二手

今日約左三個人係旺角，
交收一些二手物品。
我以為自己好醒，
約晒三個係同一地點。
但原來人地都係咁，
一個我見佢成張賣野 List，
一個係交收完之後，
我打電話搵下個時，
佢又打電話找下個。

不過好攪笑，
有一個約左佢七點半，
之前個晚佢 send e-mail 黎話「七點」未必趕得到，
話會遲少少，
但我係約七點半……

今晚我六點半就收到佢電話，
佢話到左！
我真係約七點半……

---

今日老細又催我申請回鄉證，
回鄉證張證件相要白底或粉紅底，
但我 d 相係藍底……

護照我又就黎到期，
咁 d 相影完可以做埋特區護照。
但特區護照要求既係藍底或粉紅底，
即係要影粉紅底啦。
（其實點解唔可以統一 d？）

中午食完飯，
落街望下，
竟然找唔到地方影證件相。

最過份既係，
我問住我公司附近既艾力斯，
佢竟然答唔知！
Er………