做。
點樣係唔識做既情況之下，
爭取到更多既分。

佢地成日有過毛病，
就係次次都要想 Full Solution，
結果原本有機會拿多二、三十分都拿唔到。
呢樣野我講左幾年，
但佢地都係改唔到。

---

想極都唔明，
點解人地拍拖咁多風波？
看其日記，
好似又黎喇，
唔累的嗎？
我負責八既都覺得累，
何況負責打風的呢？

---

放工撞到細牛，
交換左 d 投資既睇法，
似乎大家都想由外幣轉成基金。

---

今晚放左工之後好累，
結果都係冇去做 Gym。
好懶喔，
個幾星期冇去了。

會考

又到會考放榜，
每年總會有 d 自稱以前低分既，
出黎講低分唔緊要，
佢現在點成功。
會考成績唔好，
唔一定關唔識讀書事，
而係個心態唔得。
肯讀既，
就算幾唔叻都好，
衰極都有個譜。
就算會考成績真係好差，
佢係其他地方發展一樣可以好得。

但係唔讀個隻既話，
就算畀你讀多三四年，
結果都唔會得，
更何況出黎做野？

講返我個年會考，
麻麻地一般既成績，
不過對升中六又冇咩擔心 wor。
返到班房拿左成績表，
就陪隔離班 d 同學你去搵學校。
落完新浦崗落土瓜灣，
之後收到電話話母校出左中六收生名單，
就拿拿聲同馬神飛的返去交錢註冊。

講開交錢註冊，
識得有個人 d 學生，
竟然唔知道要交錢，
冇錢要問先生借……

---

兩件關於會考既新聞。
一係母校今年出了歷年來第二個十優生。
二係考試局公佈今年會考最細既係十二歲，
考獲 8 A 1 C。
不過佢年歲報細左五年……

---

今晚練跑，
先黎一個 Y 特訓，
跑成三十六分鐘，
有 d 慢。
跟住放 Points，
一條七個 Points 既越野式，
用左十五分鐘左右。

第一課

今日は日經日本語學校で日本語を學(まな)ぶ。今から，日本人教師(きょうし)に授業(じゅぎょう)されます。先生の名前は名藤杏子さんです。先生は私達に自己紹介(しょうかい)させる。そして，級友(きゅうゆう)は質問(しつもん)する。最も(もっとも)常用(じょうよう)する言葉(ことば)は「趣味」(しゅみ)だ。

このクラスは20人がいて、自己紹介する時間は全部で一時間を使った。

先生と級友は日本語だけを言うから, 完全(かんぜん)に內容(ないよう)に分(わ)かるのが難しい。私は一生懸命(いっしょうけんめい)勉強するつもりです。日本語に精通(せいつう)したいです。

---

船長(せんちょう)は私に一つのよいニュースを告(つ)げる。彼女の修士の課程(かてい)の第一段階は合格だ。しかし、私は意義(いぎ)をよく知っていない。彼女の修士(しゅうし)の課程は三段階ある。全(すべ)ての完成(かんせい)は卒業(そつぎょう)することができる。段階(だんかい)ごとに一定(いってい)の要求(ようきゅう)がある。それぞれの學期(がっき)の終わりの面接(めんせつ)試驗(しけん)に成功(せいこう)する人は次(じ)の階段に入(はい)ることができます。第三段階の終わり時は卒業碩士論文(ろんぶん)を提出(ていしゅつ)する。

一本の問題(もんだい)は私は聞けないで、いつ卒業することができると予想(よそう)する。

又學普通話

放工去左工聯會個業餘進修中心報 Course，
學初級普通話。
中學學左幾年，
現在又由頭學。
其實大學個時都想過修普通話，
不過佢雖然班多，
但都撞左好多 Major/Minor，
而且又驚低分拉低 GPA，
（有好多原本好勁既去搶 A）
結果就冇報喇。

