一雪前恥

夜晚去左捉圍棋，
自中學畢業之後，
幾乎都沒有掂過圍棋，
原因係冇對手。
不過唔好誤會，
唔係獨弧求敗個隻冇對手，
而係真係找唔到人同我捉。
莫講話圍棋，
連圖版遊戲（即係 A&A 個 d 呢），
又或者 AD&D，
甚至乎大富翁都找唔到人同我玩。

所以早一兩年，
聽到有人係鹽湖城有 AD&D（定 D&D？）玩，
仲有埋代表自己個 Character 既公仔，
我真係既妒且恨。
冇他既，

自三月十七日捉過一次圍棋之後，
今日又再捉，
首先同 D 文捉盤十九路。
九路我都捉唔掂，
更何況十九路呢？

結果係八十七比七十五。
因為行先幾著數，
所以行先執黑子通常讓五目半，
扣返之後即係我輸六目半，
叫做有 D 交代啦。

之後九路再戰 HKZooo，
第一盤再輸，
計埋上次，
即係連輸四次。

之後第五盤，
我一股作氣，
係咁搶攻。
唔係咪被我氣勢嚇倒，
結果打到佢認輸。
總算出返一口氣。