收包裹

又到星期五，
個件包裹好早就送到喇。
當我仲坐緊車返工既時候，
媽媽打黎話已經送到。
都話星期四收左佢架啦，
媽媽又打去改左今日……

Anyway，
放工當係即係返去拆包裹啦。
個盒貼左張海關檢驗既 Label，
即係話海關開過黎睇。

一打開，
見到……

一對波鞋，
媽媽既；
d 維他命丸，
媽媽既；
蔘茶包，
都係媽媽既；
三件龍蝦 Soap，
都唔係我既……

講返盒蔘茶包，
又係貼左海關檢驗既 Label，
亦都見到個紙盒被佢界開過。
裡面係 d 就唔知喇，
因為我冇睇入面。

終於見到係我既野喇，
八達通一張，
上次我遺漏左係個邊，
不過係負錢既。
仲有支 Polo Sport 既噴噴，
不過我係唔識用既，
呵呵。

仲有一套動畫，
叫做「不思議遊戲」。
前排煲完鋼鍊，
現在煲緊死神，
仲有套 Monster 排緊隊，
加埋呢套，
真係有排睇喔！