臨急抱如佛腳

唔知係咪天性懶惰呢？
上個星期畀既功課，
今日要交喇，
我今日先做，
仲要唔記得有咩要做……

下下都係臨急抱如佛腳，
呢個人真係冇藥可教……

Roger 生日

因為昨晚早早就訓，
所以好早就醒左，
十一點零左右啦（夜晚 wor）


睇左諷刺市敝既「路人甲乙丙」之後，
打左陣機，之後「玩電話」……


有人話我咁夜都唔訓，
聽朝實唔知醒返崇拜…

哼！起身沖埋涼、睇埋報紙食埋早餐都仲得呀！
睇小我？哼哼！


Anyway，返完崇拜之後，
上左個 friend 屋企聚舊，
就係因為咁，所以去唔到個大學同學 R 君既生日慶祝活動。
對唔住呀！

不過係事後，我覺得呢個選擇係明智既！
因為佢地去左劈酒…
我……忌左飲酒架喇！
酒呢 d 串腸毒藥，免得就免喇。

係唔係？

深圳書城去唔成

原本（記住，係原本）約左幾個大學舊同下午上深圳書城，
我打算買一些電腦程式篇寫的參考書、
Software Engineering 或 Project Management既理論書、
和日文學習既參考書……

故我一早已委託媽媽幫我對定五百元人仔（人民幣）。
誰不知………


先係早上九點左右，同學 A 君話唔記得帶回鄉證，
um 都解決到既，可以返屋企拿，
佢屋企又幾近我公司，可以等埋佢一齊坐亡命 van 仔。


一個問題解決，第二個又黎
十一點左右，落傾盤大雨，
咁大雨，點去呀？
尤幸十數分鐘過後……
咦…停左雨？定係我頭先眼花？


跟住……
第三個問題又黎喇！
臨收工，收到同學 P 君個電話
「我唔黎喇，我病左，昨日工都冇番……」
er，你病左唔去得都冇計啦，
但係都仲有三個去…


點知，同學 C 君約左朋友七點鐘旺角食飯，
本來都冇咩問題，
係係 A 君要返一返屋企拿回鄉證，
咁 C 君就會好趕
咁佢就提意不如延期啦。


佢都講得對既…
結果我同 A 君去左味千食午餐，
（叫個樣冇個樣，我唔再係觀塘食野喇 >< ）
之後早早返屋企，早早上床睡覺……

聽故定駁故

上回講到，我同轉轉尋晚入沙田睇黑白森林，
呢套戲，ok gei，
起碼佢都畀到思考空間我，
個劇情唔係咁易估到。

如果畀我選，「千機變」和「黑白森林」，
兩套只能看一套，我會選黑白森林。


但係套戲都有 d 敗筆，有犯駁既地方。

第一、套戲一開始時，我以後自己聽緊廣播劇，
因為頭段係聽到黃浩然把聲，
不斷咁交代劇情。


第二、假設你同你敵人一人拿住支槍，你畀佢射左一槍。
你會點做？
梗係射番佢啦！
但係戲入面既選擇係同個敵人吹水……


第三、套戲加插左好多杜汶澤既笑料，
但係近排睇咁多套港產片，
幾乎套套有佢，感覺上有 d 濫。

黑白森林

因為有一大同（大學同學是也）做野間公司同電訊數碼有生意上既來往，
所以可以用較平既價錢買其贊助既電影既戲票。


其實就算冇優惠價，都有打算睇呢套「黑白森林」。
今次有優惠價，更促使我快快去睇啦！


唔知係咪因為已經上左成個星期，
戲院已經沒有播得咁密。
有 d 戲院一日只播兩三次。


本來早幾日約左轉轉去旺角 GH 睇，
佢今日又話想改去旺角百老匯睇，
話近地鐵站同埋佢可以順手買西褲 wor。
都 ok 既，隨左環境、音響冇緊好之外，都唔錯既。

不過我上網 check 幾點有得睇時，
發覺套片已經冇係旺角百老匯上，
咁冇計喇，唯有去旺角 GH 睇。

睇下旺角 GH 幾點有得睇……
話成十點，睇完咪好晚？

Check 百老匯同嘉和院線，
最早都要 9:35 係尖沙咀，
以為冇計啦，


點知轉轉突然 send 個 message 黎話 7:45 有得睇，
咦！係 wor，唔記得仲有 UA 院線 tim！
不過就要入沙田睇喇……

千機變

昨晚去左睇「千機變」，
套戲都叫好睇既，
但係剪接剪到一截截，唔夠連貫 lor
希望愈大失望大…


另外因為要趕入場，所以做 gym 時唔係跑左好耐，
只係練左上山跑（10% 斜度，每小時 8 公理既速度）
希望今晚係九龍公園可以跑番足啦。

---

唔知咩事，幾日都肚痛，
仲要好準時咁三點左右開始痛，
tea break 都冇咁準時。
唔通，唔通你過左 d 野落我到？

我唔制呀！

---

係電視新聞見到保安局局長個副乞人憎既嘴臉，
有 d 衝動想打佢！

---

同事 P 君 forward 左封 e-mail 畀我，
係關於一架即將啟航既飛機，
豪華到呢……
如果我有機會坐一次就好喇……

畀佢個網址大家：
Air Bus A380

申冤

今年第一次發出酷熱警告，真係好熱……

熱還熱，我都要喊：「申冤呀！申冤呀！」


大家唔好畀佢虛假既善良外表騙到。
其實最奸詐既就係佢，
仲成日蝦我 tim。


官府大人你要為我主持公道呀！


其實我先至係受害人，
最需要安慰。
點解 d 人次次都係安慰佢？
唔公平呀！！

哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇
哇哇哇哇哇哇哇哇哇哇哇哇哇哇哇哇哇哇

---

To 朱東：

多謝關心

之但係唔鬧交唔得大架 wor！
（其實都唔係鬧既……）


有個炸彈係度，
梗係愈早拆除，甚至早 d 引爆好 d 啦！
如果唔係儲埋儲埋成幾噸炸藥，
讓你練成鐵布衫、金鐘罩、十三太保橫練。
金剛不壞、刀槍不入，都炸死啦！
係咪？

唔夠訓

在此首先恭喜潘 sir 久休復出，當選香港野外定向總會學校定向秘書一職。


連續幾日都唔夠訓（「日」定「月」呀？唔好打錯字 wor）
今日都係好累…好累……


最慘就係原來我未溫今晚既默書，
又要「借用」返工時間黎溫書，
有 d 唔好意思 tim……

又遲到

昨晚唔知點解失眠（其實因為本小說未睇晒）
咁打完機，睇完波同睇完書都成三點幾。
想聽朝唔去崇拜 tim （罪過，罪過）
想而已，最後都有去……

今日約左人十點半畀 d 野佢，
八點鐘就有人肉鬧鐘打黎，
有成兩個半鐘畀我預備出發，

結果都係………遲到，仲要係遲大到
我煮完早餐、沖完涼、刷完牙、洗完臉都已經十時鐘
食完個麵都已經十點半………


um，要改善遲大到呢個惡習先得。

大日子

今日係二零零三年六月二十一日，
係一個大日子，因為……


《哈利波特 - 鳳凰密令》今日有得賣喇！


近黎發生既事，好似對住塊鏡睇番自己咁，
感覺好攪笑……


有人話：「人地都係一番心意，點解你唔領情。」
因為，有 d 野係日積月累番黎。
你點樣對人，人地會點樣對你。

由細到大，我鍾意見到人地熱鬧多過自己熱鬧，
所以睇戲我唔鍾意一班人睇，
三兩知己，甚至我自己一個去睇，我仲 enjoy。

我冇（亦都唔喜歡）同人慶祝呢樣，慶祝個樣
所以亦都唔希望人地同我慶祝。

到咁上下時間，我會去避，去躲，
你可以話我自閉，
我認架，咁點？

見到無論我點去避，人地都咁熱心去攪，
咁我除左內疚仲可以點？
王過我都係唔會出席……

---

由以前既單向接收，
到後來既隻向溝通，
到現在好似同緊 alice 講野咁，
我受夠了，我唔想等人施捨，
唔想講就唔好講，唔好應到好似應酬緊我咁……


其實，間唔中一個 message，
話我知你做緊咩，
又或者話我知你將會做咩，
甚至簡單到 "Hi"，"Bye"
一 d offline message （雖然我廿四小時 online 緊）
我收到已經好開心。
起碼我知道原來我仲係存在係呢個世界上……

---

有預感衝突係由誤會而起，果然……
不過真相係呢一刻已經唔再重要，
重要既係，我現在知道：
事「有」不可對人言，
就算那個「人」係幾咁老友，又或者係幾咁親密。

當然，Joey、玄也等「人」除外……

---

克勤又有新歌，歌詞係克勤谷抄過黎

有了您世界更美 明明蝕底　都也願意留低 辛苦也不計 因您　這世上變得更美麗 聽盡了許多　一世話要一齊 遇到問題便分東與西 亦有話未去縮　彷似未染污泥 但說罷離開　驚沾到半身蟻 而您　即使再倦 卻　至今也未坐低 明明蝕底　都也願意留低 辛苦也不計 因您　這世上變得美麗 無人路軌　得您願意行駛 車廂裏空位 留給我　如可幫您令世界　美麗 我願您從此感染別人 讓愛繼續一一去複製

