人生應多采多姿

今日一樣係平淡既一日，
日頭返工，
夜晚 OT。
今晚食老麥，
同事落去買埋畀我。

做到十一點，
執野想走，
就係呢個時候，
老闆行出黎。
一傾就傾左大半個鐘，
結果都係差唔多十二點先走。
最慘係傾談既內容，
咪又係以前傾過個 d……

---

網上寫 Blog，
我曾經畀自己一個要求，
就係每日要寫四十行。

一日廿四小時，
一千四百四十分鐘，
八萬六千四百秒。
如果都冇發生 d 可以用四十行以上既事，
我覺得咁既人生很可悲。

一係就係呢個人生好平淡，
不淡到令人可怕的地步。
一係就呢個人生性遲鈍，
遲鈍到察覺唔到人生有趣之處。

人生有起有跌，
但係用唔同既角度去睇同一件事，
可能可以睇到有趣之處。
關鍵係，
肯唔肯，
會唔會，
退一步去看。