救火

今晚又要開夜，
原本係做份內事。
Tune 個 Device，
唔知點解做唔到。
某 d 情況得，
另一個情況就唔得；
到那個情況攪掂，
就輪到原本個情況唔得。

但係結果都冇時間做。
原因係另一個同事做唔掂佢個 d，
我要幫佢。

我做唔夠十分鐘份內事，
內線電話就響一次，
我又要過去幫佢睇一睇。

結果幫佢攪個 d Bugs，
自己部機未 Tune 好。
最慘既係，
佢個邊都係攪唔掂，
兩頭唔到岸。

有人會話，
攪掂自己 d 野先丫嘛。
但係我又覺得，
兩樣都係公司野，
老闆遲早都叫我幫手救火。
（事實上佢都有講過）

連續返左二十一個鐘頭工，
到第二朝六點半先收工。
以往既我，
會等小巴、巴士返屋企。
今次我係一出公司大廈門口，
已經揚手，
截了架的士。
可想而知，
我係有幾疲倦。
六十幾元，
換黎既係十分鐘返到屋企，
值唔值就見仁見智了。