虎聚

今日去左大姊家拜年，
之後坐車去沙田。
先飛 Van 仔去沙田火車站，
再轉巴士落威爾斯，
之後行去多石村（有冇記錯村名？）。
約左四虎同康哥 BBQ，
去到見到好多人，
因為艾文女友同艾文個妹 D Friends 都黎左。
各適其適，
有 d 打牌，
有 d 打機。
我同艾文單挑打 NDS 既孖寶賽車，
唔駛多講，
當然係我贏成條街啦。

其實放假前，
而有人想買我隻孖寶賽車，
仲要唔駛蝕（我 $180 入，$180 放），
為左要贏艾文，
我先唔放住。
應援團又大勝，
孖寶賽車又大勝。
呵呵呵……


之後細牛黎到，
仲帶左副大富翁黎。
之後就轉玩大富翁喇，
細牛做銀行，
阿力冇玩，
總其六個參賽者。
好難玩，
跟本玩唔到。
梁氏三人連成一線，
圍內係咁換。
我不單做唔到對我有利既交易，
其至想蝕讓，
目的只係唔畀艾文獨大都唔成功。
好彩係未輸既情況之下，
夠鐘 BBQ 而中止遊戲。

燒完野食，
繼續打牌。
我同康哥夾，
一人一鋪。
係我唔駛打時，
就幫艾文隻孖寶賽車過關。