APOC 長途賽

今日係長途賽，
地點係大嶼山既黃公田。
話就話係長途賽，
長途指既只係高組別，
HE 既跑 10 公里，
H21A 既跑 7 公里，
我玩既 H21B 只係跑 3 公里，
比尋日既接力還要短。
究竟係接力太長，
定係長途賽太短？

昨日跑完接力，
我就返左公司 OT，
一路做到公朝五點幾，
先係公司飛的返屋企。
沖個涼，
換件衫，
就出發喇。

係中環坐七點船，
我坐地鐵去到香港站既時候，
已經接近七點，
結果就跑去六號碼頭。

上到船既唯一活動，
當然係訓覺啦。

今日比賽，
好快就跑完，
犯左一個好嚴重既錯失，
結果損失好多時間，
返到黎只有第十。

賽事定下既十五分鐘一公理既目標亦都差少少才達到。

係等其他人返黎既時候，
同班仔玩足球馬騮搶波。
有個仔係咪都做插花，
仲要係好刻意個隻，
笑死我。

玩定向我有一個原則，
就係唔放棄。
今日有個教練係仲未超時既情況之下放棄，
激死我，
最激氣既就係，
返到黎仲要多多藉口……

另外班仔又唔聽話，
尋日玩丟石仔整親人，
今日又被我見到佢地丟石仔，
即刻上前鬧佢地……

APOC 接力賽

今日係接力賽，
原本係最有信心既，
尤其是係低年齡組別個幾隊，
有機會爭獎牌，
不過……

今朝一早就去到賽事中心，
點知佢地要延遲一小時，
佢話個原因係交通問題。
不過，
個 Camp Site 係賽事中心附近，
步行都唔需二十分鐘，
咁究竟發生咩事呢？

唔通係係油麻地開過黎既大會旅遊巴 Delay 左？
但據我所知，
佢地係七點九集會，
八點開車，
斷估都唔會個幾兩個鐘都黎唔到，
更何況，
我地有 d 住香港個邊既都已經黎到。

現場所見，
似係未做好野多過大會交通安排 Delay，
希望唔好如傳聞所言，
因為工作人員等食早餐而 Delay 啦。

講返個賽事，
我覺得好「唔得」。
雖然賽事顧問睇過條 Cource 話冇問題，
但係我就唔完全同意。
舉個例，
我班十二歲組別既仔，
因為唔夠參賽單位既關係，
同十四歲組別合拼，
而佢地跑既 Course，
係同十六歲組別一模一樣！
越級挑戰冇問題，
不過條 Course 唔適合十二歲既小朋友跑。
長度 3 公里，
比佢地既長距離既長度 2 公里還要長！

比賽發生左唔少意外，
我想你地睇新聞都會睇到，
希望佢地快 d 康復。

跑完比賽，
即刻趕返觀塘返工，
又要做通頂 ><

至於成績？
排第十一，
輸我一個，
唉，好傷心……

元朗睇 Site

應承左做 Event Organizer 之後，
都未去過比賽場地。
今日就入去喇，
原本約一齊食午飯就十二點半，
唔食午飯就一點半。
當我坐緊西鐵入去時，
收到電話問我係邊，
我以為佢催我啦，
點知佢話冇人十二點半到，
叫我自己去食野先。

有冇攪錯，
早知我係屋企食左先啦。

終於一點半齊人，
坐車入大棠。
營地個負責人話要睇下我地條 Course，
又話呢個山坡唔跑得，
那個山坡唔跑得，
因為種左植物云云。
之後話介紹一條地圖都冇畫既 Path 畀我地，
點知條 Path 就得啖笑。
好斜難行不在講，
呢條「隱藏」 Path 既旁邊，
就係一條好好跑既石屎路……

睇完 Site，
出返元朗，
研究點樣出九龍。

以為坐小巴會快 d 啦，
點知佢等客等成半個鐘，
跟住又繞埋入唔知屯門家天水圍，
結果成兩個幾鐘先出到去。

已經比西鐵貴架啦，
以為佢快 d 點知仲慢，
點同人鬥呀。
論速度，
分分鐘小巴仲慢過巴士……

被人催

今日個客上黎睇 Demo，
以為得一個上黎，
結果黎左三個。
兩個係客，
一個係手辦師父。

兩個客，
其中一個係 Product Designer，
個 Product 係佢 Design 既，
佢上黎睇我們既 Demo，
跟住畀意見，
好正常既事。

另外一個係 Project Manager，
我真係唔知佢上黎做乜。
睇 Demo 佢又冇睇，
結果同個手辦師父兩個係我地會議室傾野。
我真係唔明，
佢地公司冇會議室咩？
點解係要我地公司會議室自己開會？

最攪笑既係，
佢地好似以為我地唔駛收工咁，
八點幾都仲係度傾，
我又冇理由賴低佢地係度走左架？
結果就無啦啦要 OT。

之後仲激死我，
佢問我 Software 進度點，
我答佢仲寫緊。
之後佢講左句：
「下？乜仲寫緊呀，寫左好耐喇 Wor……」

攪錯，
講到寫 Software 唔駛時間咁。
最過份既係，
佢負責那部份都未攪掂，
（實情仲要係未開始）
就走黎催我。
如果你做起左，
又或者有進度，
黎催我都順氣 d 丫，
敝在現在唔係 Lor……

DVD

好唔開心呀，
我鍾意睇戲，
更加鍾意入戲院睇戲。

係屋企睇，
不論係買碟、租碟定下載，
因為環境太舒服的關係，
好多時都會訓著。

係戲院睇，
除了唔易訓著之外，
螢幕之大，
音響之好，
亦係屋企或者流動產品畀唔到我既。

不過呢，
我愈黎愈唔想入戲院睇。
主要因為故事內容，
通常拍戲拍得長 d，
然後剪接成戲院版。

呢排 d 戲院版，
總係覺得好似有 d 唔完整咁。
最近睇報紙，
某某戲出 DVD，
內附刪剪片段。
睇完刪剪片段，
就會對故事更加理解，
亦都會解答某 D 問題云云。

咁即係點，
想我畀兩次錢？
好反感……

如果你話本身戲院版已經唔錯，
而 DVD 版係畀更多你，
我唔介意。
之但係戲院版唔得，
DVD 補完，
即係戲院版未盡力啦，
點可以咁架？

Signed 與 Unsigned

今日 De 左個 Bug，
好攪笑。
話說個 Program Loop 死左，
翻查原因，
發現死既地方係呢度：

For (i = 8; i > 0; i--)

用人類語言翻譯，
就係：

i 預設為 8，
當 i 呢個變數大於零時，
做以下既野兼將 i 減去 1。

i 呢個變數，
我 Set 左做 S8，
即係有正負數既 8-bit 長變數。

之後我改成咁：

For (i = 0; i < 8; i++)

結果冇事。
咁就奇喇，
除了這處，
就冇其他地方改動過 i，
點解會唔 Work 呢？
之後我將 i Set 做 S16，
即係有正負數既 16-bit 長變數。
再試多次第一句。

結果係……

冇事……

結論係，
粒 MCU 唔 Support S8，
但 Support S16！！
（但係 S8 呢樣野，係 Offical 都有用……）

忙到爆

今日學校派卷，
神龍見首不見尾既毛同學冇返。
收到份卷既一刻，
六十幾分，
七十分都唔夠。
都算 OK 丫，
以咁既溫書時間，
配以咁既分數。

其實睇返份卷，
仲可以拿多 d 分。
因為大意錯既都有幾多下，
反而完完全全唔識既唔算好多。

今日上左一堂足料既堂，
到十點夠鐘放學。
老師都未教晒，
係講講講。
如果，
如果堂堂都係咁就賺了……

---

踏入十一月，
開始忙忙。
公事上開始忙，
愈來接近個 Deadline，
個客又不斷咁推前個 Deadline。

係佢地口中，
咩都好易，
咩都好快攪掂，
咩都唔駛時間做咁。
咁叻就唔駛搵我地，
自己做晒佢啦……

私事上，
又要預備考試，
又要預備比賽。
結果……
日記唔得閒寫，
請見諒。
不過我我會每日寫低 Notes，
方便日後補日記時參考。

敬陪末席

旺角玩的那個打機聯賽，
輸了係要受罰的。
因為之前工作忙，
加上有時間都溫書既情況下，
被扣好多分，
所以今屆聯賽敬陪末席。
講真，
就算唔係扣左呢十八分，
我相信我都係包尾。

聯賽聚餐係燒野食，
去左美孚個頭燒，
出左地鐵站，
仲要行一段路先到。

到大家飲飽食醉。
就到餘興節目，
就係輸個三個表演（受罰）……

今次既表演節目係：
可樂送香蕉……
尾三那個食一條蕉加一罐可樂，
見佢食得好辛苦，
我不禁流下一滴汗。

其實我食蕉大既，
細細個已經好鍾意食蕉。
加上去定向比賽時，
蕉係一種幾好既食物，
所以食唔少蕉。

所以受罰前，
我曾經出 Post 話食蕉冇難度，
當時畀好多人話我看輕食蕉。

終於到我喇，
限時三分鐘，
食三條蕉加一罐可樂。
結果……

我好似唔駛兩分鐘就攪掂晒。
食完既感覺係：
d 蕉好生……

日本語能力試

今日考試，
試場係寶馬山某中學。
因為定向關係，
成日上寶馬山，
所以都幾熟路。
其實間學校都幾僻，
基本上得小巴可以係門口落，
坐巴士既落左車都要行一段路。

上年係九展大 Hall 考，
今年係學校，
自然係拆開晒一間間課室。
每間課室有一個監考一個助理。
個助理做野勁冇效率。
首先講派卷，
最有效率梗係派去每行頭一個，
之後傳落去。
驚你傳落去會偷睇到，
要親派去每個位，
都有幾個方法。
最佳方法就梗係一左一右咁派，
即係派畀第一行第一個，
第二行第一個，
第一行第二個，
如此類推。

冇咁好但都唔錯既，
可以先派第一行，
返轉頭時，
由最尾開始派第二行。

但係個助理選擇既，
係更冇效率個隻方法。
由頭順序先派第一行，
行返上最頭，
由頭順序先派第二行，
睇佢派卷，
差點訓著……

考完試，
坐小日條人龍長到……
粗略估計，
起碼十架小巴先到我。
結果都係用最原始既方法走，
就係步行落山喇……

最後衝刺

聽日就係考試喇，
上年參加四級試，
好好彩地及格。
今年就更進一步，
報考三級試。
不過兩年既心態唔同。

上年但求及格，
CEF 有得回水。
講開 CEF，
因為懶既關係，
都仲未寄 Form 返去，
好似一月二十六日就到期。
原果限期前未交 Form，
就 Cut Account，兼冇錢回……

今年冇左 CEF 呢個包袱，
純粹為左興趣，
同睇下自己程度去到邊。
結果就……
冇乜點溫。

上年起碼做左五年 Past Paper，
溫左 d 精讀。
今年就雖然都買左 Past Paper 同精讀，
不過就一年 Past Paper 都冇做。

或者咁講，
上年係以應付考試既方法去預備考試。
今年雖然都有去睇考試出題分佈，
但以穩固自己既智識為大前題。

短期效率黎講，
當然係上年個方法好 d 啦。
但今年個方法，
長遠會對我學日文之路會有幫助。

今日全日都係一路食住上個星期買既零食，
一路溫書。
又睇下唔係為考試而考試既我，
可以行到幾遠……

背景音樂

我記得我之前講過，
我住那座大廈的升降機，
是有背景音樂的。
不過 d 音樂，
係 d 陳年舊曲，
舊既程度，
係我媽都嫌佢舊。

最慘仲係，
升降機係冇得較靜音，
亦即係話，
我日日都要受佢折磨……

最近乘升降機，
發覺入耳的音樂順耳左，
唔係因為聽慣，
而係佢換左音樂。

唔再係舊歌，
亦唔係粵曲，
或者係流行曲，
我相信個 d 係兒歌。

可能係近聖誕既關係啦，
我聽到歌詞應該係有少少關於聖誕既，
甚至係有少少似詩歌 Tim。
點解講到咁唔肯定呢？
因為我其實聽唔清楚佢唱乜。

一黎係好細聲，
二黎 d 詞我係未聽過既。

Anyway，
換歌都係一件好事黎既，
雖然唔知佢唱乜，
但總算係入得順耳丫。
可能係 d 歌冇咁舊，
又或者係比以前細聲，
所以就算鍾意又好，
唔鍾意都好，
唔會太大反感。

休息

呢排 d 收工時間都幾極端，
昨晚收成兩點幾，
今日就七點未夠就走左。
無他既，
我相信我唔係鐵打，
點都要有休息。

休息，
唔係單單指訓覺個種，
有時去打下機，
或者四虎聚 Hea 下，
都係休息既一種。

有師弟同我講（其實係07年1月6日講既）
叫我唔好攪到自己咁忙，

其實我又覺得冇乜所謂，
人生幾十年好快過，
點解唔用盡佢呢？

至於所謂享受人生，
我也有，
每年我都會去旅行，
好似呢幾年既美國，
黎緊既日本，
出年既韓國等……

分別可能在於，
我因為個人情況比較特別，
所以拍拖可能壓縮成一兩個月，
享受人生可能又係壓縮成一兩個月。
餘下既時間，
自然寄情工作。

更何況，
雖然現在份工作唔算係 Dream Job，
都算係一份幾喜歡既工作，
放多少少時間，
放多少少心機，
不是幾好嗎？

手信

昨日返到佐敦，
七點鬆 d，
無謂咁早上去學校等，
返屋企溫一陣書先。
係屋企附近撞到剛剛去完美國旅行既細牛，
佢叫我上佢屋企拿手信，
係一件 T-恤。

佢話一件 T-恤做手信，
點都好過大虎 D 扭蛋手信咁冇誠意。

其實講開買手信，
又或者買野送畀人，
我都係唔係好掂。
比起大虎既扭蛋、鎖匙扣，
我既亦都唔好得好多。
人地話，
買手信或者買禮物送畀人，
應該考慮下每一個人適合 D 咩禮物，
「度身訂造」。
不過好多時，
我都係個個都送同一款禮物。

可能呢 D 就係所謂冇誠意啦，
我係成日想唔到送咩畀人。
好似四虎第一份台灣手信，
其實係某人有份出既主意。

到第二份同第三份美國手信，
係我自己選既，
到現在我都覺得好「行」。

或者呢 D 就係冇心思，
所以現凡過時過節，
要送禮物畀人我就頭痕。

黎緊三個月有四個節日、值得紀念既日子，
我想少極都要送最少一份掛，
我真係想唔到送咩好 ><
真係頭痛……

日文考試

今晚考日文，
一夠鐘就收工走。
其實唔係點溫過書，
一黎公司好忙，
二黎因為星期日考能力試既關係，
有時間都放晒落能力試先。

幸好既係，
校內試繼續畫公仔畫出腸既畀 Tips 方式，
咁真係要溫既時候，
都唔駛咁驚，
起碼可以靠 Short Term Memory。

不過始終 Short Term Memory 唔係咁可靠，
雖然份卷比我想像中淺，
但係唔識既都仍佔大部份，
希望及格啦。

今日考試，
神龍見首不見尾既毛同學自然會出現。
平時上完堂，
我都係同佢一齊行去荃灣小巴站，
佢上車然後我行返屋企，
今日就唔係喇。

話說落堂，
我同佢離開。
見到有個少女企係大廈門口，
一見到我地（其實係淨係見到毛同學）就笑。
講緊既笑，
唔係大笑個隻，
而係微笑。

然後毛同學就同我講：
「你返去先啦……」
（咁似被人遺棄既對話既？）

講到呢到，
聰明既你應該估到，
該位少女，
應該就係傳說中毛同學既女朋友喇。

Debug

有時真係被我同事激死，
有 d Programming 既基本知識，
講過好多次，
但係佢都係做錯…

話說今日幫佢 Debug，
一睇 d Code，
又係咁錯。
講緊既係 Pointer，
又係買左地，
唔起屋，
但係就係咁搬傢俱入去。
有時冇事，
有時就 Hang 機。

佢問我，
既然呢段有事既，
點解有時會冇事。
我只有答佢：
「好彩 lor」……

之後仲攪笑，
話說我寫好個 Library，
試好晒冇問題。
之後有 d 野加，
我叫佢跟跟。

之後佢同我講，
話唔得 Wor，
咁幫佢睇下啦，
因為我驚係我 d Code 唔得，
結果都係攪唔掂。
臨收工前，
佢話畀我知攪掂喇，
問佢點攪啦。

佢話佢用左佢 D Variables，
結果唔得；
現在用我之前 D Variables，
就攪掂喇，
咁你話，
係咪激死晒？

四片好過三片

現在用緊既剃鬚刀，
係大一暑假既時候買，
三層刀片，
好似好勁咁。

呢幾年出左好多新款，
甚至有用電既 tim，
留意我講緊既唔係電鬚刨，
而係用電既剃鬚刀。
廣告話用電既剃鬚刀剃得乾淨 d，
係唔係真話我唔知，
但兩大牌子都相繼出用電既剃鬚刀，
一試冇妨。

結果就去買左四片刀片那隻用電剃鬚刀，
我覺得，
四片刀片會剃得乾淨過三片刀片。
而且，
兩者價錢相若，
買四片感覺上抵 d。
XDDDDDDDD

之後去左 CitySuper 入貨，
買左咖啡豆、蝦條、墨西哥風味既粟米片，
不過可惜找唔到粟米片點個隻醬。

之後路經 KFC，
四點幾入去食 Lunch。
雖然好唔健康，
但我其實幾鍾意食炸雞。
係炸雞件同雞翼中間選擇，
結果選了炸雞件。

返到屋企，
發現今晚既餸係雞翼，
一日食晒我想食既野，
感謝主。

夜晚一路食零食一路溫書，
進度只是一般……

落水

因為就黎考試，
所以今日留起屋企溫書。
結果當然係訓到日上三竿個時先識起身啦，

不過一起身，
就收到一個電話，
因為呢個電話，
我落水了。

或者講清楚 d，
年尾有個大型定向賽事，
APOC（亞洲及太平洋區野外定向錦標賽），
一共五場賽事，
模擬賽、短途賽、三人接力賽、長途賽及中距離賽。

有比賽，
自然要有參賽者。
不過，
更仲要既係有人肯攪。

個電話就係打黎叫我幫手，
我就應承左做其中一場既 EO（Event Organizer），
即係一個賽事既負責人。

場比賽係平日舉行，
原本我已經請左假參加比賽。
結果，
現在請假就係負責攪比賽。

攪比賽有好多野做，
唔係咁易做既一件事。
有好多人成日發表偉論，
話呢個比賽攪得唔好，
應該點點點，
那個比賽又點點點。

有意見係好事，
可以有改進。
不過，
唔係咁多人肯背起攪比賽呢個責任。

一年有成十幾場比賽，
玩少一兩場，
幫手攪比賽唔係好過份姐？

錯要認，打要企定

街機那兒，
有些機友自發攪些聯賽，
最近發生左 d 事，
值得反思。

話說每個參賽者都要選副 Deck 參賽，
而每一副 Deck 都有一個特別既主題。
其中一個參賽者用既 Deck，
沒有違反規則，
但熟個 Game 既人都知道，
佢個副 Deck 根本虛有其名，
不是真係我地想要的那個主題。

有人提出呢個問題，
該人士強辯他用是一副名副其實的 Deck，
然後東扯西拼「辯論」一大輪，
甚麼沒有犯規云云，
到近日才承認是對賽例的「誤會」。

有趣的是，
佢搬出聖經的話語黎辯護，
可惜他曲解了內容。
他指出聖經說：
「論斷者眼中有樑木，
被論斷者眼中有刺，
樑木大過刺，
表示自己的過失比別人多或比別人大，
哪有資格批評論斷別人﹖
應該先省察自己的言行，
先除去自己的虧欠，
先洗自己的錯，
然後才可洗他人的錯。」

該段經文，
係勤勉人指出其他人的錯處時，
亦都要留意自己有冇犯錯。
並唔係因為人地既過錯大（樑木），
自己只有小過錯（刺）時，
不用改過。

人誰無過，
但重要的是知錯能改，
從失敗中學習。

當有人指出「問題」時，
第一件事要做的，
我想
不是說「自己沒有問題」；
不是說「我有問題，他也有問題，為何你只說我？」；
不是為「問題」掩飾、粉飾；
不是一開始就全身武裝準備「對抗外敵」；
而是
想想為何人會這樣說？（尤其是指出「問題」的不止一人）
真的是自己錯也好，是對方不著也好，
重要的，是解決其「問題」。

共勉之

日記與留言

早排細牛同我講，
話係我日記留言，
但冇 Show 出黎。

仲要係幾次都係咁，

我開頭都唔知咩事。
後來 Check 返 d Setting，
原來我 Enable 左個 Function，
就係所有留言都要我 Approve 左先 Post 出黎。

但係 d 留言又唔會 E-Mail 畀我，
未 Enable 呢個 Function前，
所有留言都會 E-Mail 個 Copy 畀我，
現在反而唔會。
結果，
積埋積埋好多留言。

回想返起當初點解用呢個 Function，
就係因為收到大量垃圾廣告留言，
不過原來呢個 Function 咁多副作用，
結果我都係 Disable 左佢。

其實 Disable 左都有一段時間，
不過唔得閒通知細牛。

今日發覺，
細牛已經識留言，
果然醒目呀！

亦因為呢個留言，
我發現左細牛日記最新既網址。
之前個幾個都冇再 Update，
我一度以為佢已經冇寫，
今日發覺，
原來我週不時都有寫，
只係……只係我唔知姐。
不過現在，
我又有得睇了。


