「新」消息？！

今日返工遲大到，
架小巴九點幾都唔開，
結果成四十分先返到。
但係都冇點補返時間畀佢，
六點半左右就離開，
因為今晚要上堂。


放低左三個幾四個月之後，
我再次學返日文。
今次仲有目標 tim，
就係年底個能力試及格，
因為參加左政府個持續進修計劃，
如果校內試同能力試及格，
就可以有 80% 既 Rufund，
即係八千左右。
我讀那個係三級能力試班，
原本要求係三級能力試及格，
但現在改左，
任何一級都得，
即係我考四級能力試都得。
四級個試易好多，
我會及格掛。


由放跟唔返之前個班，
結果轉左班，
亦都換左老師。
新老師個教學 Style 唔同，
我要重新適應，
亦都冇再堂上錄音，
因為之前個 d 我幾乎都冇聽過，
某入又唔會 Download 黎聽。


放左學，
陪 Moly 行去車站。
佢好認真咁同我講話收到個「新」消息，
話知道左我拍拖 wor。
Well，真係「新」消息……
唔記得問佢聽邊個講，
同埋知唔知我女友係邊個 Tim，
星期四再問佢。


By the way，
今日上堂之前撞到以前個日文老師，
原來佢以為我地過左旺角分校上堂。
放學撞到 d 舊同學，
佢地又係以為我地過左旺角分校上堂。
Moly 啦，
放埋 d 留料。

又，
上堂之前，
找唔返張學生證，
以為唔記左，
今日交錢時交低張相補領。
點知原來上次落訂時學校收左，
今日上堂老師派返……