DVD

好唔開心呀，
我鍾意睇戲，
更加鍾意入戲院睇戲。

係屋企睇，
不論係買碟、租碟定下載，
因為環境太舒服的關係，
好多時都會訓著。

係戲院睇，
除了唔易訓著之外，
螢幕之大，
音響之好，
亦係屋企或者流動產品畀唔到我既。

不過呢，
我愈黎愈唔想入戲院睇。
主要因為故事內容，
通常拍戲拍得長 d，
然後剪接成戲院版。

呢排 d 戲院版，
總係覺得好似有 d 唔完整咁。
最近睇報紙，
某某戲出 DVD，
內附刪剪片段。
睇完刪剪片段，
就會對故事更加理解，
亦都會解答某 D 問題云云。

咁即係點，
想我畀兩次錢？
好反感……

如果你話本身戲院版已經唔錯，
而 DVD 版係畀更多你，
我唔介意。
之但係戲院版唔得，
DVD 補完，
即係戲院版未盡力啦，
點可以咁架？