哈哈哈

實力

我突然發覺自己好威，
籍籍無名的我，
竟然會有人掘角。
話說早兩日收到個舊大同既 Message，
問我做左五年既人工幾多所有。
我開頭以為係佢搵工。
其實我唔知市價，
就講左大約兩萬，
等公司還會云云。
之後我都冇左件事。

點知今晚就收到佢電話，
話佢公司請人，
問我有冇興趣做。
個邊出既人工，
仲要比我現在這份高百份之五十！

都曾經有少少心動，
如果早年幾，
即係我失業個排問我，
我會豪不考慮就應承。

不過，
我現在算係有份比較穩定既工作，
雖然人工冇個份咁高，
但總算搵到餐食。

更重要既係，
現在趕緊 Project，
仲係一個好既既 Project。
如果現在走，
就好似投降咁。

唔得，
我唔容許有咁既情況，
我一定要征服佢先。

當有一日老闆睇到我既成果，
加返工資畀我，
咁先係實力既証明。

大打擊

上個星期有返學，
雖然今個星期仍然趕緊 Project，
今個星期點都要返去。
出奇地，
最近經常出差往內地，
好久沒有返學既毛同學都有返黎。
屈指一算，
我都好似走左成個月堂。

不過今日簡直係大打擊呀，
話說我好乖咁做晒功課，
上堂時交畀老師。
點知佢同我講：
「做乜現在先交？
下個星期考試，
我現在即刻改完畀返你啦！」

簡直係晴天霹靂，
我一路以為係再下星期先考試，
誰不知下星期就係。
幾本上係冇時間溫既，
睇黎又要補考，
又或者索性唔鬼考。

呢頭能力試都未必攪得惦，
個頭學內試又黎，
唔知呢 d 係咪叫福無雙至，
禍不單行呢？

---

Anyway，
毛同學原來係香港只係 Stay 多一個月左右。
十二月尾一月頭，
就要飛去唔知上海定北京。
係個度做四個月野，
有人管，
做左管理層，
希望佢前程錦繡啦。

麥記記

今日中午食麥記，
食黑椒漢堡餐。
我其實一路都唔知黑椒漢堡係有餐既，
因為我睇過幾張 Posters，
都只係話單買包幾錢幾錢。

好多時我地去食野，
總會有一個人擺位先。
今日坐我隔離那個，
一個人擺左四個位。

有單人問佢坐唔坐得，
佢話有人。
結果……
當單人食完，
甚至我們食完，
擺位的朋友都係未到既。

其實，
讓人用先唔係更好咩？

上星期三見完客，
食埋麥當奴先返公司。
間麥當奴幾細間，
亦即係話唔會整定好多野食。
好處係 d 食物即整，
壞處係要等。

話說我地叫左三個餐，
三包薯條都係要等。
我地三個人坐係當眼地方等左半個鐘都冇薯條，
當我再去 Counter 問時，
佢地有人問：
「乜真係欠個客三包薯條架？」

原來就係佢曾經想還，
不過遍尋不獲（即係係咁易望唔到）

數分鐘後，
先還兩包，
仲有一包後補。

再數分鐘後，
還最後那包，

又再數分鐘後，
又拿一包黎。
佢地點溝通架？

昏迷

今日係訓覺天。
昨晚打完交流戰，
三十幾人一齊去食宵夜，
一路傾計傾到四點幾。
我步行回到家已經五點幾，
洗澡（我訓覺前會洗澡真係奇聞）後，
六點幾先訓落床。

第一次恢復知覺，
係十二點幾。

第二次恢復知覺，
係五點幾，
食完午餐（？！），
又再訓過。

第三次醒，
已經係九點幾。
起身食晚飯，
睇左一個鐘電視，
又再訓過。

再醒，
已經係星期一朝六點幾。

屈指一算，
訓左成廿一、二個鐘。
不過，
仍然覺得好眼訓。

可能之前透支太多，
今次只係還左息 Only。

做好自己

上個星期幫總會攪既比賽，
早兩日已經有支票預備了，
今朝上大球場拿。
總共三張，
一張係我既津貼，
一張係其他工作人員既津貼，
仲有一張係開公數既物資。
真係高效率，
相比起我，
舊年既津貼我都未放晒…

之後落左銅鑼灣（機鋪），
再過灣仔（機鋪），
都係找唔到人對戰。
之後就過返海去旺角（機鋪）。

今晚十點約左旺角另一機鋪既人交流，
十點打到兩點。
結果係我個邊贏多少少。
個人戰績方面，
四戰三勝一負。

其中一場私人恩怨，
（對中學師弟）
都順利勝出。

其實交流戰，
重要既唔係勝負，
而係賽後既討論同檢討。
透過檢討，
大家都有所進步。

做得好既，
下次繼續。
做得唔好既，
下次改進。

記得我初學定向，
教練同我講：
「唔需要睇勝負咁重，
只要你完成比賽，
做好自己，
勝利自然會來。」

冇態

始終都係冇乜狀態，
不論係工作，
還是係玩。
個人好似好累好累咁，
提不起勁似的。

係因為唔夠訓？
定係因為生命缺少左 d 野？
幾條死線愈來愈近，
但態度係：
係咩？到喇，由佢啦……

點樣可以改變？
點樣可以改善？
我唔知。

但我知道，
憑我一己之力唔會成功。

但我相信，
只要交託給神，
祂必會引領我行該行的路。

當將你的事交託耶和華，
並倚靠他，他就必成全。（詩 37：5）

主領我到青草地，
安歇在溪水旁，
黃昏時主與我一路同行，
牧場上主的羊都得滿足，
心快暢，
我是主的羊。

青草地，(死蔭幽谷)
溪水旁，(高山峻嶺)
黃昏時，有主與我同行。
(黃昏時，有主與我同行。)
黑暗夜，(死蔭幽谷)
路崎嶇，(高山峻嶺)
每一步，跟隨主行。(每一步跟隨主行。)

都係自己黎啦

今日畀個同事激死。
話說用緊粒 MCU 有個 Internal 既 Audio CoDec，
但係只係 Support Mono Sound。
個客要求 Stereo，
咁所以要加隻 External Audio Codec。

我地個 Hardware Designer 既 Design，
係用 External 做 Input，
Internal 做 Output。
問題係，
究竟 Internal 同 External 可唔可以共存？

昨日開緊會既時候，
打電話返公司叫個同事試，
回覆係：唔得。
當 Enable 左個 External Codec 之後，
Internal 那個會冇晒聲。

老闆叫我自己試多次，
今朝返到公司即刻試。
一試就發覺就算 Enable 左 External Audio Codec，
個 Internal 都有聲出。

咁點解同事話唔得呢？
原來佢 Enable External 既同時，
Disable 左個 Internal，
咁點會有聲？

咁我再叫佢試 Enable 晒兩個 Codec，
個 External Audio Codec Input 會唔會有問題啦。
佢回覆話用到冇問題。
當我同老闆報喜之後，
再去 Double Check，
發覺：
原來所謂既冇問題，
係 Input 經 External Audio Codec 直接去 Ouput 時有正常聲，
即係話唔經 MCU 既時候就冇問題。

但係我地個 Application 係要用 Mcu 錄低 d 聲，
結果就沙沙聲……

開會

今日下午去左開會，
入香港仔。
老闆話兩點要入到去，
所以十二點左右要出發。
結果十二點幾一點先出發，
仲要去食埋飯 Tim。
一行三人坐地鐵過北角，
再轉的士，
結果準時兩點入到去。

今日既會議簡直係浪費時間。
話就話夾野，
但係對面就咩 Input 都冇。
Design 未有，
Drawing 未有，
Program Flow 都未有，
但係就催我地交貨，
乜都未有，
點交呀？

最攪笑係 d Idea，
又要價錢平，
但係又要點點點。
話人地部手提電話都做到，
點解佢地呢部做唔到。

但係人地部手提電話講緊既係賣三四千元，
佢件 Product 打算賣幾百元……

結果個會就開到六點幾七點，
食埋野，
返到公司都成八點幾。

唔知點解，
個客好鍾意睇 Demo，
下星期五要睇一次，
月尾又要睇一次。

我都唔知邊度畀咁多 Demo 佢睇，
點樣變 d Code 出黎。
我 Demo 遲左兩個星期畀佢睇，
個 Program Flow 佢遲左三個星期都未畀我……

懶

昨日被人投訴。
咪又係那個客 lor，
話說應承左個客有 Demo，
結果我星期六、日開盡 Turbo 都攪唔掂，
（當然星期日個 Event 用左我唔少時間）

結果個客直接向我老闆告我一狀。
唔知好彩定唔好彩，
老闆冇點罵我。

向好處想，
就係老闆都支持我。
但向壞處想，
就係老闆連罵我都覺得浪費氣力。
Anyway，
呢件 Product 既 Features，
So far 係市面上其他機都好似未見過。
出得到，
應該都好震撼，
雖則佢只係一件 For Kids 既玩具。

結果繼續做、做、做。
今日收工時間係九點，
因為收九點既關係，
所以冇去上當。

正確 d 黎講，
應該係話因為唔想去上堂，
所以收工收九點。

至於點解唔想返學，
主要就係因為未做功課。
其實做功課唔難，
坐車由觀塘返佐敦既時間，
已經夠晒用。

不過點解都唔返學呢，
一個字：「懶」。

簡簡單單已經解釋晒所有野。

浪子歸家

呢一兩日睇大虎個 Blog 發現左樣野，
就係佢浪子歸家。
呢兩日既 Blog，
佢引左 d 基督教詩歌。
細味佢內文，
似乎佢重新信主。

想當年，
係大虎帶我返教會，
後來當我習慣了返教會，
就到佢失去了踪影。

或者我唔係一個好的見證，
我亦沒刻意去向班兄弟傳福音，
所以咁多年內，
其他三兄弟都冇信主。
今日見到大虎信主，
好開心。

我想起一段好有名既聖經比喻，
路加福音第十五章：浪子的比喻。
（這亦是為甚麼文首我用「浪子歸家」）

然而，
信神並不是只是口說「主呀主呀」，
而是需要身體力行。
不單要做一個活的見證，
還應該多靈修、
祈禱和多返教會。

希伯來書十章 24 至 25 節提到：
「又要彼此相顧，激發愛心，
勉勵行善。你們不可停止聚會，
好像那些停止慣了的人，倒要彼此勸勉，
既知道那日子臨近，就更當如此。」

身體力行呢點，
亦係我做得不足的地方。

共勉之。

鑊

終於到左比賽當日，
今日既鑊比想像中還要多。
首先係貨 Van 司機唔知醒，
遲左成半個鐘。

跟住工作人員嚴重不足。
之前老師話我知既係四十人，
朝早學生話我知既係三十人，
最後出席既係十幾人……
好彩我另外找左幾個可以以一當三既熟手黎姐，
如果唔係咪中晒伏？

擺 Point 那兒又有鑊，
擺晒 / 未擺晒 Points 又冇通知，
攪到我逐個打電話問，
到比賽開始左十幾分鐘，
其中一個先話我知佢仲有四個未擺。
理論上，
佢地擺完應該做巡邏，
不過佢地有部份十分忙碌既關係，
有 d 預先同我講會早走。
不過走都出句聲丫，
攪到我搵人去 Check Points 既時候，
打畀佢，佢竟然係屋企……

跟住又話起點攪唔掂，
要我現場班人去幫手。
有 d 好 Helpful，
未到佢出發，
我一叫佢就去幫手；
另外一 d 就……
仲要係識左成十年既……

最激氣係等佢地執野，
四點未夠就完既比賽，
佢地執到七點都未攪掂。
我都好耐未試過咁勞氣罵人，
激鬼死。
結果我運返 d 物資返總會同 SOC，
再返公司已經九點，
加班到一點幾都未攪掂明日 Demo d 野……

補牙

又開始出牙血，
所以今早去左睇牙醫。
其實應該早 d 睇，
不過行事曆排得密密麻麻，
係今朝先算得閒少少。
不過講緊既得閒，
都係我遲返公司半個鐘換返黎既。

洗牙，
好痛。
不過更痛既還在後頭。
牙醫話我有隻大牙蛀左個小孔，
要補牙。

補牙唔係就咁填返個孔。
首先係鑽深 D，
除掉蛀壞左既部份。
牙齒最表面的是堅硬的琺瑯質，
冇神經同血管。
但入一層的象牙質係活的組織，
一鑽入去，
好痛呀！

埋單計數，
洗牙、補牙再加埋藥，
咁又冇左成千元。

---

下午培正有兩個學生去點聽日既物資，
打畀我話冇借到手推車。
個邊既答覆話我太遲講，
唔夠時間借。
不過我好似兩個星期前就話借，
咁叫唔夠時間。

好彩我住得近 SOC，
即刻打畀阿健睇下佢係邊。
約左佢夜晚十點返去借三架摺得埋既車仔，
總算解了燃眉之急，
不過原來三架車仔加起來都好重，
我拿到返屋企已經汗流浹背…

Meemory Overflow

早兩日個客又打黎催 Demo，
係都要我畀個期佢。
想畀耐 d，
但係咪開口已經被佢封後門，
叫我唔好講咁長，
例如 20 號係冇可能。
結果，
被迫話下星期一有 Demo……

係咁被佢催，
但係佢欠我 d 野又未畀我，
例如 d Graphics 啦，
甚至乎連個 Processing Flow 都未畀我。
按呢個制會出 d 咩畫面，
之後做 d 咩 Features 都唔知，
點做？

淨係做晒 Core 算數？
唔合理唔合理。

Any，
冇 Flow 都要做住 Core 先，
結果今晚做到成點幾……

---

攪左幾日既 Bug，
今日 Solve到。

事緣其中一個 Array 太大，
要係個 Heap 度 Direct 拿一段 Memory 黎用。
咁每一格係一個佔 3 Bytes 既 Structure，
個 Array 有 256 格。
咁我拿 Memory 拿 256 * 3 好合理姐，
但係就係咁 Hang 機，
話 Memory Overflow。

後來發覺，
原來個 3-Byte Structure，
個 System 用 4-Byte 去儲。
結果當我想 Access 較後既 Data 既時候，
Memory Overflow。

激死

大嶼山宿營

今晚要開會，
唔係公司既會，
而係集訓計劃個邊。
主要都係會報下 D 進度，
班仔女既表現咁。

有一樣野都幾擔心，
因為有兩場係大嶼山舉行。
但係班仔，
尤其是係最細個幾個，
即係十至十二歲個班，
大部份住係北區。
由北區到中環再坐船入大嶼山，
至少都要三個小時，
還未計交通延誤呢！

假設 First Start 係 09:30，
即係話佢地要五點幾六點起身，
之後仲舟車勞動，
實影響表現啦。

現在計劃係大嶼山宿營，
但係就要自費。
至於教練，
唔一定要入去，
但係就要睇返有幾多個仔，
按比例咁。

我希望班仔會入去，
不過我自己就唔係咁想。
雖則唔係話住得好近，
但都唔算好遠。

要自費宿營，
我不如係屋企訓好過，
而且又唔駛驚訓唔慣張陌生床。

Anyway，
係咪需要入去宿營，
睇下班仔點決定啦。

人手不足

我發覺我好勁呀，
應該返工返十點。
結果十點的時候，
我仲係自己張床上面，
剛剛睜開眼睛。

結果就梗係飛的返去啦，
趕極都要十點四十五分先返到去……

星期日就係比賽喇，
人手好似唔係好足夠。
原本打算我每個崗位找一個熟既做 Leader，
然後再由培正班學生做副手。
不過，
當我開始打電話 Confirm 集合時間的時候，
又多幾個話唔得。

一個屋企有事，
可能要遲黎，
Worst Case 係黎唔到，
明日覆實我。

兩個話唔可以留咁耐，
可能要早走。
咁又係既，
朝八晚六係長 d 架喇。

一個話個日有 d 國內嘉賓黎，
中間要落返山帶佢地……

總會今日話我知，
冇 Book 貨 Van，
即係要自己 Book。
好彩有想熟既，
如果唔係都唔知點算……

工作人員買少見少，
物資又好似唔足。
情況惡劣成咁，
都唔知個日會唔會有更大鑊。

考試

考試一步一步迫近，
但準備度十分不足，
最後結果可想而知。
最近收到考試通知書，
像提醒我般：
「死線黎喇！」

舊年考同一個試，
當然唔同 Level，
係下午攪，
地點係九龍灣。
所以可以訓足先出發。

今年升左一個 Level，
地點被派去寶馬山培僑，
考試時間仲要晨早開始。
真係陰公，
我最怕既係，
我會唔知知醒……

話說年年十二月第一個星期都係童軍錦標賽，
上年撞正考試。
雖則比賽係上午，
考試係下午。
但都費時咁趕，
所以就冇去幫手。

今年亦都係撞考試，
比賽地點仲要係冇雷公咁遠既北潭凹，
即係話，
想都唔駛想。
雖則我應該帶隊，
唯有將三個仔交畀他教練照顧。

今晚上堂，
一舊雲咁。
出奇地，
竟然 Listenling 聽得明，
答對一半以上。
奇蹟…奇蹟！

撐

今日睇兄弟個 Blog，
睇到佢好似好灰咁。
話咩咩佢既生活起左變化，
是好是壞都唔知，
仲問班兄弟撐唔撐佢。
原本睇完 Blog，
好想即刻覆佢話一定撐。
不過又好驚自己會錯意，
其實原來佢唔係問緊我咁。

思前想後，
十二個小時之後，
我決定都係覆佢。

原本打算係自己日記度寫算數。
費時真係會錯意時瘀爆。
但係想想下，
有乜好驚姐？

結果都照樣出 Post。

---

其實睇佢個 Blog，
都畀自己好大既反思。
佢飄蕩左咁耐，
總算找到發展既方向。
縱然有變化，
但起碼意識到有變化。

反觀我呢？
找到了自己的路了嗎？
R&D 的滿足感真的滿足到了我麼？
我在找尋的，
又是其麼？

腦海想起的，
是一首詩歌。

從前流浪飄泊，遠境似迷茫，心中空虛孤單，徬徨與不安，
就在那天相遇，我一生的主，以愛引領我路，為我導航。

過去嚐盡風浪，滿心淒愴，今天祂必拯救，替我擔當，
前途重現希望，永不再徬徨，主恩天天伴隨，領身心開朗。

我已找得盼望，神賜美好生命，救主存在我心裡，
歡欣透心窩，因祂捨生救贖，除去痛苦失望，
我心為願永跟隨，一生棄罪網。

機友百態

今日本來好開心咁訓緊覺，
結果就畀 d 家務噪音嘈醒。
個 Parttime 工人黎到，
又洗衣機聲，
又吸塵機聲，
好吵好吵。
嘈醒左，
但係又訓唔返。
迫放無奈要出街避一避。
結果一路行到出旺角避一避。

碰到班機友，
夜晚一齊食飯。
同佢地食飯，
通常都好夜。
原因冇他既，
掛住打機唔食飯 Lor。

通常都係八點半有人叫食飯，
叫到九點半先所有人收手。
今次係九點半都未收晒手，
結果食住等。
食住等既結果係幾乎食晒都未黎。

呢個都未經典。
有個仲誇張。
基本上掛住講，
所有人食晒喇，
佢碗飯都未食到一半。

結果咪又係全世界等佢一個 Lor，
真係激死。

---

參加左個旺角聯賽，
原本以為會包尾的。
頭兩個星期完之後還是位於下遊，
結果係埋單時上到第六。

第二季聯賽仲難打，
係訓練和爭勝兩者中，
我結果選了訓練，
當是一個挑戰吧！

死亡筆記 2

今朝去了睇死亡筆記 2，
因為難既關係，
原本打算去旺角睇，
結果行到一半，
途經電影中心，
就買飛入場了。

上集講到夜神月入調查總部，
究竟係基拉贏定調查總部贏呢？
今集會有答案，
而且據聞會同漫畫版有出入，
所以充滿期待。

結局係……屈機，
唔可以話唔合理，
都算講得通，
個人覺得亦算合理。

今集既特色係，
「黑」同埋「長腿」。
劇中主要女角，
大部份都係短裙 Show 長腿。

而所有擁有死亡筆記既人，
亦主部轉晒穿黑色主色既服裝。

整體來說，
改編得幾好，
將漫畫版枝節既野刪除合併。
故事算幾流暢。

睇完之後，
上左 D Forum/Newsgroup 睇影評。
溫馨小提示：
如果你未睇套戲，
而又打算去睇，
千祈唔好上呢 d 地方睇影評，
因為好多時有人會爆劇情同結局。
有 d 更會係標題打出黎，
避都避唔到。