多角度看事物

預科時既中國語文及文化科，
我學到最受用既係多角度看事物。


同一件事，唔同角度佢睇，
會得出唔同既答案。


矛盾同衝突，好多時係因為雙方所持既角度唔同，
有時可能講者冇心，聽者有意，
有時可能雙方其實都係對的，
有時可能雙方其實都係錯的，
有唔同既可能，唔同既組合。


關鍵在於要能夠做到「和而不同」。
好多時需要易地而處，
以對方既觀點思考事情，
可能柳暗花明又一村呢？


誠言，係呢方面我做得唔夠，
今考要放多 d 心思落去，
但是，我已經很累很累……


請代禱。

破紀綠

今日開心過，但係亦都好灰。


昨日朝收到 Candace 既 e-mail，
佢話佢遲 d 會過日本上短期日文留學課程，
唔會盡量幫我找部日文字典機，
有既話就會幫我買埋。
Candace 真係好好人，不過斷估她都唔會見到呢篇日記……


睇完 e-mail 冇耐，收到媽媽電話，
話有個包裹寄左黎屋企畀我，
我就梗係知係乜啦，
夜晚練完跑就拿拿聲番去拆。


昨晚做左個 2.4 KM 既速度測試，
時間係 10 分鐘 21.1 秒，
係有紀錄以黎最快既一次，
不過距離目標仲相差很多。


食完飯，吹完水，返到屋企，
即刻打開份包裹睇睇，
嘩！係件褸黎架，
仲好靚 tim，一定買左唔少錢錢，
多謝晒！


件褸係一般情況下都好合身，
但係問題係我著親呢件褸都唔會係係一般情況下，
所以………


當我好誠實咁話番畀佢知既時候，竟然……
OK 啦，明白喇，冇 mood 再寫下去 tim，
學隔離條魚，自我網上隔離一排先。
（撞鬼 lor ，好似患左 SARS 咁……）

新頭像

拍拍拍拍拍拍，
熱烈鼓掌多謝女王大人幫我畫左個 Q 版公仔。
見過我真面目（難道有假既？！）既鄉親父老叔伯兄弟仁兄仁姐，
右面個全身公仔似唔似我？


順手介紹個公仔既服裝，
佢係我跑定向既戰衣。
黃綠色既上衣同綠色既褲係我個會
「童軍定向會」既第四代戰衣，
第二代至第四代既我都有。

第二代係外國訂番黎「迷彩戰衣」。
第三代係香港製造既「網燒豬扒」
（上身上半部係網狀，入到樹好易住 d 植物）
第四代都係 made in Hongkong 既「黃錄戰衣」。
唔知第五代係點解樣呢？


小腿黑色個對係 Gaiters
用保護小腿，防止穿越密林時被弄損，又或者撞落大石、樹幹時撞傷。


對鞋係特別設計，用黎跑定向用，
腳底有坑紋。


左手帶既 Polar 錶配合心口條訊號帶，
可以實時量度出心跳率。


只要加埋哨子、指南針和號碼布，
就可以出賽了……

---

To 朱東：

我話你精於收風，
你都唔駛搵 d 咁既野講呀？

個 B 君係有個細佬，
不過唔係叫 B 君，
係叫 C 君 wor （佢地阿媽改名係順英文字母次序改既）
而且佢一 d 都唔係大隻！

1234567 唔代表多勞多得

（仲有你打錯字！唔係「真你好鬼8」，應該係「真係好鬼8」）

缺點

freelance 個人又問我拿進度，
看看進度落後咁多，要多努力 d 先得！

日文又落後其他同學仔咁多，要再放多 d 時間，
邊有咁多時間呀！！

呵呵，今日上堂好瘀呀
家族（あぞく），我讀左那兒（あそこ）！
我連自己個名都寫錯讀錯！玄也（げんや）寫左做（ばんや）！
呵呵呵，自己諗起都想笑 ^_^


話分兩頭，
睇左隔離同學仔既日記，
原來我咁多缺點，今日要反省反省，唔寫咁多喇 ><

留客

唔知係咪因為昨天淋過雨，加上昨晚做功課做到三點，
鐵人都跪低左，肚痛左成日……


本來打算今晚轉去數碼通既，
點知 one2free 一個電話打黎挽留番個客……


話說我五月二日 send 左個 e-mail 畀 one2free 話想轉 plan 同申請 idd，
傾左成個月之後（都唔明點解要傾成個月）
我地得到一個雙方都接受既方案。

之後那個人話新既 rate plan, voice mail 同 idd 都已經生效，
但我發覺個 voice mail 唔 work wor
咪 send e-mail 問佢 lor
等左一個星期都冇回音
咪 send 多一封去問佢 lor
等多一個星期都冇回音

就決定轉台喇，
就係我就到數碼通既時候，
那個人打電話黎，
話佢個 e-mail box 炒左，
睇唔到我 send 畀佢 d e-mail 既內容，
但係知道我有 send e-mail 畀佢
（咁既藉口，仲要唔係第一次用，真係搵鬼信！）
見佢咁熱心 follow up 我既 request
ok！用多一年睇點先。

父親節

今日係父親節，祝大家父親節快樂。

下午去左踢波，乘小巴經過紅磡時，
有個樓盤開賣， d agents 係企出馬路截停 d 私家車 sell 樓 lor。
好危險，又阻塞交通！都唔明佢地點諗既…


d 人好自私，完全唔顧人地感受……


踢波既時候好大雨，成個人濕晒…

薄朱古力咖啡走薄荷走咖啡

今日中午放工，同幾個同事去左沙嗲王食午餐，
極度唔滿意，好唔開心！ ><


話說四個人去，
我叫既係白咖哩豬扒飯同埋薄荷朱古力咖啡。
個侍應同我講：「薄荷朱古力咖啡冇咖啡架 wor」


！薄荷朱古力咖啡冇咖啡！？
原來奶茶走茶係存在！


咁都算，有薄荷朱古力飲都好過冇。
咁我地四個人一人叫一客食物一杯野飲。


我既同事叫既野黎齊既事候，
我面亦然係乜都冇！！
甚至當佢地食完，我都只係得一杯連薄荷味都冇既朱古力……
好一杯薄荷朱古力咖啡走薄荷走咖啡！！！


等到長頸都長，終於等到，味道都 ok 既……
服務效率就……

心理測驗

今日又落大雨了，最攪笑係，
每當我有瓦遮頭時就細雨，
其他時間就大雨，
我想懶 d 唔用傘都唔得……


今日係 icq 收到同事 send 過來既心理測驗，
結果如下：（你地都去做丫，話番結困畀我知 wor）

個性 你有很好的平衡感，偏重邏輯式的思考方式。在想要某東西之前，都會冷靜的判斷自己的經濟能力。你不會勉強的貸一筆鉅款去買房子。乍看之下，似乎在你的舉止、行動中都散發出成熟的氣息。然而實際上，你卻不折 不扣的是個極需依賴別人的人，你沒有辦法好好地認清自己，為自己定位。即使你從事 已完全定案的事務，雖然努力地做，但達到的效果卻只能到一定的水準而已，不能有更大的突破。由於你不能擁有自我主張，有時候就因此被誤認為你非常成熟。你是那種吵架吵完就忘的類型。無論吵得再凶，對方說得多難聽 ，睡了一覺之後，你都好像沒發生過一樣地能和對方繼續相處。這樣的態度，反倒是讓對方自己覺得慚愧，而能順利地言歸於好。在你的觀念裡，認為錢是要用來花的，而不是用來存的，所以，只要是你想要的東西，就不會計較金錢而非買不可。你賺多少錢就會花多少，不會把錢留下來，又加上你的審美觀很豐富，所以買的東西價位都相當高。你的個性稍微有點愛好虛榮，所以要特別注意，同時要改掉浪費的壞習慣。你是一個有自信的人，雖然你不是做到態度上的咄咄逼人，可是只要你堅持一個想法，無論別人如何去唆使、蠱惑你，你都不為所動，不過這不代表你是剛愎自用的，相反的，你很喜歡聽到別人對你的建言，是一個很不錯的人喲！你是個講理的人，希望能好聲好氣與別人商量事情，基本上，你彬彬有禮的態度，通常都可以與人為善。但這世界上還是會有一些說不通道理的惡霸，這時候，你也不會被嚇得退縮，你會去找合乎法律程序的途徑來解決問題，讓人家輸得心服口服，你的柔性兼具理性的策略，總是可以奏效。你是心地非常善良的人，但與人相處時為了不想暴露自己的缺點而設了一道防線，所以有時會被人誤會為不容易親近之人，雖然朋友不多，但能擁有深厚友誼。再者有優秀的數字能力，能在理工上一展長才。你的個性保守,相當重視道德.因此這種類型的人很重視自己的想法,不勉強自己與他人交往,有頑固的一面. 你能擁有一份可以發揮自己專長的工作,逐步完成自己的夢想。還有，你脾氣變化無常，有興趣時，能認真踏實做下去，一旦失去興趣，就會對所做的事感到莫明其妙，予以放棄。 愛情 在你的內心深處，隱藏著需要表現的慾望，直率的性格使你敢說敢講敢評論是非，但常為了快速表達自己的感情，而冒失犯下錯誤，而你又不易感到後悔，因此極少反省自己冒失犯下的錯誤。你是以詼諧的態度看待人生，心情輕鬆愉快，不易壓抑自己的感情。暗戀是你最拿手的戀愛方式!永遠只在遠遠的地方看著心儀的人,幻想著有一天他會主動來約你.愛他就要勇敢說出來!加油唷。你一但真的愛上對方就會變的有點痴呆，可以說是對戀愛的掌控度非常不拿手，雖然你平常能夠很厲害的抓住異性的心，可是，一但在心儀的對象面前，就會變的有點笨手笨腳；而且會因為太緊張，而無法表達自己，不過這也許就是你可愛的地方也說不一定。在一旁等到沒人時才上前去欣賞那幅畫，正是屬於等候型的人。這種人只會傻傻的等待机會上門，不會自己去尋找，因此常有眼睜睜看著心上人被人搶走的經驗，真可憐！有智慧、沉靜、三思後行，尊重人，有修養的個性，是你之所以喜歡他的原因。一旦與他認識，你會希望與他共處一生。你的個性比較沈靜，可是你卻喜歡上陽光、活潑，甚至做事有點傻勁的異性，你們之間像是互補的組合，讓人充滿了甜蜜和期待的感覺。你會使用柔性策略來誘引愛人入甕，因為你知道太過強硬只會造成對方的反彈，就像是無法吹掉旅人外套的西風一樣，你寧願散發溫暖的光芒，讓愛人衷心願意留在你身旁。不過，你也是非常講理的人，只要是必要的活動，你不會限制對方去參加，而且願意成為支持者，真是個明事理又貼心的理想情人啊！你會因愛人的言行舉止，而產生許多迷惑，你不能肯定他是否真心愛你，也不知道愛情會延續多久，所以你時常為了這個問題而煩惱不安，其實你不必這麼懷疑對方，應該以信心和誠意來對待他，才能共創永恆的愛情。你是穩紮穩打型的人，雖然你對於婚前的性行為，不會採反對的態度，但是你一定會再三確定對方的心意，才肯去付出，雖然你對失去對方，不會有太過激烈的想法，但是只要曾經是屬於你的，你就會一直堅持下去，不會輕易變心！你是那種容易對任何事物憂心的人，可愛的你具有父性(母性)的本能。這種注意格調的人，多半都是注意外表的人。你是否會認為沒戀人是件很沒面子的事呢??而當你到他家作客時，由你所在意的事情便可以看出你是否真的喜歡他。你的醋勁不算太大，但是偶爾會疾火中燒，不過不是很強烈，不過忍耐太久 就會有爆發的可能。 事業 看來這裡面最聰明的就是你了，你是一個有城府的人，做什麼事，都會經過詳細的計算和籌畫，可是最不按牌理出牌的人也是你，可能在笑臉的背後，隱藏著什麼重大的陰謀噢！可是你把全部的聰明全放在人際的周旋，相對的，卻對業務上的助力短缺，小心聰明反被聰明誤！你IQ很高，才能不錯，EQ則略欠，又對八卦消息十分熱衷，只是害怕被權力中心遺忘，雖然不是野心份子，卻是八卦女王或王子，容易被野心份子利用，成為辦公室鬥爭放話的傳聲筒。 人際關係 你性格剛強、硬朗、率直，加上思考敏捷，才情橫溢，備受各方歡迎，因而每次的出現總像站在台上表演一樣，吸引眾人目光，令旁人羨 慕不已。由於條件得天獨厚，加上有良好的家庭背景，令你的一生都非常順利。若從事學術研究方面，能令你的專長發揮得淋漓盡致。感情專一的你隨年紀漸長 ，智慧只會不斷增加，是個萬中無一的好伴侶。你善守中庸之道，希望和朋友的交往是有節有度，不會太過親膩，也不會太疏遠。因為你是很實際在考量和朋友之間的分際，一般而言，朋友是很有用處的，俗語說出外靠朋友嘛，可是你又覺得有時聽多了負面的例子，也有可能被朋友陷害利用，還是要謹慎小心，別被人家當成無辜的肥羊痛宰。你是那種很看重友誼的人，對朋友很好。

