有冇地址？

相比於昨日，
今日比較悶，
而且好激氣。

原本夜晚打算出去買耳筒和睇戲，
叫埋媽媽。
咁佢話佢探完 Uncle 先，
跟住坐車落去睇戲。
問我幾點開場，
我答佢七點二十分。

但探到咁上下，
Uncle 有其他親戚到，
沒有咁快走得住。
唔睇咪唔睇 lor，
冇乜所謂。
咁媽媽話落去買飛先。
落到去剛剛七點二十分，
媽媽話睇下幾點開場先。
（咪一早話左開七點二十分 lor）

之後仲攪笑，
打電話畀 Auntie，
話套戲開七點二十分，
問佢趕唔趕到落黎。
（嘩！龍珠既瞬間轉移咩？
話到就到）

之後我話過朗豪坊睇睇會唔會八點有啦。
行到去，
收到媽媽電話。
話 Auntie 個親戚想同我地一齊食飯 Wor。

「邊度食？」

「XXX 大酒樓。」（留意係叫唔出個名架）

「係邊？」

「附近。」

「地址呢？」

「彌敦道。」

「彌敦道好長 wor，畀個地址黎。」

「都話附近 lor。」

「……」

食完飯，
結果都有睇戲。
睇黑俠梭羅。
唔知係咪要求高左呢，
我就覺得唔係幾好睇喇。