有 d 人話套戲差，
有 d 乜乜講唔通咁，
有 d 乜乜又冇交待過。
其實，好多係戲中都有交待過，
難道佢地有 Filter 過濾晒？

李克勤演奏廳 II

望穿秋水，
終於等到克勤出新碟。
我中午第一時間去買，
轉埋 MP3 放落機到係咁煲。

上年克勤隻碟「演奏廳」大賣，
今年食髓知味，
同一 Formula，
就係歌手同樂手同步現場錄音。

「演奏廳」係慈雲山一間小學錄，
今次更移師韓國，
請來當地樂手參與。

我唔係 d 咩樂評人，
音色是否剔透澄明，
唱腔如何如何，
我一概唔識分。
就個人觀感黎講，
我覺得好聽。

今次呢隻碟，
都係以抒情歌為主。
第一 Plug《天水．圍城》，
第二 Plug《公主太子》，

都幾好聽，
我仲用左《天水．圍城》做電話鈴聲。
不過一如以往，
最喜歡既，
都係個 d 冇 Plug 既。

今次我比較喜歡《九龍皇后》，
一首較輕快既歌。
另外值得一聽既還有《一場兄弟》，
以及重新錄製既舊歌《仍是老地方》。

唔知，
下年仲會唔會有「李克勤演奏廳 III」？
充滿期待。

攪比賽

原以為今日上死亡筆記，
預定時間去睇。
點知原來聽日先上，
白行了一趟。

多出黎既時間，
結果又係攪定向。
因再下個星期就係喇，
好多野都好趕好趕。

d Courses 趕住出菲林印圖，
趕住定工作人員名單，
趕住定物資表，
趕住做賽員通知書。

講開賽員通知書，
好攪笑。
話說我原本 Base on 上年同一地點攪個場比賽既黎改，
咁 Poon Sir 就 Send 左份另一地點比賽既畀我，
話叫我改返 d 紅字既地方就得。
咁我一睇，
真係得啖笑。
基本上份野有一半既內容（唔止 Poon Sir 原先 Mark 左紅色），
新個份都係唔用得既。
不論係時間地點、
交通安排、
賽事中心位置、
出發程序等等，
全部都要改。

結果，
我都係用返自己整緊個份算數。

原本以為佢都係轉做 Html 放上網，
咁就自作聰明整埋 Html 畀佢。
點知份通知書個邊有 d 錯既資料，
而總會又冇 Edit Html 既 Tools，
唔通叫佢開 Notepad 改 咩？
結果彈回頭攪，
之後又 Send 返畀佢，
來來回回……

國貨？好野黎架

原來祖國既產品，
唔一定比外國既差。
就以 DVD 機黎講，
步步高唔差得過 LG，
其實我覺得好過 Tim。

點解咁講呢？
話說公司有個 Product，
要拿 DVD 機既 Output 做 Input。

起初用不知名 DVD 機，
之後睇返 Result，
好差好差。

早一陣子轉左部 LG 既，
Improve 左，
但係都唔係好得。
起初以為係自己 d code 既問題，
又或者係未 Tune 好 d Hardware。

今日換左部步步高試，
當堂好左好多。
唔係部 DVD 機攪到我繞左咁多個圈呀？

Anyway，
始終個 Project 仲未做起，
仲有好多地方要執。

---

早幾日去完香港仔，
之後係香港仔中心搵野食。
發現左佢 D 街道名好得意，
有好多都係中國地方名：
洛陽街、西安街、湖北街、
湖南街、成都街、南寧街。

有時原來多 D 留意身邊微小既事物，
都會發現好多有趣既地方。

有伴

日文好似餘下三數堂，
亦既係話，
我既日本語學習旅程暫告一段落。
暫停上學既原因，
除了因為可以省回少少錢；
係忙碌既日子 Free 返一日出黎；
第時旅行唔晒夾日子夾得咁辛苦外，
最主要原因係毛理同學唔得閒學。

回想返開始讀日文，
好似係大學畢業冇幾耐既事。
屈指一算，
大大話話都有成三幾年。
初初係三人行，
除了我同毛理之外，
仲有王生。

好快就得返我同毛理喇。
以我呢個咁三分鐘熱度既人，
竟然我以 Keep 住讀足三數年日文，
簡直係史上最大奇蹟。

不過其實點解可以讀到咁耐，
好大原因係有伴。

好似之前讀普通話咁，
有伴既，
我可以讀到兩期。
個伴一唔得閒，
我就斷了。

今次日文都係，
Moly 唔得閒繼續讀，
所以我都停一停。

做 Gym 個度又係，
我一個人去做，
十隻手指數得晒，
有伴又唔到。

同樣既事情，
亦都可以 Apply 落練跑…

再探香港仔

上回提要，
因為太夜既關係，
所以上次去香港仔未行晒就走左。
所以要係今日補去，
今日得閒去既原因，
係因為今天是重陽節，
但又唔駛去掃墓。

原本（沒錯，又係原本）打算六點半出門口既，
結果九點幾先起身，
食埋早餐成十點幾先出門口，
十二點先到香港仔。

話說等車個時，
架巴士迫滿晒人，
就係因為今日重陽，
而架巴士係經某某墳場。

上次行半張圖，
行左四個幾五個鐘。
今次唔知點解，
好快就攪掂，
兩個鐘已經落得山，
早知就早兩日行埋佢啦。

講返件趣事先，
話說個山有個段 U 形既路。
當我沿路向其中一個未端行時，
迎面有一個跑緊步既人，
之後又撞見一個行山既外國人。

三十分鐘之後，
佢地又再次先後咁係另一端碰到我，
唔知會唔會嚇親佢地呢？

神奇既移形換影，
說穿了其實得簡單，
就是有一條不明顯小徑，
連接 U 形既兩端。
正常人當然會行康莊大道，
係我呢 D 先回抄小路 Short Cut 而已。

阿鋒結婚

今日又有同學結婚喇，
今次係阿鋒。
因為我下午有 Event 既關係，
所以我好晚先去到。

次次飲宴張帖都係寫八點入席，
但次次都係遲。
今晚既八點，
我地仲影緊相。
我地成班中學舊同學影，
而呢個時候，
朱熹先姍姍來遲。
今晚做司儀既至煒開咪說：
「xxx 同學，請到台前影相……」

同枱十二個人，
有老西三人眾：馬神、天榮、江生；
有毛理、Sam、兩位黃/王生；
懸疑、Fox、Joseph；
同埋一幅慈父樣既金魚。

成晚我都冇入酒，
係臨散席被迫灌左兩大杯紅酒。
江生直情傻左咁，
係咁拿酒黎，
大大話話成四五支。
結果成枱落晒水，
起碼一人飲左一杯。

婚宴之後，
佢地再去飲，
我呢 d 梗係歸家啦，
因聽朝要上山。

題外話，
話說婚宴中有個 Game，
係賓客寫 d 肉麻金句，
然後阿鋒選最好三段。

我地枱有慈父操刀，
見佢手起筆落，
寫唔停手，
真係勁！

執相

原本打算今朝六點起身，
早早入香港仔落 Tape。
不過呢，
我起身都已經十點，
食埋早餐出門口，
都成十一、二點。
坐巴士直去香港仔郊野公園，
係門口附近落車，
一開波就上山。

行左兩粒幾三粒鐘，
都未行到一半，
所以決定都係行一半先，
星期一再黎過。

結果行左五粒鐘，
六點先落山。

---

夜晚同家人食飯，
影如都有出黎。
不過好慘，
佢今次理都有理過我，
哇哇哇 ><

---

聽晚阿鋒婚宴，
大衛同學都會出席。
之前佢問我拿相，
我睇過，
都成百幾二百 MB，
不如燒 CD-R 佢啦。

不過畀咩 Files 佢呢，
原汁原味既 Raw Data 唔少得。
但係如果佢冇睇 Raw 既 Software 咁點算呢？
咁我就 Convert 埋 JPEG 畀佢。
佢又可能會晒相 wor，
咁我又整埋沖晒 4R 相既 Ratio。

都整開 lor，
唔差在執埋啦。
結果一攪就攪到四點，
整左 2GB 野出黎，
由燒 CD-R 變成燒 DVD+R。

哼哼哼

今晚有套電視劇好攪笑，
係無記既「樓住有情人」。
話說有一幕，
場地係電視中，
人物有兩個：
小朋友與吳啟華。

小：哼
吳：哼哼
小：哼哼哼
吳：哼哼哼哼
小：哼哼哼哼哼
吳：哼哼哼哼哼哼
小：哼哼哼哼哼哼哼
吳：哼哼哼哼哼哼哼哼

我睇完第一個感覺係：
d 橋段咁熟既？

將段戲話畀某人知，
佢既想法同我一樣……

---

一個月前，
係澳門買左包薑糖返黎。
最近開左黎食。

食食下，
發覺有 d 怪。
唔係味道怪，
（我媽話太辣）
而係包裝怪。

話說有一粒，
包裝袋內只有「半」粒。
另一粒仲奇，
只有一個密封既包裝袋，
裡面空空如也，
粒糖呢？

臥虎

香港 d 戲，
通常係星期四上，
今晚我選擇左去睇戲 Relax 下。
今日新上既有幾套，
結果我選左港產片「臥虎」。
其他幾套戲，
「妄想」、「死亡魔法」我驚會嚇死，
「地海傳說」就更加冇乜興趣……
似乎係選無可選，
不過其實我又幾 Buy 呢種題材。

講返套戲，
我覺得有 d 雷聲大雨點小。
開頭係威係勢話有成千個臥底，
結果出場既都唔知有冇五個……

有 d 地方有冇交帶，
例如有一幕話找邊個邊個做証人，
結果呢？
之後就冇再提。

套劇都有 d 笑位既，
d 笑位有 d 都同其他港產片有關。

例如一開頭有人問：
「如果冇甚麼甚麼，邊個肯做臥底呀？」
跟住就有人答：
「梁朝偉 lor」（無間道劇情）

又有一幕，
個黑幫人話：
「信唔信我找日約你去釣魚，然後用石頭打死你丫喇…」（黑社會劇情）

但總括而言，
若果讓我再選，
我唔會睇呢套……

期待下星期上映既死亡筆記下半部。
上半部有些少失望，
希望下半部會有突破啦。

獨挑大樑

今日又要見客，
唔係星期一那個，
係另一個 Project 另一個客。
約左四點，
不過例遲地四點九先齊人。
佢地個邊陣容頂盛，
有成五個人。
我個邊呢，
有我一大個。

因為老闆忙緊第二 d 野，
結果就得返我一個撐大局。

原本，係原本，
要 Demo 畀佢地睇，
但梗係做唔起啦！

時間愈黎愈緊迫，
下次開會日期係兩個星期後。
佢地要睇既係接近 100% 既 Demo，
究竟，
我可以做到幾多呢？

---

聽收音機，
講點先係一對戀人。
佢地話，

如果有開心事第一時間同你分享，
但係激心事唔會，
咁唔應該係一對戀人；

如果有激心事第一時間同你分享，
但係開心事唔會，
咁亦都唔應該係一對戀人。

戀人係，
無論有開心定激心，
第一個想分享既，
都係對方。

---

今日細牛牛一，
祝佢生日快樂先。
雖則我遲左成個星期先 Post Blog。

滿足

做 R&D 係一個大起大落既行業，
講緊既，
唔係佢既前景又或者人工，
而係講緊佢地既心境。

呢一刻，
可能因為做唔到而好 Depress，
好心灰意冷，
好想死。

但當成功個一刻，
甚或者可能只係向前行左少少的第一步，
個種感覺可能已經係一百八十度既轉變。
個種滿足感，
非筆墨所能形容。

最緊做緊 d Editing 既野，
因為用緊粒 Chips 冇 Support 呢 d 野既 API，
結果要打茅波，
自己當個 File 係 Binary Data 咁讀入黎，
自己 Decode，
自己 Modify，
再 Encode 返，
Save 做新既 File。

攪左成個星期都唔 Work，
昨日終於略有小成，
不過都仲有 d 野要解決。
因為昨日下午要開會既關係，
結果自動 OT 執埋 D 手尾。
攪到十點幾，
終於見到曙光。

我份工人工唔高，
起碼買唔到樓，
養唔起人。

但係，
完成 Task 個一刻既滿足感，
卻非錢可以買到既。

開會

今朝原本約左十點見客，
但當我九點十返到公司，
同事話老闆打過黎，
話改左下午三點。
點解老闆唔直接打畀我，
而要打返公司留言？
真古怪……

但係要預備個 Demo Unit 攪左好耐，
最後發現係個火牛燒左，
要買第二個用。
兩點先去食 Lunch。

兩點幾執好晒野打算出發，
老闆又話突然有急單，
要 Pack 好 d 貨出先。
結果三點半都未出發，
去到已經四點幾。

去到 Setup 好之後，
佢拿左隻 DVD 碟黎試機。
一看之下，
發覺係克勤祖兒既拉闊。

後來要搬去第二間房，
漏左隻 DVD 冇拿，
個客拿第二隻 DVD 黎試。
一看之下，
發覺係克勤演唱會。

呢個客真識貨，
識得拿李克勤既碟黎做試機碟 XDDDDDDDDD

個會一開就開左兩個鐘。
原本我地個邊做 Slave，
佢地做晒 User Interface。
但佢地又冇 Real Time Clock；
呢樣又話 Display 唔到；
個樣又話 Display 唔到……
結果個 User Interface 都係我地做返，
搵笨……

練習賽

今朝有個練習賽，
又係冇我份跑，
今次亦都係帶隊教練。
我好似半年冇跑過定向，
半年冇跑過步了。

原本，
我應該七點半去幫手搬野。
結果，
我七點半起身……

去到青衣，
食完早餐，
社區中心都未開門讓我地入。

原來係 Book 場那個 Book 錯左，
應該 Book 青衣「長亨」村社區會堂，
但係就 Book 左青衣村社區會堂。

唯有臨時轉地方，
兵分幾路。
有 d 帶頭帶 d 賽員去新既賽事中心，
有 d 壓尾改返 d 往賽事中心既指示。

好彩都順利舉行。

係比賽期間，
收到個唔係幾理想既消息。
就係有一個應承左我兩個星期後幫手擺 Point 既人，
話我知佢個日唔得。
死火，
原本已經唔夠人，
現家就更加捉襟見肘……

---

下午上左阿力度，
繼續打我地既佐敦麻雀。
結果今次輸左二百下啞鈴，
係唔得閒去做 Gym 既情況下，
（但係唔明點解有人話我肌肉結實左）
都叫係一種訓練。

亦都打左三場 Wining，
一勝一負一和。
分別係負人、和神同埋大勝沙加。
大勝個場係因為我隊波屈，
Full Team 既紐卡素，
舒利亞、奧雲、戴亞、盧基、柏加、安利，
鑽石般既陣容，
單單舒利亞都屈幾球，
可惜現既紐卡素……

放·逐

今朝去左睇早場，
杜 Sir 既新片，
「放﹒逐」。

之前睇預告片，
我既第一反應係，
「乜槍火重拍咩？」

及後有人話我知，
呢套係續集（當然事實上唔係啦）
好期待睇呢套戲。

對比槍火，
呢套冇咁剛陽味，
起碼呢套有兩個女角。

不過，
我始終比較喜歡槍火。
尤記得槍火開首商場槍戰個段，
五個人互相補位，
好有默契。

今集就睇唔到呢 d 野。

其中有一段，
更加有辯駁既內容。

話說黃秋生正面被人連開五、六槍，
一 d 事都冇。
話佢穿左避彈衣所以冇事，
但係鏡頭所見，
佢件恤衫冇扣晒鈕，
亦都清楚見到皮膚。
咁件避彈衣去左邊？
定係開槍那個眼界好準，
兩米唔夠既距離可以冇一槍中？
定還是用左空心彈？

值得一提既係，
開頭字幕話「特別演出：任賢齊」
佢出場方式亦幾特別。

甩難

早幾個月，
有人搵我做兄弟團，
甚至係伴郎 Tim。
除了係早幾個月食一次飯之外，
其實我地五六年冇聯絡過。

所以點解佢會找我做兄弟呢？
真係百思不得其解。
Sam 知道之後，
第一句都係問我我：
「乜你地有聯絡開咩？」

唔止有冇聯絡既問題，
我其實連佢近況，
職業係乜都係一無所之既。

更奇既係，
自個次食飯之後，
呢三個幾四個月，
我都都係冇聯絡既。

亦即係話，
籌備成點，
有咩要幫手，
我都係唔知既。

而係今日，
我終於收到佢電話，
亦都帶黎「好」消息。
就係佢兄弟團會換人，
換返佢同屆 d 人，
亦即係話，
唔駛我做。

係萬幾樣野等住我做既時候，
收到一個「唔駛我做」既消息，
唔係「好」消息仲會係咩？

我比較有興趣想知既係，
新既班底會有 d 咩人？

一行轉背就……

今晚又有得見影如，
原因係又要去佢屋企整電腦。
唔知係咪詛咒呢，
每次我整電腦，
我係度個時總冇問題，
我一行轉背呢，
就即刻出問題。

大虎個單係例外，
因為佢黑氣更大，
我係佢屋企個時都係唔得既。

今日帶埋我屋企隻 Router 去，
亦即係話，
將之前我屋企 Work 左個幾兩個月既 Equipments，
整套（除了我部電腦）搬左去。

結果呢？
電腦順利地 Connect 到個 Router，
上到網。
用 Intranet 個 IP，
亦都 Access 到個 IP Cam。
之不過，
用 Internet Loop back返黎睇個 IP Cam，
就好慢好慢……

原因係咩？
想極都想唔到。
不過慢還慢，
始終都叫係 Work 丫。
咁就收工走人。

後記
五日後，
收到家姐個電話。
話經 Router 上唔到網，
而直插 Modem 係冇事既。

換句話說，
好快我又可以見到影如了。

Programmer's sense

2006-10-26：
忙足一個星期，
終於可以偷少少時間還返一兩篇日記。

話說呢排忙緊兩個 Projects，
其中一個有 Part 係 Video Recording。
先不談錄出黎既 Quality，
因為未錄已經唔得。

問題係，
平時 Preview，
同錄既 Preview 既 Quality 已經唔同。
呢個係唔合理既，
結果係咁 Serach Document。

初步估計，
係平時既時候個畫面縮細左再放返大，
所以先起晒格仔。

終於，
畀我找到一個參數，
Set 完之後，
攪掂。

仲有插曲，
當 Report 畀老細時，
佢話：「一早話左係咁啦……」
無言

---

話說有個電子相架，
聲稱可以 Play MJPG 既 File。
試過 Play Canon 相機錄出黎既，
冇問題。
但係 Play 我地相機錄出黎既，
就唔得……

直覺話畀我聽，
係個電子相架做錯野。
我用 Hex Editor 開晒兩個 MJPG 黎睇，
發現其中一個 Tag 兩個 Files 係有出入既。
一個係用大階「MOVI」，
一個係用細階「movi」。

我將佢地大細階調轉之後，
原本得既 Canon 變成唔得，
原本唔得既就反而 Play。

憑 Programmer 既直覺又解決一個問題。

夠禮貌嗎？

今晚上堂，
學意見既表達。

呢種語言真係好麻煩。
正面意見有一種文法，
負面意見又另一種文法。

你贊成佢意見咩？
一種文法。
唔贊成佢意見咩，
又一種文法。
就算你係少少同意，
少少唔同意，
都有另一種文法你用……

同一個意思，
都可以以三、五、七種文法，
而分別係，
禮貌程度唔同……

老師上星期去左台灣旅行，
帶左 d 手信畀我地。
（其實我係從 d 手信估佢係去左台灣）

係一 Pack 芝麻糖，
中場小休既時候分黎食。
因為有好多塊（每塊都好細塊），
所以餘下好多。

老師要我地帶返屋企，
冇人自願。
結果老師點左一個人，
同佢猜包剪搥。
如果學生猜輸了，
該學生就要帶手信走。
結果老師猜輸了，
咁佢就即刻點下一個，
務求有學生猜輸為止。

結果，
一男同學和一女同學成為「受害者」。

多條戰線

我呢個「唔上進」既人真係喜愛自找苦吃，
接近年尾，
又係時候虐待自己。

今年戰線數目係……五

首先玩樂方面，
三國志大戰打緊兩個聯賽，
一個係觀塘區既，
一個係旺角區既。

日文十二月三日要考三級能力試，
早幾堂老師話用四個月準備都只係剛剛夠，
現在只得個半月……
本身底子又唔好，
要花唔少時間去追……

十一月頭有個定向比賽要負責攪，
早一、兩年，
要做既野唔算太多；
今年，
因為原本負責那個人個人唔得閒，
結果我一個人要訂兩個 Post，
而進度……係零既……
更諷刺既係，
呢兩個 Post，
基本上係一個監察另一個，
現在係齊齊蛇王。

十二月尾一月初，
香港會再次攪亞太區大型定向賽。
十年前，
我只係負責參賽；
今年我除了係一個賽員之外，
仲會以一個教練既身份參加。
不過我連練跑既時間都欠缺……

仲有工作上既挑戰，
兩個好緊迫同難既 Projects。

安慰自己，
唯有講句：
能者多勞……

有 d 野

今日返完崇拜之後，
去左睇另一套戲： Waters。
睇預告同廣告，
以為係一套笑片，
故懷著輕鬆既心情入場。

不過入到場，
就發覺被騙了。
呢套好明顯係一套勵志片，
日本既勵志片，
成日有 d 唔合理既事。

呢套戲個結果，
比起昨日個套，
其至黑拳，
更加出人意表，
一個反高潮既結局。

睇完戲，
上左阿力屋企，
細牛係內地落返黎之後，
都 Join 埋我地。

大虎問左我一個問題：
「你女朋友返左黎呀？」

咁我答完佢之後，
自然問佢點解咁問啦。
佢話：
「細牛話你個 Blog 近排有 d 野 Wor」

有 d 野？
有 d 乜野？
我反覆睇過幾次，
（謎之聲：邊有睇過？）
都係睇唔出有 d 乜野。

所以，
麻煩有關人等答一答我究竟有 d 乜野？
謝……

休息日

今日變左休息日，
原本打算根據起身既時間，
決定究竟入香港仔睇 Site 好，
定係睇早場好。

結果，
我係訓到五點。
留意既係，
唔係早上五點，
係下午五點。
呢個亦都係點解我稱今日為休息日既原因。

之後姐夫打黎，
話佢地係旺角，
咁我出去 Join 埋佢地食 Dinna。
抱住影如成個鐘，
佢都冇喊呢！
呵呵呵……

夜晚去左食百人一朱，
好似好少野選咁，
不過都幾好味。

食完一個人去左睇戲。
Lucky Number Slevin，
呢套戲有好多好戲之人，
Bruce Willis、Morgan Freeman 等等。
開頭個大半都好好，
有 D 懸疑。