等放工

落左幾日大雨，今日終於雨過天晴了。
希望大家既心情都好似今日既天氣咁啦！


懶即係懶，又話要出年有一番作為，
又話要跑多 d 跑練體能，
今日又求其作個藉口又唔去跑步，唉……


近日都係冇乜心機，朝朝返到公司就等食晏。
下午一開工就等放工。
日日都傻下傻下咁，唔知係咪因為撞親個頭，
所以神智不清，加上有時短暫失憶呢？

九六集訓

今日落過大兩，地下好濕滑。
我夜晚出到會但結果都冇落去公園練跑。

咁我去做會做左 d 咩呢？
話說咁橋撞正班 EC 開會傾個會未來兩年既發展方向。
咁我身為前 EC member，咁未 sit 會 lor。


我地係集訓隊既發展方向上爭論了很久，
究竟應該行精英制定係普及制。


席間講番起九六既集訓隊，
當年有得明確既目標，
就係派隊參加亞洲及太平洋區野外定向錦標賽。
結果我地做到 100% 既得獎率，
五人出戰，五個人都有得獎！
其中，H14-16 接力賽中，更打敗當時既香港代表隊！
（我有份跑架！不過現在都無復當年勇了……）


睇番當年既文獻，再次激發起我既雄心壯志，
出年我要係高手云云既錦標聯賽有一番作為！

---

嘩！ DM 大人大駕光臨，
小弟有失遠迎。
請恕罪。

Titan 兄，得閒多 d 黎坐，
畀下意見小弟啦！

計劃

自從畢業之後，
為著不同既項目，不同既目的，
為自己定左唔少既 milestone。
定左唔少既時間表。
最近 review 番，
似乎…似乎…似乎…我冇咩邊樣係 on schedule……


一年了，畢左業一年都一事冇成，係咪有需要檢討一下呢？
究竟，我係邊度犯錯？


定左每朝跑步練氣，結果呢？
三百六十五朝冇跑過一次。


定左一個月做起份 java project，結果呢？
第二個月都就完喇！


半年之前我就應該寫好公司個 project，結果呢？
遙望多半年都未必寫好。


定左係定向比賽要排三甲，結果呢？
都冇謂提……


定左要讀好日文，結果呢？
考試都仲要驚不及格，生字幾乎錯晒……


仲有好多好多既目標，亦都失望過好多好多次，唉……


希望 d 一年計劃，兩年計劃，五年計劃，七年計劃，十年計劃可以好頭好尾。
請代禱。

日文名字

今朝醒起，今晚要默日文，
死，未溫，拿拿臨抄番三十次先。


返到公司成日都傻下傻下。
中午同女朋友仔講電話既時候更係呆晒，
佢講每一句我都花很多時間先聽得明佢講 d 咩，
但係佢其實都係緊普通既廣東話而已。


夜晚返到屋企，收到好多信，
大部份都係媽媽既，
其中一封係長途電話帳單，
唉，有排煩……


食完晚飯就去上堂，
仲派左上次份考試卷，
我既成績簡直慘不忍睹！
生字錯左唔在講，
犯左好多大意既錯誤。

例如聆聽其中一題聽電話號碼，
我係草稿係寫對的，但抄番過去時將個 "7" 寫成 "1"……


至於默書， ok 啦，錯少少。


仲有不可不提既就係從今日開始，
我有我既日文名喇，
今日先生畀左一個 list 我地揀日文名
我既日文名
平假名係：げんや
羅馬拼音係：GENYA
漢字係：玄也
加埋我個姓就係「何玄也」（笑…）

週年研討會

今日一早要去大球場開二○○三年度野外定向教練週年研討會。
雖然昨晚都幾夜先訓，不過我都準時起身。
仲食埋早餐添！


成日就係不停咁開研討會……

下午六時，終於開完，
之後去左銅鑼灣 HMV，
行左幾個圈都找唔到我想買既碟，
算數，慳番。


之後無無聊聊咁逛左陣永安，
又浪費左一日了。

學校大獎

今日本來打算下午開工寫 program。

結果中午係公司 ot 左成個鐘先走，
去到巴士站又送車尾，
等車等左半個鐘。 ><


食埋午飯（定應該叫下午茶呢？）
返到屋企都成四點。
煲左陣粥（仲要畀人 cut 幾次線 ><）
一個下午既時間咁就冇左了。


未到六點，已經好想訓。
同媽媽講：「我小睡片刻，食飯叫我。」
我恢復知覺時，已經係十點幾了…


醒起要幫 OA 計學校參與獎得主，
拿拿聲寫個 program 計左佢先。
講起計分，我仲係 SOG ec member 就話計者，
我現在連大學都 grad 埋都仲係我計，
班 ec 唔駛做架？定已經冇左 SOG 呢。


Anyway，做人都唔應該斤斤計較既，計咪計 lor。
話說個獎要計每間中學係全年六場比賽中既成績。
頭四場都冇問題既。
到計第五場時，點解 result 有亂碼既？
睇番個 data file，撞鬼 lor，個 format 唔同既？
玩我乎？結果最尾兩場比賽要人手計……
好彩，都計得晒。


計完數，睇左場波，都成兩點幾三點，跟住再去找周公。
（大少你好似聽朝一早要去大球場開研討會 wor）

打仗

剛剛打完仗，好疲倦呀！
話說老闆今日要去個大客度 present 我地 d product。
咁梗係要預備 d demo 啦！
咁我就要趕起個 program 佢。
但咁橋我同事又改左個 protocol wor
結果我做 d 野錯到七彩，
d bug 多到如恆河沙數。
結果我做到點半先攪掂。
將有 bug 既 functions 全部 disable 晒。
起碼 demo 既時候唔會見到有 bugs ^_^
（雖然係自欺欺人，寫個沒用既外殼出黎……）


已經六月了，又就到我最唔鍾意那個日子。
每年當天，我都好想躲在一個冇人搵到我既地方。

可能因為細個係那天發生過 d 好唔開心既事啦，
所以我好怕和一大班人渡過那天。
拜託拜託，那天千祈，千祈，千祈，唔好，唔好，唔好約我出黎。
當平時一樣，冇特別事發生就得了。


無言感激…… '^_^'

