休息

呢排 d 收工時間都幾極端，
昨晚收成兩點幾，
今日就七點未夠就走左。
無他既，
我相信我唔係鐵打，
點都要有休息。

休息，
唔係單單指訓覺個種，
有時去打下機，
或者四虎聚 Hea 下，
都係休息既一種。

有師弟同我講（其實係07年1月6日講既）
叫我唔好攪到自己咁忙，

其實我又覺得冇乜所謂，
人生幾十年好快過，
點解唔用盡佢呢？

至於所謂享受人生，
我也有，
每年我都會去旅行，
好似呢幾年既美國，
黎緊既日本，
出年既韓國等……

分別可能在於，
我因為個人情況比較特別，
所以拍拖可能壓縮成一兩個月，
享受人生可能又係壓縮成一兩個月。
餘下既時間，
自然寄情工作。

更何況，
雖然現在份工作唔算係 Dream Job，
都算係一份幾喜歡既工作，
放多少少時間，
放多少少心機，
不是幾好嗎？