死亡筆記 2

今朝去了睇死亡筆記 2，
因為難既關係，
原本打算去旺角睇，
結果行到一半，
途經電影中心，
就買飛入場了。

上集講到夜神月入調查總部，
究竟係基拉贏定調查總部贏呢？
今集會有答案，
而且據聞會同漫畫版有出入，
所以充滿期待。

結局係……屈機，
唔可以話唔合理，
都算講得通，
個人覺得亦算合理。

今集既特色係，
「黑」同埋「長腿」。
劇中主要女角，
大部份都係短裙 Show 長腿。

而所有擁有死亡筆記既人，
亦主部轉晒穿黑色主色既服裝。

整體來說，
改編得幾好，
將漫畫版枝節既野刪除合併。
故事算幾流暢。

睇完之後，
上左 D Forum/Newsgroup 睇影評。
溫馨小提示：
如果你未睇套戲，
而又打算去睇，
千祈唔好上呢 d 地方睇影評，
因為好多時有人會爆劇情同結局。
有 d 更會係標題打出黎，
避都避唔到。

有 d 人話套戲差，
有 d 乜乜講唔通咁，
有 d 乜乜又冇交待過。
其實，好多係戲中都有交待過，
難道佢地有 Filter 過濾晒？