火

尋晚真係好火，
話說上完日文返屋企。
兩架電梯新個部係九樓，
舊個部係八樓。
咁我按制啦，
八樓個部著左向下箭咀，
九樓個部冇反應。
（唔通改左 Program？）

等左十分鐘，
新個部仍然係九樓冇反應，
舊個部仍然係八樓著左向下箭咀。

咁我同保安員講：
「部 Lift 唔落黎既」

點知個保安好悔氣咁質我一句：
「睇到喇」

我都係 Report 返個實情姐，
我知增加左你工作量，
咁呢個都係你工作範圍，
駛唔駛講得咁悔氣？

好彩呢個保安員平時係當日更，
今日只係替更。
佢當日更即係我少機會見到佢，
咁都好 d。
（夜更那個幾好傾，
起碼識得同人打招呼）

---

因為去左旅行，
有套好想睇既戲睇唔到。
因為呢套係港產片，
所以係美國更加冇機會睇到。

今日本來打算夜晚放工睇九點半，
點知我八點幾出到去，
發現佢尾場係七點五十分，
Well……