賣相機

三國志大戰隻 Game 真係幾多人玩，
今日係旺角其中一場初賽，
又被我撞到個中學師弟大鼻。
今日我去做史記，
即係話記低每場比賽重點，
好等撰稿的有材料。
今日咁橋我就係坐係佢隔離記低佢既比賽，
你話呢個世界幾細呢？

比賽完左，
我落場練習，
結果二勝一負，
但係對小組出線愈來愈冇信心。

---

因為某 d 原因，
我想賣左部相機。
原本有個買家，
不過最後都告吹。
因為佢急用，
我 Reply 慢左少少，
佢係 Yahoo Fast Trade。
我充分體會到咩叫蘇州過後……

因為我都急放，
今次再放唔出，
分分鐘冇機會放得出。
結果就周圍找人 Send Message 問佢係咪想買。

其中一個覆我，
佢暫時未想買。

佢睇完我日記之後，
係咁讚我。
話我十分了得，
文武兼備，
還佩服我繁忙工作之下作多方面進修。

真係過獎喇，
我邊有咁勁丫。