CPR

First Aid 個度要八成出席率先可以考試，
雖然我好想走多堂黎溫日文，
不過我走堂 Quota 用晒，
結果都要上 First Aid。
今日係教 BB 既 CPR，
同埋練返成人既 CPR。
其實 BB 既同大人既有 D 似，
但又唔係全部相同。

成人既係口對口既人工呼吸。
但 BB 個嘴細，
所以係口對口鼻既人工呼吸。

按壓成人既係用雙手，
按壓 BB 既係用兩隻手指。

成人既比例係十五比二，
即係按壓十五下，
吹氣兩下。
嬰兒既比例係五比一，
即係按壓五下，
吹氣一下。

不過兩者都有相似既地方既，
一開始都係確定現場環境是否安全，
檢查清醒程度，
叫人報警，
暢通氣道，
檢查呼吸，
冇既就送兩下，
檢查脈搏，
之後就開始喇。

---

今日開左個特別會議，
話 D 機成日 Hang，
要找出個問題所在。
攪左成日，
結果係兩部機其中一粒 Chip 唔同……