你有信心未必會贏，但冇信心肯定會輸！

今日既課題又係思考。

成功既絆腳石，往往就係你自己。

我既座右銘係：
「你有信心未必會贏，
　但冇信心肯定會輸！」
（抄自某歌手主演既電影，名字不便透露，因為某人唔鍾意佢……）

有時，可能你根本有能力完成，
自係你自己對自己沒有信心，
所以用不盡全力而失敗。


所以我地對自己要有信心，絕不能未打先輸。
當然目標太高係冇意思既。


除了信心之外，意志力亦都很重要。
有時係可能還差一步就可以成功，
但係你唔夠意志力行埋佢，
結果就將之前付出努力白費了。


我自問唔係一個有信心，內意志力既人。
所以到現在都係小人物一名，做事都係失敗居多。
因為每當我遇到小小挫折，我就會想放棄。
看來，我還要在此課題上多多努力才行。

---

講番今日既體能訓練，
好開心，我第一次跑足六十分鐘，
跑了 10.51 公里。
仲要係全程保持均速跑，冇行過架。
係咪好叻呢？
其實跑到三十分鐘時已經好辛苦，
好想放棄，結果能夠完成訓練都係靠意志力死捱咋！

南北果洲探勝之旅

旅行影既相
今日係端午節假期，我同一班同事一齊去左跟團遊果洲群島（九針群島）。

上午八時四十五分，我們齊集於尖沙咀公眾碼頭。
唔知係咪因為非典型既關係，好多人呀！
單單係我地團，都已經有成百人。
（其中有五十三人，係我同事關係搭關係咁找番黎……）

隨左我地團之外，仲有其他很多很多團。
淨係等船搶位埋岸都等左很久。


坐了大約個半鐘船之後，沿途聽領隊講解兩岸景色。
我地到了第一站 -- 南果洲。
係南果洲對出，我見到有人係到玩潛水，好寫意，好想學…
（又學？你好多時間咩？）


因為南果洲沒有大碼頭而又水淺，大船靠唔到岸。
所以我們要再坐汕板過去。


首先，我地去睇迷你天后廟，真係好細架！
之後睇左石拱門，一個海水侵蝕左一舊大大石中間既奇觀。
仲有一個天然石室。


之後，我們嘗試坐汕板穿越三丫洞。
三丫洞又係被海水侵蝕左，有三個洞口成「丫」字形，因而命名。

話咁快，一個上午就過去了。
返上船，我們享用了一個「豐富」的午餐，
包括一件豬扒包、兩隻「林」既炸雞翼、一條腸和一隻豉油雞。


食「飽」睡「飽」之後，我地遊北果洲。
上到北果洲，首先我地去左影沉船罅，跟住到戲玉。
就係攀去大炮石。
首先要攀落崖壁，躍過一條澗，再攀上去大炮石。
以我咁細膽既人，梗係唔會做 d 咁危機既野（一 d 都唔危險，藉口…）
我落到大半，已經上番黎。
有冇聽過「一鼓作氣，再而衰，三而竭」？
落到大半既時候，因為前面個同事用左頗多時間都未過到舊石。
我就係崖壁中間等，等得耐，氣勢開始衰竭，
結果就過唔到自己心理關口，就攀回上來。


攀完大炮石，我們就返上船，回程去，結束今次既「探勝之旅」。

慢慢等啦

昨日又有一個暑期生返工，
佢係我個女（另一個暑期生）既同學。

不過唔知點解，我上司兩次都冇將佢兩個介紹畀公司既同事識。
基本上，除左我地 R&D sub-company 既同事之外，係冇人識佢地既，
真奇怪……


原本今日放工就去做 Gym，點知我呢個大頭蝦竟然唔記得帶錶。
攪到放工要飛小巴返屋企先。
但係唔知做咩事，今日塞車，驚死我。

返到屋企，梗係順手食完晚飯先去做 Gym 啦。
行到去奧海城都成七點半，
但係我 d 同學都未食完野，
坐低等左佢地一陣就上去做 Gym。


到平時一樣，換完衫首先拉筋同熱身。
跟住做左陣重量訓練，
鍛鍊了二頭肌、腳三頭肌、手三頭肌、背肌、下胸肌、腹肌等等。

跟住練跑，今日成績係三十分鐘跑了 5.3 公里。
跑得好慢 tim ，要再再再努力 d先得。


做完 Gym，本來打算打保齡球。
可能因為聽日放假關係，好多人呀！
個職員同我地講：「你地張飛係 91 號，下一個號碼係 61 號。你地等等啦……」


我地梗係唔等啦，去左仙林飲野，
我飲個杯係薄荷阿華田，味道 ok 啦。
之後返一期個邊打機。

工程師

今日和大家分享一個笑話

工程師

當你選擇丈夫時，請先把工程師與以下的職業作
一番比較：

• 醫生
  
  幾乎所有女人都喜歡追求當醫生的。所以不要期
  望你們的婚姻能持續五年以上，因為早晚有一天
  ，他會跟某個護士小姐跑掉的， 或是被一個假裝
  生病的年輕女人勾引走。這種倒霉事還往往發生
  在你已經為他生了幾個小孩的時候。
  
  你的工程師丈夫不會發生這種事。因為他忙得連
  見你的時間都很少，更別說有機會跟他工作以外
  的其他女人接觸了。
  
  
• 律師
  
  你真認為你可以和一個靠撒謊謀生的人能保持誠
  實、信任的關係嗎？
  
  而你不用擔心你的工程師丈夫，他笨拙的社交能
  力將無法掩蓋他的謊言。
  
  跟律師結婚還有一個危險，那就是離婚時，官司
  往往他打贏，你將一無所有。
  
  
• 推銷員
  
  他的可信程度比律師還差。另外，他還要常常離
  家出差，或是到處上課和開會，和那些有著同樣
  可信度的人混在一起。如果有一天你被邀請出席
  聞所未聞的千人大派對時， 你不要感到驚訝。
  
  而你的工程師丈夫卻被公司整天關在那叫做“小
  隔間”的鳥籠裡，除了回家，哪裡都去不了。
  
  
• 老師
  
  男人當教師的唯一目的是，他能整天被一大群青
  春貌美，又盲目崇拜他的女學生團團圍住。於是
  ，他很快就會被抓到監獄，那時你只得琵琶別抱
  另尋郎。
  
  其他危險的職業，如消防員，建築工人等。如果
  你嫁給這種人，他即便沒有因意外事故死亡，也
  很可能會因脊椎受損而導致性無能。要命的是，
  那時正值你的性需求高峰期。
  
  而你那位工程師丈夫要面對的唯一危險是，由於
  整日盯著電腦，視力將會衰退。這危險其實對你
  有好處：當你變老時，他不會注意到，因為他的
  視力模糊了。但他的記憶力卻非常好，仍記著你
  們初次相會時你那年輕美麗的容貌。
  
  假如你擔心他在望著別的年輕女人，對他說：「
  親愛的，你幹嘛老瞧著她呀？」他會很誠實地回
  答說：「我根本無法看清那女人的臉！ 」
  
  

嫁給工程師的好處 [反證版]

1.男工程師不修邊幅，所以家裡不用保持太整潔。

2.男工程師很難有女朋友，所以他會對目前的這
個死心塌地。

3.男工程師呆板無趣，根本不活在人的社會中，
只活在圖表的世界裡所以妳不必花心思去取悅他。

4.男工程師視修理東西為娛樂，在妳生氣時大可
在他面前摔東西出氣他會很高興的幫妳修好又不
必花錢。

5.男工程師IQ都不低，所以嫁給他後可以生一堆
這樣的兒子考一堆的滿分讓妳去跟街坊炫耀。

6.男工程師待在研究室的時間比在家裡多，所以
嫁給他以後還是很自由。

7.男工程師口才太差根本講不過妳，所以妳可以
盡情用言辭凌辱他。

8.男工程師最講求【理】，所以妳有理的話他服
妳；他如果有理，妳就不要跟他講理，他對妳一
點辦法也沒有。

9.男工程師薪水不錯，自己不會娛樂不怎麼花錢
也很少女人花他錢，所以妳可以大大方方的花他
錢並且告訴他這是促進經濟繁榮，他做出來的東
西才有人買。

10. 男工程師除了以上之外毫無魅力可言，所以
嫁給他不用擔心他有外遇。

山長水遠去打機

雖然星期六晚都幾夜訓（幾點？唔記得 lu）
但係今朝都準時起到身返崇拜，呵呵呵


完左崇拜之後，牧師叫我地唔好走住，
話有重要事 wor。
原來係叫我地填 form，update 下 d 會友資料咁 lor。
張 form 四頁，但係就好多野填。
淨係住址都成十項，連省市都要填埋，
仲要係英文 tim，我鬼知廣東英文係咩 wor（Guandong 呀，死蠢！）


填完 form 之後，去左旺角逛街。
睇左波鞋同埋數碼相機。
講起數碼相機，我度到頭都爆埋都未選到………


之後去左女人街一間食肆吃午飯，
雜菌竹筒焗飯，好好味呢。
之後乘公共汽車去奧海城打機，
（專程乘車去打機，你都得架喇……）


玩左一局 NBA，用鳳凰城太陽打爆機。
同埋打左兩局 Time Crisis 3 。
跟住行番屋企，返到去都六點幾了。


十二點幾收到過電話。
就算訓左，但係電話響冇理由唔聽，你話係唔係？
但係今次我未訓，只係同人係網上討論緊一 d 問題而已。


覺得好傷心，明明日日都有日記，都被人話我冇寫日記……

海心公園踢足球

連續幾日都去左做運動，今日都係呀！
今日去左踢足球。

因為放工之後仲有 d 時間，
所以我去左觀塘區 d outlet 睇下有冇機會買番對新足球鞋
（舊個對開始爛了）

上到去「阿迪達」既特賣場，好抵呀。
例如一對六百幾既籃球鞋，只係賣二百。
但係，但係佢竟然冇足球鞋賣……
好傷心……


逛完街之後我就乘公共汽車去球場……
約左個 friend 一齊食完午飯先去球場，
同其他人約了兩點係球場，
但那個 friend ，兩點半先到，
唔理喇，好肚餓，遲到都要食野先…

