大打擊

上個星期有返學，
雖然今個星期仍然趕緊 Project，
今個星期點都要返去。
出奇地，
最近經常出差往內地，
好久沒有返學既毛同學都有返黎。
屈指一算，
我都好似走左成個月堂。

不過今日簡直係大打擊呀，
話說我好乖咁做晒功課，
上堂時交畀老師。
點知佢同我講：
「做乜現在先交？
下個星期考試，
我現在即刻改完畀返你啦！」

簡直係晴天霹靂，
我一路以為係再下星期先考試，
誰不知下星期就係。
幾本上係冇時間溫既，
睇黎又要補考，
又或者索性唔鬼考。

呢頭能力試都未必攪得惦，
個頭學內試又黎，
唔知呢 d 係咪叫福無雙至，
禍不單行呢？

---

Anyway，
毛同學原來係香港只係 Stay 多一個月左右。
十二月尾一月頭，
就要飛去唔知上海定北京。
係個度做四個月野，
有人管，
做左管理層，
希望佢前程錦繡啦。