東隧加價

東隧加了價都成個星期有多了。
一路都話好多「將會」唔用東隧轉用紅隧，
紅隧將會大塞車云云。
我原本好驚架，
我住佐敦，
公司在觀塘，
每日返工都要經加士居道和漆咸道。
其中一個入紅隧的路段，
就係漆咸道轉上康莊道橋面，
係加士居道天橋黎既車，
如果想入紅隧，
就要由最右線切過去最左線，
所以繁忙時間呢度都會幾塞車。
但係呢幾日返工，
冇塞不特止，
仲幾暢順 tim。

新聞話東隧流量整個星期下跌了二十二個百份點，
而紅隧及西隧卻只有少量贈福。
三條隧道的總流量卻下跌 6%，
減少了一千五百二十二架次。
五一黃金週剛過去，
繼續吹風話今日會大塞車，
結果呢？
返工亦然好暢順。


原來，
只要市民肯配合，
係會有效率好多既。
只要大家多 d 用公共交通工具，
唔好「一人一車」，
路面自然少了車，
交通亦會暢順很多。
紅隧也可以冇咁塞的。

咁其實，
東隧加價，
係壞事一件，
定其實是造福社會呢？