打籃球

自從去左新地方返工之後，
同事間多左樣好健康既聯誼活動。
公司樓下有兩個籃球場，兩個足夠場。

咁今天放工之後，我地一行五人就去左籃球場打籃球。
係街場打波，少不免要跟隊鬥波。

我地好勁呀！
全部贏晒！
講清楚 d ，係贏晒士氣，輸晒分數……

又多個目標了……
我要練好籃球！

初試哥爾夫

今日早早做完 GYM，去左隔離打 Golf。
今次係我第一次打 Golf，以前睇卡通片，打機，覺得打 Golf 好容易。
原來一 d 都唔易呢！

雖然失敗居多，但係好好玩。
尤其是間中（係好間中）成勁將個波打出去既時候，
感覺得爽呢！

我已經同佢地約好左，每個星期四做完 GYM 都要打陣 Golf！

打完真的得疲倦……

體能訓練

離開左 SOC 訓練隊差不多有三個月，今晚趁著 Master Course 既 Sem break，返左去一齊練習。

嘩！好多人呀！
離開之前，隊員人數月兩集手既手指都數得晒。今日返到去，係坐滿左一個課室！
落去九龍公園跑步之前，仲會有半個鐘既理論課，感覺很 pro。


今日既訓練頭盤係速度控制訓練。
訓練幾時應該全速跑，幾時應該減速睇圖。


主菜係捉迷藏。唔好睇少捉迷藏，佢係一個幾好既一個訓練。
因為你要用全速跑得愈耐愈好。
當然先決條件係你要投入啦！


正規訓練之後我地一班舊人（十指手指數得晒個 d ），
去左玩第二轉捉迷藏。
今次場地由先前既迷宮換了左緩跑徑。
難道再提升了，之前既只係有障礙物既平地。
而今次就係有幾條斜路，有個大斜坡。
因為有左高低差，體能既要求高左。
我係舊人裡面體能最差既一個，
本來擁有最多不利因素。
尤幸因為有樹叢，又多分叉小徑，
對於我呢 d 身手靈活而越野能力高既人黎講，
正好補償了體能差既弱點。


訓練完後，我們一班人（訓練隊隊員、教練、SOC EC Members）浩浩蕩蕩去食晚飯。
好似一個大家庭，感覺得 warm

Gym

今晚去左做 Gym。
之前因為要考試，
所以停左練習一排。
今日跑番，
完全跑唔到，
跑左三分鐘就放棄了。

唔得，
我要再努力 d ，
追番 d 進度先得。

父女團聚

公司最近要請兩個暑期生，
咁今日有個新同事第一日返工。
佢仲要係我個女 wor，呵呵（唔好誤會，係 O'camp d 組女）


不過佢竟然唔知我係到做……
之前黎見工都見我唔到，
真係冇老豆心，等我仲之前畀晒 tips 佢，哼！

偷雞不著蝕把米

今日有兩個定向比賽同時舉行，
一個係全國賽既香港代表選拔賽，
另一個係青少年既公園賽。
我呢 d 咁鍾意諗縮數既人，
梗係參加青少年公園賽啦。
點知，咁就得到教訓了……


本來兩場比賽都係上午舉行的，
但係因為一 d 原因全國賽香港代表選拔賽改了在下午舉行，
咁都算，最慘就係當我仲好夢正甜既時候，
收到賽事工作人員既來電，
話因為雷暴警告要延期，而雷暴警告在下午之前已經取消，
所以全國賽香港代表選拔賽可以正常舉行。


真係偷雞不著蝕把米……

回覆留言

回覆一下留言先：

頭先覆 Cross X Over

可能我同你對敏感既定義唔同，
我所體會既敏感，係 sensitive 所種。
sensitive 同推理係冇衝突既。
敏感係指對周遭發生既事物既察覺能力，
敏感既人同不敏感既人都可以推理人，
分別就係後者得到既 information 比前多數多，
但係亦都唔代表後者既答案比前者準。

至於個 d 「你地可能會咁諗……」
其實係我進行推理既時候，
從多角度思考考時其中一方既論點論據。


覆 chungsir：

都估到以你性格咁╴╴（自己填啦 ^_^），你實有睇我日記架喇。

你講得對「退一步, 海闊天空!」
但係現在唔係應該行前一步，應該退後一步定係應該原地踏步既既問題。


原個一條路前面有一幅牆，咁好簡單就解決。
退後一步可能好 work ，因為退後一步可以見到原來可，繞過幅牆就得。
但係現在，係四方八面都有妯，我可以退去那兒？
隨了入面同出面同時鑽穿佢之外，仲有咩方法？
怕就只怕雙方鑽既方向唔會最終唔會相遇，
又或者其中一方係幅牆未鑽穿之前已經放棄。


覆路人甲：

係，我現在係「明知山有虎，偏向虎山行。」
我停係度唔前進又唔後退就係因為我仲未想到解決方法，
由好多野我要考慮，有好多野處理。
我考慮既唔止係明天，後天既既事情，
而係長遠的計劃。
我唔想未肯定個方案 work 既時就膽粗粗去行。

現在就好似行緊迷宮咁，
用 DFS 去 solve，今日退返出黎，明天就可能入過第二個死胡同處。
我想用既，係 BFS 去 solve，縱觀全局，搵條 path 去 exit。

或者對非常事就要用非常手段，希望你今次用藥得宜，唔會過重或過輕啦。

溝通

特然覺得好矛盾，
我知道同人相處，溝通係好重要。
我也知道男女朋友相處，溝通係更加好重要。
但係奈何保護我的城牆是多麼的厚。
比柏林圍牆更厚，比萬里長城更厚。
我知道，要打破這幅厚厚的牆，唔係一朝一夕既事。
但我怕，十年、五十年甚至一百年後，幅牆都還未倒塌。


可能你地會話：「呢個世界邊有唔會倒塌的牆，分隔東西德的柏林圍牆都係 1999 年 4 月 28 倒塌。」
但係我驚有朝一日呢幅牆倒塌既時候，已經得番我一個。


正所謂「知己知彼，百戰百勝。」
我曾經做過資料搜集，
知道應該點樣點樣；唔應該點樣點樣。
但係知道唔代表做得到，
明知道呢條舊路唔行得，但係點知仍然係呢條通往地雷的舊路前進中。
邊個會成為犧牲品？


好矛盾
好迷茫
好徬徨
有冇人可以教我點做呀？

胡思亂想

有時我會想：「如果人人係有咩事既時候都可以一五一十講清楚佢，咁呢個世界會變成點呢？」


我係一個鍾意胡思亂想既人。
有好多野我都會想到好遠好遠，例如一拍拖我就已經想到十年後會點，
有咩野要準備；有咩野問題將會遇到，要點樣解決等等。


我求知慾好強，我唔介意人地話我八，
任何事都要攪到清清楚楚，明明白白才肯罷休。
遇到有野我唔明白，又再沒方法去找答案既時候，
我就會自己去想，假設很多很多既野，然後估過答案出黎。


我唔係一個蠢人，所以好多時我都估中。
好似考試既時候，明明唔識，但係都可以估到個大概答案出黎。

但是我有時更係一個聰明過頭既人。
俗語說：「聰明反被聰明誤」
我就係活生生既例子。
有時個答案可能好顯淺，但係我會估到很深入，甚至深入過頭。

我又係一個頗敏感既人，少少既蛛絲馬跡都好容易會被我察覺到，
結果呢少少既蛛絲馬跡又會成為我的思考課題。


所以我其實都有少少神經質（簡單黎講即係有精神病，俗稱「癡線」）


但係其實我好怕猜度。
我怕我估錯，有時更怕我估對。


有時我會諗，如果我係阿呆而唔係杞人，
無憂無慮，日子會唔會過得好 d 呢？
又或者，其實呢個係度身訂做畀我既考驗呢？


唔好意思，周期性精神病發作。
悲觀人格浮現左出黎，
呢幾日都寫左 d 咁灰既野出黎 tim。

城堡

原本今日打算寫下我係中學個學生討論區被人擺上神既事
但因有特發事件，唯有寫左呢件事先。


愈來愈發覺自己唔識做人男朋友。
（我好似冇係個日記到親口承認過我拍拖，唔知有冇人係未知既呢？）
我唔識講野，
我唔識女朋友，
唔識乜，唔識物。


我唔識表達自己（其實係唔想）
我時時刻刻都躲在自己的城堡中，
我的城堡有闊闊的護城河，有厚厚的城牆。
可以保護到自己，我覺得躲在這兒很安全。
今年之前，從來沒有人可以進入我的城堡中，
今年年初，我第一次開了我的城門讓一個人進來，
（死，爆晒自己 d 秘密出黎 tim）
與我分享我的喜與樂，我生活的一點一滴。
但是，可能因為還沒習慣，城門時開時關，
關的時候任何人（包括她）都會被拒於門外，
唯一對外的溝通，就是寫紙條，由城牆上拋出…


雖然我唔喜歡說話，但係我覺得：
「一係唔講，一講就一五一十講晒佢。」
我最怕知 d 唔知 d，要估黎估去。
如果只準我知少少，我寧願甚麼都唔知。


有時覺得，既然自己唔喜歡說話，
倒不如毒啞自己，名正言順不能說話，
乾淨俐落，一了百了。


聽晚既要考日文，又要遞交報告。
日文方面溫習了不足三成，
看來都係兇多吉少了。
至於報告方面，有如石沈大海，
我的組員應承我昨晚會給我他負責的部份，
結果到現在 -- 第二日的黃昏，我還未收到。


