死跟

今日又有定向比賽，
係今個賽季第三場聯賽，
地點係西貢牛過路。
我出十一點四十四分，
幾乎係正午，
但係嚴寒既天氣之下，
反而係一件好事，
因為太陽曬正，
冇咁凍。

今次每兩個賽員出發時間相差只有一分鐘，
導致整個山都係人。
賽員編號又是按照出發次序編，
例如我是 88 號，
87 號就是早我一分鐘出發的賽員，
89 號就是晚我一分鐘出發的賽員。


在我後面出發，
識既有劉 Sir 同 2lo，
其實壓力都幾大。
去一號 Point 時，
因為行得慢，
幾乎被遲我三分鐘出發的劉 Sir 追到。
之後 d points 我想甩都甩唔到佢，
好多時都係我出 Point，
佢入 Point，
被佢睇住我點走。
九去十時更加被佢過埋，
因為我走回頭路繞路，
較佢直去用多左好多時間。

幸好個 Point 放入左，
佢唔可以即時找到，
如果唔係我真係冇得追。
十號 Point 亦都 Jam 左一班人係度。
之後幾個 Point 雖然我係前面，
但都放唔返個三分鐘，
結果輸佢兩分五十三秒，
以一個鐘頭二十八分五十七秒排第十六，
得 642 分，
劉 Sir 排十三，
阿棟快我一分零七秒排第十五，
阿斌就 DISQ。
值得一提既係，
七去八，
我用既時間係最短，
只係四十二秒。
總成績方面，
我暫時排第二十一，
兩個星期後有最後一場聯賽。

之後我地係賽事中心燒野食，
四點先離開。
夜晚就同劉出尖沙咀影夜景。
之後返屋企睇有李克勤做喜賓既獎門人。