不過，
到最後個結局穿左之後，
不禁嘆一句：「唔係掛，咁無厘頭？」
雖然首尾呼應，
不過好有虎頭蛇尾既感覺。

睇呢套戲，
好大程度因為有 Bruce Willis，
當年佢做既 DIE HARD 系列，
簡真係正呀。

雙黑色星期五

今日係黑色星期五，
早兩日老闆問我，
今日可唔可以遲 d 走，
有客四點半上黎開會。
其實，
我可以 Say No 咩？

不過當開緊會既時候，
我發覺老闆之後有第二個 Meeting，
自己都趕住走。
咁預早叫我 OT 做乜？
結果我都係 OT 到平時咁上下時間收工。

今日某 H 又有絕妙對答。

話說某個 Project 要同第二間廠合作。
各自有自己既底板，
咁要飛線連接。
對方打電話黎，
話要我地 d 接口既 Pin Name，
以方便畫圖等。

H 竟然打黎問我。
（謎之聲：H 既野你問個 S 既？）

仲要問到九唔搭八，
佢問我 Software Control 那個 Port d Pin Names 係乜。
（謎之聲：人地都唔係只要那個 Port，仲有其他的）

又問我 Spec. 有冇 Define。
（謎之聲：你唔識自己開份 Spec 黎睇？）

真係被佢激死……

新 Project 愈黎愈難，
愈黎愈有挑戰性。
好！
我鍾意。
不過，
真係好難呢！

弄孫為樂

今晚有人生日請飲。
媽媽話我知係 Auntie 生日，
點知我去到，
恭喜完 Auntie 之後，
先知原來係 Uncle 生日……

外甥女影如都有出席，
而媽媽整晚都弄孫為樂。
要留意既係，
樂既係我媽。
影如係咪樂呢？
我唔知。
我只係覺得，
佢好似一隻公隻咁，
被人左舞右舞，
係舞動個舞，
亦係跳舞個舞。

今晚有兩圍，
我個圍有十二個人。
包括影如，
幫手照顧影如既工人，
半枱掛住唱 K 既 Aunties，
仲要有一、兩個多數時間係出面揀歌，
仲有又係揀歌既姐夫。

結果會正常食野既人，
一隻手都數得晒，
亦因為咁，
後果可容易預計到。

就係打包打包再打包喇……

基本上，
整晚我都係好眼訓，
又唔走得。
借著一個機會，
就係影如要走喇，
我咁我梗係幫手拿野落樓下啦，
落左去，
就梗係順手返埋屋企啦。

訓練犬隻導師

又有一位朋友開始佢自己既事業了，
想起呢位友人，
讀完文學，
結果走左去教狗。
剛剛係澳洲讀完 Courses，
拿左若干 Cert 返黎，
現在仲開始自己出黎攪生意 Tim。

話時話，
如果你地有狗想找人教，
可以聯絡我，
我睇下有冇辦法拿個折扣返黎。
不過冇折扣都已經好抵喇，
上門教狗，
仲教埋主人 Tim……

點解講起佢呢？
除了因為佢係死黨之外，
昨日我去左佢屋企。
去做乜？
咪又係整電腦 Lor。

佢話想 Notebook 同 Desktop 一齊上網 Wor，
又唔識 Set。
攪左成粒鐘，
Wired Network 冇問題。

但部 Notebook 就唔可以 Wireless 上網。
咁係 Notebook 問題定 Router 問題呢？
好彩我隨身裝備夠，
拿部 Pocket PC 試，
上到 Wireless Wor，
即係 Notebook 問題啦。
Notebook 我唔識整，
叫佢打去 Asus 個 Helpdesk 問，
攪掂。

佢仲教我整土耳其式咖啡，
但係太麻煩了，
我都係用法式沖壓算數。

おたく

教開那個老師今日請左假，
今日有個代課老師。
照往例，
因為「殘業」既關係，
今晚都係遲到。
入到課室，
椅都未坐暖，
老師就問我有咩「質問」。
老實講，
我個時仲遊緊雲，
都未 Tune 好個日文台，
想好耐都想唔到問乜好。
我唔知班同學問左 d 乜，
但相信大路野實問晒。
結果，
我想左好耐都冇出聲，
老師就話，
留返黎「宿題」啦。

今日教發表意見既文法，
講到「銜宅族（おたく）」。
問我有咩意見，
我話佢地 Cosplay 個時好可愛。

落堂之後，
老師好認真咁問我：
玄也你係咪銜宅族？

當我話唔係個時，
老師好似如釋重負咁講一聲：
太好了。

其實之前我話佢地可愛，
係在我那有限「言葉」的字庫中既結果……

不過講真，
銜宅族真係咁可怕咩？
以前銜宅族的確係貶義，
但目前已普遍為各界人士使用而趨於中性，
其中也有以自己身為御宅族為傲的人。

而且作為一個喜歡攝影的人，
銜宅族係一個幾好既主體。

三單婚事

昨晚去左一個網友既婚宴，
廿圍酒，
我地佔左兩圍，
幾勁呀。

不過因為有兩圍，
所以我地係最嘈個班。
每碟菜黎，
我地一喊「飲杯！」
聲威震天！

個婚宴有 d 好特別既野，
第一係唔會有小禮物收，
改為新朗數捐 $10 Per Head 畀奧比斯。
第二係糖水唔係蓮子白合紅豆沙，
而係楊枝甘露。

今晚團照，
睇下我地幾人才仔仔？


今晚則約左舊同學們食飯，
如果唔係因為阿峰結婚派帖，
我同佢地都未必有得見。

畢左業咁多年，
大家都有各自既發展。
最似老闆樣既既 Moly，
發福既 Joseph，
有車階級阿狗，
仲讀緊書既 Sam 等等。

---

今日八到 d 野，
又或者話乜都八唔到。
因為乜都八唔到，
所以得到一個結論。
解釋左點解某人既兄弟團會係咁樣形成，
包括我，
但唔包括昔日好熟個三個人。

香港歷史博物館

因為 Weekly Pass 既關係，
今朝又去博物館，
今次去歷史博物館。
個館好大，
總共七個展區，
由史前一路去到回歸，
當然主線係集中係香港同內地啦。

展區係多，
結果好似迷官咁，
路口仲有路牌指示你邊個方向係邊個展區，
仲有建議路線 Tim。

當中有唔少片睇，
不過佢分左粵語、國語同英語三個版本，
輪流播放，
如果 Miss 左，
可能要等半個鐘先再播返呢個語言。

去個外國甚或澳門既博物館，
佢地有 d 好似 Walkman 既野。
Speaker 可能播緊廣東話，
Headpone 就可以依據遊客既選舉而播佢既母語。
唔知點解，
香港既博物館唔會咁做呢？

行到十二點幾，
都只係行左地庫四個展區。
飲完茶返黎，
漁人放棄左佢個建築講座，
行埋愈下二樓個三個展區。

其中一個展區講教育，
好自然我地會找關於 PC 既野。
哈哈，
又被我地找到 Wor，
有手冊、校刊等等。

行到五點，
終於要離開了。
今次一別，
唔知幾時先會再見呢？

遊科學館

今朝一早去左科學館，
中學之後，
好似都冇去個科學館。
最後一次去，
冇記錯係中六去聯校科學展擺 Booth，
當時既 Topic 係電子野外定向，
時至今日，
電子控制卡已經廣泛用於定向比賽了。

今次去參觀，
買左張 Weekly Pass，
除了可以入科學館外，
仲可以入科學館個特別展覽、
香港歷史博物館、
太空館等。

今期個特別展覽，
係關於基因革命。
老實講，
我講得好差，
因為太多字，
塊塊展版都係二百幾字。
睇咁多字，
我不如買本書睇好過啦。

中午過左海睇男人之虎，
呢套舞台劇好多粗俗用語，
其中有段甚至係連爆粗口 Tim。
雖然係咁，
但係好好睇。
詹瑞文真係扮邊個似個，
笑位不絕。
不過比起萬世歌王，
我都係鍾意萬世歌王多 d。

夜晚去左睇黑拳，
好大部份都係 Sell 吳京打打打。
個結果好驚喜，
特然間扭一扭，
出個咁既結果，
真係估佢唔到。

大菜糕

中秋節正日，
難得地有得放早，
四點就走得了。
有人話要買裝 CD 既野，
咁就出左旺角。

唔知係咪大家都放早呢？
好塞車，
尤其是係德福對出個段……

買完之後落佐敦食野。
行花園街去太子坐車，
途經一間賣咖哩魚旦既鋪頭。
有一條排到要轉彎入橫巷既人龍，
真係咁好食？
因時間關係，
有試到。

落到佐敦，
咪住先，
佐敦都有商務，
要買既野佐敦都有，
點解咁豬要先出旺角？

更豬既係，
我地發覺專登落佐敦食野個間野，
因為中秋關係，
提早休息……

結果，
去左對面食壽司。
唔係話唔好食既，
不過元氣會好食 d 既。

坐迴轉壽司枱，
開頭冇乜野食，
以為因為客少關係。
到坐滿，
一樣係咁……

攪笑係其中一碟三文魚壽司，
上面有一塊半透明既野，
賣貴三蚊。
以為係 d 咩咁特別啦，
咬落口，
大菜糕？

無間道風雲

原來，
好多野都係我想多左，
想得遠左。
原來，
有人對我既印像係咁壞。
Well，
說話既藝術我仲未到家……
簡簡單單一個陳述，
接著一個問題，
最後一個答案，
我都可以令到人有誤會……

---

今晚去左睇無間道風雲，
故事地點發生在波士頓。
雖則我唔係住係波士頓，
但因為曾經去過波士頓旅行兩次，
看見當中的場景，
有部份似曾相識，
幾有親切感。

故事改騙自香港版既無間道，
兩個版本各有其值得欣賞的地方。
不過呢，
無間道風雲就好多粗口，
一句入面有成四五次 F Words，
F 頭 F 尾……

可能係先入為主既關係，
兩套畀我揀，
我會覺得港版好睇 d。

呢個版本美中不足既地方，
可能在於字幕。
中文字幕好刻意咁係配合香港人既用語，
不過成也此，敗也此。
好處係易有共鳴，
不過有時亦都譯到東不成，西不就。

尤其是有 d 關於美國文化既笑位，
譯完之後總是有點點怪。

註冊

打開那個遊戲，
Upgrade 左新 Version 之後差唔多三個月。
有某網站攪左個比賽，
我都有報名，
參加左今日舉行既最得一場初賽。

比賽前已經知有咩對手，
對部份有實力人仕用咩牌組心裡有數，
亦都想定對策既方法。
唔知好彩定唔好彩，
避開左大部份。
但係亦都打唔出一半既水準，
首兩場全敗出局……

---

經過左上星期六舊同學既婚禮之後，
充分感受到攪婚禮係好辛苦既事。
所以如果情況許可的話，
我係唔會攪婚禮。

就咁去註冊署簽個字就算。
所以如果有朝一日，
你地發現我結左婚，
但係又冇請你飲的話，
唔駛驚恐，
亦都唔駛疑慮我地既友情有幾深，
因為我好大可能係真係冇擺酒。

不過，
唔擺酒可能都係癡人說夢。
因為涉案既五位人士，
雖然有四個同意唔擺，
不過只要第五個擰頭，
我點不孝都唔會逆佢意既……

或者，
最後既策略，
會係只擺酒請親戚同「佢」既朋友。
所以，
有緣讀到呢篇 Bolg 既朋友，
多數都冇機會飲我個餐了。

不過我唔介意照收人情，
預早畀都冇問題。

「接」

昨晚冇訓，
仲要激死左。
話說昨晚食完飯，
先送姐同影如返屋企，
再之後送漁人返屋企。

返到我自己屋企個時，
差唔多兩點。
之後就收到電話，
媽媽話佢手指被熱水燙傷。

冇大礙，
但係佢阿 Head 話一定要送去急症室，
仲要屋企人黎接。

咁我即刻飛的士去啦。
去到佢都仲未到，
等左十幾分鐘，
先見十字車黎。

都唔知係好彩定唔好彩，
傷勢非常輕微，
亦即係非緊急 Case。

瑪嘉列醫院急症室既估計等候時間係 300 分鐘，
亦即係 5 個鐘。
結果都要等 3 個鐘先有得睇。

媽媽係穿住制服送黎醫院，
銀包、個人物品等仲係公司。
打電話返公司，
公司話會派車黎接佢返去拿。

不過，
係淨係接我媽媽，
我係冇份坐既。

結果我自己坐的士返屋企。
六點先返到去。

咪住先，
公司話一定要屋企人黎接，
現家我接左 d 乜返屋企？
激死……

忙碌的一天之香港一日遊

今日好忙，
首先一早入元朗。
六點起身，
八點入到去。

擺完 points，
d 學員陸續黎到，
開始 Training。
不過，
我三個學員都要上 Course，
所以請假。
咁，
我咁早入黎做乜？

十一點我就走喇，
因為仲要入香港仔。
係元朗坐巴士過海去銅鑼灣，
再轉小巴入香港仔。
食埋飯先入去，
兩點先上到山。

其實今次去香港仔，
係睇下邊 d 路行得，
邊 d 唔行得。
結果發現，
好多非路既地方都係唔通既，
結果，
又係水塘盃？

之後又要趕返出九龍，
食完 Tea，
返屋企沖過涼就出去食飯。

媽叫我唔好遲到，
因為佢九點半要返工。

結果係……
佢九點先到……

一如以往，
都係食淨好多野。
點解，
唔何以點少 d？

旅行

今日去左旅行，
今朝一早去左中港城食早餐，
之後一行三人坐船去澳門。

原本我媽媽都去，
不過佢一黎要早返香港（佢返通宵更），
二黎佢對博物館冇乜興趣。

係船上，
有人暈船唔舒服，
落左船之後，
休息左好耐先行得。

去到澳門第一件事，
就係去交收鏡頭。
買左支 ZD35 F3.5 微距鏡，
支鏡好抵用，
雖然成像唔係頂級（我邊識分），
但可以用黎影近野，
又可以當標準定焦鏡，
一物二用。

之後就坐車去官也街個頭，
睇原住民住屋博物館館。
唔知點解，
不論同行既係同大學同學、同事，
我次次黎都會去呢度。

原本打住食豬扒包，
但因為太早既關係（豬扒包要三點先有），
結果去左食牛尾湯通粉。

之後去左大三巴同澳門博物館，
再去葡萄酒博物館同賽車博物館。
之後去左金莎賭場「瀏覽」，
最後係漁人碼頭食晚飯。

九點半坐船返香港，
食左唔少野，
睇左唔少野，
好開心 ^_^

去飲

今朝一早過左海踢波，
牛兄話九點半互 Call，
點知佢熄我電話，
可惡！

十點幾係天后食完早餐，
就出發去球場。
地點由維園改到摩頓台，
再改去寶馬山配水庫。

打左兩場，
一勝一負我冇波入。
機會唔係冇，
一球失位快腳挑高過左守門員，
不過中眉。
一球扭入禁區（我都扭得波，可見對面實力），
不過踢得冇力及大正中。

之後趕返屋企裝身，
再趕去粉嶺。
去到既時候，
已經三點十五分。
（呢個係點解我坐得咁後咁邊既原因），
程序去到新娘剛剛入了教堂。

教堂行禮既內容唔多講了，
反正個個係教堂行禮都係咁上下程序。

想講既係夜晚個餐。
派左個新仔黎 Serve 我地，
新仔唔係問題，
最慘係佢未滿師。

呢間食店係會將每道菜分好晒先畀我地，
一般侍應係用個大勺，
好似執藥咁執晒落個勺度，
然後落碟。

有 d 唔係好夠經驗既，
可能會分兩次。
即係每碟一勺細既先，
到每碟都有喇，
再分餘下個 d。

不過我地個枱既就……
逐「舊」夾落碟，
即係每碟有一棵西蘭花後，
再分第二棵西蘭花，
之後第三棵……

基本上係隔離枱食完，
我地都未分完。
結果我地叫個侍應唔駛分，
我地自己黎。

分翅又係攪笑，
每碗分到半碗後，
佢就開始派畀我地，
餘下個 d 翅唔知佢想點……

飯（鴛鴦炒飯）麵（水餃）個 Part 仲攪笑。
一般十二個碗，
會係一半飯，一半麵咁。
我地只有十個人，
結果，
四碗係白色飯，
四碗係紅色飯，
餘下兩碗係只有汁……

休息

有人明朝要晨咁早起身入錦繡做伴娘，
所以今晚要早訓 Wor，
（不過小道消息係有人十二點幾都未訓……）

我亦因為要幫忙既都做晒，
所以今晚可以去玩。

話說街機那兒參加了個觀塘區聯賽，
經過了六個星期的激戰之後，
我好好彩咁係第二組拿了冠軍，
來季會升上第一組。

而今晚，
就有聚餐既時間。

一大班人去食大排檔，
食物好豐富，
仲好好味 Tim。

食完之後，
佢地有個即慶既比賽，
今次好不幸地，
我第一場就輸了。

之後出返旺角打機。
旺角有部新機，
House Of The Dead 3 既 Special Edition。
點 Special 法呢？
就係你要坐係將會動既椅上，
前後都有 Screen，
將椅會轉，
咁你就要射喪師。

感覺上其實有 d 似玩巴斯年咁。
差少少就爆機（其實個 Game 好短），
要賴既就可以賴個操控方法唔慣，
上彈方法唔同左，
反應都唔同左

Anyway，
個 Game 其實幾貴，
（$30 兩位）
不過都吸引左唔少人玩。

大成功

今朝上左內地個 Vendor 度 Trining，
間廠係福田區。
晨早九點幾就上到去，
一去到就即刻試啦，
結果都係唔得。

佢拿佢地塊 Demo 板黎試，
效果的確好好多。
結果佢借左塊 Demo 板畀我地，
返落香港慢慢試。

上了去半晝，
結果都係未攪掂，
但係估計 MCU 個 Part 出事。

今日約左兩個人交收，
另外船長都會上黎繼續試燒碟。

所以之前知道要上內地，
都驚會趕唔切返黎。

好彩都係用左半晝，
結果夜晚既約會都可以如期。

講返段片，
船長將 d 字縮細少少，
同埋移入中間 d。
結果雖然都係有 Cut Resolution，
但係唔會咁顯眼。

但係又有其他問題。
因為媽媽用緊部 DVD-Recorder 錄電視，
所以我用部 Player 試 Play，
正常不過部 Player 有插 Audio 線關係，
所以我用電腦試。

敝家火，
沒聲。
會唔會又因為冇插 Audio 線呢？
試過 Play 第二隻 DVD MTV，
有聲架 Wor。
唔知做錯咩，
不過感謝主，
最後用 DVD-Recorder 試 Play，
大成功！

冇畫面

星期六就係 Deadline 喇，
但係宴會上播既 DVD 就仲未攪掂。
段片船長已經整好，
係差在燒出黎唔得。

話說段片係 Render 做 Avi，
咁我那個買 DVD-RW 送既那個 Nero Burn Version 唔識將佢燒做 DVD 碟。
要求我事先轉左做 DVD Video Format 先，
結果就上網找找找啦，
好彩讓我找到個 Freeware，
不單可以轉做 DVD Video Format 先，
仲可以直接燒埋。

之但係，
個 Software 真係好慢好慢。
單單係轉 Format 個 Part，
已經攪左我九個字。
佢個 Interface 又唔係咁好，
結果我按錯制又轉多次。
前前後後咁就個半鐘，
之後再燒黎試。

如果燒完第一次試就得既話，
之前個個半鐘都叫用得值得。
可惜既係，
出現左一 d 狀況。

唔係 Play 唔到，
好正常咁 Play 到。
不過呢，
個 Resolution 就唔係好 Match 喇。

最底個行字幕 Cut 左一半，
最尾個段最右面個 d 字每行又冇左個字。

咁我試下轉下 Player d Setting 啦，
攪攪下連電視都冇畫面出。

攪到五點，
終於攪到個電視有返畫面。
但係隻碟都仲係未得……

養妻活兒

呢排開始放血既生活，
因為某人要做伴娘，
需要一對耳環，
所以早兩日就買左對，
用左大約五份一既人工。

過兩日買部 NDSL，
又用左大約八份一既人工。

下個星期買支微距鏡頭，
又將用大約十四份一既人工。

睇住戶口簿既數字……

---

先排講起養既問題。
Well，
呢個係一個好深既課題。

涉及既，
唔係想唔想養，
而係能力既問題。

一份人工養一個人，
問題應該不大，
反正畢業咁耐都未死得。

一份人工養兩個人，
都頂到掛。

到一份人工養三個人，
好似有 d 吃力。

去到計劃中既一份人工養四個人，
嗯……

計計數先，
一日三餐，
每餐廿蚊，
計埋交通費，
都仲有錢餘下，
但假設水電煤差餉等全部免費……

享受

因為有人有露比星期二餐廳既一百蚊折扣卷，
所以今晚去左那度食。
需以扣減了一百蚊，
不過都仍然係好貴，
埋單仲要四佰元。
留這只係叫左一客沙津、一碟意粉同兩杯 Drinks。

