開餐

昨晚下棋之先，
去左同班 IE 師弟們踢波。
大部份都出左黎做野，
但都有六七個在學。
而當中，
我同賴米係最早畢業既。

同班後生仔踢波，
我 D 老人家（大過一兩年）真係頂唔順。
佢地個人技術唔錯，
不過下下都係哨入去，
我 d 老人家都係跑到喘晒氣。

---

今日三、四點鐘左右，
威哥打黎約食飯，
佢話五、六點鐘左右放工再打畀我。
結果等到六點半肚餓，
整少少飯食，
點知一整完就收到電話。

去左紅磡間乜乜 Square 食。
日、西合一。
我地叫左好多野食，
炸軟殼蟹、石頭窩、
玉子豬扒、三文魚薄餅，
仲有白飯、湯同餐跟埋。

平時食扒跟飯已經狼狽，
因為兩隻手用三件餐具（刀、叉、匙），
今次仲要加多對筷子 Tim。

不過話分兩頭，
d 野都幾好食，
價錢又唔算好貴，
兩個人四百有找，
（當然要同麥記比就冇得比啦）
值得推介。