昏迷

今日係訓覺天。
昨晚打完交流戰，
三十幾人一齊去食宵夜，
一路傾計傾到四點幾。
我步行回到家已經五點幾，
洗澡（我訓覺前會洗澡真係奇聞）後，
六點幾先訓落床。

第一次恢復知覺，
係十二點幾。

第二次恢復知覺，
係五點幾，
食完午餐（？！），
又再訓過。

第三次醒，
已經係九點幾。
起身食晚飯，
睇左一個鐘電視，
又再訓過。

再醒，
已經係星期一朝六點幾。

屈指一算，
訓左成廿一、二個鐘。
不過，
仍然覺得好眼訓。

可能之前透支太多，
今次只係還左息 Only。