入席個時，
侍應問我們申唔申請 VIP 卡。
VIP 卡 $450 三個月有效期。
有效期內，
每次幫趁都有 50% Off。

以今餐價錢為例，
要食兩次半先為到半，
食三次以上先有得平。

三個月食三次星期二餐廳，
係幾重負擔
無論係荷包定體重。

唔係話畀唔起，
不過二百蚊又係一餐，
二十蚊又係一餐，
二十蚊已經醫到肚，
有冇需要用二百蚊呢？

當然，
二百蚊既好食 d（假），
畀多少少去享受，
也不為過。

但係我覺得間唔中一次半次先享受到。
如果你係食慣左，
我又唔覺得咁係享受，
咁樣反而係為洗錢而洗錢。

飯後去睇戲，
今次係 DOA。
改篇自同名格鬥遊戲，
笑位比想像中好，
故事內容同打鬥場面就……
不提也罷。

食

下午油麻地有個比賽睇，
之後夜晚要撲入沙田同人食飯。
個比賽比預期早完，
所以時間比較充裕。
可惜等巴士等左好耐先有車，
結果當然又遲到啦。

曾經想過轉坐火車，
不過好彩冇咁做咋。
因為上到巴士後聽收機，
聽到火炭有人墮軌被火車阻到。
北行線要成二十分鐘先有一班，
如果轉左仲耐呀。

今晚食小籠包，
好好味。
不過北方食物，
大多很辣。
甚麼担担麵、
甚麼醬爆牛展，
總之就辣辣辣啦。

今完飯，
去睇戲。
睇戲之前，
去左買 CD 同食甜品。

買左三隻 CD，
一隻平井堅精選，
一隻 Dear Jean，
另外一隻係崇基、崇德兄弟再加上劉美娟既一隻福音 CD，
埋單 $313。
某人又係買三隻 CD
又係埋單 $313，
有冇咁巧合呀？

甜品食左朱古力募斯蛋糕，
同一杯綠茶乳酪咖啡。
蛋糕好好食，
但係杯咖啡就……

萬世歌王

成日都撞 Event，
今晚又撞。

pc 定向會個班約今晚食飯，
仲好似話同某人慶祝生日 tim。
不過呢，
我就因為約左人睇詹瑞文，
所以去唔到。
（事後聽講今晚好齊人）

講返詹瑞文，
其實我好鍾意睇呢 d 表演。
棟篤笑呀，歌劇呀，舞台劇呀我都好鍾意。
其實管弦樂呀個 d 我都鍾意聽，
不過呢個就要有精神先聽得，
如果唔係好易會訓著。

又講返詹瑞文，
今次係重演萬世歌王。
下兩個星期就會睇男人之虎。
男人之虎其實舊年應該睇左，
個時係約艾文去睇，
碰巧當時我同佢都失業。
點知叫佢買飛買到我同佢都找到工，
套野做完都未有。

今次重演，
又碰巧有人得閒陪我睇，
即刻去撲飛。

場 Show 真係好正，
好好笑之餘，
又有 Message 帶出黎。

睇完咁好睇既一場 Show，
正場戲先上演。
就係極速傳說。

灣仔->旺角->沙田第一城->旺角
全程只用了六十分鐘，
其中約二十分鐘係用於行路同等車，
可見 d 車係開得幾快！

再加上彌敦道近窩打老道爆水管，
三線變兩線，
架小巴左穿右插。
大衛同學曾經話過，
佢係美國旅行個時坐某某人架車，
話佢駕駛得太狼，
今晚加小巴，
比佢仲狼！

之後旺角轉巴士，
可能之前塞車，
所以要追返 d 時間，
所以又係咁飛車。

回程小巴就更加唔駛講啦！

怪電梯

公司身處那座大廈部電梯好攪笑，
而且係想唔明點解會咁設計，
亦都唔明點解現實真係會咁發生。
講 d 事例。

話說今日我入電梯，
同事追出黎找我。
咁我按開門制啦，
睇下佢想講乜啦。
點知我點樣按個開門制都好，
度門係會繼續關既。
咁，
個開門制整黎做乜？

同一部電梯，
不過今次我係想關門。
按關門制，
結果度門係唔會關既。
想關門咩？
按樓層數個 d 制啦。
咁，
個關門制整黎做乜？

都係同一部電梯，
我係廿七樓，
部電梯係二十五樓。
按制叫架電梯上來啦，
之後我繼續打 PSP。
三分鐘之後，
我發覺部電梯仲未到。
原來佢落左去二十樓，
仲一路繼續落。
而另一部原本係地下既，
就開始上緊黎……

有時不禁會問：
究竟係邊個寫呢部電梯既 Program？

D 制按左冇作用；
有部近既電梯唔黎，
要調部遠 D 既過黎。
一 D 效率都冇……

日本食

託人整左幾段 Test Movie 我試機，
終於收到喇。
不過，
結果都係用唔到，
因為燒左做 VCD 之後，
係部機睇唔到。
唔知點解，
夜晚返到屋企再試，
結果都係唔得，
攪到我四點幾……

---

今晚去左尖沙咀食野，
不過臨去到，
先發覺原來係尖東。
結果臨時將等候地點改做尖東。

呢間係一間日本料理，
店內不論店員還是顧客，
都是以日本人為主。

我地為左天婦羅芝士火鍋，
自然叫左客啦。

除此之外，
仲有鐵板餃子、
唔知乜乜卷，
同埋串燒拼盤。

那個乜乜卷，
落左好多七味粉，
好辣好辣 ><

個芝士火鍋好好味，
不過呢，
個鍋餘下好多芝士，
好似好浪費咁。

飯後去食雪榚，
不過執左。
改左去飲咖啡，
個店長明明識講廣東話，
對住我地卻要講英文。
懶勁咁，
仲要讀錯 Latte……

er………

Tune 左好耐部機都 Tune 唔好，
後耐發現可能係個 Source 既問題，
結果今晚老闆買左部新 DVD 機黎做 Source，
唔知會唔會好 d 呢？

話分兩頭，
昨日個客黎睇 Demo，
初步幾滿意。
唔係掛，
我自己對個質素都唔滿意，
佢要求真係低。

之後傾 d Hardware/Software 點夾，
結果上左佢地公司，
攪左成兩個鐘。
上完佢，
開始明白點解佢地要求低喇。

佢地好似咩都未想咁，
邊個模組放邊到好似剛剛想咁。
例如佢地話放 Harddisk 個位置，
隔離就有 FM Tunner 同 TV Tunner，
實干擾到七彩。

根住 d Interface 又亂晒大龍。
你地有冇見過一個 Device 係有兩個 USB 插位，
而兩個係唔同 Functions。
又或者有兩個 Memory 卡漕，
一個 For Read，
一個 For Write？

簡直係笑話一籮籮……

今晚繼續 Tune 畫質，
Tune 極都覺得差 d 咁，
結果成八點先走得。
但有個比賽七點半係灣仔舉行，
我仲要應承左幫手 Tim，
結果當然遲大到啦，
成八點半先到

唔上進

道聽途說返黎，
有幾真確有不得而知喇，
當然我絕對相信我情報源既說話啦。

係某舊同學眼中，
我係一個唔上進既人。
不過，
何謂上進呢？

要不斷爭取升職？
要不斷爭取加人工？
定還是不斷爭取唔駛加班？

對於現在呢份工，
我好滿意。

滿意既唔係話因為人工好高、福利好好，
事實上我覺得我仍然係 Under-pay 既。
滿意既亦唔係話因為工作間好好，
事實上現在呢份工工時都幾長。

我滿意既係，
我覺得我適合呢份工，
呢份工亦適合我。
我找到既唔係一份 Job，
而係一份 Career。

我唔介意加班，
因為完作工作會令我很有成功感和滿足感，
我熱愛現在既工作。

或者，
這就是某些人眼中既「唔上進」。

昨晚睇左套戲，
「The Devil Wears Prada」。
講既亦都係關於職場既野，
睇完之後，
對工作有更深既體會。
我亦都決定，
會繼續「唔上進」下去……

原因

呢篇日記係幾日後先寫返，
係想等自己完全冷靜落黎先寫，
唔想有任何偏差。
不過，
事隔幾日既後果係，
有好多野唔記得。

話說昨日講到話心痛，
當然呢到講既心痛，
唔係心痛啦。

心痛有兩個原因，
第一個係有被人出賣既感覺。
雖然明知只係一個玩笑，
唔過我係信任一個人先讓佢做 d 咁既野，
但結果卻換黎咁既結果。
肉體上（我指個鼻）唔係話真係十分之痛，
起碼有流鼻血。
痛既係個一刻有被信任既人出賣既感覺，
好憎呢種感覺，
不過卻偏偏讓我碰上了。

第二個痛既原因，
係故事既最後一幕，
得到既，
係一個如同給予陌生人既道謝。
個一刻，
只有無言……

---

今日收到個怪電話，
一接聽既時候，
對方就話：
「咦？你未訓咩？」

其實打黎係 Except d 乜呢？
Expect 我係訓左既，
打黎咪即係嘈醒我。
Expect 我係未訓既，
講呢句又做乜呢？

怪怪怪

痛

累積既疲勞終於帶來惡果，
今朝唔知醒返崇拜。
中午終於一嘗所願，
去左 Pizza Hut 食 Lunch，
不過始終食唔到厚批 Pizza ><

之後入赤柱行。
我地選了個最少轉車既方法，
就係火車落紅磡再轉 973。
不過程巴士好慢，
過西隧後，
先繞香港大學到香港仔，
再沿海岸線到赤柱。
計埋火車，
用左兩個鐘先到。

未到總站我地就落車，
呢度起左座商場，
叫赤柱廣場。
不過好明顯就唔夠客，
好多間都話搬遷大減價。

之後去左海事博物館，
二十元入場費，
不過就唔係咁多野睇，
我覺得細個波士頓那個博物館。

之後行左陣市集。
我記得上次黎應該係獅子座流星雨，
同上次黎比，
呢度變左好多，
但又可以話無乜點變。

海邊個幾間酒吧都係咁樣，
市集依舊，
間屈人寺仲係度。

夜晚係美利樓食飯飯，
好飽好好美，
不過個肚好痛 ><

個肚痛完到過鼻痛，
因為撞左埋牆。

鼻痛完到個心痛。

總之就痛痛痛啦……

再整機

因為應承左幫人今朝燒碟，
所以縱然我昨晚三點先訓，
今朝都六點起身。
係七點幾既時候，
我收到佢電話，
話昨晚通頂做都做唔晒，
所以唔黎喇。

結果我有訓返落床。
原本個計劃係朝早落姐度整機，
之後下午再找地方去，
可能去九龍灣睇比賽，
可能去睇戲；
夜晚呢？
可能去觀塘睇比賽，
可能去踢波。

不過，
我再醒既時候已經係十點幾，
梳洗完之後都成十一點幾。
當我約左幾點幾點係火車站等既時候，
冇耐姐就打電話黎話佢剛剛放工，
問駛唔駛車埋我。
咁我就改返個等候地點去佢屋企樓下。

當架車去到沙田既時候，
我先醒起唔記得拿個 Rounter，
咁整鬼整馬咩。
到現在我都唔明，
點解 Linksys 個 Router 唔識 Update 個 DDNS 個 Record；
就算人手 Update 左，
都係 Connect 唔到，
真係激死。

已經兩三點，
影如仲係係俯睡。
佢婆婆好衰咁嘈醒佢，
係咁叫「起身去街喇」。
好攪笑既係，
影如一聽到就兩手一撐，
成隻海獅咁。

缺乏狀態

某人還返部 PSP 畀我，
我繼續可以打太鼓。
我其實唔介意借佢耐 D，
反正佢最多咪打到十月頭，
我之後大把時間玩。

不過，
某人忙於剪接 Movie，
於佢姊妹既婚禮上播。
星期六要交碟畀人，
睇怕佢都係冇時間玩架喇，
結果我就收返部機黎玩。

某人帶機唔記得帶火牛，
好彩我同事有條 USB 叉線，
係公司可以叉一陣。
返到屋企，
想想下，
好似有第二個叉機。
找尋了一會，
找到 Pocket PC 個叉機，
雖然唔同牌子（一個 Sony，一個係 HP），
不過我睇過兩個叉機既電壓一樣，
最高輸出電相若。
其實我之前幾次出埠，
都係一個叉機叉兩部機啦。

結果就梗係可以順利地叉 PSP，
順利打機喇。

不過唔知係咪呢排唔多夠訓，
冇乜狀態。
打太鼓當然 Miss Hit 既多，
就連打三國都唔多得。
之前幾日十連敗，
剛剛星期五既聯賽，
兩戰一勝一敗，
仲係係敗係榜末未嘗一勝既選手。
好彩排第二那個今晚都輸左場，
如果唔係保唔住個第一。

萬能打雜

做緊部 AV Grade 既野，
如果播 30 Frame/Sec，
理應人眼睇得好詳順。
但係現在睇，
好明顯係跳跳下既。

用 Program Code Check，
結果量度到係約 15 Frame/Sec。
結果花左幾日去研究點解會咁。

結果發現，
因為現在用個啦 Chips 係小型版本，
得四十條 Pin，
結果有 d Function Share 一條 Pin，
你要 Program 佢個條 Pin 係咩 Function，
其中一條係做 Sync 既。
Sync 有兩個，
一個係 Vsync，
即係一個畫面 Sync 一次；
另一個係 Field Sync，
一個畫面有兩個 Field（所謂既 Interlace Mode）。

Default 係 Field Sync，
所以就少左一半喇。
結果我改返，
即刻攪掂。（呢個亦係點解我今日唔駛點 OT 既原因）

但係問題黎喇，
呢個究竟係 Hardware Problem，
定係 Software Problem？

照計個線路圖係 Hardware 人畫，
佢要邊條 Pin 邊個 Function 理應好清楚，
係咪應該佢話我知呢？

點解反而現在係我睇晒成份 Spec，
逐條 Pin 睇下有冇 Set 錯？

定其實我一路都誤會左「Programmer」既職責，
呢 d 其實都係萬能打雜既工作範圍呢？

一堆笑話

以前睇過個笑話，
話說老夫子企係跳街中心，
舉頭望天，
若干時時間之後，
就聚集左一大班人舉頭望天，
但望 d 乜呢？
冇人知。

早兩日坐小巴，
因為冇散紙既關係，
我又唔想落車先等佢慢慢找畀我，
結果我一上車就畀錢。

之後我就發覺，
陸陸續續有人開袋找銀包，
然後走出去畀錢。
估唔到我都開創先河，
帶領潮流，
哈XDDDDDD

---

又要我做野，
又唔畀 Resources 我。
連拿 Softcopy 都要我自己問總會拿，
之前講好既 Location 又一個唔該轉埋。
攪到之前 D 預備白費晒，
又要由頭黎過，
時間又得返兩個月，
真係畀佢玩死。

---

結果白禮義又找唔到拍檔，
同劉 Sir 一組。
結果二選一，
一係跑到我死，
一係佢 No Show……

群星拱照

今日某大人物問左個好有趣既問題：
「A 用緊邊個 Driver？
B 個 Driver 定 C 個 Driver？」

我冇黎好氣咁答佢：
「A 係用緊 A 自己個 Driver……」

然後佢恍然大悟，
好似發現新大陸咁同隔離個同事講：
「原來 A 係有 Driver 架……」

我就黎被個大人物激死，
好似做緊群星拱照咁，
執好晒個果盤畀佢慢慢食。

Spec 又唔睇，
係咁問 d 基本問題，
但係 Spec 已經清清楚楚咁寫好晒，
唉……

結果佢幫手，
仲慘過自己做埋。

昨日仲攪笑，
問我 Function A 同 Function B 有乜分別。
點解 Function A 做到而 Function B 做唔到，
實情係 Function A 會 Call Function B 同做一 d 其他既野，
而個「一 d 其他既野」係佢叫我同事加落去既，
咁即係點呢？
考我反應呀？

定係想 Check 下我係唔係位？

---

今日閱報有一單新聞，
標題係：
「年薪 72萬　加送認股權，
Google 高薪聘 24歲港大生。」

呢位細我兩年既港大生，
我係識既，
佢係我當年去土耳其比賽的其中一位隊友。

Well，
每人際遇唔同既，
我始終覺得我係長線增長股 XDDDDD

如箭在弦

日本之旅如箭在弦，
不過係只有箭同弦，
仲未有弓。

不過都找定資料先。
日本鐵路有所謂既周遊券，
基本上係畀一定金額，
然後係一定時間內任坐 JR。

時間性有 7 天、14 天和 21 天，
JR PASS 分為全國線、東日本線、九州線、西日本線及北海道線等，
係香港旅行社買，
更可能有折扣。

基本上係乜車都坐得，
但坐寢台車要再加錢。

咁但係又唔一定買 Pass 抵，
要定好行程，
列晒要出咩車，
再慢慢計數……


至於景點方面，
大板既有環球影城、海遊館、大阪城、心齋橋等，

呢個網有 d 有用既 Reference：
關西追櫻

仲有呢個網：
香港旅遊討論區

---

昨日好成功咁避開晒 d 經紀，
好 Free 咁去睇示範單位。
唔知點解講起「酒店式酒店」，
今日去找左 d 資料，
基本上係好貴，
大約每呎 32 元起。
即係話，
一間 300 呎既細單位，
月租起碼 9600 元……

選拔賽

昨晚又幾近有訓，
點幾先訓得著，
五點就要起身喇。

因為今日係青衣有選拔賽，
所以要一早去預備。
七點半係亭集合，
分好裝備後出發去放 Points。
八點半放好，
落返山個集合地點，
接 d 仔上來。

熱完身，
教練給完指示，
就等出發喇。

我跟我個組第一個出去睇。
我個組四個仔，
各有優劣。
一個有潛質，
不過唔係好熱身；
一個就成日唔可以將地圖同實地連繫；
一個就……

因為我跟左出去，
結果讓我發現有人違規，
唔依次序到訪控制點。
（其實係佢地行錯路，將錯就錯……）

結果就當然被取消資格啦……

最後成績公佈，
四個仔，
一個被我捉到正取消資格，
其餘四個分列亞、季、殿軍，
並入選代表隊。

因外有一個以前我教既，
亦係另一組別贏冠軍，
但我一度懷疑佢食左「藥」 XDDDD

Big Nose

今日都幾忙下，
中午去左個影友既新居入伙派對。
夜晚去睇森美小儀歌劇團。

夜晚個場開八點十五分，
派對原本六點開飯，
原以為時間吻合得天衣無縫。
點知主人家六點既時候宣佈六點四十五分先有得食，
Well，
結果要行 Second Plan。

飛車去尖沙咀 Food Court 食野。
食美式 Fast Food，
但一 d 都唔 Fast，
等我幾耐呀，
仲要 d 野食係凍既，
激死我。

坐地鐵過海，
理論上灣仔落車行過去，
不過有人問金鐘行過去會唔會近 d。
我睇地圖，
又真係近 d Wor。

點知中晒伏，
我找唔到條行得既路過演藝學院。
我爬高爬低冇乜所謂，
難為了同行者都要爬高爬低。

講返套劇先，
今年係第六年做。
我應該睇左其中三年，
第一年既十九樓半的夏天，
前年既再見曼克頓，
同今年既 Big Nose。

今年個故事，
我覺得太散，
好似唔係好連得埋咁。
而王婉之個角色做得好特出，
仲好攪笑 Tim。

又整機

好 Hurt，
因為比人讀多兩三年關於電腦既野，
結果被人定性為「電腦人」，
應該係「整電腦人」。

唔開心，
唔係因為成日被人叫整電腦。
相反，
其實咁樣都幾開心，
因為總算發揮所長。
（雖然都係半桶水）

唔開心，
係因為幫人整，
但係整唔好。

仲要唔係一單，
而係連續兩日有兩單。
幫姐裝 IP Cam 衰左，
昨日已經講左。

早幾日幫人攪部 Notebook，
結果人地拿返去，
發覺都係裝唔到 Software。

今日打完聯賽，
就即刻再入沙田收返部 Notebook 再整過。
叉開少少講，
今日聯賽三戰全勝。
計埋 d 友賽，
是日總成績係七戰六勝一負。

返到屋企成點鐘，
即刻開工。
發覺個 CD-ROM Drive 好似讀唔到碟，
好彩有隻 Digital Wallet，
將 d Files 抄晒過去。
再裝，
攪掂。
整完望望個鐘，
六點了。

即刻訓覺，
十一點仲要起身還返部機畀人。

失敗

完本要趕係星期五前做個 Demo Product，
星期五 Show 畀個客睇。
以為好多野做，
要晚晚 OT 啦，
點知又唔洗 Wor。

詳情係商業秘密，
唔方便講咁多。
簡單 d 講既係，
老細話我個 Demo 做得太多……
應該留返 d，
Well……

結果呢幾晚，
我都好早就走。
當然，
事後聽返同事講，
貓捉老鼠既情況依然係有架。

---

夜晚食 KFC，
之後坐巴士入大埔。
幫姐 Set 個 Web Cam，
個 Web Cam Work，
個 Router 都好似 Work。
要係電腦睇個 Web Cam 都得，
不過只限係內聯網，
如果要出街睇，
就……

