放假的一天

今朝十二點出左深水步，
同 OMUser 班網友去機鋪打機。
佢地打賽車多，
但我原全唔識玩，
結果都係打 KOF。
點零鐘去食野，
食完佢地話出旺角唱 K，
不過我冇去到，
因為今日 Plan 左上黃金買 Ram。
行晒三層黃金高登，
格完價，
個價位唔合心水，
結果冇買到。


之後過鴨寮街行，
係華輝撞到大衛黃同學。
陪佢係買零件，
我亦自己睇下野。
買左把卡尺玩，
祖國牌既膠制卡尺，
九蚊一把，
幾抵玩。


行到累，
過左西九龍飲杯野。
原本打算去 Cafe，
不過路過仙踪林，
就入左去。

不過呢間野 d Service 唔係好得，
坐低左成十分鐘都冇人理我地。
叫個 Waiter 過黎，
佢都仲呆頭呆腦唔知做乜，
要叫佢執枱畀 Menu 先識做。

叫左杯藍梅珍珠，
味道一般啦，
唔係話特別好飲。
飲完野，
就坐車返屋企了。