希望正在看這日記的你可以幫我代禱，
求神賜我能力與信心，可以好好處理事情。
可以順利交到功課之，考試又順順利利。

矛盾

好忙，好多野做。
星期四既要考日文，又要交 Master 份 Project。
份 Project仲要佔成個 course 既 45%……
個 partner 又份爭氣，又係佢提意星期一交換睇，
我已經好唔好意思咁今日先畀到佢睇，
點知佢覆我 e-mail 時竟然話佢個 part 仲未 finish
（係未 finish 定係未開始呀？）
好彩我都有兩手準備，搵定晒資料
有咩風吹草動，我都可以寫埋佢個 part。


至於日文考試，雖則考既內容唔算多，
只係得四課，但係我都溫得好慢好慢。
剛剛中午 lunch break 先抄完第一課
點解係「抄」呢？
因為我將 d 生字抄晒落本簿仔，方便我係街時可以隨時拿黎睇，此其一
（其實通常我乘車時會訓覺，行路時唔會睇，咁…幾時睇呢？）
其二係對於我黎講，抄係最有效率既溫習方法。
因為我係一個冇時停既人，要我坐定定唔動咁去溫，我一定頂唔順（好似同某人一樣）
所我一定要搵 d 野做，咁呢樣野又要幫到我溫書，自然就係「抄書」喇。


可能因為自細我溫書係「抄書」多過「念書」
（專家話同時用多種感觀去會易入腦 d）
所以我多數喜歡用文字多過用語言。
我可以係朋友聚會甚至會議中不發一言，
但是係 newsgroup 、 icq 又或者網上日記這兒可以寫好多野。

但係矛盾既就係我係公開考試中文科中
口試得丁等既差劣成績，而應用文更是不及格
換個角度睇可能係我冇乜語言天份啦
（但係你又去學日文 wor）


唔鍾意講野，但係又會用把口教人 programming，
又係合資格野外定向第一級教練，我的人生真係矛盾，
唔知幾時我會好似電影咁分裂成兩個個體呢？


原來我真係長氣，本來打算寫平時一半咁上下就收工
寫寫又夠晒數，仲要未寫晒想講既野 tim。
留番 d 料下篇先寫，費時又冇晒題材。
（不過分分鐘下次寫就唔記得今日有咩仲未講）

---

ps. to 小蠻

唔好意思，你兩個答案都錯。
路人甲就估得對喇（你都幾熟悉我架 wor）

我唔係想收收埋埋，
只係唔想過份張揚而已。

低調

今日講過故事大家聽

故事角色總共有兩個
一個係 a 君
一個係 B 君


首先講人物設定

話說 a 君為人低調，低調既定義係：
佢做事低調，不愛出風頭之餘，
又只會將心事收埋係個心度，唔會同人講。
就算被人誤會，被人誤解，佢都冇打算澄清。
因為佢覺得「清者自清」。

除此之外，佢更是非常怕事，
怕事既程度係去到主動打畀一個熟朋友都唔敢。
莫講話比較生疏的。
所以 a 君等人可以等足五個鐘，因為佢唔敢打電話問人到未。


至於 B 君，我唔可以話佢高調，
但如果同 a 君比， B 君就比較高調。
（基本上，我都很難找到個人會比 a 君更低調的）
佢係個種做野可以廢寢忘食，但係玩可以玩到好投入
罵人亦可以罵得很激烈的一個人。
同 a 君一樣， B 君都係個 d 將心事收收埋埋個類人。


咁所以平時佢地甚少溝通，佢地在於知道有對方存在咁 lor。


後來，有 d 野佢地要一齊面對，故就咁樣開始。


係案件剛發生的時候，低調既 a 君主張繼續低調，
唔好咁張揚，而 B 君亦都初步同意。
但係唔知點解，件事愈來愈多人知。
事情發展到現在，反而係 B 君唔想人知，
而 a 君無所謂。


故事講到這兒。
係咪睇唔明呢？
有時世事既野就係咁奇。
連寫故事既人都唔明既文字，
偏偏好多時有人會自動對號入座。
唔知呢 d 叫唔叫心虛呢？


「要作理性討論，不可人身攻擊。」

恩師

呵呵呵
兩位阿 sir 大駕光臨，今本店生色不少。

首先同大家介紹兩位阿 sir

chutung
培正中學電腦科主任
香港考試及評核局基本能力評估委員會委員
Cisco Networking Regional Academy Main Contact and Instructor

香港中文大學教育文憑 [主修電腦]
香港中文大學哲學碩士 [主修電腦]
香港中文大學榮譽理學士 [主修電腦]

自稱非常非常惡（記住佢係自稱，事實上就……）

如果冇記錯，我中學七年既電腦課都唔係佢教既，
但係同佢都算幾熟，佢成日介紹工作畀我搵外快



ln
我地叫慣佢做文傑或者 MK
佢 icq 就稱自己做 nature lover
都係培正中學既電腦科老師
教我中六中七 A Level 電腦科，可以話係我既恩師
因為唔係佢每周個幾堂電腦課，我都唔會有充足既睡眠

佢既興趣係音樂和遠足，
佢去過唔少地方旅行，我真係自愧不如。

至於音樂，佢同時係中西音樂既能手
佢曾經係中樂團既顧問導師
又試過係葵青劇院表現唱歌，仲有一 part 係個人獨唱
簡直係繞樑三日。



剛剛去左新地方上班，
係新既地方，希望有個好既開始，
可以大展所長啦。


「要成功，係應該自己求變。而唔係埋怨和原地等待」

旅行

係隔離個日記見到有人去左畢業旅行，
仲玩得好開心，好羨慕。

一年前我 FYP 未做完，就已經有人offer。
交晒 FYP 之後，得一個星期休息，
就己經要上班。都沒去到畢業旅行。

現在回想返，覺得自己有 d 笨。
畢業之後唔玩盡 d，現在有份工係身，想去都去唔到。
奉勸各位，就機會去畢業旅行就好去，
無謂好似我咁事後耿耿於懷，後悔啦！


個開旅行，為左旅行而去既地方唔多。
較遠既有廣州同澳門。
冇錯！你冇睇錯，我冇打錯，
最遠係廣州同澳門。（都仲有國內其他城市，但係當時年紀太細，唔記得是那兒了。）


如果唔係為左去旅行而去的地方，
就去過泰國既曼谷（96 年 SEARCC 電腦比賽）
和土耳其既安卡拉 (99 年 IOI 電腦比賽)

講開安卡拉，唔知大家知唔知，
其實土耳其首都並唔係伊斯坦堡，而係安卡拉。


雖然境外既地方我冇乜去，但係香港境內既地方我都去唔少。
可能因為我玩野外既關係，
比賽地點時常都係郊外地，
而且一般城市人都好少去。


例如灣仔啦（唔係香港島那個，係西貢那個）
「狐狸叫」啦、「牛過路」啦、「昂平」啦、
「黃公田」啦、「白石橋」啦、「東灣頭」啦等等。
係咪好多地方都未聽過呢？
如果唔係因為玩戶外活動，我都未必會知邊呢 d 地方。


但係香港仲有好多地方我未去過，
好似南果洲、北果洲、赤州、龍爪谷 、象門、靈象脊等等。
香港真係有好多郊遊好地方。

民以「食」為天

早兩日呢度個 server down 左
我要今日早上先可以 upload 番早兩日的日記。
希望唔會有下次啦


今日談談我喜歡興不喜歡的食物。
基於家教既問題，基本上我係乜都食既。
仲要係唔會浪費食物，例如我去食店叫一碟飯，
無論碟飯幾多幾少，我都會食晒，除非碟飯變壞了。


所以和我一齊吃飯會見到一些有趣的現象：

如果係隻抽式（每人各自叫自己食既野）
你地會見到我唔係食好多，
例如麥記一個豬柳蛋漢堡加一杯細朱古力奶昔已經可以係我既晚餐；

但係如果係圍抽式（叫完 share 食）
你地會見到我食好多，
通常會做「清道夫」包底食晒所有食物，
所以食量有可能比隻抽式多成倍。


講回食物，雖然我說我乜都食，
酸既、甜既、苦既、鹹既我都會食，
唯獨是辣既食物，我好怕食。
因為我本身體質是多汗，
食辣野既時候就會全身出汗，大汗淋離。
所以食辣野就唔好預我，少少辣都唔得


另外，我好怕 d 水汪汪的食物，
例如椰菜，生菜呢 d 會自己出水既食物。
我平時返工帶飯盒，一打開個飯盒，成盒都係水
我望見就即刻無晒胃口。

如果食蔬菜，我比較喜歡 d 爽身既，有莖既菜。
例如菜心，白菜仔、西芹、甘筍、西蘭花等等。
莧菜、九王、通菜、芥籣等等都可以接受。


唔知我算唔算隨便得黎又食得挑剔呢？

長跑

天氣開始熱了，每次跑完步，總會汗流浹背。
上星期五做 Gym 又跑耐左，
今次跑左 45 分鐘，比上次又多左 3 分鐘。
距離係 3.66 哩，即係 5.89 公里。
計番時速為 7.85 公里，比上次慢左少少。


今次跑時，一路都保持住 5 哩（ 8 公里）每小時的速度。
跑到 20 分鐘，我仲開始加速 tim。
但係跑到 30 分鐘，開持好辛苦，
我只是頂硬上跑埋個 15 分鐘。


