導航

下午紐版約左人鬥波，
約點半係地鐵站等，
我準時到，
等到四十五分都唔見人。
結果自己去球場。
等到兩點幾，
終於開到波。

我地先開紀錄，
之後被人返超前。
之後我休息夠再落場，
打前鋒入兩粒。
最後比數係贏 8 比 4 。

對面 d 龍門好矛。
一球佢成個人撞埋黎，
波佢又掂唔到，
我就硬食佢一野。

又有一球另一個龍門訓落黎，
又係波都掂唔到，
我就收晒步，
但係都被佢撞底，
膝頭瘀晒，
勁痛。

---

夜晚去艾文家打邊爐，
第一次見艾文女友阿 Mo。
食完之後，
細牛車阿 Mo 返屋企，
我同康哥又趁熱鬧一齊去。
細牛唔熟火炭 d 路，
導航既責任當然落在我呢個專業人士身上。
順利完成任務。

去到火炭，
本來應該直行，
艾文就口快快話要轉左。
本來只要轉一次彎，
結果就要轉三次……

之後打牌，
輸左 126 下掌上壓。
佢地猛話叫我放棄，
哼！
我一定做晒先走。

結果又三點幾先返屋企。