話說要出街睇，
冇理由要朝朝抄 IP Address 架，
咁就唯有用 DDNS。

個 Web Cam 識 Update，
不過係 Set 左個內聯網個 IP。
至於個 Router，
原本係唔識，
咁上網 Upgrade 左個 Firmware 之後，
有呢個 Function 喇，
不過次次一 Update 就 Hang 左係度，
Linksys wor，
大廠 Wor，
咁就被佢玩死左。

我要成名

今晚去左睇戲，
睇「我要成名」。
一套講電影既電影，
講一個曾經拿最佳新演員既人，
輪為大配角，
最後點樣重拾對電影既熱誠……

成套戲我最鍾意個結果，
套戲去到那個位，
我心想：「呢度完就好喇……」
果然即刻出字幕。
係中國山水畫，
呢 d 叫「留白」。

畀觀眾一個思考既空間，
究竟最後成唔成功呢。
我覺得其實最後佢係得左既，
不過呢 d 公說公有理，
大家都有唔同既理據。

完場後，
我發覺原來有好多戲都唔應該同佢睇。
呢 d 佢又唔睇，
個 d 佢又話睇黎好怪，
結果一時就擰面，
一時就望天……
Well，
都係一個人睇戲好。
而且我咁多戲想睇又未睇，
都找唔到人陪我睇晒。

睇戲之前，
去左食吉列專門店。
叫做 Don吉，
好好食。

叫左個套餐，
有吉列豬扒、
吉列豬柳、
炸生蠔、
炸大蝦、
好豐富喔。

長線投資

買股票有分長線同短線。
長線既，
可能 Keep 隻股三五七年，
之後先放。
例如匯豐控股，
03 年 1 月時大約係 90 元 1 股，
3 年之後已經係 120 元樓上了，
上升了三成三。

玩短線既，
可能一個星期就會放。
更短既，
甚至可能即日會放。
如果，
你可以捕捉每一個升幅，
當然短線既利潤會很高；
但相反的話，
長線持有優質股的話，
也是一個不錯的選擇。

工作亦如是，
有人話「魚唔過塘唔肥」，
有人會不斷轉職，
以求每次多少少人工。

我唔同意呢個做法，
或者咁講，
我求既係 Career 而唔係一份 Job。
我希望係對份工有感情，
亦係長線既投資。

是故我第一份工做左三年，
第二份工亦準備長做。
係薪水同開心當中，
我會樂於選後者，
當然兩者都有還還好。

雖然現在人工唔高，
又要加班，
不過我做得開心，
咁已經賺返晒啦！

等

今晚約左買支二手鏡頭，
不過對支鏡唔滿意，
結果冇買到。

之後同 Alex 去做 Gym，
主要做腳。
之後換衫走人，
我沖完涼換完衫，
Alex 都未沖完涼。
到佢換完衫，
竟然無視企係佢隔離等佢好耐既我，
直出出面。
激死我。

今晚簡直係「等」之日。
等 Alex 黎，
等 Alex 禁機拿錢，
等 Alex 個晚餐，
等 Alex 換衫走，
等機打，
等部電腦裝 Windows，
等等等……

---

夜晚 Check 返 Newsgroup，
原來賴米同 C.Lo 都升左做 Manager，
同期畢業既同學，
各自都有好好既發展。
反觀我自己，
好似仲係原地踏步咁。

不過話時話，
我公司想請個人寫 Firmware，
有冇人找緊工？
請聯絡我。

---

昨日睇完修修 d 結婚影片，
唔明點解要玩新郎，
唔明點解要當眾接吻，
唔明點解 d 野會攪到咁複雜，
唔通係我既心境仲未 Ready？

---

回應返個 SMS 先，
我係一個怕事既燥底既人，
亦唔見得易相處。
至於變，
人總會有變架啦，
我唔可以，亦唔會保證 D 乜野，
一切順其自然……

聚舊

今晚約左中學團契班人，
話說劉生劉太新婚，
我們上修修屋企參觀。

其實同時總共有三個活動，
其餘還有球迷會踢波、
大同食飯等。
不過今日有 Sam Sir 出現，
安西、肥恆、首領佢地我又少見，
梗係呢個優先啦。

好似返左以前團契咁，
我睇有唱詩，
有祈禱，
好懷念喔！

不過我係「半途出家」，
所以佢地唱團歌，
背團訓，
我係完全唔識既。

晚上一班人去左食韓燒。

冇見咁耐，
大部份都變左好多。

估唔到咁多人去左教書……

---

呢兩日去左打太鼓，
1 On 1 既比試未輸過，
最勁係有幾首歌 100% 打晒冇 Miss。
雖然只係玩緊花 Mode 同竹 Mode。

昨日係新港打，
今日係旺角新機鋪打。
旺角個場真係唔係好得，
西斜唔再講，
收費又貴過人，
打太鼓又完全聽唔到音樂……

睇樓

昨晚整電腦整到四點幾，
今朝六點幾就要起身，
跟住趕去紅磡。
話說日本遲 d 會出套某街機遊戲的攻略 DVD，
當中會收錄日本高手遠征香港。
今日係拍攝日，
總共會去四間街鋪，
第一站就係紅磡喇。

好可惜，
抽唔中我同佢打。

---

今日去左睇示範單位，
正式開始睇之前，
佢話有段片睇，
解釋下呢個屋苑既概念。

去到睇片室，
Well，
咁似 Disco 既？
開始播片頭，
我見未入正題，
就研究下佢用左幾多個投影機，
d 效果 d 做。

點知原來那個「片頭」，
竟然就係「正式內容」，
Well……

示範單位好似有三個，
最大那個好攪笑。
有間多用途房，
而間「多用途房」面積大約等於一個成年人仰臥咁上下，
真係「多用途」喇……

睇完單位，
少不免會引你買。
咁我叫佢報價啦，
佢話幫我問下，
佢企左我前面一陣，
之後話問到喇。
佢打開本簿，
當中已經寫左個價錢係度。
佢寫字真係快喇！

整機記

今晚落左衛星打機，
見打到十一點幾，
以往一早走左既都仲留係到，
有人仲有相機影相 tim。
我都覺得奇，
本來想留耐 d，
不過應承左人今晚整電腦，
所以唯有返屋企。

事後上返網，
原來榮斗去左衛星打機，
仲同十幾個香港玩家對戰 tim。
冇我份，
真係慘。
如果可以同呢位日本頂先高手打返場，
一定可以學到唔少野。

---

講返整電腦，
話說要幫部 Notebook 裝返 Windows，
咁上一手 Format 緊個 Harddisk 之時熄左機，
之後開唔返，
話冇 OS。

咁我試過，
又真係 wor。
明明 set 左 Boot from CD 先，
結果佢都係 Boot from Harddisk。

最後我要 Disable Boot from Harddisk 呢個選項，
先可以 Boot from CD。
正式開始裝又出問題，
Format Harddisk as fat32 會炒，
要選 NTFS 先得。

正式裝既時候，
又話 Miss 左個 File。
結果攪到四點幾，
都未攪得掂。

On The Edge

今晚去左睇戲，
因為就我唔知放工放幾點既關係，
所以係 APM 睇，
好讓我唔駛咁趕。
睇既係一套港產片，
叫做黑白道。
講一個臥底完成任務後，
回歸警隊既故事。

套戲一開始，
首先會播出邊個主演呀，
邊個導演呀，
邊個攝影呀咁。
以藍色做主 Tone，
但我既感覺係：
「我係咪買錯飛睇鬼片？」

套戲一開始就用倒敘法，
講有個人中槍倒在血泊中，
然後鏡頭一轉……故事開始。

而故事中間，
用左好多插敘法，
主要都係講返 d 回憶。
不過唔知係我蠢定咩，
好多時我都跟唔上。

雖然呢套唔係恐怖片，
但係有人就睇到好驚，
成日縮埋一角。
尤其是 d 少少血腥場面，
就會聽到：「嘩，好多血，好恐怖呀…」
原來有人怕血，
怪唔之得上次叫佢買飛，
佢寧願買戀愛初歌都唔買狗咬狗啦。

Anyway，
套戲都值得一睇既，
期望有機會睇埋同期另一部港產片，
劉青雲主演既我要成名。

撞期

呢排特然好多節目，
排到密密麻麻之餘，
仲有好多撞期。
單單由今日開始數到十月八日晚，
都已經有：

2 餐婚宴（30/9、8/10）；
3 場舞台劇（9/9、23/9、7/10）；
1 場定向比賽（8/10）；
1 次戶外集訓（10/9）；
2 次新居入伙活動（3/9、9/9）；
整電腦（2/9）；
仲有逢星期二既日文課；
逢星期五既聯賽；
每日既 OT；
做 Gym、練跑等。
真係時間太少，
活動太多了。

單單以呢個星期日為例，
已經三個活動 Jam 埋一齊。
星期六既生日會又撞時間唔去得……

---

又係時候教寫 Program，
話說係 Program 入便，
儲住 Data 既野叫 Variable。

咁你如果要 Sub-Program 可以寫野落去 d Variables 度，
就要將 Variable 既 Address （Pointer） Pass 入去。

就好似你搬屋咁，
你要張地址交畀搬屋公司，
咁佢地就可以將 d 家具搬入去。

今日發生左一件事，
如果以搬屋黎做比喻，
就係咁：

話說某甲想搬屋，
佢將新屋地址寫左係張紙上面，
打算放工時畀張紙搬屋公司。
但好不幸，
佢將張紙漏左係寫字樓。
後來終於將寫字樓地址話左畀搬屋公司知，
佢以為搬屋公司會見到寫住新屋地址張紙。
夜晚當佢去到新屋時，
發覺一件家具都沒有。

原來，
搬屋公司將 d 家具搬晒去寫字樓……

而題外話係，
間新屋其實係未起既……

居者有其屋

媽媽又再提起買樓事宜，
係咁叫我買居屋，
仲話資助我十萬。
不過我好似唔合資格，
就算合資格，
要我拿十萬出黎都有 d 難度。
不過話雖如此，
即然媽提到，
我又即管上網找下資料。

房委會於2006年1月決定，
由2007年起每年分兩期把未售出及回購的單位推出發售。
07 年推出既，
包括沙田愉翠苑、牛池灣嘉峰臺及天水圍天富苑。
08 年則有港島筲箕灣的東濤苑等。

牛池灣嘉峰臺分有 5 座，
單位面積介乎 376 至 592 平方呎。
位於山上，
所以景觀開揚。
但亦因為咁，
交通唔係咁方便，
坐完地鐵仲要轉小巴。

沙田愉翠苑部份單位已於 01、02 年開售，
單位面積介乎 735 至 944 平方呎。
鄰近馬鐵站，
交通較方便。

筲箕灣東濤苑沿海而建，
落成只有兩年，
位近筲箕灣地鐵站。

藍田鯉安苑亦會於 08 年推出，
單位面積介乎 654 至 841 平方呎。
位近藍田及油塘地鐵站。

馬鞍山錦豐苑半數單位可望海景，
面積介乎 571 至 891 平方呎。
步行往馬鐵僅約10分鐘。

查完資料，
結論係……Well……冇乜興趣

唉……

今晚原本約左舊同事去唱 K，
不過………
仲要畀我開口中………

話說昨日跑定向，
吳某問我得唔得閒幫手攪比賽。
咁我就話成日要 OT，
仲好順口話我收十二點 wor。

咁今日我就係收十二點喇。
一路都攪緊 Audio Noise 既問題，
可以試既 Setting 我都試晒。

而我既猜想係 Power Source 唔穩定，
當時 H 既答覆係，
量度過冇問題。

佢一路都話我 D Code 有問題，
所以錄出黎個 File 錯。
今日用 Scope 度，
好明顯就係 GIGO，
邊關我事。

後來老闆過埋黎 Check，
攪到十二點，
最後結論係：
Power Source 唔穩定。
最後加左四粒 Cap 落去，
未消除晒 D Noise，
但已略有改善。

Well，
成個星期既時間就係咁浪費左。

另一件激氣既事係，
另一個 S 教極都唔識……
Round robin list 既 Index Adjustment，
好簡單既一樣野，
中學已經有教。
(i + 1) % Total 同 (i + Total - 1) % Total 之嘛，
個 S 可以寫左大量 If-then-else 出黎。
結果我睇唔過眼，
將佢寫左近百行既 Code 縮成 10 行……

當我班舊同事唱完 K，
我都未收工。

南丫島練習賽

今朝入左南丫島跑練習賽，
唔夠 4K 既長度，
不過我用左接近 70 分鏡先完成。
除了因為體能唔係好得之外，
天氣太悶熱都係一個因素。
D 汗焗住，
揮發唔到，
攪到我都唔係好敢跑，
因為都驚會出事。
結果大部份時間都係行。

跑完之後，
去左食豆腐花。
坐船出到中環之後，
就拿拿臨返屋企。
因為行去南丫島碼頭時，
不小心踩中地雷。
所以要返屋企清理清理一下。

---

估唔到一個完本應為美德既習慣，
係別人眼中會係一個不要得既行為。
慘喇慘喇，
今次實扣晒分啦。

或者要考慮下將淺嘗降級，
食野只係一啖起、啖半止先得。

---

早兩日睇新聞，
冥王星被降格為矮行星。
換句話說，
大陽系九大行星得返八大。
我第一樣野想既係，
咁美少女戰士同聖鬥士星矢點算？
需要改劇情嗎？

睇展覽

我倆的活動總有些特別。
當人們會去行街睇戲食飯時，
我們會去做 d 唔係我地呢個階段會做既野，
例如我地會去行宜家，
去睇樓盤。
打算組織家庭嗎？
三五七年內都唔會，
去睇呢 d 地方，
主要都係因為工作需要。

今天，
我們去了睇家具展。
家具展同婚紗展係同一層，
售票處亦是同一地方。
正當排隊購票的時候，
見到個 IE 師兄，
遞了張傳單畀我，
係 D 咩婚禮見證人服務，
仲叫我一陣去佢個攤檔詳盡解釋我知。
不過，
我都冇打算入去婚紗展。

講返個家具展，
雖然都預左係 D Business Show，
搵生意既時間。
不過都估唔到真係咁冇野睇……

之後落左樓下睇電腦展。
基本上唔應該叫做展，
其實只不過係散貨場。

個場本身已經逼，
仲要有一團團人做路障。
即係有一個做 Promotion 既女孩，
之後圍住一班「攝影人」。
佢地用 d 器材好 Pro 架，
係 50mm 鏡頭都影到半身甚至大頭，
佢地會用 200~300mm 既鏡頭，
真係唔知佢地 Zoom d 乜。

夜晚去左食齋自助餐，
唔係話唔好食，
不過唔合我口味 lor……

老友我撐你

雖然近排忙左，
但班兄弟既 Blog，
我都有追既。
例如有人 Gel 頭落 D，
冇啦啦食到蝦我都知。

關於「塞翁失馬、焉知非福」，
若果你只 Focus on 馬，
又或者失馬，
怎可能看得到福在那？
應該放開懷抱，
看遠 d。
或者，
福就在隔鄰呢？

老友咪放棄，
放都晒氣 babe。
振振兩臂拍拍背肌打氣 babe。
用腦谷起，
一班啤酒肚在喘氣。
大晒腹肌，
波波交俾你男子組靠你。

老友我撐你，
我梗幫你 babe。
振振兩臂拍拍背肌打氣 babe。
射到飛起，
今天點可以話知你。
仲放飛機，
爭番一口氣男子組靠你。

---

反反覆覆，
特別乞人憎。
明明好似無問題，
好似風平浪靜。
轉頭又風起雲湧，
又忙餐死既，
真係激鬼死。

小問題

話就話 KO 左，
其實只係解決了大問題，
仲有好多小問題未解決。

由 99% 去到 100%，
比由 0% 去到 99%更加難。

新既 Projects 又黎緊，
講緊既係兩三年 Planing 既 Projects，
五個人既團隊，
兩個 S、兩個 B、一個畫圖，
可以 Handle 嗎？

講返轉頭，
d 小問題真係好麻煩。
舉個例，
錄聲有 Noise。
早兩日係好大 Noise，
咁應該係 Sync 錯，
改個 Clk Freq、
Rising Edge 定 Falling Edge Read Data 就 Slove 左。
之但係，
總有 d 「撻撻」聲。

係咩原因呢？
Format 錯？
Shift 左一個 Bit？
定其他原因？

好麻煩好麻煩。

---

早排申請左 3G 優先試，
不過我試既次數十分少，
結果都係用返自己既舊機多。
所以，
最近到期時，
都係還左部機算數。

食

今日拿了大量零食返公司，
計有兩盒甘大支、
一盒餅、
一條餅及一包糖。
打算長期抗戰，
不成功變成仁。
原本打算帶肉乾，
不過開左食唔晒會有曱甴同蟻，
加上又油膩，
結果都係留返係屋企食算。

不過，
返到去唔夠一個鐘就 KO 左。
次次都係咁，
唔緊既時候就做極都做唔到。
一發力，
應該係一「想」發力就攪掂，
玩咩？

竟然帶晒裝備，
今晚做夜 D 都唔緊要。
不過七點鐘有人打黎約食飯，
去鯉魚門食海鮮喔！

記憶所及，
我好似冇去過鯉魚門食海鮮，
鯉魚門公園度假村就應該去過。

食到好飽好飽，
不過其實唔應該食咁多。
不過我有個壞習慣，
見到成枱野我又唔想浪費，
結果繼續做垃圾桶。

---

我打日記好鍾意語帶相關，
因為咁樣做，
當事人自然明白；
唔關事既人亦唔會一頭霧水。

不過，
我文采唔好，
唔係日日都係語帶相關。
今次，
會唔會想多左呢？

迷夫

近日有些力不從心。
雖想做好 d，
但心有餘而力不足。
是壓力太大嗎？
是休息太少嗎？
還是其他不能盡錄既原因？

除了有以上的感覺之外，
亦覺得有 d 迷失，
思緒好混亂。
但迷失在那？
出口在那？
我一點頭緒也沒有。
覺得需要思考一些事情，
但該思考甚麼事情，
我卻並不知道。

知道既係，
我眼光光到四點，
一點睡意也沒有。

或者，
又是時候閉關一陣子。
又或者，
遠離繁忙的都市，
去一個寧靜的小島，
好好去放鬆一下。

---

因為捉得太緊，
有人選擇放手離去。
H & S 只餘下 S，
以後有關 H 既野，
要直接接觸 B2。
不過 B2 係一個唔會覺得自己錯既人。
記憶所及，
好似拍那個死那個，
Well……

維修網路

今晚去左整 Network，
話說有人屋企直插 Modem 可以上網，
但經 Router 上唔到網，
連 Access Router 都唔得。

去到一 Check，
Router 既 ip 應該係 192.168.0.1，
咁理論上，
LAN 既電腦應該被派 ip 192.168.0.*。
但係我打 "ipconfig"，
Check 到個 ip 係 168.xxx.xxx.xxx。
即係 Router 同 Computer 唔同 Subnet，
咁唔怪之得 Access 唔到 Router 啦。
咁我就 Assign 一個 Static IP 192.168.0.2 畀部 Computer，
同打返 Subnet Mask 255.255.255.0，
即刻可以 Access 到個 Router。

再將 Router 個 IP 打落 Computer 既 Gateway IP 個欄，
即刻連 ICQ 都 Connect 到。
但係仲係去唔到網頁。
原來連 DNS 個 IP 都 Get 唔到，
咁係 Router 抄返低佢 Get 返黎個 DNS 個 IP，
打埋落去，
即刻可以睇埋網頁。

呢個 Router 冇理由有 DHCP（Dynamic Host Configuration Protocol），
咁我 Check 一 Check d Config，
果然係 Disable 左。

問一問，
原來係當事人 Disable 既。

好案情重組。
當事人發覺 Wireless 上網唔 stable，
所以就 Disable 左 Router 既 DHCP 試下。
但係又冇 Set Static IP，
頭一次 Disable 都仲 Connect 到，
因為之前已經派左 IP。

當熄左機，
去完旅行返黎再開機，
個 IP 同 Subnet Mask 就不對喇……

中獎

昨晚去左奧林派既周年晚宴。
記得上年一周年晚宴地點係文化中心，
當時訂了三張長桌。
今年地點移師至尖沙咀百樂酒店，
但係就一張桌都坐唔滿……

d 野食就 ok 啦，
唔算有太多野食，
我就鍾意冷盤多過熱盤喇。

最後抽獎，
三份禮物：
鏡頭筆、攜帶形攝影棚、2G CF Card。
當拿到攜帶形攝影棚出來時，
我就話不如唔好抽，
畀呢個我啦。
咁 Vicent 就話咁份大獎唔拿出黎喇，
拿出 2G CF Card 出來，
我就話我剛剛先買左張 4G，
我都係要攜帶形攝影棚。

講咁大段野，
就係因為抽出黎既結果，
就係我拿走攜帶形攝影棚。
呵呵呵，
遲 d 入返支微距鏡，
終於可以影下公仔 lu。

---

未來呢一個月，
又可以開展行大運既日子，
感覺良好。

夜晚等車走，
見到 87D，
以為不適合，
冇上車。

之後望一望 Info.
原來 87D 都經彌敦道。
等左半個鐘都冇車，
再望 Info.
發覺不單 81C 原來已經開左尾班車（23:20），
頭先架 87D 原來都係尾班車，
結果要坐小巴出旺角。

