「通」唔起

老了，
真的老了。
細牛都黎到過 334，
我因為星期六朝要返工，
只係黎左個 34，
今朝返工都吃不消，
又開始作病。

以前讀 U，
點通都冇問題。
記得趕 FYP 個排，
連續廿個 10 （通到第二朝 10 點）都冇問題。
現在？
肯定唔得啦！
係年紀大左？
定係習慣左灰姑娘既時間呢？

---

今日中午老闆請食自助餐，
返去 HITEC 食。
HITEC 即係九龍灣展貿，
公司舊址。
自助午餐，
都好耐冇試過，
對上一次，
講緊既應該係 99 年係土耳其比賽個時。

呢度自助餐都幾豐富，
有沙津、有冷盤、有湯、有熱食、有點心、
有淥麵、仲有廚師切羊脾！
甜品又豐富 wor，
仲之就又好味，
食得又滿足啦。
結果食到三點，
之後坐老闆車返公司，
呵呵呵。

---

夜晚上日文，
完全不在狀態。

体の気分が悪いので、精神を集中して授業を受けることができない。