敬陪末席

旺角玩的那個打機聯賽，
輸了係要受罰的。
因為之前工作忙，
加上有時間都溫書既情況下，
被扣好多分，
所以今屆聯賽敬陪末席。
講真，
就算唔係扣左呢十八分，
我相信我都係包尾。

聯賽聚餐係燒野食，
去左美孚個頭燒，
出左地鐵站，
仲要行一段路先到。

到大家飲飽食醉。
就到餘興節目，
就係輸個三個表演（受罰）……

今次既表演節目係：
可樂送香蕉……
尾三那個食一條蕉加一罐可樂，
見佢食得好辛苦，
我不禁流下一滴汗。

其實我食蕉大既，
細細個已經好鍾意食蕉。
加上去定向比賽時，
蕉係一種幾好既食物，
所以食唔少蕉。

所以受罰前，
我曾經出 Post 話食蕉冇難度，
當時畀好多人話我看輕食蕉。

終於到我喇，
限時三分鐘，
食三條蕉加一罐可樂。
結果……

我好似唔駛兩分鐘就攪掂晒。
食完既感覺係：
d 蕉好生……