一月的聖誕禮物

昨晚去完 OM Spot Extend 個保用之後，
係尖沙咀慢慢行返屋企。
途中當然過一過東英睇野啦，
不過就格唔到 d 波頭價。

返到屋企樓下開信箱，
發現有兩封信一張卡。
一封信收件人係媽，
另一封收件人係爸，
這不是重點。

重要既係個張卡，
張卡係郵局發出，
話有個郵包係朝早派信時，
因為屋企冇人而派唔到。
咁就叫我一個星期之內去郵局領回。
我見個辦工時間係朝八晚六，
就決定今朝返工之前去拿。

一早起左身，
其實都唔算早喇，
鬧鐘較七點，
我七點半先醒。
八點左右先出門口，
我一路都以為我屋企係廣東道郵局負責，
拿郵包自然去返個度。
出門口前望清楚，
係寫彌敦道既中央郵局，
唔係廣東道，
好彩睇一睇，
如果唔係就白行一趟。

去到中央郵局，
都要問人先知係邊度領郵包。
係街到望入去，
見到郵局係落左閘，
原來領郵包係閘既右手面。

終於領左份禮物了。
返到公司拆禮物，
一共有四件。
美中不足張 Card 唔記得寄，
要下次先有得睇 lu。