嚴重代溝

原來，
唔夠精神下棋，
係會慘既。
今日放工落左去捉棋，
好大意，
好多地方都睇錯。
結果捉成差不多十鋪，
全部都輸晒。

第一盤就同師父捉九路棋，
力戰之後被「清盤」。
不過同佢捉，
其實唔係為左贏，
而係讓佢分析下我衰 d 乜，
可以點樣進步。

之後同 d 理論上棋力相當既人捉，
結果……
唔知係佢地進步神速，
定係我不進則退呢？

---

都覝家 d 後生仔有代溝，
（其實我都唔係好老姐）
話說捉棋間 Cafe，
又另外一班人光顧。
佢地玩緊有口難言既遊戲，
而題目呢，
係黎自一副英文版既 Game。
可想而知，
佢地估既會係外國人物、事，
例如拿破倫咁。

不過唔知點解，
d 粗口字、性器官可以滿場飛。
唔係個 d 估錯左之後發出既感嘆，
而係佢真係估那個字。
仲要係講一次，
人地話錯，
一分鐘唔夠，
佢又估一次……

我真係理解唔到佢地既行為 lor。