短毛

十月一日，
新的一個月，
新的開始。

下午過了 SOC，
會合 Dicky 同阿棟入十月練習賽的資料。
賽員 d 名真係奇奇怪怪，
我唔係取笑佢地個名，
只係佢地寫落張 Form 寫到奇奇怪怪。
結果入到五點左右就入晒 d 資料喇。

之後返到屋企，
見到媽媽正想出街。
原來佢想去探 Uncle，
叫埋我去，
我梗係一齊去啦。
一行三人（仲有 Auntie）一齊上 QE。
探完 Uncle，
就落返佐敦意粉屋食 Dinna。

食完之後，
就過左隔離剪頭髮。
由長毛炒變成短毛炒，
幫我洗頭同剪後衝走頭髮那兩個人既服務態度相差好遠。

第一個好有禮貌，
會問水溫適合與否，
力度適合與否等

第二個就一於好少理，
拿拿臨攪掂收工。

再之後落左廟街，
買左個袋仔畀個電話。

本來今晚 Omuser 又約出去打 PSP，
不過因為我聽朝要跑比賽，
所以都冇去到。
十點左右返到屋企，
執完行裝就訓了。