無訊號

唔知係個電話壞，
定係現家呢個台差左。
以往收到電話既地方，
現在係直情冇訊號。
話說講緊電話，
返到屋企樓下，
咁入 Lift 收唔到係可預計既事，
咁我就選擇行後樓梯。
其實以前都試過，
不過個時手提電話未轉台，
可以 Keep 住個 Connection。
結果今次就斷左線，
我就要跑樓梯跑返屋先有返訊號。

講開手提電話，
話說我唔係香港個陣，
錄左個留言信箱，
話我唔係香港。
但呢個留言就出左事喇。
畀一個唔應該知道我過左 Boston 既人知道我過左去，
有 d 為自己既人生安全擔憂 tim……

---

今晚原本唔想睇波，
十一點就去訓。
點知夜晚落雨，
落到掛紅雨 tim。
原本落雨都唔係一個大問題，
最大問題係仲要行雷。
單係計我嘈醒左，
都有響雷三連發。
嘈到咁，
仲點訓返？

望一望隻錶，
四點鐘，
仲有下半場睇，
就出去睇波喇。

---

終於開始 Pick Up 返，
今日面對其中一場比場既四強，
兩戰兩勝。
好可惜佢唔係用佢既比賽 Deck，
如果唔係就可以試到實力去到邊。