破紀錄

自從六月去完旅行返黎，
個 BeJeweled 個最高分紀錄被人破左之後，
我就不停咁挑戰。
雖則人地只係用左一個星期時間就破左我舊紀綠，
但係佢係幾乎成日不停咁玩，
我只係得閒玩一兩鋪，
拉返黎計，
差唔多掛。

我現在既分已經突破左三百萬分，
係 3176750 分。
比舊紀錄 2884000 分高左達三十萬。
呵呵呵

---

夜晚上普通話，
終於教到兒化音喇。
呢堂亦都係普通話初班既尾二個堂，
上埋下個星期就完喇。

唔講唔覺，
原來日文同普通話係同一個星期完。
日文就隔一個星期可以上新班，
（如果考試及格的話……）
普通話就好似一月。

落堂之前，
照例係聽歌寫歌詞。
我亦照舊錯一個。
今次衰錯左係「秘密」呢個詞語手上，
我幾時先可以滿分呢？

上完堂，
去左公和堂食晚餐。
本來想叫送食飯，
點知個廚師剛剛走左，
結果要食碟頭飯。
我叫左「神秘豬頸肉飯」，
呢個飯最神秘既地方，
就係我食晒都發覺唔到邊度神秘……