重要會面

今日秘書姐姐同我講，
下個星期安排左兩個 Appointments。
即係話，
我要執返套西裝落行李箱先。
同埋要操下英文，
我驚到時會溝通唔到。

---

發覺出發之前仲有好多野做。
首先係執行李啦；
其次係出發之前個晚仲要考試，
要溫書啦；
要交日文作文啦；
又要將三百張相入相簿 wor；
又要找卡數；
又要報稅；
又要填返 d 續會表格等等。
得果三晚半，
邊做得晒？

今晚食完飯，
就開始入相喇。
三百幾張相都係好多，
疊起係厚過一本牛津高階兩解字典。
d 膠啜住又難入，
最慘入入吓發覺中間漏左幾頁，
又要抽返出黎再入。
結果攪到三點幾先入晒，
想做多樣工作都唔得。

講返本相簿，
兩本加埋可以入三百張 4R 相。
我晒左 293 張，
好似可以入得晒咁，
但係仲有 8 張 Index，
結果 Total 係 301 張……

---

911 之後，
去美國麻煩左好多。
例如 d 寄倉行李唔可以上鎖，
方便佢地 Check。
如果係拉鍊個隻拖箱，
可以用個行山扣扣住，
咁就唔驚搬運途中唔覺意開左。
但係我個行李拖箱係冇拉鍊個隻硬箱，
結果放工走去買左條行李箱索帶，
叫做解決左問題。

---

二三四五，
仲有四日。