MGM Studio

今日去玩，
經過一晚既研究，
決定先去 MGM Studio 先。
因為撞正有 Star Wars Weekend，
有 d Special 既 Program。
個 Park 未開我地就到左。

係排隊入場既同時，
梗係時候賴人啦。
打到去 Edmond，
佢話佢刷緊牙 Wor。
同佢講緊電話既同時，
被佢聽到我隔離仲有人。
我唔話佢知係邊個，
佢話問下欣欣（譯音）就知。
究竟佢講緊邊個呢？
頌欣？沈石欣？定係杜葉錫恩？
好似冇個同我熟，
佢講 d 野真係令人費解。

一入到去，
首先被人捉左去玩跳樓機，
之後玩過山車，
架車超快，
我危些兒帽都甩。
之後都冇乜機動遊戲玩，
Show 就睇左幾個，
一個係飛車，
一個係奪寶奇兵。
共通點係都係有玩火，
原本已經熱，
結果更加熱。

話明 Star Wars Weekend，
梗係唔少 Star Wars 野啦。
除左有 Star Wars 人物影相相之外，
仲有 Star Wars 巡遊，
Star Wars 百萬富翁等等……

夜晚個餐係食火雞腿，
好大隻。
係等緊睇煙花既同時，
開始落雨。
因為冇帶雨具既關係，
雖然排到好前，
係 d 雨愈落愈大既情況下，
都要迫住撒退。
真係有少少遺憾，
不過保得住部相機，
同埋畀四虎 d 手信，
總算不幸中之大幸。