其實話就話跑左四十五分鐘，其實最尾個五分鐘係 Cool Down。
所以真係訓練的時間係只有 40 分鐘，
但是我 keep 既 record 係全部 45 分鐘。
扣番 5 分鐘 Cool Down 所跑既距離，
大既我 40 分鐘內跑了 3.41 哩（5.49 公里）
計番時速為 8.23 公里，都係未如理想。
不過這只是大約數字，下次練跑我試下唔 keep Cool Down 既 record。
咁應該會準些少。


2003 年 2 月舉行的香港國際馬拉松賽事，
十公里組別冠軍，來自台灣的選手翁竹毅，只是以卅三分十九秒完成。
我用了一個小時也未能完成十公里。
當然，我的目標不是去到一個發夢咁既數字。
現階段的目標，是在六月尾能夠在 50 分鐘內跑完 10 公里，
大約是每小時 12 公里，希望這個目標不是太遠。


為了鼓勵自己，和杜絕「d 汗貼係個身上面影響表現」這個藉口，
我今日去了運動用品公司，買了兩件衫和一條褲，
三件都係特別為跑步而設計的，
既輕身，而且又排汗特快，其中一件衫還有 防 UV 保護。


「工欲善其事，必先利其器」
希望有了新裝備之後，
不單止身理上幫我（幫助排汗）
心理上也能幫我。（唔可以浪費左 d 新衫新褲！）
請代禱。

教學

今日下午去了九龍公園幫手教公園定向研習班。
我負責在公園實習的帶其中一組。


實習前後都有在課室上的課節。
古人說：「溫故知新」
雖然 d 內容我聽過很多次，
但都坐定定虛心受教，看看有沒有住一步的得益。


今天最後一個課節，係教「如何教一個課節」
講者是一位資歷很深很深的領袖。


他說老師分四種，節錄如下：
（原文是英文，我消化了後用自己文字寫出來，測試自己明白了多少）

第一種老師告訴學員知識。
例如老師告訴我們如何騎單車，如何起步，如何……

但這樣是不夠的，一個好老師教授學員知識。
「告訴」和「教授」的分別是，前者是純單向資料傳遞。
而後者隨了資料傳遞外，更進一步令聽既人由唔懂得變成懂得。

這樣還是不夠的，一個偉大的老師是可以親身示範，
這階段已由紙上談兵去到實戰，親身示範應該如何如何。

做到一個偉大的老師，是否己經是最高境界呢？
不是，再進一步，一個完美的老師更可以激發學員超越自己，青出於藍。



我成日都教班，不論是教野外定向還是寫程式。
但撫心自問，
我並不是一個完美的老師，
我也不是一個偉大的老師，
我更不是一個好老師，
我甚至不能算是一個老師。


畀我教過既人都知，
基本上唔係一個老師在教他們，
而是一部按了 Fast Forward 既播音機在廣播。
我想信，十個學生有九個半上完課之後，
不要說學懂，甚至連知道知識都未算。


現在回想，幸好當初沒有選教師做我職業，而誤人子弟。


「路，還有很長遠……」

抗戰二十年

今晚去左睇 Beyond 演唱會
返左黎幾個鐘，都仲係好 high


好耐冇試過紅館坐啡閘位了。
香港體育館四面閘分別係紅黃藍綠四隻色，
而啡閘位就係體育館中間既位，
理論上係最近表演者的。


對上一次，要數到李克勤同香港管弦槳團那個演唱會。
今次坐第七行，係我咁多次坐係度睇既表現最前既。
當然，我都試過再前 d，例如上年係九龍灣展貿中心睇恭碩良，
不設坐位，我企第一排。


再前 d 都有，中二個年既一個報道會，
我甚至企係台上表演，呵呵呵（Joey：炒炒淨係識搵 d 咸豐年既威水史黎講）


講返今晚個演唱會既表現者，就係成立二十周年的 Beyond。
Beyond 我個輩，甚至再早一輩的人，唔多唔少都受過 Beyond 既影響。
我以前學結他，或多或少都因為 Beyond。


由於係 Live Band Show，仲要係一隊 Rock Band。所以 d 音響比一般既演唱會更勁！
d 低音勁到，每一個音都好似打入你個心咁。


演唱會期間， d 觀眾（包括我）好多時都會情不自禁企起身黎，
個身隨著拍子而動，甚至大聲叫囂。


到 encore 部份，大部份觀眾（當然包括我）更企上張椅子上。
仲要 d 保安唔阻止你，真係又 high 又投入。
今次真係破天荒，可能冇下次。
（你試下係其他演唱會企係身，睇下有咩後果？）


上次睇完阿 Paul（Beyond 成員之一） 既演唱會之後，
已經好想睇 Beyond 03' 演唱會。
今晚個演唱會過之後，下一個期待既 Band Show，
就係七八月舉行 "Rock On 2003"
「Are you ready to Rock?」

日日做到冇停手

又到 weekend ，本來打算休息，
點知眼尾望望個 To-Do-List，
多野做到冇停手……

不如讓大家看看我今期既 To-Do-List：

< td align=right>15-May-2003

ID	Task	Due Date
1	EESM 536 (Digital Communication) Project topic decision	07-May-2003
2	Java Part-time 工作計劃	07-May-2003
3	Java Programming	未知
4	EESM 536 (Digital Communication) Assignment 3	09-May-2003
5	EESM 515 (IP Networks) Assignment 6	09-May -2003
6	日文工作紙五	15-May-2003
7	日文作文（自我介紹）
8	EESM 536 (Digital Communication) Project	22-May-2003

係咪好多野做呢？
希望全部都可以如期執行啦，請代禱。


近排發覺手提電話計劃的通話時間唔多夠用，有轉台的打算。
唔知大家用緊邊個台呢？
邊個台的覆蓋、接收比較好呢？
又邊個台抵用 d 呢？
麻煩各位告知小弟，謝謝。

---

ps. To 阿芷：

個段覆你既留言……唔……
點講好呢？
「有門面工夫要做足 d。」
自己意會啦！


>>一篇半篇外判出去畀人起稿之嘛，我有二審架。
> 嘩...你d業務都好好喎...可以外判出去做... 幾時外判下比我做呀...不過少錢我唔做o架喎... ^^

你係咪寫？
冇錢收架 wor

鳯凰山上看日出

好疲倦呀！
現在時間是十一時半，小弟剛剛由大嶼山返到屋企。

我唔係去完宿營回來呀！
而係上了香港第二高峰鳳凰山山頂(海拔 935 米)睇日出。


昨晚行程是首先在晚上九時四十五分，到戲院看 X-Men 2。
老實說，看完有些失望。特持和化妝都很出色，但故事內容比上集略遜一籌。


看完電影己是零時，趕忙乘地下鐵路入東涌。
我比預定集合時間（零時四十五分）早了數分鐘到達，
奈何我的同事們遲了足足三十分鐘。
幸好還趕上了尾班巴士。


同車還有另一幫人，看他們的行裝，應該都是上鳳凰山。
果然，當巴士沿東涌路駛至伯公坳時，他們便下了車。
巴士司機察覺到我們沒有下車的意欲，十分好人地問我們是否上山看日出，
是的話就應該在伯公坳下車。
但因為我預算過若由伯公坳上山，三時半左右便會到達山頂了，
所以另有出發地點。我們婉拒了他的好意。


當巴士駛到山道和深屈道交屆時，我們便下了車。
我們的路線就是沿昂坪道上經寶蓮寺 -> 鳳凰觀日牌坊 -> 天梯 -> 山頂。


由於隊伍中有女仕，也有少行山的人，
所以我們的前進速度頗慢。用了三小時，大約五時才到達山頂（正常應該不需兩小時）


山頂真的很大風和很凍，幸好我們帶了足夠的禦寒衣物。
但我見到有人只得短袖上衣和短褲，真可憐。


根據天文台的資料，日出時間大約時五時五十二分。
可惜，因晨早多霧，看不到日出，唯有寄望下次機會。


六時十五分，我們決定落山到伯公坳。
由於又是以緩慢的速度前進，用了兩個半鐘頭才到伯公坳。
乘巴士回東涌，到茶樓飲茶後各自回家。

---

ps. To 阿芷：

> 呵呵, 真係 "冇d咁o既事"??
> 唉...是但信住你先啦... -__-"

你講緊沒有咩事呀？
信我咩事呀？


> 我個d真係擺到明o既"安慰獎"...而家望住d獎都無乜感覺...

我想要個安慰獎都沒有呀！


>喂...o黎個日記好似都唔係好似你個日記啦喎... 你係咪諗住將個dairy易手呀??

一篇半篇外判出去畀人起稿之嘛，我有二審架。
點會咁易將個dairy易手呀？
咪發傻啦！


>路人甲, 你千祈唔好讀咁多書先返hk呀... 女人o既黃金歲月係30歲前呀...有仔都要親嫩生啦...太遲結婚生仔, 會變高齡產婦o架... 男人就話讀得越高學歷越好o者, 女人都係唔係咁好啦...

你同路人甲 d 私人恩怨，私下解決啦！

>你真係考慮一下我o既意見...(好嚴肅咁講)
>哈哈.....^0^

笑住黎嚴肅
你都幾威 wor

---

再 ps. To 小誼：

你留言問我問題，但又唔留下聯絡方法（個 e-mail 假的 ）
你叫我點教你呢？

朋友眼中的我

呵呵呵, 今日炒炒同Joey 都放棄發言權利
由我...............路人甲出o黎講野
(大家請拍手熱烈歡迎....)

