落水

因為就黎考試，
所以今日留起屋企溫書。
結果當然係訓到日上三竿個時先識起身啦，

不過一起身，
就收到一個電話，
因為呢個電話，
我落水了。

或者講清楚 d，
年尾有個大型定向賽事，
APOC（亞洲及太平洋區野外定向錦標賽），
一共五場賽事，
模擬賽、短途賽、三人接力賽、長途賽及中距離賽。

有比賽，
自然要有參賽者。
不過，
更仲要既係有人肯攪。

個電話就係打黎叫我幫手，
我就應承左做其中一場既 EO（Event Organizer），
即係一個賽事既負責人。

場比賽係平日舉行，
原本我已經請左假參加比賽。
結果，
現在請假就係負責攪比賽。

攪比賽有好多野做，
唔係咁易做既一件事。
有好多人成日發表偉論，
話呢個比賽攪得唔好，
應該點點點，
那個比賽又點點點。

有意見係好事，
可以有改進。
不過，
唔係咁多人肯背起攪比賽呢個責任。

一年有成十幾場比賽，
玩少一兩場，
幫手攪比賽唔係好過份姐？