做好自己

上個星期幫總會攪既比賽，
早兩日已經有支票預備了，
今朝上大球場拿。
總共三張，
一張係我既津貼，
一張係其他工作人員既津貼，
仲有一張係開公數既物資。
真係高效率，
相比起我，
舊年既津貼我都未放晒…

之後落左銅鑼灣（機鋪），
再過灣仔（機鋪），
都係找唔到人對戰。
之後就過返海去旺角（機鋪）。

今晚十點約左旺角另一機鋪既人交流，
十點打到兩點。
結果係我個邊贏多少少。
個人戰績方面，
四戰三勝一負。

其中一場私人恩怨，
（對中學師弟）
都順利勝出。

其實交流戰，
重要既唔係勝負，
而係賽後既討論同檢討。
透過檢討，
大家都有所進步。

做得好既，
下次繼續。
做得唔好既，
下次改進。

記得我初學定向，
教練同我講：
「唔需要睇勝負咁重，
只要你完成比賽，
做好自己，
勝利自然會來。」