原本約左七點半係旺角地鐵站等，
但係我七點鐘上左去旺角既小巴，
就收到阿健話改係油麻地。
結果就由旺角行落油麻地，
好彩都冇遲到。

上到去，
即刻揀 Course 填表。
本來想幫阿高填埋，
但係打畀佢又唔通，
結果就只報四個名。
九月開學，
逢星期五上堂。

九月開始就充實 lor，
星期二上日文、
星期三練跑、
星期五上普通話、
星期日上山、
其他三晚做 Gym 多。

---

有同事睇完我個 Blog，
知道我想投資，
Send 左佢有投資既基金貨料黎。
不過 d 基金名我一隻都唔識，
睇黎要學既野仲有好多好多。

不過第一件事係要儲夠錢開戶口先，
恆生要投資就要綜合戶口，
綜合戶口又要收月費，
除非戶口有一定數量既資金，
所以就要儲錢先喇。

青衣 Level 1 Course

今日有班教，
上午係總會，
下午係青衣。
上午我有事唔去得，
做唔到就出事喇。


話說個班係 For 深資呀，領袖呀咁。
而且有半班係女性，
其中教練迪講 Lecture 時，
話佢教開年紀比較細既，
今班 d 年紀比較大……
當堂有班人面口黑晒……


一另件趣事係，
我地十二點二十五分係總會出車，
有教練棟就問會唔會趕唔切呀。
十二點四十五分去到青衣，
佢又問點解一個學員都見唔到。
但其實我地約一點四十五分。


今日同地亦都有教練班係度上堂，
我地見有時間，
就行上山探一探班，
之後先落返黎教班。


出 Field 都係例牌野，
先黎 Map walk（今次係一個鐘），
之後係圖例接力卡，
之後係體驗賽，
最後係解散。


教完班，
冇直接坐 42A 走，
而係落左青衣城先。
本來想睇甲蟲車，
點知七點四十分先做，
個時五點過少少。
結果週圍行下就撒退了。

生日派對

今日放工之後，
返到屋企竟然冇野食。
落街食完野之後，
就去睇中醫。
睇完既時候，
媽媽打黎問等唔等埋佢一齊睇。
又係佢話唔得閒睇，
我先改早一個鐘，
現在我睇完你先話又睇得……

之後去左九龍灣打保齡。
原來保齡班場買少見少，
啟德拆緊，
黃埔執左，
我知既應該仲有第一城、澳海城同淘大。

係等位既時候，
一人拿部 PSP 出黎 Link Play，
勁攪笑。

太耐冇打 lu，
打左兩局，
一局比一局差。
兩局都冇一百分，
第一局都好似有七十幾，
第二局得返五十四。

最慘係現在比以前大力左，
（雖則都係細力）
換極個波都未找到適合既重量，
由 10 號試到 14 號……

之後出左旺角唱 K，
呢間裝修左好多主題 K 房，
我地間房好似監倉。

玩到十點左右，
就唱生日歌都食蛋榚喇。
玩到十點半離開。
佢地落 Bar 有下場，
我就返屋企喇。
玩左全日，
結果冇去做 Gym。
不過今個星期日做左三百下 Push up，
星期三又做左 3 * 3 循環訓練，
訓練量都夠既。

英語對白何處尋？

有冇攪錯？
我都係想找個有返原裝英文對白既西片姐，
咁都咁難。
上次睇超人特攻隊，
要找英文配音，
屋企附近電影中心都有。
今次搵 Herbie Fully Loaded 既英文對白，
電影中心沒有。
一係要過海 IFC，
一係就入東涌，
唔係咁玩我呀？

---

往往臨門一腳先黎出事，
今日滿懷信心做 Full Testing，
點知又出事……

---

G 先生一畢業出黎做野既時候，
係一個好盡責既員工。
返工永遠係有早沒遲，
有時仲要係最早那個返到等開門。
工作時候只會工作，
唔會睇 Newsgroup、玩 ICQ、MSN、
做自己野。

