大烏龍

昨晚返到屋企，
收到個電話。
我一見來電顯示「無姓名」，
個心就開始驚喇。
一般先打「133」或者完全停止示號既來電，
會係顯示「號碼保密」。
顯示「無姓名」既來電，
多數會係長途電話，
而打長途電話畀我既多數只有一個人……

點解知道係長途電話就驚呢？
話說據我了解，
佢呢個時候應該駕駛中，
同 Anna 落緊 New York 參加勇姐既婚禮。
（各位中學同學，
冇錯，勇者結婚喇）

駕駛途中，
點會冇啦啦打電話呢？
一就係塞車，
通常佢會打畀細佬，
但佢細佬返左香港，
打畀我唔奇。
但係佢隔離有 Anna 同佢傾計，
斷估未輪到打畀我。

餘下既一個可能性，
就係佢迷藥打黎求救。

但遠水豈能救近火？
更何況我都唔熟路。
雖然唔知幫唔幫到手，
但我都拿拿臨開電腦，
上網睇下找唔找到地圖。

不過當我一接電話，
我就知我擺左個大烏龍喇。
原來去婚禮係明天既事，
佢現在陪緊 Anna 返工，
但係又冇野做，
打黎問我拿日記個 URL。

虛驚一場……