補牙

又開始出牙血，
所以今早去左睇牙醫。
其實應該早 d 睇，
不過行事曆排得密密麻麻，
係今朝先算得閒少少。
不過講緊既得閒，
都係我遲返公司半個鐘換返黎既。

洗牙，
好痛。
不過更痛既還在後頭。
牙醫話我有隻大牙蛀左個小孔，
要補牙。

補牙唔係就咁填返個孔。
首先係鑽深 D，
除掉蛀壞左既部份。
牙齒最表面的是堅硬的琺瑯質，
冇神經同血管。
但入一層的象牙質係活的組織，
一鑽入去，
好痛呀！

埋單計數，
洗牙、補牙再加埋藥，
咁又冇左成千元。

---

下午培正有兩個學生去點聽日既物資，
打畀我話冇借到手推車。
個邊既答覆話我太遲講，
唔夠時間借。
不過我好似兩個星期前就話借，
咁叫唔夠時間。

好彩我住得近 SOC，
即刻打畀阿健睇下佢係邊。
約左佢夜晚十點返去借三架摺得埋既車仔，
總算解了燃眉之急，
不過原來三架車仔加起來都好重，
我拿到返屋企已經汗流浹背…