黑色暴雨警告

昨日帶新電話，
舊電話留了係屋企充電，
結果收唔到短訊。
凌晨五點先發覺這樣的一個短訊存在，
在訓之前覆左。

有人連續幾個星期六要加班，
我又何嘗唔係要星期日返工呢？
所以我好明白有幾辛苦既。

下午落油麻地打機，
與人對戰，
一負三勝，
新 Deck 似乎唔錯。
不過打完幾鋪就冇人打，
自己打電腦，
不過都有幾個人係後面睇。

之後坐車返公司。
一做就做到十二點。
點解咁清楚係十二點呢？
因為保安剛剛鎖正門，
我要經車場出。

見有時間，
又去打左兩鋪機。
一勝二負，
把握力有待改善。
以往打開穩守突擊，
新 Deck 講求攻，
還未熟習。

之後離開機鋪，
嘩！乜咁大雨呀？
好彩我有帶傘，
不過都濕晒。
離開觀塘時黃雨，
坐緊小巴時紅雨，
返到屋企時已經黑雨。

如果我再遲 d 走，
後果可能更不堪設想。