初九啟市

唔知係咪飲茶飲上癮，
老細冇啦啦話今日去飲茶，
我想當係團年飯掛。
去金龍船訂位，
話要兩點後先有位。
反正有個同事上午請假，
所以我地就兩點去飲茶喇。

一路飲飲食食，
一路談天說地。

就黎放農曆新年，
我地最關心既就係初幾返工。
係飲飽食醉之際，
有同事問老細，
老細就話初四啦。
都正常既，
單放紅日。

不過其中一個老細幾信風水，
我地叫佢不如打畀師父問下。
開頭佢唔願打，
仲問返我地如果師父話初二，
我地係咪會返云云。
不過結果佢都有打。

風水既野，
我一路都覺得係統計學，
但係一路都唔係好信。
今日發覺信風水都有佢既好處，
就係今年可以初九先開工，
呵呵呵……
有個信風水既老細有時都唔錯。

夜晚收工，
原本想落黃金一轉，
不過一黎夜，
二黎又有 d 眼訓，
明日又只係訓半日。
所以決定都係聽日先去掃貨。