唔知係被人教壞定點，
現在既 G 先生已經變晒了。
返工有遲冇早，
最少都遲三十分鐘，
遲少過十分鐘已經還得神落。
做野就拖拖拖，
一日攪得掂既野可以用一個星期黎做。
當然個一個星期唔係全部放晒落個工作度啦。
不過奇又奇在，
竟然到現在都未炒到佢……

G 先生如果有返剛入職時既七成水準同魄力，
呢個世界會美好好多。

阿嫂

剛剛由美國返黎之後，
參加了一個比賽，
冠軍獎品包括 $100 既工聯會報班現金卷。
本來打算今日放工去報班既，
出到旺角打畀劉 Sir，
原來 8/8 先開始公開報名，
白行一趟 Tim。


夜晚食完飯，
去左奧海城睇阿嫂。
套戲勁唔得呀，
故事內容唔講，
淨係拍攝手法都唔得。

玩好多花巧野，
可惜花巧過頭，
花巧過多……
而且玩花巧之前，
你都講得掂個故事先丫，
簡直本末倒置……

播片頭時，
見到有套港產片就上，
又係楊千嬅拍吳彥祖，
有冇 d 新意呀？

呢期幾多片想睇，
包括上緊既 Doraemon、Herbie Fully Loaded、
Stealth、七劍，
仲有下個星期上既 Charlie and the Chocolate Factory、Valiant，
再下星期既 Racing Stripes、Sky High。
邊睇得晒呀？

---

用返廣東口語寫日記真係快好多，
十五分鐘就起課。
不過為左 Prepare 年尾個考試，
都要用多 d 外語。
現在都係諗句中文，
成句係 Translator translate。
有個框架之後，
再改做我識既文法。
慢係慢 d，
不過可以溫故知新。
唔知幾時我可以唔用 Translator，
速度追得上思想呢？

進步

私は英語で昨日の日記(にっき)を書くのに三時間を費(つい)やした。日本語で書くのは英語より多くの時間を過(す)ごすでしょうか？

---

新しい同僚(どうりょう)は來週(らいしゅう)の火曜日(かようび)に就業(しゅうぎょう)する。彼はセールス(sales)エンジニアだ(engineer)。彼は技術(ぎじゅつ)知識(ちしき)があるので，彼はひとりで展示會(てんじかい)に出席(しゅっせき)することができる。私は他(た)の國(くに)まで出張(しゅっちょう)する機會(きかい)がないかもしれない。

---

私は昨夜カオルーン公園(九龍公園)でランニング(running)トレーニング(training)があった。私達は2.4キロメートル(kilometer)のランニング(running)のテスト(test)を行(おこな)った。私はかなりの改良(かいりょう)があるのが非常(ひじょう)に嬉(うれ)しい。私の前回(ぜんかい)の成績(せいせき)は12分半だった。今度(こんど)，3 分間くらいの改良があった。完成(かんせい)時間(じかん)は9 分38 秒だった。私の次の目標(もくひょう)は9 分以內(いない)が終點(しゅうてん)に到著(とうちゃく)するのだ。しかし，私が來月(らいげつ)時間單位(たんい)の記錄(きろく)に責任(せきにん)を負(お)うので，私はテストを行えない。

その後(ご)，私達はサーキット(circuit)トレーニングがあった。サーキットトレーニングは幾(いくつ)つかの体操(たいそう)を組(く)み合(あ)わせてする。それは腕立(うでた)て伏(ふ)せと起(お)き上(あ)がり腹筋(ふっきん)運動(うんどう)などを含んでいます。それは私達の筋肉(きんにく)を鍛(きた)えることができる、そして、心肺(しんぱい)の機能(きのう)は訓練(くんれん)されられる。

私はオリエンテーリング(orienteering)のために2つ設備(せつび)を買った。 衣服(いふく)を交換(こうかん)しているとき、私はバックパック(backpack)の上(うえ)に椅子(いす)で座(すわ)ることができます。ヘッドライト(headlight)は暗夜(あんや)に使用(しよう)されます。

SMS

What is SMS?
SMS (Short Message Service) is a service for sending message of up to 160 characters (7-bit mode) or 224 characters (5-bit mode) to mobile phones through GSM (Global System for Mobile) networks. SMS is not a real time communication. SMS messages do not require the mobile phone to be active and within network cover range. The messages will be held for a number of days until the messages are reached the mobile phone. They can be transmitted with in the same cell or to anyone with roaming service capability. People in Hong Kong can send SMS messages to others in Hong Kong or in other country. Comparing to a mobile phone call, the SMS use less bandwidth. Service Provider can earn much more money if all the mobile phone calls are replaced by SMS messages.

