雀聖

中午放左工橫風橫雨，
同個 Electronic Engineer 出左旺角睇戲。
睇既係雀聖。
呢套王晶既新戲，
唔會 expect 佢好有深度，
純粹為左笑下姐。

套戲開 14:10，
13:45 出到去。
原本以為冇乜人睇，
點知都幾 Full，
結果要坐第二行。
但因為第一行同瑩幕有一段距離，
其實又唔係睇得好辛苦。
但係間院就係新加上去，
乘完扶手電梯，
仲要行多兩層，
好高。
間院亦都好細。

套戲畀我有八、九十年代既 Feel，
成套戲好似八、九十年代咁，
當然個景係現代啦。
其中有個景，
係我公司對面間茶餐廳 tim，
我星期四先去食完黎。

睇完戲，
係旺角行左陣，
收到媽媽個電話。
佢話佢就去到佐敦
十分鐘就到中醫處。
我有旺角行落佐敦，
行左半個鐘左右啦，
點知都係早過媽媽到。
媽媽講 d 野，
真係唔好信到十足。

之後過超級市場，
撞正個度到有新樓盤。
個百地產經紀係度，
幾經辛苦，
先打過木人巷，
入到超級市場。