今日放工之後,
返到屋企竟然冇野食。
落街食完野之後,
就去睇中醫。
睇完既時候,
媽媽打黎問等唔等埋佢一齊睇。
又係佢話唔得閒睇,
我先改早一個鐘,
現在我睇完你先話又睇得……
之後去左九龍灣打保齡。
原來保齡班場買少見少,
啟德拆緊,
黃埔執左,
我知既應該仲有第一城、澳海城同淘大。
係等位既時候,
一人拿部 PSP 出黎 Link Play,
勁攪笑。
太耐冇打 lu,
打左兩局,
一局比一局差。
兩局都冇一百分,
第一局都好似有七十幾,
第二局得返五十四。
最慘係現在比以前大力左,
(雖則都係細力)
換極個波都未找到適合既重量,
由 10 號試到 14 號……
之後出左旺角唱 K,
呢間裝修左好多主題 K 房,
我地間房好似監倉。
玩到十點左右,
就唱生日歌都食蛋榚喇。
玩到十點半離開。
佢地落 Bar 有下場,
我就返屋企喇。
玩左全日,
結果冇去做 Gym。
不過今個星期日做左三百下 Push up,
星期三又做左 3 * 3 循環訓練,
訓練量都夠既。
No comments:
Post a Comment