真人 Show

大學同學套畫劇好戲連場，
自從佢轉了地步放片之後，
總算每日都有新劇情。
最新劇情講到：

奸角再次出場，
一段三角關係，
演變成四角關係，
男女主角更一度懷疑兩名奸角已經聯手。

自己一個追劇集睇，
茶餘飯後冇得討論係好辛苦既。
既然係咁，
我梗係要找返個人傾下啦。
環顧我身邊既人，
會追呢套劇集，
而又同我一樣更八既就只有船長喇。
佢既結論好精彩，
大約意思如下：

「多角關係係當佢地得閒先至會有，
如果佢地有船長咁忙，
再多幾隻角都未必發現到，
因為訓都唔夠時間訓。」

補充一下船長既狀況，
現在佢係日頭做野，
夜晚讀書。
再加埋做功課同溫書，
有幾多得閒時間可想而知。

Anyway，
希望大同呢套電視劇快 d 大結局啦，
最好就 Happy Ending。

---

今晚 SOC 練跑，
頭盤係衝山跑。
最快個轉係 8 秒 8，
最慢係十秒幾。
Recover 得好慢，
個頭幾次因缺氧而頭痛。

之後係奪分式，
跟返星期日比賽咁分組，
我同曾 Sir 450 分中拿了 340 分，
五隊中排第三。

最後係搶分式收 Point，
十個人三十個 Points，
鬥快收三個返黎。
跑得最快那個，
尾二才返，
因為有好幾個 Points 都被人截糊。
結果我最快，
兩分半就收了三個返黎。