一子錯，滿盤皆落索

下午又去左捉圍棋。
去之前，
上左戰棋會望望。

中學讀書時，
因為課外活動的關係，
時常去位於尖東既戰棋會。
現在佢已經搬往旺角。

初頭係先達，
現在就係華僑。
同以前好唔同，
以前主要係賣棋，
又或者係 AD&D。
現家就賣 Card 多。
甚至有個 Area 畀人玩 Card Game，
人頭收費。

今日個圍棋聚會，
上半部係打機，
我們準時六點收機，
就開始下棋了。

今日我只係下九路，
輸四鋪，贏七八鋪左右。

發現自己既弱點，
就係太多心，
唔夠從一而終。
一時就想攻呢邊，
但係之後兩三手，
又唔係支援頭先個手棋，
而係另開戰場。

結果就係首先顧此失彼，
進而兩頭唔到岸。

其次就是有時下棋過急。
當然反應快，
某程度上可以給予對手一定壓力：
「你下的完全在我預料之內。」
但太快有時卻下錯。
有一鋪，
二選一，
選對就大勝，
選錯就輸，
結果我就選錯……