邁阿密風暴

今朝又去睇早場，
Miami Vice（邁阿密風暴）。
演員有 Jamie Foxx（演 Ricardo）、
Colin Farrell（Sonny）、
鞏俐（Isabella）等。

之前睇有線一個鞏俐既訪問，
有提及過呢套戲。
鞏俐係呢套戲釋演一個中巴混血兒，
所以英文帶有少少唔同既口音。
訪問提到，
佢係專登去學呢種口音既。
從此亦可看到甚麼叫敬業樂業。

講返套戲，
佢唔係單純既動作戲，
當然少不了動作鏡頭。
但最好睇既，
係佢前後既呼應。

睇「前呼」時，
可能唔明點解導演要拍 d 冇關係既野。
但一到「後應」時，
就好似「當頭棒跑」一樣。

題外話，
話說我好似先去買飛，
大約係開場前十五分鐘。
買完之後過左隔離 KFC 食早餐，
食食完入場剛剛好場。
行到去我個位，
咦？
點解有人坐咁既？
因為開場既關係，
我唯有求其係隔離找個位坐算數。

唔知點解，
呢間 D 人睇戲總係唔熄電話，
電話響不特止，
仲要講埋，
內容仲要係傾閒計，
傾左十幾分鐘。
結果有人忍唔住，
叫佢靜 D。
笑死我……

小事數宗

真係激死，
當我以為 Hardware 冇事，
醉心於為 Firmware Debug，
其至問埋 Chips Support 拿 Demo Code 逐行對。
結果都係錄唔到聲，
得 d dededada 既聲。

今日 Hardware Engineer 換過塊板試，
Well……
唔係 100% 攪掂，
起碼都錄到 d 人既對話聲。
咁又浪費左我成個星期 Debug，
真係激死。

---

今晚聯賽第二晚，
我只需打兩場。
終於打返自己既打法，
穩守突擊。

結果雖然贏得唔係咁靚，
但係起碼可以叫做 Head 住黎打，
冇乜驚險事發生。

---

賣左部 NDS，
但係又心思思想入 NDSL。
因為一黎佢遲 D 出三國志大戰 DS，
即係我街機玩開那個推牌 Game。
二黎佢個一兩日會出 FF3，
一隻超正既 rpg game。

---

講返一件昨晚發生既趣事。
話說昨晚去完 Cafe，
一點左右離開。
落到地下，
有位林姓小姐嘗試去拉門走，
點知開唔到門，
拉隔離道門，
都拉唔開。

跟住我指一指手把個中文字：「推」……

又玩錯大富翁

昨日本來話去唱 K，
結果改左去食火鍋同飲野，
出席人數比上次多左阿婷。
不過因為趕 Project 既關係，
我九點先到旺角。
間火鍋規定兩個鐘要離桌，
所以我去到既時候佢地已經埋左單。

之後去左 Cafe，
Annie 話眼訓走先，
結果得返八個人。
有人話玩大富翁，
可惜玩落先知佢地既玩法係錯既，
結果個 Game 玩極都玩唔完，
爛尾收場。

個 Game 其實係 For 四至五個人既，
我地八個 Players，
錢都唔係好夠分。

有人話第一圈唔買得地，
好彩最後被 Ban，
如果唔係就好似賽跑咁攪笑。

玩錯既有幾點，
第一就係佢地話入獄唔收得租。
呢個梗係錯啦，
只要唔係抵押左既地，
都可以收租。
收租仲要係土地持有人主動提出，
如果下一家擲左骰，
咁就唔可以追收返。

第二點錯既就係出獄方法。
佢地玩既方法係入獄後，
停一輪之後就可以出獄。
其實規則既出獄方法有三個：
1. 使用出獄証，
而且必需擲骰前用，
唔可以擲完睇到有著數先用。

2. 擲到孖骰

3. 付出獄費，
一樣係擲骰前負。
而且入獄最多困三輪，
即係如果你第三次都擲唔到孖骰，
第四次就必需先付出獄費然後擲骰出獄。

第三係起屋，
佢地係踩到那地就可以起屋，
其實係錯既，
起屋係隻棋係邊都起得。
但係條件係要同時擁有同色既所有地，
該色地冇抵押。
而且起屋要平均起，
例如不可以一塊地起兩間屋，
另一塊地唔起屋。

其實個 Game 玩唔完既原因，
除了因為八個人玩之外，
最主要係佢地唔 Trade，
Even 我提出既係三贏方案……

打電話換飛

信用卡 d 績分，
每兩年就要 Renew 一次，
用唔晒就歸零。
而下一次既歸零，
就係今個月尾。

電台成日都有 Show 攪，
d 分可以用黎換飛。
不過 d 飛好多人換，
所以成日都換唔到。

原本 d 分舊年用得著，
不過打極電話都打唔通，
結果換唔到年尾頒獎禮既飛。

五萬幾六萬分，
有成萬分上個月換左黃金十年既飛。
餘下既分，
留返黎換森小歌劇團既飛。

換飛由昨日早上開始，
一如所料，
係打極都唔通。
呢個時候，
有個自動重撥既電話多好。
鍵入電話號碼，
個電話就會自動撥，
我可以做自己野，
直接佢撥通為止。

不過我發覺個電話唔係即刻重撥，
而係等一段時間先重撥。
而呢個時間，
唔係一個常數。

我記得以前學過，
如果大家係以同一個固定既頻率重撥，
都係撞線既機會會好大。

但大家都用唔同既頻率重撥，
咁邊個用 A Hz，
邊個用 B Hz？
結果就用一個 Random Time 既方法，
每次線路繁忙，
就會 Delay 一個 Random 既時間才重撥。
而 Random 既 Range，
會隨著撥唔通既次數而增大。

結果係午飯前訂到飛，
二零零六年九月九日晚，
就有得睇喇。

名稱

只聞樓梯響既活動，
終於有影睇喇。
收到電話，
星期四去唱 K wor。
但係我發覺，
我好似要加班，
唔知到時去唔去到呢？

---

今日上堂好攪笑，
話說練會話。
我問毛理，
「毛理，你會唔會常常坐地鐵？」
毛理答完之後，
應該問返我，
「炒炒你呢？」

點知佢問左：
「毛理你呢？」

我當堂笑到停唔到……

一講到地鐵，
老師就話有冇人一星期坐十次，
可以換 Hello 貓。
儲齊一 Set，
係日本可以放好高價，
平均一隻九百元 Wor……

Break 既時候，
有人拿個電話出黎。
我見到寫住 「四個 Missed Call」，
咁我話佢知啦。
正當佢 Check 有咩 Missed Call 既時候，
我見到五個有四個都係同一個名。

換句話說，
那個想「八」好耐既神秘人既名，
應該就係叫：Ada

中伏

飛來飛去，
落機不足二十四小時，
又乘飛機近去。
一個星期後先返黎，
我都想去旅行呀……

不過我好似五月先去完旅行，
但係下次旅行，
可能已經係一年後既事……

錢唔係一個問題，
最大問題係年假……

細牛提意話串埋復活節、
或者其他紅日，
咁就可以用少 D 年假。
不過自己一個去就係，
多過一個人去件事就複雜好多。

---

公司四個同事，
今日最準時返的那個請事假，
結果……

原來我會準時，
不過行到出佐敦道時，
唔記得鎖左門未，
結果行返屋企 Check。

之後坐的士返工。
點知佐敦道大塞車，
去到歐化已經跳標跳到 30 元，
結果用左半個鐘先返到公司。
車費貴過地鐵十一倍，
但所需時間仲慢過地鐵……

最慘係老闆仲早過我返，
So……收 Warning lor……

要趕 Demo 畀客睇，
老闆話，
必要時 OT 都要。
結果……

六點半過後得返我一個係度做……

第三次集訓

今日係第三次戶外訓練，
地點係荃灣既白石橋。
原本約八點係荃灣地鐵站等，
但係「浮誇」響起時（我電話既鬧鐘聲），
已經係七點半。
即刻換衫出門口啦，
結果我遲左廿分鐘。
去到荃灣再轉小巴，
之後跑上山，
去到既時候，
訓練仲未開始。

之前幾日落雨，
沼澤地現晒出黎，
結果大部份人都中招。
不過 D 鞋本來冇中咁多泥既，
不過佢地去到沼澤時，
又驚呢樣、又驚個樣，
結果就中左仲多泥。

其實佢地行（跑）得快，
快 D 過左個沼澤仲好。
佢地行得慢，
隻腳浸落沼澤仲深，
結果未仲髒……

訓練兩點正式完結，
大隊開始落山。
望一望隻錶，
想趕去機場都趕唔切。

夜晚上左阿力家食飯，
阿力姐個女識行識講野了，
唔知影如幾時識呢？

夜晚終於收到返到香港既第一通電話，
原本我以為三點會收到既。
不過我四點打畀阿包，
冇消息……
結果就八點幾九點先收到……

死亡筆記

今朝去左黃埔睇早場，
一套漫畫改篇既電影 -- 死亡筆記。
但係我好似話睇龍虎門先，
不過結果買飛個時唔記得左。

套漫畫我喜歡睇，
尤其是第一部，
即係到 L 同奇拿分勝負為止。
之後第二部既 M & N，
開始有 D 勉強喇……

講返套電影，
D 人物做得幾神似，
例如夜神、 L 咁。
不過故事內容我覺得有點比不上漫畫。

有人會話，
要同漫畫一模一樣不如睇漫畫。
但係我覺得，
既然有漫畫，
少不免會有比較。

電影既節奏有點慢，
同埋有過多既「讀白」，
畫面好似係附加既，
即係好似聽緊收音機既「廣播劇」咁……

另外劇情有 D 犯駁，
好似係導演同觀眾鬥智多過故事中既角色鬥智。

例如有一幕講夜神安排好一個局，
但係中段佢拿支筆出黎。
問題係故事到呢度，
拿支筆出黎騙既只會係觀眾，
故事既其他角色係未知支筆有咩用。
咁，
拿支筆出黎做咩呢？

電影係 L 同夜神相遇既一刻完結，
結果會係十一月上演。
據聞結局會係有別於漫畫，
希望唔會再令我失望啦。

大錯

估唔到，
咆哮左兩日，
最後出錯既，
唔係 Hardware。
粒 Chips 完全冇問題，
唔 Work 既原因，
係因為 Power Control Default 係 Off 既。
當 Set 返個 Register 做 On 時，
粒 Chip 即刻動了。
再睇返份 Reference，
原來有一頁係講 Power Up Sequence，
點會咁大意架？

---

一輪既 Buy and Sell，
結果袋左約二千三元。
而部 NDS 同那支唔用既 14-45 都賣得出，
當然唔係呢單單呢兩樣啦。

講返部 NDS，
之前申請信用卡換既，
好似分期仲未供完。
帳面數蝕兩百五，
不過我玩 PSP 多過 NDS，
部 NDS 都成半年冇差過電了，
放係度都冇用，
換返錢好過。

至於支鏡，
上個月二手買返黎，
用都冇用就賣返出去。
同樣道理，
放係度又唔會用，
（我有其他鏡好用過佢）
早賣換錢好過。
呢支鏡帳面數應該冇蝕既，
因為我二手買個時開價，
都係當冇支鏡黎開。

API

咩係 API？
API 係 Application Program Interface，
又或者串成 Application Programming Interface，
中文譯做應用程序編程接口。

簡單 D 黎講，
就係將一個複雜既系統劃分成較少的組件，
API 就係呢 D 組件溝通的橋樑。

現在我做緊既 System，
就 Provide 左好多 API 畀我 Call。
咁呢 d API 下層做 D 乜，
我唔知亦唔需要知，
我只要知道，
我跟足 Document 去餵 d Input 畀佢，
佢就識做我想做既野，
同埋畀返 Ouput 我。

製造 API，
目的係方便用佢既人，
而唔係方便寫佢既人。
如果為左方便寫佢既人，
到用時會唔方便，
咁仲駛乜用 API？
直接 Access 好過啦！

講咁大段野，
其實就係為左講 d 好火既野。
話說個 System 要同一粒 Chips 通過 I2C 呢個 Protocol 溝通。
咁個 System 已經提供左 API 去 Read 同 Write 呢粒 Chips。
咁 Read 那個就要畀 Address 做 Input，
咁今日試完，
發覺 Read 唔到野返黎。

有人就話唔應畀 Address 個 Read 既 API，
因為係 Protocol 中，
Read 係冇得畀 Addrees 既，
佢係會 Return 返 Current Addrees 既野。

（差開少少講，
如果你要 Read 某個特定 Address，
就要首先 Write d Dummy Byte 去 Move 個 Address……）

咁人地份 API Document 講到明要畀 Address，
唔畀就 Call 都 Call 唔到，
畀左 Address 佢，
佢底層會唔會 Write Dummy，
又或者唔用個 Input 都好，
我唔知亦都唔需要知。

但係那個人就同我爭論左半個鐘。

上面大部份都係用電腦人語言寫既，
可能有人唔明，
或者我舉個例會易明 d。

假設有張證件，
上面係冇相片既。
但係你交申請表時，
要求你交一張相片，
唔交就唔同你辦理。
現在有個人用左個鐘同我爭論，
因為證件上冇相，
所以你交申請表時唔應該交埋相，
交左相做出黎張證件係錯既……

軟硬

今日真係好貴火，
原本約左人七點踢波，
結果我七點半先可以離開公司。
只係落左場十分鐘……

火既唔係因為要加班，
如果「真係」有野做，
我唔介意留晚些。
不過……

---

S 同 H 係唇亡齒寒既，
理應互相合作。
不過，
應該 H 負責既野，
好多時 H 未做好檢查，
就將個波 Pass 左畀 S。

Touchwood S 加工出問題時，
係 S 既野有問題，
定係 H 既野本身已經有問題呢？

當 S 以為係自己既問題，
花大量時間 Debug，
最後發覺問題源自 H，
白白繞圈浪費時間。

最唔忿氣既係，
就算 S 覺得係 H 既問題，
H 都要求 S 去「証明」。

如果 H 做好本份，
驗証過冇問題先交波，
咁 S 要提出提據都合理，
因為前題係假設 H 沒有犯錯。

但係當 H 原來冇驗証過，
要 S 去証明係咪有少少係度推卸肯任呢？

日本日本日本

今晚上堂，
又多左位新同學，
應該係舊同學回歸才對。
之前三個星期，
佢去左日本讀日文暑期班。

佢話大部份去既都係年青人，
好少好似佢呢 d 出左黎社會做事既。
咁又係呀，
有幾多個打工仔可以隨便拿到連續三個星期既假期丫？

上堂既時候，
老師叫我地問佢一 d 問題。
其中一個問佢旅行代總數係幾多，
同學仔答 30K，
全場嘩然。
老師唔知港幣兌日元係幾多，
當有同學計左畀佢之後，
老師都嘩一聲！

---

雖然冇份去台灣，
亦都冇得去澳洲，
但係我期待可以去日本。

我要去新宿，
想去秋葉原朝聖，
想去三鷹之森博物館，
又想去日本迪士尼，
仲想去……

不過有人想坐子彈火車，
但係新幹線會去第二個城市，
咁就可以去埋北海道又或者大阪。

去大阪，
我就可以順手去三重縣，
三重縣既北部有伊賀忍者博物館。
呢個忍者博物館，
我記得細細個睇日本風情話睇到，
就好想好想去了。

世界真係小小小………

今晚走時，
因為想快 d 返屋企，
所以上左架不時少坐既巴士 215x。

點解少上呢，
雖然架巴士好快出到油尖旺。
上車之後第一個站已經係九龍灣，
再下一個站已經係紅磡。
但係因為呢架巴士會經尖沙咀，
繁忙時間係會好塞既，
所以一般都唔會坐呢架巴士。

今晚走個時都大約十點幾十一點，
過晒繁忙時間，
自然可以坐呢架巴士。

又，
通常架巴士途經尖沙咀時，
大部份乘客都已經落車。
到我係尾二個站落車時，
通常都已經冇其他乘客。
但今日驚見有其他人，
而最驚訝既，
呢個人係識既。

原來阿 Sing 已經搬左去九龍站住，
呢個世界真係細。

---

今晚討論過點樣返屋企。
呢度要補充少少。
當初知道有呢個活動，
但唔知自己有冇份去時，
我已經開始兩手準備。
有份去時點樣走；
冇份去時又幾點到現場時等。

至於點解懷疑自己有冇份去，
係因為話晒唔係好熟。

所以既唔係同主人家熟唔熟，
而係同 d 賓客未必熟。
一陣同枱食飯，
但各自修行，
全晚不發一言就唔係幾好啦。

得過聽字

昨晚一早返屋企訓，
所以今日知醒返崇拜。
崇拜題目係「家」，
講開家用既問題，
原來我呢七個月只係畀左兩份……

睇黎要為呢個家做返多少少野了。

---

阿包今朝話有兩張頒獎禮既入場卷，
先不談 d 飛點來。
我本身唔知個頒場禮係幾多號既，
ICQ 問佢啦，
收唔到 Reply。
再問佢家姐，
係我夠鐘出門口去崇拜之前，
都係未收到 Reply 既。

而當我再開電腦個時，
係我去完成日街夜晚返屋企既時候。
個 Reply 話我知，
個頒獎禮剛剛舉行完……


呢 d 咪叫失之交臂 lor，
如果我早 d 知……
Well，
過去左既都係過去左。

---

下午去左大練兵，
出席既仲有個位蘋果師弟。
佢同我都有份做一月份既兄弟團，
講起呢件事，
個主角以前又話要開會，
又話 Gathering，
結果……

而定向舊生會個邊既 Gathering，
亦都係繼續只聞樓梯響。
講錯，
應該係樓梯響都聽唔到。

魔盜王

今朝去了睇戲，
魔盜王既第二集，
加勒比海盜：決戰魔盜王。

一開始個段，
由 d 唔係好明，
好似有個大 Gap 咁。
（事後發覺原來出左個 Game 黎 Fill 左個 d Unknown……）

之後一路既野，
無論故事鋪排，
或是特技場面，
我都係鍾意第一集多 d。
第一集既故事，
好似一集完咁。

而呢一集呢，
就好明顯話你知故事係未完，
引你睇第三集。
我其實好期待完左第二集之後有第三集既預告片，
可惜係冇既……

講返套戲，
有 d 地方講得過到複雜，
例如 1 on 1 on 1 既格鬥。
有 d 地方又講得過簡單，
例如偷 Key 個段。

Anyway，
兩個半鐘既係戲，
值得一睇既。

---

點解又冇我份？
台灣旅行去唔到，
現在又有個澳洲之旅，
我當然係冇假拿啦。
嗚嗚嗚嗚嗚嗚………

黃金十年

今晚又有 Concert 睇，
身體狀況似乎有點好轉，
所以照正常計劃去睇。

今晚睇係拉闊黃金十年，
地點係灣仔會展新翼。
係觀塘坐 641 好快就到，
過左東隧第一個站就已經係灣仔警署。

張飛寫既係七點三可以入場，
八點開 Show。
但結果係八點半先開 Show，
之前發生了件好攪笑既事。
我一路都以為我坐既係第一行，
因為行數寫既係 0 行（數目字），
但係點知，
如來係 O 行（英文字母）先真。

講返入場之後既事，
有班合唱團一路唱今日各主角既歌，
之後屏幕就一路數日子。
當大家都以為數到今日節目就會正式開始，
點知未數完就開始左。

一出場既係 Eason，
唱返佢當年新秀首歌，
屏幕仲播返當年既片段；
之後千嬅同 HOCC 亦如事。

個 Show 重點有幾個：

第一，
某女歌星既歌迷們幫手「和唱」，
但最後一句最後幾個字唱錯 Timing。
女歌星唱到那兒，
原本係稍作停頓，
然後先唱埋，
點知就……
結果明明唱緊傷感歌，
個位成日笑既女歌星亦忍唔住笑出黎。
仲要錯誤唔止發生一次，
幾首歌都係咁。
或者，
係刻意既………「效果」

第二，
大部份歌都有歌詞打出屏幕，
結果亦令唱錯歌詞更加明顯。

第三，
某男歌手既歌迷大叫佢偶像個名，
喊到聲嘶力竭。
結果其中一次後，
全場為佢鼓掌。

第四，
另一女歌手既歌迷，
聽偶像唱歌聽到興起。
企左起身搖螢光棒，
但係就擋晒後面既人既視線，
結果兩個人展開罵戰，
罵足一首歌都未完。

第五，
Mary 同 Y 都有開腔唱歌，
分別唱「K 歌之王」和「浮誇」，
極到題。

第六，
唱左其中一首黎明既歌，
想起當年競選時既歌：
「在這千禧將至，
i.2000 去。
每一天都給你，
信任與支持。
做到死都不怨，
即將放心一齊盡獻。」

尋人

呢幾日病到七彩，
口乾到一日飲廿杯水都唔夠，
誇張到兩三日就可以清到水機一桶水。

---

昨日睇演唱會個時，
電話冇電，
結果有個 Miss Call。
返到屋企打返上留言信箱，
都只係留左名同電話。
叫得出我中文全名既，
都應該係識既，
不過我對「阿達」呢個名冇乜印象。

後來媽話有人找個我，
原來唔係「阿達」，
係「阿發」才對。

佢打黎係想拿艾文電話。
係 Wor，
我好似都冇艾文電話 Wor，
對上一次都係佢打黎問我野。
可以聯絡上佢既，
就只有 MSN。

但係 MSN 守候成日，
都唔見佢 On-line。
莫講話拿佢電話，
連想通知佢都唔得。
唉。

講開電話，
聞說某手提電話台推出話音短訊。
我好好奇，
究竟 Selling Point 係邊？
如果唔出得聲既，
可以用 SMS；
如果傾得電話既，
點解唔正接傾電話；
如果唔方便傾電話，
有留言信箱 Wor。

