APOC 接力賽

今日係接力賽，
原本係最有信心既，
尤其是係低年齡組別個幾隊，
有機會爭獎牌，
不過……

今朝一早就去到賽事中心，
點知佢地要延遲一小時，
佢話個原因係交通問題。
不過，
個 Camp Site 係賽事中心附近，
步行都唔需二十分鐘，
咁究竟發生咩事呢？

唔通係係油麻地開過黎既大會旅遊巴 Delay 左？
但據我所知，
佢地係七點九集會，
八點開車，
斷估都唔會個幾兩個鐘都黎唔到，
更何況，
我地有 d 住香港個邊既都已經黎到。

現場所見，
似係未做好野多過大會交通安排 Delay，
希望唔好如傳聞所言，
因為工作人員等食早餐而 Delay 啦。

講返個賽事，
我覺得好「唔得」。
雖然賽事顧問睇過條 Cource 話冇問題，
但係我就唔完全同意。
舉個例，
我班十二歲組別既仔，
因為唔夠參賽單位既關係，
同十四歲組別合拼，
而佢地跑既 Course，
係同十六歲組別一模一樣！
越級挑戰冇問題，
不過條 Course 唔適合十二歲既小朋友跑。
長度 3 公里，
比佢地既長距離既長度 2 公里還要長！

比賽發生左唔少意外，
我想你地睇新聞都會睇到，
希望佢地快 d 康復。

跑完比賽，
即刻趕返觀塘返工，
又要做通頂 ><

至於成績？
排第十一，
輸我一個，
唉，好傷心……