搶手貨？

我咁大個仔都咪試過成為搶手貨架，
Jobsdb 個度勁多公司 Request 我 resume。
不過睇真 d，
全部都係保險公司……
有冇機會真係成為搶手貨呢？

---

計計埋埋，
申請左既信用卡都有成三張。
今日又偷到一封邀請信，
係 Asia Miles 寄黎，
又係叫我申請信用卡，
仲要係金卡 Tim。

不過咁，
莫講話我有份工既時候，
年薪都未必附合金卡既要求。
更何況我現家冇工做？

想我申請？
咪玩啦！

---

夜晚上堂。
冇乜點溫書，
只係臨上堂之前溫左陣，
默既時候都係唔識既多。
加上有少少唔舒服，
所以都係冇乜狀態。

兩個星期冇返既 Moly 今日上返堂，
點解兩個星期缺課呢？
原來就係去左考試。
Moly 呢行，
又係要考 N 咁多個試先拿到牌，
真係辛苦晒 Lor。