背景音樂

我記得我之前講過，
我住那座大廈的升降機，
是有背景音樂的。
不過 d 音樂，
係 d 陳年舊曲，
舊既程度，
係我媽都嫌佢舊。

最慘仲係，
升降機係冇得較靜音，
亦即係話，
我日日都要受佢折磨……

最近乘升降機，
發覺入耳的音樂順耳左，
唔係因為聽慣，
而係佢換左音樂。

唔再係舊歌，
亦唔係粵曲，
或者係流行曲，
我相信個 d 係兒歌。

可能係近聖誕既關係啦，
我聽到歌詞應該係有少少關於聖誕既，
甚至係有少少似詩歌 Tim。
點解講到咁唔肯定呢？
因為我其實聽唔清楚佢唱乜。

一黎係好細聲，
二黎 d 詞我係未聽過既。

Anyway，
換歌都係一件好事黎既，
雖然唔知佢唱乜，
但總算係入得順耳丫。
可能係 d 歌冇咁舊，
又或者係比以前細聲，
所以就算鍾意又好，
唔鍾意都好，
唔會太大反感。