咁，
幾時會用到語音短訊？

Long Time No See

今晚去紅館睇軟硬，
八點七、八個字左右開 Show，
而支棒棒我十分鐘唔夠已經打穿了……

今次都幾前，
不過唔知係咪宿命，
我再次坐係轉角位，
再次坐到個台延伸到既轉角位，
再次坐係背台個邊。
雖然係前，
但係點解有條咁粗既電纜係左前方 45 度角擋住我既視線？
仲有一個巧合，
就係今次又係楊千嬅做嘉賓，
點解唔係克勤 Wor？

千嬅唱左兩首歌，
快歌係烈女，
另外一首係小城大事。
軟硬改左歌詞係尾段 Jam 入黎：
「你入黎肯德基，請你炸雞脾，炸完隻雞隻雞識跳起……」

今次係冇帶相機去，
盡情去 Enjoy 個 Show，
結果都冇令我失望，
大家都玩得好 High，
仲企晒係身 Tim。

不過都有 d 唔肯起身，
連阿 Jan 都話：
「你地唔係嘛，畀唔多錢入黎坐係度？」

不過阿 Jan 講左幾次，
佢地都係冇起身。
我個角落前前後後 d 人都企晒起身，
唔知係咪因為咁，
所以軟硬多次過黎我地呢邊唱。

雖然克勤唔係今晚嘉賓，
但係我都見到克勤……………………………個名。

話說軟硬有首廣播道 fans 殺人事件，
咁唱呢首歌時，
會吊 d 發光牌落黎（類似 fans 打氣個 d 呢）。
上面有一些人名，
包括 sam hui、草蜢、蘿記等，
而當中有兩隻好大隻既中文字：
「克勤」

與世隔絕

係通訊發達的今日，
如果突然冇得上網，
咁會點呢？

今日公司就突然上唔到網，
真係十分唔方便。
Check 唔到 E-mail，
甚至好似同外界斷絕左聯繫咁。

---

夜晚上堂，
因為多左幾個新同學，
所以我們都換了個大 d 既課室。

好攪笑，
班房總共有五行，
大部份同學都擠了在尾三行，
得我同 Moly 坐第一行，
好似隔了條河咁。

隨著遲到既同學漸漸到達，
條河開始填了。

今日做 Listern，
中段老師飛完帶之後，
部機冇聲，
攪極部機都係咁。

最後發現，
老師飛帶剛好飛到冇聲既地方。
即係個 d 剛播完 Instruction，
畀一分鐘你準備既時候。

學校二十周年紀年，
每個月都會抽獎，
毛理竟然中左一等獎
得到本字典，
多幸運！

Software Engineer vs Programmer II

早排野外訓練完，
同棟一齊等車時講起工作。
佢話醫管局周時都請人，
人工最高仲去到二十 K Tim。

其實 Cleric 同 Wizard 都係 Magic User，
都係會施放魔法既，
其至我覺得 Wizard 更加難，
因為佢仲要處理施法材料。

但係同一樣既經驗值，
點解 Cleric 可以係 Level 2，
可以賺更多；
反而 Wizard 仲係 Level 1，
賺更少？

係唔係魚唔過塘真係唔會肥﹗
係唔係一定要轉 Class？

但係個人黎講，
我都係鍾意做 Wizard 多 d，
利用唔同既材料去施法，
比係就咁施法，
我覺得前者既滿足感大 d。

所以有得讓我選擇的話，
我都係想做 Wizard 多過做 Cleric。

---

最近終於離開了以前既工作平臺，
換了新既工作內容。
由數碼相機既開發，
變成 DVD Recorder 既開發。
施法材料幾乎一樣，
但係施放出黎既魔法卻是不同，
多麼神奇？

新既工作內容，
有新既挑戰，
仲好似幾好玩 Tim。

殿軍

今日又有 Event，
下午去左紅磡打機。
十六個人打比賽，
今日試左副新 Deck。
一開結就連贏四場，
仲包括一些知名高手如劍心、Jimmy，
當然有部份都係幸運成份居多，
亦有一兩鋪係反勝。

小休一會再戰，
可惜第一戰就輸左。
選錯兵法固然係其中一個原因，
控兵出錯先係最大既因由。

又再小休一會再戰，
連贏三場之後，
第四場遇到劍心，
今次犯左個大錯，
攪到輸左，
原本好大機會黎多次四連勝嘛。

好彩最後都憑七勝第三既成績入四強。
好可惜，
四強就出局，
仲要係打左一分鐘唔夠就輸左。

之後成班去食飯，
BB 制，
但夾完錢之後，
我找完數發覺欠十幾元，
唔知邊個畀少左呢？

晚飯後，
佢地返去繼續打。
因為我唔舒服既關係，
就返屋企訓覺了……

---

係打完第一次四連勝，
阿包黎左，
終於畀左機票佢，
算係完左一件事。

交流會

今日下午又去左 Cafe，
不過今次唔係去打機，
而係有個相機交流會。
今次出席既大約有廿多些人，
長老仲問 Olympus HK 借左兩支貴價鏡（好似支支過萬），
加埋佢自己支 8mm 魚眼，
一些其他師兄既鏡，
大把鏡試。

今次我好輕便，
只係拿左個細背囊，
Body、11-22 同支閃。

去到第一支試玩既係 35mm 3.5 光圈微距鏡。
可以擺到好近影都對到焦，
影我 d 公仔一流，
最正係支鏡兩千蚊有找。
其實呢支鏡，
旅行當標準鏡用都得，
簡直抵用。

如果要求高少少的話，
Olympus 都有支 50mm 2.0 光圈微距鏡。
呢支光圈可以大 d，
但係價錢就貴一倍。

之後試 8mm 魚眼，
支鏡雖然貴，
但係好 Sharp。
一般出面 d 非高級魚眼鏡，
中間係好 Sharp，
但係四周就鬆晒，
呢支就唔會喇。
我仲用呢支鏡自拍左張 Tim，
找日貼出黎。

仲有試左個兩支天價大光圈長焦鏡，
兩支都好重，
我都冇乜機會用喇，
可以唔考慮。

下半場係捉圈棋，
同 HKZooo 捉左一盤十三路，
兩盤九路，
頭兩盤輸晒，
好彩第三盤覆桌成功。

Socom

半年前，
當 MHP 剛出時，
我們一班 OMUser 既網友，
會定期約出黎打機。
後來 MHP 玩到冇野好玩，
呢個約會就停左。

今日，
我地又約出黎，
今次玩既係新 Game： Socom。

Socom 係一隻咩類型既 Game 呢，
佢係一隻第一身既射擊遊戲，
你可以做士兵又或者恐怖份子，
用唔同既武器，
例如 AK-47、M16 等等。

最正既係，
佢支援連線對戰，
我地九個人分兩隊打 Team，
5 vs 4，
勁過癮。
（以前 MHP 都只係可以 4 個人 4 個人各自玩）

操作上，
佢冇左最重要既一個動作，
就係凸頭喇。
亦即係話，
如果你係轉角位想睇轉左灣有咩，
就要成個人行出去，
雖然可以打橫行出去，
但係咪又係畀人射，
失左先機。

不過佢地好矛，
死屍都係咁出聲，
提 D 隊友敵人係邊。

我地由七、八點一路打到一點，
玩到唔捨得走……

練跑

事隔兩個星期，
今日單拖去做 Gym。
其實都唔可以話係做 Gym 既，
因為我都冇去舉鐵，
只係去左跑步機機練跑。
斜度係數係 3，
跑左 35 分鐘零 1 秒，
其中尾 5 分鐘係 Cool Down。

總共跑左 4.5 公里左右。
對於時間上，
連續跑 35 分鐘已經幾滿意。
不過距離上，
只有 4.5 公里就有所保留喇。

如果可以跑得再快 d 就好喇。
當然時間上應該要再長 d。

年底亞太賽，
我目標係至少可以連續跑 90 分鐘。
而呢 90 起碼跑到 13 公里。
而 2.4 公里呢，
我希望可以 10 分鐘完成。

看似目標好遠，
不過係睇我會唔會練習姐。
雖然練左未必得，
但係唔練就一定唔會冇端端得。

---

美國之旅終於埋左數，
不過大衛同學要畀幾多，
Sorry，
唔記得左，
大約係港幣 $850 左右啦。
麻煩當事人聯絡返我，
謝。

又行大運

今日冇情情行大運，
因為趕住走既關係，
成袋錢留左係觀塘。
坐小巴出到旺角先知，
拿拿臨出車返觀塘。

返到去，
見到袋錢仲係度，
冇被人拿到，
咁都定 d。

之後走，
行緊去巴士站個時，
見到前面燈位個度有架巴士。
個 Number 好熟口面，
望清楚 d，
咪就係我要坐個架 lor。
即刻短跑過去巴士站，
好好彩又畀我趕到。

不過就索晒氣……

---

天氣忽冷忽熱，
的確容易生病，
但係如果凍親唔係因為天氣凍，
而係因為公司冷氣大，
咁 d 同事開到咁大冷氣會唔會過份左 d 呢？

---

我都好想去國家級動物園，
我都好想去玩淘金，
我都好想………

不過，
今次冇我份 ><

額外付出……

今日收到個攪笑電話。
話說中午電話響起，
一聽原來係 XX 銀行打黎，
目的係 Sell 保險，
甚麼甚麼醫療保障。

其中一個 Selling Points 係，
唔需要我額外畀錢。
呢個世界點會有免費午餐丫？
冇理由冇啦啦免費送個醫療保障畀你，
咁錢係邊度黎呢？

佢係咁講既：
「呢個計劃係唔需要你每個月再額外畀錢，
我們會每個月扣幾多幾多錢……」

冇錯喇，
就係直接係你戶口扣錢，
呢個就係所謂既唔需要「額外」畀錢……

---

今日上日文堂發生奇蹟呀，
做 Listening 練習，
我全對呀！
100% 全部「撞中」，
之後上堂都聽得明，
可能因為今堂教 d 野淺啦。

---

今朝返工，
好勁地冇遲到不特止，
仲早到左五分鐘 tim 呀。

入到辦公室，
老闆已經係度。
平時佢十一點先出現架嘛，
好彩好彩。

在晴朗（即刻下雷雨）的一天再出發

由五月尾開始，
身心一直處於休息的狀態。
今日開始，
在晴朗的一天再出發。

七點半起身，
磨豆沖杯咖啡飲，
之後返工。

早兩個月，
日日遲到，
最遲試四十五分鐘，
更甚既係，
試過十一點先起身。
上過星期五稍有進步，
只係遲半個鐘。
今日更加厲害，
準時返到。

明日我要早到，
哼哼哼

之後開 Turbo 做野。
我做野既習慣有 d 特別，
（至少我覺得係）

我會做好多 Preparation 去 Prove 個方法對，
跟住先會衝入去。
而唔係做做做，
唔得之後退退退。

唔知我做事方法既人，
可能以為我冇做野。
但當所有障礙都除了之後，
我就可次一桿上果嶺。
不過當然唔係次次都可以預知晒所有障礙，
仍然有機會退退退。

---

下午去試機，
原本都相安無事。
但突然下起大雨來，
仲有雷暴警告 tim，
好彩公園（試機地方）隔離係商場。
等左半個幾鐘，
都係冇乜好轉，
結果畀左 $25 同麥記借左把雨傘。

第二次 Training

今朝好早起身，
因為要上山 Training。

六點就起左身，
（嘩！我幾耐冇試過咁早呢？）
八點就去到青衣。
因為九點先集合，
我仲可以施施然係大快活食埋個早餐先。

今次集訓跟我個四個小朋友，
十二歲都未夠，
結果點樣 Control 佢地成為我最大既難題。

帶一個鐘既 Map Walk，
結果我一半路程都行唔到。
大部野都講唔到，
地形教唔到；
圖例教唔到；
控制點描繪符號教唔到；
扶手法、路線選擇呢 d 技術教唔到。

一個鐘不停重覆既係：
Set Map…Set Map…Set Map…Set Map…

之後玩 Star O，
首先一人去一個 Point，
我係後面跟住佢地，
單獨既時候又 ok wor。
之後我可以放心佢地自己去找 Point，
而我就留係 Base 睇佢地既訓練計劃同紀錄。
結果當然係失望多啦，
唔係訓練唔夠數，
就係正情冇寫到。
結果有兩個要 E-mail 補交，
希望佢地真係交啦。

一點完場落山，
係青衣食完午餐就返屋企。
因為大累既關係，
係巴士大覺訓。

洗腳唔抺腳

突然發覺今個月洗左好多錢，
兩部手提電話 4K；
舞台劇飛又 K 半；
演唱會飛又 半 K；
幫人出住旅行 D 錢（其實係我還錢） 12K；
打機 2K；
學費 2K；
今日仲要洗多 5K 半買相機，
加加埋埋咁就兩個月人工……

下個月要節衣縮食先得。

---

今日約左人三點係尖沙咀交收相機，
去尖沙咀之前，
返左學校拿追試份卷，
一睇個分，
Well……
年尾個公開試想合格真係要：
今から一生懸命勉強します。

去到試機，
唔記得左幾個 Function 點開，
首先係唔記得點按個快門次數出黎，
周圍打電話求救，
唔係冇人聽，
就係佢都唔知。

之後個 Life View B Mode 點樣放大十倍我又唔識，
結果都係試唔晒部機就買左。

交收完，
打畀媽媽睇下佢地食左野，
點知佢地去緊尖沙咀飲茶，
我咪係尖沙咀 lor，
順理成章 Join 埋佢地。

之後帶 bb 去 Toysrus，
抱住佢行左一個圈，
對手好累。

之後家姐睇完 bb 車，
就返家了……

「飲杯！」

今晚同事請飲，
地點係北京道一號。
原本同另一個同事一齊去，
點知剛離開公司，
佢就收到電話，
話要返屋企收左貨先，
結果我就自己一個去先。

其實我唔肯定點去，
坐 219x 落尖沙咀先。
係中間道一落車，
已經見到北京道一號。
原來係正門口落，
等我仲驚找唔到。

另一個同之前都係同一個地方擺酒，
不過個日剛剛就係我新工第一日，
所以不受邀請。

Anyway，
今日都見到三個舊同事。
不過其實唔係好熟，
因為其中兩個我入職唔夠一個月就離職了。

八點入席，
但係九點先正式開始有得食。
係開席之前，
我仲同個舊同事打左個 MHP 既 Quest tim。

唔知點解，
上乳豬個時會播麥兜首歌，
三月飲個次又係，
唔知黎緊九月、十月同出年一月個三次又係唔係呢？

中段新郎唱左半首「你的名字、我的姓氏」。
而全晚係冇任何玩新娘新郎環節架，
十一點左右就散席。

今晚同枱起枱唔識，
就算識既都唔熟。
結果全晚我主要都係…
「飲杯！」 食食食……
「飲杯！」 食食食……
「飲杯！」 食食食……

放飛機

上次旅行，
講起以前中學時代既歌。
其中講起「一對」歌：
火熱動感 Lalala，
同埋熱力節拍 Wou Bom Ba。

火熱動感 Lalala 由郭富城、
梁漢文、許志安同埋鄭秀文合唱。

熱力節拍 Wou Bom Ba 則由草蜢
、湯寶如、劉小慧、關淑怡合唱。

點解冇啦啦會講起呢兩首歌呢？
原因係今朝返緊工時收音機，
一次過播晒呢兩首歌。

非常眼訓既早上，
聽到呢 d 節拍咁強勁既歌，
即刻人都醒晒呀。

---

夜晚「原本」又去做 Gym，
用「原本」，
係因為「又」被人放飛機。
「又」係個隻你唔打畀佢都唔話你知唔到個隻。

成日流流長，
真係通知唔到我？

電話冇人聽，
可唔可以係留言信箱留言呢？

又或者將個幾個 「hihi」、
「今晚係咪去做 gym 架」、
「有, 人, 嗎,?」 換成簡單既一句，
「我今晚唔去做 Gym 喇……」

咁已經咩問題都解決晒啦！

1008 既啟示

昨日講既 Bug，
終於發現到問題係邊。
發現既原因係我問 Setter 拿 Test Case 自己試，
然後發現既。

話說佢要我找個 Mode 出黎，
最多三萬個數，
Pascal 既 Integer Type 夠晒裝。
而數既 Range 由 0.00 到 100.00，
只係去到小數點後兩個位，
亦即係話，
只有 10001 個唔同既數。

比較慢既方法係，
讀入第 i 個數，
同之前 i - 1 個數比較（當然用 Array 裝），
如果曾經出現過，
就將那個 Entry 加 1，
未出現過既話，
就 Add 個新 Entry。
咁樣做法，
Order 係 O(N^2)。

比較快既方法 Order 只係 O(N)，
讀入 N 個數冇得改，
可以刪改既係 Searching 個 Part。
如果用 Hash Table，
咁個 Searching 既 Order 就只係 O(1)。

問題係 Pascal 既 Array 唔可以用 Real 黎做 Index，
解決方法係，
將個數乘上 100，
再轉成 Integer。

個 Bug 就係呢度，
我用 Trunc() 轉做 Integer，
點知就出現 Truncation Error。
結果我轉用 Round() 就即刻全對。

其實中有另一個方法轉 Index，
就係用 String，
Remove 左個小數點（'.'）之後，
用 Val() 轉。
不過當然理論上咁會慢過第一個轉 Index 既方法。

可能有人覺得，
O(N^2) 都 Pass，
駛唔駛花咁多工序改成 O(N)？
雖然係練習題目的確唔需要都過關，
不過真正比賽就唔會咁仁慈，
差一個 Order 分分鐘 50% Test Data 都過唔到。
平時練定點樣省一兩個 Order，
到比賽既時候就會更得心應手。

是時候要退？

最近班師弟終於起左個 Online Judge System，
我亦以一個不同於平時既 Account 名入去試下 d 題目，
不過我相信要估我出黎唔難。

雖然 d 題目唔深，
但都花費了我唔少時間，
亦都錯左好多次。

錯得最多既係 Compile Error，
這個當然啦，
我純粹係睇完題目，
正接係網頁 Coding，
之後交。
冇用到（亦都冇得用） Compiler 去 Check，
錯 Syntax 係少不免。
（某程度上亦都因為耐有寫 Pascal）

其次就係 Wrong Answer，
夠 Dry Run 去 Check Correctness 的確唔係萬試萬靈，
但係冇 Debugger 既情況下，
呢個亦係唯一既方法。

睇返討論區，
有人涉嫌抄 Code，
個 System 其實係一個 Training 既地方，
抄 Code 根本學唔到野，
更何況係搬字過紙？
Ranking 高 d 好威咩？
我覺得佢浪費左個 System lor。

做做下 d 題目，
我發覺自己退步了。
有 d 好簡單既題目，
例如讀 10000 個 0.00 至 100.00 既數返黎，
Output 返個 Mode。
以前仲會去比賽個陣，
我想我最多三分鐘已經可以 Code 完，
不過現在係，
我 Code 左兩日都未 Debug 到。

或者我真係可以考慮下退休，
唔再掂 OI d 野。

追試

今晚放工走左去追試，
追試（ついし）既意思即係補考。
毛理同我講，
係考返同一份卷架喇，
背左佢冇死。
今日去考一睇份卷，
佢竟然出左第二份畀我，
當堂灰晒。

不過爛船都有三斤釘，
點都有 d 底既。
雖則十題有九題都唔知佢問乜，
不過總有 d 撞得中既。

上次差九分先及格，
我想今次都係咁上下分。

當我考完，
我就已經發覺我錯左幾條了。

追加資料既，
應該用 それに，
而唔係我答既 それから。

而代表 Begin 既出す，
假名係 だす。
出（で）る 係指出來。

原本佢畀左答題紙我，
不過當我係問題紙做完，
想一路覆卷一路抄返過答題紙時，
我就發覺張答題紙有 D 怪。

我發覺 d 題數好似不對。
例如第一部份漢字轉假名，
有五條題目總共 15 個小問題。
但張答題紙呢，
就只有三條題目共 11 個小問題。
結果，
我都係要交張問題紙。

一個星期後就知結果了……

又格價

今日同阿包去左做格價專員，
亦都順手訓練阿包去問價。

康泰
Package：
五日四夜住一樂園，
每位 $3093（連稅）。

分開買：
六日五夜住長虹，
每位 $3305（未加稅）。

星晨
六日五夜住華華本館，
每位 $2545。
每位再加稅約 $473，
即每位 $3018

如其中一日改住春天，
每位 $2880（未加稅）。

另可以 $50 (原價 $150) 買春天露天風呂券。

永安
五日四夜住一樂園，
每位 $3120（連稅，包機場往酒店飛狗）
其中一日改住春天（非星期五、六），
每位 $3539。

東瀛
五日四夜住華華坐國泰，
每位 $2809（未加稅，捷運一天任坐）

縱橫
六日五夜住東龍，
每位 $2833，
每位再加稅約 $481，
即每位 $3314（捷運一天任坐）。

專業
五日四夜住長虹，
每位 $2490（未加稅）

新華
略

實惠
略

住少一晚大約每減 $250。
坐港龍的話，
去程 0815 or 1220，
回程 1455 or 2050。
另外政府剛剛批左准加燃油附加費，
所以可能再貴 d。