雪上加霜

今日體驗到咩叫雪上加霜。

今朝返工，
已經遲好多架喇。
好衰唔衰，
唔知火燭定咩啦，
公司樓下條街幾架消防車，
雲梯都出埋。
最慘係封左條街，
攪到我要繞路，
行後巷先返到公司。

放工坐 14 號返屋企，
平時半個鐘車程，
今日塞左成個鐘都未返到。
咩事呢？

原來佐敦道近上海街整路，
封左外線。
中線又撞車，
封埋，
得返一條內線，
三條線既車都爭呢條唯一既通道，
唔塞就假喇。

---

仲有三日。

看見細牛開始早準備，
我就乜都冇攪咁。
行李未執，
旅遊書冇睇。
真係慚愧。

呢幾日訓得好少，
又冇心機做野。

正面 d 想，
可以話仲有幾日就可以放假差電。

但換一個角度，
會唔會因為要放假，
先攪到訓得少呢？

再想遠少少，
如果我平時做定晒 d 野，
咁放唔放假都影響唔到我架 wor。