監視？

昨日發生左件好攪笑既事唔記得講。
話說我放工返到屋企樓下，
見到有個男人按緊大厦部對講機。
咁大厦個大閘唔係用鎖匙既，
一係就按某樓某號等開門畀你，
一係就入密碼。
咁我見佢入幾次密碼都開唔到門，
梗係有少少唔耐煩，
望住佢睇下係唔係白撞，
睇下佢想入到幾時啦。
咁跟住佢突然發爛渣，
講左句：「你按埋佢喇。」
就走左去。
咁我話知佢按密碼入去啦。


到我食完飯出門口返學事，
係大閘見到看更，
咁個看更同我都幾熟既。
佢同我講話那個人頭先向佢投訴，
話我係度監視佢 wor……

---

講返今晚，
返左 SOC 練跑。
不過因為夜收工關係，
去到都成七點九，
佢地已經跑完 2.4km 個測試。
咁結果我只是跑了衝山的接力跑，
2 個人一組，
每人跑七轉，
跑完好辛苦，
所以之後個「捉」我都冇參與。


返到屋企收到機票張 Invoice，
不過去程個轉機點都之前唔同既。
之前話經 New York，
等四個鐘就有機坐。
張 Invoice 寫既係經 LA，
要等八個鐘，
仲要發行時間都長左，
第二日六點先到。
幾大都唔制啦，
聽日打電話同佢講先。