新裝備

今日都幾忙碌，
係公司通完頂，
去左飲早茶，
之後去左睇中醫。
拿拿臨落銅鑼灣上 OA ，
交聯賽報名表、
拿 First Aid Cert、
收教練津貼。
之後一路行落灣仔，
經過銀行入埋張表。

返到屋企坐一陣，
又要出尖沙咀上普通話。
今日個老師勁呃鐘 lor，
講課文都唔知有冇半個鐘。
係咁係白板寫節日名，
花名咁，
都唔知佢想點。

上完堂，
過左隔離天祥，
買左個度左好耐既相機袋。
Tamrac 既 Pro 5



大約可以放到一機三鏡一閃。
其實我上次去旅行那個，
都係咁上下容量（細少少啦）。
不過呢個袋最大既好處係：
可以唔拆支長鐘直接放入袋，
咁就好方便我唔駛下下要拆鐘先入到袋。

以前個袋唔好處就係呢度，
用親機都要先上鏡，
影完又要拆返先放到入袋。
而且呢個袋仲好平好抵用 tim。

不過唔好處就係，
冇得換帶，
同埋變唔到做背包。