拿拿拿, 大家唔好以為路人甲又係炒炒o既另一個分身呀
係貨真價實有個咁o既人架
嗯嗯, 我係一個好可愛o既小姐o黎架.............呵呵呵呵呵(開始癲左)

咳咳, 正經o的先........
今日呢....講咩好呢.....hmm...........不如講下朋友眼中o既炒炒啦

佢呢.....經過我地一班朋友o既長期研究......係咩結果都冇o既
(車........你唔好浪費我地o既時間好冇)
拿, 大家俾o的耐性, 點解我地會一o的結果都冇?
咪由於佢把口囉, 實到死
問咩都唔講, 你知啦, 班舊同學聚會, 大家最鍾意講o既,
除左做邊行之外, 就係有冇男/女朋友啦
咁大家凡親問佢呢個問題, 佢一係就帶大家遊花園, 一係就話無可奉告


咁一人退一步喇
問..."你有冇暗戀人呀?"
呢個問題問足幾年都係冇答案, 其實我覺得佢好有潛質做間諜架
即使俾敵人捉左, 佢都只會帶人遊花園, 遊到頭昏依然咩都問唔到, 幾好........
hmm........得閒要請教下呢方面先

不過咁, 無論佢班大同或者中同, 男定女
大家對佢都有一個共通o既評語.................佢好好人.....
嗯嗯, 咁又係o既, 佢份人又肯幫人, 又冇脾氣
如果你可以挑起佢脾氣, 令佢發嬲, 拜託盡快通知我
呢o的難得一見o既鏡頭真係要錄低佢...
唔知可以賣到幾多錢呢...........呵呵呵

係喇, 炒炒叫我向大家報告佢做gym o既最新進度喎, 佢話
"昨日做 gym
跑 5.7936384 km 用左 42 min, 跑快左又長距離左"
嗯嗯, 大家俾o的鼓勵過佢, 拍下手啦

愛幻想

炒炒持續不振，所以今天仍然是我 Joey 的時間。
今次和大家談談炒炒的感情世界。請大家鼓掌。



話說炒炒是一個內向的人。
正確點說，炒炒是一個內向中不失外向，外向中又保持內向的人。
（ 即是甚麼？即是他是典型雙子座性格）

他給人的第一印象，多數都是文靜形。
但係熟識他的人都知道，他是很頑皮的。
喜歡作弄人，喜歡奚落人。
據聞炒炒口中的最佳新人時常被炒炒奚落而多次想揮袖而去。
在會議中，通常炒炒都不發一言，縱然他可能有意見。
但有時他又會據理力爭，發言滔滔不絕。
使會議所需時間比正常多了數倍也未有定論。
若你碰上他多發言的時候，那你多數都是時運低了。


但另一方面，他又喜愛幻想，是不切實際的幻想。
打個比方，他兒時每看卡通片，尤其是正義超人大戰侵略者，
在他的腦海中總有第二個故事。而主角，嘿嘿，當然是自以為自己是正義化身的炒炒啦！

又例如睇足球小將，佢又會幻想自己使出衝力射球（那時還沒有滑翔衝力射球）

在中三時，他的班主任更稱他做問題少年。


結合上述兩項特點。
他在感情上時常會會錯意。
他時常會想：
「究竟她是否喜歡我呢？」
「究竟她是否對我有意思呢？」

但是佢又因害羞而唔敢對人說清楚，
所以事情通常一拖再拖。
那答案是甚麼？炒炒不知，但我估多數都是自作多情去做夢。


依我看，炒炒找到人喜歡他的機會都是微乎其微了。


現在，請大家一起為可憐炒炒默哀一分鐘。


禮成！

守財奴

因為炒炒今天很懶惰，沒有想寫甚麼題目。
加上有人誤會了「炒炒是完美主義者」的言論。
所以今天又是小女子 Joey 說壞話的時間。


首先，炒炒絕對是口是心非，說一套，做一套的人。
所以不要輕易相信炒炒的說話。
他媽媽曾經為些下了一個簡明而到到題的結論：
「信佢多過一成都死…」

例如他說：「做得不錯，效果很好。」
心中是說：「完全不及格，由頭做過吧！」

又例如他說：「友誼第一，比賽第二。今次志在參與。」
心中是說：「不成功，便成仁。我要贏！」


中學時的公民教育主任教的是：
「律己嚴，待人寬。」
炒炒的是：「律人嚴，待己寬。」
對別人要求的是完美，對自己的要求則是得過且過。
典型的南轅北轍。


炒炒有一個朋友，說買電腦說了兩年才買。
買年前說要辭職轉工，到今天仍然在該公司做。
炒炒因此時常責備他。但其實，炒炒也是這樣的一個人。
他有時可以很果斷，下主意下得很快。
但一涉及錢銀的事，他就變得很優柔寡斷。

例如他買電腦零件，行了電腦商場整整一個多月，才買了他想買的。
Printer，Scanner 他年多前已說了要換。
到今天，仍然在用舊的那些。
每次到電腦商場，他總會看看同一個型號，但始終沒有買。
在炒炒的待買清單中，還有：
數碼相機、PS2、GameBoy Advance、足球鞋、手提電話……
大家拭目以待看他何時才買上述的物品。


經過小女子多年的研究，終於有了初步的結論。
其實做成以上情況的原因是：炒炒是守財奴！
所以涉及錢銀的事，他都會變得很優柔寡斷。
正在看這篇文章的你又有甚麼看法呢？
歡迎討論指教一番。

快快樂樂

今天又是開心的一天，
如果天天都開心，人人都快樂，這個世界就會更美好！
是否有點痴人說夢話呢？
是的，我認，但做人又怎可以沒有希望呢？
可惜，這個世界太多自私自利的人，每件事都以自己為中心出法。
但出事時，就只會怨天尤人，完全沒有想過是他自己一手一腳做成的惡果。
不知何時，我們才可以感化到他們改過自身呢？

非常慶幸，小弟身邊得少這樣的人，
但在新聞組就見不少。
苦他們年紀輕，都還可以說他們年幼無知，少不更事。
但當中有些自稱已有三、四十歲！
有時都幾心痛，為何他們會這樣？
「你覺得追求開心是你的目標。 Fine，沒有問題，
但追求在別人痛苦之上的開心，我覺得完完全全不能接受。」


說回今天發生的事。
感謝神，今天終於可以再次開口唱詩讚美神。
事緣 SARS 襲港，教會也作出一些特別的措施，
例如以詩歌默想代替唱詩。
今天終於恢復正常了。


牧師今天分享的訊息的「禍從口出」
當中的內容令我獲益良多。
我立志要戒掉「衝口而出」的惡習（Joey：你可以做到先算啦！ ）


崇拜完了之後，我去了 KFC 吃午餐，試了早聞其名的「脆薯蔥圈」。（Joey：三日食兩次，很熱氣，很不健康！ ）
味道一般，沒有想像中般好。


接著逛街逛了三小時（旺角 -> 九龍塘 -> 旺角 -> 太子）
才買了一個較合心水的腰包，
以後出街又沒有太多東西需要帶時，
不用拿個近乎空的背包，
也不用將褲袋弄得滿滿的。


最後去了看周潤發主演的「刀槍不入一僧侶 」。
坦白點說，對套戲得失望。
劇情馬虎，故事老土，有些東方原素，
但適合西方人看多過東方人。

考試及格

呵呵呵呵呵呵

Joey：咩事咁開心呢？


記唔記得小弟在四月十九日的日記說過會考 SUN CERTIFIED PROGRAMMER FOR JAVA 2 PLATFORM 1.4？
我今天已經赴考了。
成績如何？當然及格啦！
及格分數是 52 分，我的得分是 72 分。
以下是細分：

Section Analysis	Score%
Declarations and Access Control	75%
Flow Control, Assertions, and Exception Handling	66%
Garbage Collection	33%
Language Fundamentals	70%
OPerators and Assignments	87%
Overloading, Overriding, Runtime Type and Object Orientation	66%
Threads	50%
Fundamentals Classes in the java.lang package	100%
The Collection Framework	100%

雖然及格，但分數並不理想
（又係 Joey 爆炓時間，其實炒炒患有嚴重完美主義病！
唔好睇佢平時好似咩都唔認真，其實佢對自己要求好高。事事都要做到最好。
但是，他好像沒試過成功，呵呵）


不知是否失去的東西會更覺得珍惜呢？
我的 MSc in Telecommunication 都還沒有讀完，
又有第二個課程想讀（又是我上司介紹）
今次是香港城市大學的 MSc in Engineering Management
（Joey：你是否打算在香港每間大學都修讀課程？）


隨了 Degree Courses 之外，IVE(青衣) 都有幾個暑假舉辦 Game Programming Courses，我都有興趣！
（Joey：慘了，炒炒真的讀上腦…有沒有辦法醫？ ）


考了 Java 的專業資格以後，現在的目標，
是準備 IP Network 的 final exam、
Digital Communication 的 Assignment 3、
Digital Communication 的 Report、
日文課的作文和
日文課的期考。
當然還有公司手頭上的 Project 啦！
請為小弟各敢計劃中的工作代禱。

---

ps. 李克勤的新碟出了！
我今日第一時間買了，很好聽呢！
有興趣要 MP3 的人請私下聯絡小弟。
（近排很多新碟出，很多好歌聽。）

---

再ps. To 阿芷：
>喂, 多謝你係度我d "風光成績" 公開喎... 都多謝你個個恥笑樣o既公仔 !!!...

「冇 d 咁既事！」
某程度上，我都很羨慕你可以拿這麼多獎。
比賽這麼辛苦，你都可以完成，
這份毅力，不是人人有的。

我的教練曾說：
「跑野外定向比賽不是為贏其他人而跑，這樣會有很大壓力。
跑野外定向比賽是為贏自己而跑。當你跑得好，個獎會自己識走向你的。」