做運動

大陸間廠個老闆 Delay 左個行程，
結果可以多幾日做野。
昨日講那個問題，
落係我手上，
要 Solve 就梗係輕而易舉啦。
不過問題係寫 Controller 那個唔係跟 Spec，
結果都係未攪掂。
要等寫 Controller 那個 Send 個新 Code 過黎。

---

夜晚打波，
之前去麥記食野。
唔明 d 人點解唔想定食乜，
排到去 Counter 先拿張 Menu 慢慢想。
幾分鐘過後，
收銀那個就叫佢地（其實係一班小妹妹）企埋一邊慢慢想，
問後面那個（即係我）食 d 乜。

我今次再食板燒雞腿包餐，
收銀個人要托高個盤（高過班小妹妹）先畀到我，
我拿住一轉身，
成包薯條就飛左出黎，
好慘哦！
不過好彩佢都畀過第二包我。

食完去打波，
本來艾力斯都話黎，
不過佢公司有 Project 趕，
黎唔到。
加上有人冇帶衫，
有人甩底。
結果得六個人打。
可能見我打得差，
後來仲有其他人跟隊。

原來我兩個幾月冇正式做過運動。
今日走兩步已經氣喘……
要練返氣先得。