You may query that why I am talking about SMS.

Remember that The 4-Tiger of Jordan went to a pub on Friday of the week before last? When we were there, Sunny frequently played with his mobile phone. We found out that he was having a SMS conversation with her who is in US.

We asked why not having a IDD call so that could hear her voice. He said that there is always dead air when having phone conversation. If they used SMS, they could think more before wrote. Moreover, the round trip time of the SMS replies is less important than phone conversation.

It seems that we are having similar situation. Always have dead air when having phone conversation. It may because I have difficulty in talking to someone I loves. Before the relation started, she asked why I was silence when she was there but kept talking after she left. I can't remember what is the answer I told her, but I believe the truth is as same as I just mentioned.

Different from Sunny, our solution is using ICQ. ICQ is a instant messenger that we can chat, as well as transfer files and URLs. Besides, you can set you status such as "online", "N/A", etc. so others could know that your are sleeping, having lunch......


I am almost turning on ICQ 24 hours a day to let her know my most up to date status. With having a loud voice when receiving messages, I can reply as fast as possible. I think ICQ, SMS are good solutions to solve the problems of dead air, isn't it?

---

An interesting thing happened in the night. I was waiting someone in the MTR station near the gates. A girl tried to exit with putting her wallet on the Octopus sensor. I guess she put the Octopus card in her wallet. However, she failed to exit and heard some error signal. She took a few steps back and then went to another gate. Error signal was heard again. Afterward, she took the ticket (not the Octopus card) out from her wallet and exited.

佐敦麻雀

昨天的日記，
只係記下舒服既上半晝。
冇錯，
比坐第二行睇戲更辛苦既還在下半晝。

下半晝係打「佐敦麻雀」，
因為我打麻雀唔打錢既關係，
我地係打掌上壓既。

賭注（其實唔應該用呢個 Term）仲愈打愈大。
由以往三番起糊，
最大八番，
一番一下；
到後來正風位乘五，
即東圈第一個人做莊時、
南圈第二個人做莊時……
到今次既鋪鋪乘五圈圈清。

簡單 d 黎講
即係出沖一鋪三番要做十五下。

宏觀黎睇，
因為打「累街坊」，
而且細牛同 Edmund 夾，
基本上冇得輸。
自己食糊唔計，
如果我出沖阿力一鋪三番，
我做十五下、
閒家康要做八下、
閒家細牛同 Edmund 都要各做八下。
人地加埋廿四下，
我做十五下，
有賺 tim 啦。

除非係要包既姐。

Edmund 包左我一鋪十二章。
話說我筒子混對對九張，
咁都應該唔會有人再打筒子，
然後我當中有一對四萬，
咁 Edmund 就打四萬畀我十二張喇，
最後我仲要自摸，
各送左六十下畀細牛同 Edmund。

不過出得黎行，
預左要還。
最後一鋪，
（本來摸和打完架啦嘛，冇啦啦要打多鋪）
對面阿力索子大對對，
下家九張萬子未叫糊，
我筒子混一色，
拿住一隻索子、一隻萬子，
打是旦一隻，
都可以三番單吊，
又或者可以棄糊。
不過下家既然未叫，
我梗係摶一摶架啦。
結局就包左鋪十二張自摸喇。

打呢次麻雀好健康，
我地五個人加埋做左成千下掌上壓，
最少既力王都要做一百下，
最多既差唔多做左三百吓。